Жогорку Кеңештин экс-спикери Асылбек Жээнбеков. Архив

КСДП мүчөсүнүн Асылбек Жээнбеков боюнча кайрылуусу Аскер прокуратурасына жөнөтүлдү

916
(жаңыланган 23:25 22.10.2019)
21-октябрда Башкы прокуратурага КСДПнын мүчөсү Темирлан Султанбековдон интернет-кайрылуу келип түшкөн. Ал экс-спикерди Жазык кодексинин эки беренеси менен жоопко тартууну жазган.

БИШКЕК, 22-окт. — Sputnik. КСДПнын мүчөсү Темирлан Султанбековдон экс-спикер Асылбек Жээнбековду кылмыш жоопкерчилигине тартуу боюнча Башкы прокуратурага түшкөн интернет-кайрылуу Аскер прокуратурасына жөнөтүлдү. Бул тууралуу көзөмөл органдын маалымат кызматы кабарлады.

Башкы прокуратурадан 21-октябрда Султанбековдон экс-спикер Асылбек Жээнбековду Кылмыш кодексинин 304  ("Кызмат абалынан кыянаттык менен пайдалануу") жана 316-беренесинин ("Шалаакылык") негизинде кылмыш жоопкерчилигине тартуу боюнча интернет-кайрылуу келип түшкөндүгүн белгилешти.

Башкы прокуратуранын маалыматына караганда, Султанбеков мурдагы спикер Жогорку Кеңештин регламентинин жоболорунун бирин бузду деп эсептеген.

22-октябрда аталган кайрылуу Аскер прокуратурасына Бишкек ТЭЦин модернизациялоодогу коррупция фактысын  иликтөө ишинин алкагында кароого жөнөтүлгөнү айтылды.

916
Белгилер:
Аскердик прокуратура, КСДП фракциясы, Асылбек Жээнбеков, Кыргызстан
Тема боюнча
Президент Жээнбеков сотторду тозоктон коркууга чакырды. Видео