Кыргызстандын мурдагы президенти Алмазбек Атамбаев жана анын тарапташы Алга Кылычев. Архив

Алга Кылычев Атамбаевге каршы көрсөтмө берип жатат. Адвокат чоо-жайын айтты

1860
(жаңыланган 18:17 08.10.2019)
Атамбаевдин колдоочусу Алга Кылычев кишилерди барымтага алуу жана массалык баш алмандык уюштуруу беренеси менен кармалган.

БИШКЕК, 8-окт. — Sputnik. "Кой-Таш" окуясы боюнча кармалган Алга Кылычев мурдагы президент Алмазбек Атамбаевге жана анын тарапташтарына каршы көрсөтмө берип жатат. Бул тууралуу Sputnik Кыргызстанга мурдагы президенттин адвокаты Замир Жоошев билдирди.

Анын айтымында, Кылычев  бир камерада өзү жалгыз отурат. Ал Атамбаевдин үзөңгүлөштөрү менен беттештирилген.

"Канат Сагымбаев, Амантур Жамгырчиев, Кундуз Жолдубаева, Мээрбек Мискенбаев менен Алга Кылычевди беттештирүү болду. Ал Баңгизатка каршы күрөшүү кызматынын убактылуу кармоочу жайында экен. Башкалар тергөө абагында отурат. Оюн өзгөртүп жибербесин деп өзүн жалгыз бир камерада кармап жатышыптыр. Тергөө органы аны колдонуп жатат. Бийликти басып алуу сыяктуу беренелер боюнча Атамбаевге да каршы көрсөтмө бериптир. Күбөлөрдүн ичинен бир эле Кылычев менен беттештирүүлөр болууда. Ошонун негизинде каршы көрсөтмө берип жатканы билинди. Бүт баарын айыптап жатканын өзүбүздүн маалымат булактарыбыз да айтууда", — деди жактоочу.

Жоошев ошондой эле Кылычев тергөө менен кызматташып, эркиндикти сурашы мүмкүндүгүн билдирди.

Мурдагы президент Алмазбек Атамбаев. Архивдик сүрөт
© Пресс-служба президента КР / Султан Досалиев
Соңку ирет 30-сентябрда болгон сот отурумуна Кылычевдин жактоочусу келбегендиктен судья анын камакта кармоо маселесин кароодон баш тартып, тергөө абагында калтырылган. Атамбаевдин калган үзөңгүлөштөрүн 9-декабрга чейин тергөө абагына киргизген.

Эскерте кетсек, 7-августта кечинде УКМКнын атайын даярдыктагы аскери Алмазбек Атамбаевди Кой-Таштагы үйүнөн кармоого аракет кылып, бирок тарапташтарынын каршылыгынан улам ишке ашкан эмес. Эртеси, 8-августта, укук коргоо органдары кайрадан операция жүргүзүп, Атамбаев багынып берген.

Аны менен кошо мурдагы президенттин колдоочулары Фарид Ниязов, Амантур Жамгырчиев, Манас Шаменов, Рысбек Карыпбек уулу, Канат Сагымбаев, Кыяз Смайловдор камакка алынган. Мындан сырткары, бир топ тарапташы сурак берүүдө, айрымдары үй камагына алынды.

Алар массалык баш аламандык уюштуруу, адам өлтүрүү жана кишилерди барымтага алуу беренеси боюнча айыпталууда.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
1860
Белгилер:
Алга Кылычев, Алмазбек Атамбаев, көрсөтмө, сурак, тергөө
Тема:
Алмазбек Атамбаевдин кармалышы (97)
Тема боюнча
Кой-Таштагы окуя: камакка алынгандар менен суракка чакырылгандардын тизмеси
Атамбаевдин жан сакчысы Канат Сагымбаев камакта калтырылды
Жогорку Кеңештин имараты. Архивдик сүрөт

ЖК депутаттыгына талапкер кандай критерийлерге жооп бериши керек. Тизме

250
(жаңыланган 18:29 14.08.2020)
Шайлоого катышуу үчүн талапкерлердин тизмесин берүүгө бир аптадан азыраак убакыт калды. Канча жаштан тарта шайлоого катышса болот, мурда соттолгондор эмне кылат? Ушул жана башка суроолорго жооп издедик.

