Президент Сооронбай Жээнбеков 2-ноябрда, ЖМКнын жетекчилери менен болгон жолугушуусунда билдирди.

Эч кимди аябайм! Жээнбеков сот реформасы кандайча жүрүп жатканын айтты

1112
(жаңыланган 15:24 02.11.2019)
Мамлекет башчы бүгүн жалпыга маалымдоо каражаттарынын жетекчилери жана кабарчылары менен жолукту. Иш-чара суроо-жооп форматында өткөн.

БИШКЕК, 2-ноя. — Sputnik. Сот реформасын аягына чыгаруу үчүн аябай катуу талаптар коюлат, эч кимди аябайм. Бул туурасында президент Сооронбай Жээнбеков бүгүн, 2-ноябрда, ЖМКнын жетекчилери менен болгон жолугушуусунда билдирди.

Мамлекет башчыга "Сиз сот реформасын жүргүзүп жаткан бешинчи президентсиз. Бирок укук коргоо жана сот органдары реформаны ишке ашыргысы келбей жаткандай. 2021-2022-жылдары жыйынтыгын көрө алабызбы?" деген суроо берилген.

"Сот реформасы боюнча иштеп жаткан жумушчу топко эксперттерди, тажрыйбасы көп адистерди тартып жатабыз. Эгер кайсы бер жеринде дал келбестиктер болуп калса, тез арада оңдойбуз. Реформаны жүзөгө ашырууга аябай катуу талаптар коюлат, эч кимди аябайм! Бул процессти жеке өзүм көзөмөлгө алгам. Сот системасында ачык-айкындуулукту орнотобуз. Антпесек Кыргызстан эффективдүү өнүгүү жолуна түшө албайт", — деди Жээнбеков.

Ошондой эле ар кандай себептерден улам реформа аягына чыкпай калат деген кооптуулук бар экенин белгилеп, бирок бүтүрүүгө дарамети жетерин билдирди.

1112
Белгилер:
ЖМК, Сооронбай Жээнбеков, кооптуулук, сот
Тема боюнча
Жээнбеков сотторго: маселени ишке ашырмайын тынч уктайм деп ойлобогула!
Депутаттар сот реформасы үчүн корогон акчанын чоо-жайына кызыгууда