ЖКнын депутаты Бакыт Төрөбаев. Архив

Төрөбаев: премьер Абылгазиев Тажикстан тарапка катуу доомат койду

1833
(жаңыланган 12:07 19.09.2019)
Депутат бүгүнкү күндө чакан топ Тажикстанга (Душанбе шаарына) чек ара чатагы боюнча сүйлөшүүлөрдү жүргүзүү үчүн чыгып кеткендигин айтты.

БИШКЕК, 19-сен. — Sputnik. Баткендеги чек ара чатагы боюнча Кыргызстан тараптан Тажикстанга оор артиллерияларды колдонгондугу боюнча доомат коюлду. Бүгүнкү күндө Душанбеге сүйлөшүүлөрдү жүргүзүү үчүн чакан топ чыгып кеткен. Бул маалыматты ЖКнын депутаты Бакыт Төрөбаев чек ара чырын депутаттар жабык эшикте караган жыйындан кийин журналисттерге айтып берди.

"Тажик тараптан заставанын курулушу жүргүзүлүп баштаган. Биз тараптан да такталбаган тилкеге курулуш башталган. Кийинки сүйлөшүүлөргө чейин эки тараптын тең курулуштары токтотулду. Эки тараптын премьерлери сүйлөшүүлөрдү жүргүзгөндүгүн билесиңер. Кыргызстандын өкмөт башчысынын айтымында (Мухамедкалый Абылгазиев — ред.), Тажикстанга катуу доомат коюлду. Тажикстан тараптан миномет, оор артиллерия менен Кыргызстандын күзөт мунараларына, заставаларын атуу туура эмес деп айтылган", — деди Төрөбаев.

Парламентарий Абылгазиевдин айткандарына таянып маалымат берди.

Чек ара көзөмөл пункту. Архив
© Фото / пресс-служба правительства / Алишер Алиев
"Бул достук мамилеге жатпайт. Эгерде чек арачылар өз ара автомат менен атышуу болсо, түшүнүктүү болот эле. Ал эми бул жерде оор артиллерия колдонулган. Андан соң тажик премьер-министри окуя болгон жерлерди көргөн. Биздин өкмөт башчынын айтымына караганда (Мухамедкалый Абылгазиев — ред.), курулушту токтотуу боюнча тиешелүү тапшырмаларды берген. Бүгүнкү күндө чакан топ Тажикстанга сүйлөшүүлөрдү жүргүзүү үчүн чыгып кетти. Тажик тараптан кандайдыр бир талаптар болгондугун премьер-министр айткан жок", — деп кошумчалады Төрөбаев.

Эске салсак, Жогорку Кеңештин төрагасы Дастан Жумабеков кыргыз-тажик чек арасындагы абалды жабык эшик артында кароону сунуштаган.

Белгилей кетсек, 16-сентябрь күнү кечке жуук кыргыз-тажик чек арасында чыр чыгып, коңшу өлкөнүн чек арачылары Лейлек районундагы Максат жана Сай бекеттерине ок аткан. Анын кесепетинен бир жоокер каза таап, 13 киши жарадар болгон. Алардын ону Бишкектеги Травматология жана ортопедия борборуна алып келинсе, үчөө Лейлектеги ооруканада калды. Ал эми Тажикстан тараптан чек ара чырында үч киши каза болгондугу туурасында маалыматтар берилген.

Ал эми кечээ кечинде тажикстандыктар чырга себепкер болгон курулушту токтоткону белгилүү болду.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
1833
Белгилер:
депутат, кыргыз-тажик чек арасы, Жогорку Кеңеш, Лейлек району, Баткен облусу, Кыргызстан
Тема:
Максат жана Сай чек ара бекеттерине атылган ок (42)
Тема боюнча
Тажикстандыктар Кыргызстан менен чектешкен аймактагы курулуш иштерин токтотту
Депутаттар тартышып жатып чек ара маселесин жашыруун карамай болушту
Мурдагы президент Алмазбек Атамбаевдин уулу Кадыр Атамбаев. Архив

Башкы прокуратура Атамбаевдин уулунун билдирүүсүнө жооп берди

416
(жаңыланган 14:52 30.09.2020)
Башкы прокуратурадан түшүндүрмө беришип, прокурор тергөөчүгө кылмыш иши боюнча тапшырма бергенде мыйзамды бузган эмес деген жообун айтышты.

БИШКЕК, 30-сен. — Sputnik. Башкы прокуратуранын маалымат кызматы мурдагы президент Алмазбек Атамбаевдин кенже уулу Кадырдын билдирүүсүнө берилген жоопту таратты.

Буга чейин Кадыр Атамбаев интернетке видео жүктөгөн. Анда Тарых музейин реконструкциялоодогу коррупция боюнча ишти Башкы прокуратуранын бөлүмдөрүнүн биринин жетекчиси Арстанбек Боромбаев көзөмөлдөгөн, ал президент Сооронбай Жээнбековдун эжесинин уулу деген маалыматты айткан.

Боромбаев УКМКнын тергөөчүсүн иш республиканын жетекчисинин көзөмөлүндө турарын айтып коркуткан деген.

Кадыр Атамбаев Жээнбековдун эжесинин экинчи баласы Рустамбек Боромбаев Түштүк-Батыш бажысынын жетекчисинин орун басары экенин кошумчалап, президентке байланыштуу деп бир нече фамилияны атаган.

Башкы прокуратурадан Жазык-процессуалдык кодекстин 34-беренесинин негизинде прокурор иликтенип жаткан иштердин мыйзамдуу жүрүп жаткандыгын көзөмөлгө алууга укуктуулугун, ишти тергөөчүгө тапшырып, тергөөчүнүн билдирүүсүнө ылайык четке кагууга уруксат берип жана аны өзү да четтетүүгө укугу бар деп билдиришти.