20-августта шайлоого катышууну каалаган партиялар тизмесин аныктап, кийинки төрт күндүн ичинде БШКга тапшыруусу зарыл.

Sputnik редакциясы мыйзамга көз жүгүртүп, талапкерлерге жана партияларга кандай талаптар болорун эске салды.

Парламенттик шайлоонун үгүт иштерине ырчы-чоорчулар катыша албайт. Себеби

Депутаттыкка талапкер:

  • шайлоо күнү талапкер жок дегенде 21 жашка толгон болушу керек;
  • КР жараны болушу зарыл;
  • башка өлкөнүн жараны талапкер боло албайт;
  • бир киши бир гана партиянын тизмесине киргизилет;
  • соттун чечими менен акылынан ажыраган, ойлонууга жөндөмсүз деп табылган жарандар жана кылмыш жоопкерчилигин өтөп жаткан адамдар шайлоого катыша албайт;
  • мурда соттолгон болсо, жаза мөөнөтүн өтөп бүтүшү зарыл.

Тизмеге карата талаптар:

  • талапкерлердин жалпы саны 75тен көп, 200дөн аз болушу керек;
  • бир жыныстагы талапкерлер 70 пайыздан көп болбошу керек, мында саясий партиялардан көрсөтүлгөн аял жана эркек талапкерлердин тизмесиндеги кезектешүү айырмасы үч позициядан ашпоосу зарыл;
  • 35 жаштан ашпаган талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши керек;
  • ар кандай этносторго таандык талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши шарт;
  • кеминде 2 талапкер ден соолугу жагынан мүмкүнчүлүгү чектелген адамдардан болуусу, мында булардын бири биринчи 50 талапкердин тизмесине киргизилиши керек.

Эске салсак, тизмени БШК карап чыгып, аны кабыл алууга же баш тартууга укуктуу.

Парламенттик шайлоого катышууну каалаган партиялардын кожоюндары кимдер? Тизме

Талапкерлиги коюлгандан баштап шайлоонун жыйынтыгы чыккыча жаран төмөндөгү учурларда ишмердүүлүгүн токтотуусу зарыл:

  • мамлекеттик кызматкер (ЖК депутаты же президент болбосо);
  • муниципалдык кызматкер (жергиликтүү кеңештин депутаты болбосо);
  • мамлекеттик, муниципалдык мекеменин же мамлекеттин үлүшү 30 пайыздан жогору мекеменин жетекчиси;
  • ЖМК кызматкери;
  • бир партия 65тен көп мандат ала албайт.

Жогорку Кеңешке шайлоо 4-октябрь күнү өтөт. Ага катышуу ниетин 44 партия билдирген, бирок бир нечеси эмитен эле өз ыктыяры менен баш тартууда.

250
Белгилер:
мыйзам, талапкер, парламент, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Добуш сатып алууга каршы күрөш. Жээнбеков мыйзамга кол койду
Сахнадагы адам. Архив

Парламенттик шайлоонун үгүт иштерине ырчы-чоорчулар катыша албайт. Себеби

436
(жаңыланган 17:12 14.08.2020)
Бир катар талаптар КРдеги айрым мыйзамдарга өзгөртүүлөр киргизилгенден кийин кабыл алынган. Ага ылайык, талапкерлер концерт, спорттук иш-чараларды уюштура албайт.

БИШКЕК, 14-авг. — Sputnik. Күздөгү шайлоодогу үгүт иштерине ырчылар катыша албайт. Бул тууралуу БШКнын маалымат кызматынан кабарлашты.

Билдирүүгө ылайык, бир катар мыйзамдарга өзгөртүүлөр киргизилгендиктен, үгүт иштеринде концерт, спорттук иш-чараларды уюштурууга тыюу салынган.

Парламенттик шайлоого катышууну каалаган партиялардын кожоюндары кимдер? Тизме

"Шайлоо алдындагы үгүт иштери маалында коомдук иш-чараларды өткөрүүдө көчөдө, стадиондордо концерт, театралдаштырылган оюн-зоок, спорттук мелдештерди өткөрүүгө тыюу салынат. Мындай талаптар "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" конституциялык мыйзамындагы өзгөртүүлөрдө киргизген. Андыктан ырчылар шайлоо процессине жаран катары эле катышат, үгүт ишине катыша албайт", — деп БШКдан маалымдашты.

Добуш сатып алууга каршы күрөш. Жээнбеков мыйзамга кол койду

Борбордук шайлоо комиссиясынан талапкерлердин үгүт иштерине теледен берилүүчү акысыз убактысы узартылгандыгын кошумчалады.

Буга чейин бир катар маданият кызматкерлери депутаттыкка талапкерлердин үгүт ишине катышпай турганын билдирип чыгышкан.

Кыргызстанда парламенттик шайлоо үстүбүздөгү жылдын 4-октябрында өтүп, эл Жогорку Кеңештин VII чакырылышынын депутаттарын тандайт.

436
Белгилер:
үгүт иштери, үгүт, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Шайлдабекова: шайлоо өткөрүүгө санитардык каражаттар колдоо катары келет
Спутник V россиялык вакцинасы. Архивдик сүрөт

COVID-19: россиялык вакцинанын каршы көрсөтмөлөрү айтылды

0
(жаңыланган 10:39 15.08.2020)
Алгачкы вакцина жаныбарлар менен адамдарга сыналды. Баарында тең коронавируска иммунитет пайда болгон.

БИШКЕК, 15-авг. — Sputnik. Россиянын Саламаттык сактоо министрлиги коронавирус вакцинасынын каршы көрсөтмөлөрүн атап бергенин "Известия" жазды.

Басылма каттоодон өткөн препараттын инструкциясына таянган.

Каршы көрсөтмөлөрдүн катарында вакцинанын курамындагы айрым компоненттерге сезимталдык, инфекциялык жана инфекциялык эмес дарттар, өнөкөт оорулардын күчөшү бар. Мындан тышкары, кош бойлууларга, бала эмизген келиндерге жана жашы жете электерге эмдөө жасатууга болбойт. Биринчи компоненти сайылгандан кийин адамдын абалы оорлоп кетсе, ага экинчисин саюуга тыюу салынат.

"Спутник V". Россиялык вакцинага 20 өлкө кызыгууда. Видео

Эскерте кетсек, буга чейин РФ президенти Владимир Путин коронавирустук инфекцияга каршы алгачкы вакцина каттоодон өткөнүн жар салган. Препарат Коргоо министрлиги жана Гамалея атындагы илим изилдөө борбору тарабынан адамдын аденовирусунун негизинде жасалып, "Спутник V" деген аталыш алган. Алгач жаныбарлардын бир нече түрүнө, андан соң 76 ыктыярчыга сыналган. Баарында коронавируска каршы иммунитет пайда болуп, вакцина коопсуздугун жана натыйжалуулугун далилдеген. Тестке катышкандардын баары ал-абалы жакшы экенин айтышкан болчу.

0
Белгилер:
анализ, сыноо, көрсөтмө, вакцина, Россия
Тема:
Дүйнөгө жайылган коронавирус
Тема боюнча
Коронавируска каршы вакцина: гениалдуу нерсенин баары жөнөкөй
Каттоодон өткөн россиялык вакцина жапырт колдонууга качан чыгары айтылды