Президент Сооронбай Жээнбеков россиялык кесиптеши Владимир Путин менен. Архив

Владимир Путин 67 жашта. Сооронбай Жээнбековдун куттуктоосу

136
(жаңыланган 15:08 07.10.2019)
Россия лидери 1952-жылы 7-октябрда Санкт-Петербург шаарында туулган. Жээнбеков ага бекем ден соолук, жакшылык жана мамлекеттик ишмердүүлүгүндө ийгиликтерди каалады.

БИШКЕК, 7-окт. — Sputnik. Президент Сооронбай Жээнбеков россиялык кесиптеши Владимир Путинди туулган күнү менен куттуктады. Бул тууралуу өлкө башчынын маалымат кызматынан билдиришти.

"Сиздин акылдуу жана көп тармактуу саясатыңыз, алысты көрө билгендигиңиз, масштабдуу коюлган милдеттер, Россиянын ар тараптуу өнүктүрүүгө жана гүлдөп-өсүүсүнө багытталгандыгы Россия элинин жана жалпы дүйнөлүк коомчулуктун сый-урматына татыктуу. Сиздин жеке көңүл бурууңуз жана конструктивдүү колдооңуз менен кыргыз-орус кызматташтыгы өнүгүп, өлкөлөр ортосундагы мамилелер жаңы, сапаттуу деңгээлге чыкты", — деп айтылат куттуктоодо.

Президент Сооронбай Жээнбеков. Архивдик сүрөт
© Пресс-служба президента КР / Султан Досалиев
Ошондой эле Жээнбеков эки өлкөнүн көп кылымдык достугу мындан ары дагы стратегиялык өнөктөштүктү бекемдөө үчүн негиз катары кызмат кыларына ишенерин айтты. Куттуктоосунун аягында ал Путинге бекем ден соолук, жакшылык жана мамлекеттик ишмердүүлүгүндө ийгиликтерди каалады.

Белгилей кетсек, Россия лидери 1952-жылы 7-октябрда Санкт-Петербург шаарында туулган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
136
Белгилер:
Владимир Путин, Сооронбай Жээнбеков
Тема боюнча
Жээнбеков Путин менен жолугуп, ыраазычылык билдирди