Баш-аягы көрүнбөгөн карыз. Тарых музейинин ачылбай жаткан себептери айтылды

Мындан сырткары, прокурор тергөөчүгө процесстик иш-аракеттерди жүргүзүүгө, ишти иликтөөгө, кылмышты классификациялоого жазуу жүзүндө көрсөтмө берүүгө, белгиленгендерге туура келбесе тергөөчүнүн каршы пикирлерин карап чыгууга укуктуу экенин айтышты.

Аны менен катар эле БПдан прокурордун алгачкы текшерүү органдары менен тергөөгө арызды карап чыгуу боюнча берген тапшырмасы, кылмыш ишти, маалыматтарды иликтөө боюнча билдирүү Жазык-процессуалдык кодексте каралгандыгын билдиришкен. Бул аталган органдардын милдети экендигин кошумчалашкан.

Маалыматта 2018-жылы 26-сентябрда аталган көзөмөл орган тарабынан Тарых музейин реконструкциялоо боюнча кылмыш иши иликтенип чыкканы айтылат. Кодексте талап кылынгандай, иштин жагдайын ар тараптуу толук жана объективдүү иликтөөнү камсыздоо максатында тергөө иштерин жүргүзүү боюнча кат түрүндө тапшырма берилип, УКМКга жөнөтүлгөн.

Тергөөчүнүн прокурор берген көрсөтмөнү аткаруусу Жазык-процессуалдык кодекстин 36-беренесине ылайык келет. Аткарылбаган учурда ал өзүнөн жогорку кызматта турган прокурорго иштин жагдайын кагаз түрүндө түшүндүрүп, кайрылууга укуктуу.

УКМК: Тарых музейин оңдоодогу коррупциялык иштерде Атамбаевдин аты аталууда

Айтылган тапшырма боюнча жогорку кызматтагы прокурорго арыздануу иштин аткарылышын токтотуп калбайт. БПдан бул жаатта УКМКдан нааразылык келип түшпөгөндүгүн айтышты.

Боромбаев жөнүндө башкы көзөмөл органынан ал прокуратурада 1995-жылдан бери иштеп келе жаткандыгын, ар кыл кызматтарда эмгектенип, жетекчи да болгондугун айтышты.

2019-жылдын 30-декабрында өзүнүн арызы менен Башкы прокуратуранын бөлүм жетекчилигинен бошоп, кезектеги кадрлардын катарына калтырылган. БПдан аталган тармакта иштеген мезгилдери прокуратурага өтөгөн кызматы үчүн ведомстволук сыйлыктарга татыган деген маалымат беришти.

416
Белгилер:
коррупция, Тарых музейи, Башкы прокуратура, Кадыр Атамбаев, Кыргызстан
Тема боюнча
Иштебеген Тарых музейинин айланасына тосмо эмне үчүн коюлган? Расмий жооп
АКШ президенттигине кандидат Жо Байден. Архивдик сүрөт

Трамптан так талашкан Байден аны "Путиндин күчүгү" деп ачуусуна тийди

284
(жаңыланган 11:13 30.09.2020)
АКШда президенттик шайлоо ноябрдын башында өтөт. Трамп экинчи мөөнөт үчүн ат салышат, негизги атаандашы демократтардын өкүлү Жо Байден болмокчу.

БИШКЕК, 30-сен. — Sputnik. АКШ президенти Дональд Трамп менен алдыдагы шайлоодогу атаандашы Жо Байден биринчи дебатында эле кайым айтышып кетишти. Бул тууралуу "Известия" агенттиги жазды.

Саясатчылар сөз берилгенде бири-бирин күнөөлөп, ар кандай сындарды айта баштаган. Дебаттын жүрүшүндө демократтардан өлкө башчылыгына аттанган Жо Байден Трампты "Путиндин күчүгү" деп атады.

"Мен Россиянын президенти Владимир Путинге каршы туруп, анын айла-амалдарына барбай турганымды ачык билдиргем. А тиги (Трамп) — Путиндин күчүгү жадагалса америкалык аскерлердин кыйылган өмүрү үчүн бир нерсе талап кылып ооз ача албайт", — деген Байден.

Ал шайлоодо эмне үчүн америкалыктар ага добуш бериши керек деген суроого Трамптын жетекчилиги астында жарандар алсыз болуп, жакырланып, ошондой эле бөлүнүп-жарылууга, зордук-зомбулукка баргандыгын айткан.

Трамп: президенттик шайлоодо бир эле себеп менен утулуп калышым мүмкүн

Ошондой эле Байден Трамп коронавирус пандемиясында дүрбөлөңгө түшкөнүн жана дайыма калп айта берерин кошумчалаган. Президент болсо атаандашын ал 180 миллион кишини медициналык камсыздоодон кол жуудургусу келип жатканын жана негизи эле интеллекти төмөн экендигин айткан.

Дебаттын жүрүшүндө атаандашын сүйлөтпөй, улам сөзүн бөлө берген Трамптан Байден бир мүнөткө оозун жаап турушун суранган.

АКШда президенттик шайлоо 3-ноябрда өтөт. Трамп экинчи мөөнөт үчүн ат салышат. Так талашта ага демократтардын өкүлү, 77 жаштагы Жо Байден атаандаш болот.

284
Белгилер:
шайлоо, президент, дебат, Владимир Путин, Жо Байден, Дональд Трамп, АКШ
Тема боюнча
АКШ президенти Дональд Трамптын жээни аны сотко берип, себебин түшүндүрдү
Евробиримдик жана АКШ: Беларусь менен көйгөйлөрүн Польша өзү чечип алсын
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео