Чек ара. Архив

Өзбекстан менен Түркмөнстан чек арасын толук тактоого камынып жатат

(жаңыланган 15:07 07.10.2019)
Эки мамлекеттин делегацияларынын Каракалпакстан Республикасынын борборунда болгон жолугушуусунун жыйынтыгында макулдашыла элек жерди демаркациялоо боюнча документ даярдалган.

БИШКЕК, 7-окт. — Sputnik. Өзбекстан менен Түркмөнстан чек араны демаркациялоо боюнча документ даярдады. Эми ал парламенттер аралык комиссиянын жыйынында макулдашылышы керек. Бул тууралуу Өзбекстандын Тышкы иштер министрлиги билдирди.

Ага ылайык, Каракалпакстан Республикасынын борбору Нукус шаарында эки мамлекеттин чек ара боюнча өкмөттөр аралык комиссиясы жыйынга чогулган.

"Иш-чаранын жүрүшүндө тараптар демаркация боюнча нормативдик-укуктук жана техникалык документтерди иретке келтирип, аны өзбек-түркмөн өкмөттөр аралык комиссиясына алып чыгуу макулдашылды", — деп айтылат маалыматта.

СССР урагандан кийин Орто Азиядагы бир нече мамлекеттин чек арасы такталбай келет. Бүгүнкү күнү өзбек-түркмөн чек арасынын жалпы узундугу 1 650 чакырымды түзөт. Ташкент менен Ашхабад демаркация боюнча алгачкы макулдашууга 2000-жылы кол койгон. Арадан 17 жыл өтүп Шавкат Мирзиёев бийликке келгенден кийин чек араны тактоо аракети жанданган.

Мындай маселе Кыргызстанда да бар. Кытай жана Казакстан менен чек арасы толугу менен такталып бүтсө, Өзбекстан жана Тажикстан менен болгон чек аранын айрым такталбаган тилкелери бар. Мындан улам чектеш жашаган эки элдин ортосунда пикир келишпестиктер болуп келет.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Белгилер:
макулдашуу, документ, демаркация, чек ара, Түркмөнстан, Өзбекстан
Тема боюнча
Чыр чыккан Максат айылында кыргыз-тажик жаштары футбол ойноду. Видео
Кыргызстандын коңшулар менен эмне талашы бар. Чек ара боюнча атайын өкүл менен маек
Үзөңгү-Кууш Кытайга кантип өткөн? 1,5 кылымдык сүйлөшүүнүн тарыхы
УКМК төрагасы Камчыбек Ташиев. Архив

Ташиев Савайга барып жер берүүгө каршы чыккан эл менен жолукту

(жаңыланган 13:48 19.04.2021)
Жергиликтүүлөр Өзбекстанга берилет делген тилкеге 14-апрель күнү боз үйлөрдү тигип отуруп алышкан.

БИШКЕК, 19-апр. — Sputnik. Мамлекеттик чек араны делимитация жана демаркациялоо боюнча өкмөттүк комиссиянын жетекчиси, УКМК төрагасы Камчыбек Ташиев Кара-Суу районуна барып жер берүүгө каршы чыккан эл менен жолугушууда.

Аталган райондун Савай айыл өкмөтүнүн тургундары Кемпир-Абад суу сактагычынын айланасынан 50 гектар жердин Өзбекстанга берилишине макул болбой бир нече күндөн бер нааразычылык акциясын өткөрүп келген. Жергиликтүүлөр ал тилке суунун башы экенин, жайыт катары колдонуларын айтып, боз үйлөрдү тигип отуруп алышкан.

Учурда Ташиев менен айылдын миңге чукул жашоочусу жолугуп, талаптарын айтышууда.

Белгилер:
жолугушуу, Кара-Суу району, чек ара, жер, Камчыбек Ташиев
Тема боюнча
Билбей туруп мени сындап жатышат. Ташиев чек ара маселеси боюнча
Шайлоо комиссиясынын кызматкери КЭДП партиясынын табличкасын кармап турат

Каршы турабыз! КЭДП шайлоо жарышынан четтетилиши боюнча үн катты

(жаңыланган 12:55 19.04.2021)
Бишкектин аймактык комиссиясы бир катар себептер менен КЭДПны шайлоо жарышынан четтетүү чечимин кабыл алган.

БИШКЕК, 19-апр. — Sputnik. Шайлоо жарышынан четтетилген Кыргызстан элдик-демократиялык партиясы (КЭДП) Бишкектин аймактык комиссиясынын чечимине нааразычылыгын билдирип, "мыйзам бузуулар боюнча айтылган далилге ынанбаганын жар салды. Бул тууралуу билдирүү партиянын социалдык тармактагы баракчасына жарыяланды.

Эске салсак, Бишкектин аймактык комиссиясы шайлоо күнү добуш сатып алуу, үгүт иштерининин жол-жобосун бузуу, партиянын каржылоосу жана башка нерселер себеп болушу мүмкүн экенин айтып, КЭДПны шайлоо жарышынан четтетүү чечимин кабыл алган.

"Бизге мыйзам бузуулар боюнча күмөн санаткан далилдерди көрсөтүштү. Бирок бир дагы жолу добуш сатып алуу болгонун жарытылуу далилдеп бере алышкан жок. Өздөрү ойлоп тапкан эки мисалды бетке кармашты. Ал нерселер тастыкталып, эки шайлоо тилкесинде жыйынтык жокко чыгарылды деген күндө дагы добуш берүүнүн жалпы жыйынтыгына анчалык таасир бермек эмес", — деп айтылат билдирүүдө.

Ошондой эле партия мыйзамсыздыкка каршы туруп өз таламын талашарын кошумчалады.

Белгилер:
чечим, нааразычылык, жыйынтык, шайлоо, Бишкек
Тема:
Жергиликтүү кеңештерди шайлоо
Тема боюнча
Шайлоого келбегендерге чара көрүш керек. Депутаттын өзгөчө демилгеси видеодо
Душ кабинасы. Архив

Бишкектеги турак жайлардын көпчүлүгүндө 4 күн бою ысык суу болбойт

(жаңыланган 14:54 19.04.2021)
Маалыматка караганда, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

БИШКЕК, 19-апр. — Sputnik. Бишкектин жеке секторлорунда 21-24-апрель аралыгында ысык суу өчүрүлөт. Кеп "Бишкек жылуулук тармагына" кошулган үйлөр жөнүндө болуп жатканын муниципалитеттин маалымат кызматынан билдиришти.

Ага ылайык, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

"Ысык суу жеке секторлордо гана өчүрүлөт. Көп кабаттуу үйлөргө тиешеси жок", — дешти ишканадан.

Ысык сууга жеке сектордогу көптөгөн турак үйлөр кошулганы белгиленип, алардын бардыгында тең суу өчүрүлөрү эскертилди.

Белгилер:
ысык суу, үй, Бишкек
Тема боюнча
Эртең Бишкектин кээ бир жерлеринде муздак суу өчөт. Тизме
Жаан-чачындуу болот. Келерки аптанын аба ырайы