Кыргызстандын президенти Сооронбай Жээнбеков

Матраимов, Атамбаев, шайлоо, коррупция... Жээнбековдун жооптору

1190
(жаңыланган 15:46 03.11.2019)
Сооронбай Жээнбеков 2-ноябрда Кыргызстандагы ЖМК жетекчилери менен жолукту. Жалпысынан бул жыйынга 42 журналист катышты. Анда президент сот реформасы, коррупцияга каршы күрөш, ички саясий абал, экономика сыяктуу тармактар боюнча суроолорго жооп берди.

"Эч кимди аябайм"

Суроо-жооп форматында өткөн жыйында Жээнбековго "Сиз сот реформасын жүргүзүп жаткан бешинчи президентсиз. Бирок укук коргоо жана сот органдары реформаны ишке ашыргысы келбей жаткандай. 2021-2022-жылдары жыйынтыгын көрө алабызбы?" деген суроо берилген.

Президент сот реформасы боюнча иштеп жаткан жумушчу топко эксперттер, тажрыйбасы мол адистер тартылып жатканын белгиледи.

"Реформаны жүзөгө ашырууга аябай катуу талаптар коюлат, эч кимди аябайм! Бул процессти жеке өзүм көзөмөлгө алгам. Сот системасында ачык-айкындуулукту орнотобуз. Антпесек Кыргызстан эффективдүү өнүгүү жолуна түшө албайт", — деди Жээнбеков.

Ал ошондой эле ар кандай себептерден улам реформа аягына чыкпай калат деген кооптуулук бар экенин белгилеп, бирок бүтүрүүгө дарамети жетерин билдирди.

Матраимовдор...

Сооронбай Жээнбеков Бажы кызматынын төрагасынын мурдагы орун басары Райым Матраимовдун мүлкү жөнүндөгү маалыматтар чет өлкөдөн да такталып жатканын айтты.

Анын айтымында, Матраимовдун өзү да, бир туугандары да текшерилип, февралдан бери иш жүрүп жатат.

Мамлекет башчысы ЖМК өкүлдөрүнө коррупция тууралуу сөз болгондо факты менен сүйлөөнү сунуштап, аны менен күрөшүүдө эч ким кечирилбей турганын белгиледи.

Кой-Таш окуясы, экс-президенттин кол тийбестиги

Жолугушууда президентке Кой-Таш окуясы боюнча суроо берилип, "7-апрелде ишке ашпай калган окуя боюнча күч түзүмдөрүнөн кимдир бирөө жазаланышы керекпи?" деген собол узатылды.

Жээнбеков учурда атайын түзүлгөн комиссия иштеп жатканын айтып, жеке оюн билдирсе туура эмес болуп каларын белгиледи. Себеби жеке пикирин билдире турган болсо, "ишке кийлигишип жатат" дегендер болушу ыктымалдыгын кошумчалады.

Мындан сырткары, экс-президенттердин кол тийбестигинин алынышы боюнча пикирин билдирди.

"Мен дагы өз келечегимди ойлошум керек, кийин мага да суроолор жаралбагыдай иштешим кажет. Кол тийбестик болсо президент кезиңде каалаганыңды калчоого жол ачат. Менин да үй-бүлөм бар, менден кийин да бирөө келет. Эми мен да туура эмес иш жасасам, тиешелүү жазаны алам. Ошондо гана өлкөдө тартип болот", — деди президент. 

"Ата-Түрк" паркындагы жери

Бишкектин чок ортосундагы "Ата-Түрк" паркынан жер тилкелери учурунда бир катар аткаминерлерге берилип кеткени маалым. Убагында мындай жер тилкеси Жээнбековго да берилген. ЖМК жетекчилери менен болгон жолугушууда президент ушул боюнча да жооп берди.

"Эл өкүлдөр жыйынынын депутаты болуп турган кезде парктан жер тилкеси берилген. Бирок мен ал жерге үй салган эмесмин. Ал убакта балдарым жаш болчу, үч бөлмөлүү батирде жашачубуз. Турак жай курууга муктаждык жок эле. Кийин оппозицияга өттүм, 2007-жылы Ошко кеттим. Ошондо менин жер тилкем башка бирөөгө берилген. Ал дароо эле сатып жибериптир. Кийин мага компенсация төлөнгөн", — деди Жээнбеков.

Ал ошондой эле далилдөөчү документтери бар экенин айтып, кызыккандар болсо көрсөтүүгө даяр экенин билдирди.

Бийликтеги туугандары тууралуу

Жээнбеков эл кландык башкарууну баштан өткөргөнүн айтып, андайга жол бербей турганын белгиледи.

"Мен кландык башкарууга, аялы, балдары аралашкан саясатка күбө болгом, андайга жол бербейм. Мен такыр башкача тарбия алгам. 12 жылдан бери намаз окуйм. Биз бир туугандар бири-бирибиздин ишибизге эч качан аралашпайбыз, бирок керек болгон учурда жардам беребиз. Менин туугандарым аркылуу кайсы бир ишин бүтүрүүгө аракет кылгандарга да чара колдоном. Эгер туугандарым кайсы бир ишке аралашып жаткан фактылар болсо айткыла! Жаңылыктарды көрүп, гезиттерди окуп турам, кабардар болом", — деди ал.

Сооронбай Жээнбеков буга чейин 11 бир тууган экенин, анын 8и азыр бар экенин айткан. Учурда агасы Жусупбек Шарипов — Кыргызстандын Украина, Молдова, Румыния жана Болгариядагы элчиси. Иниси Асылбек Жээнбеков — Жогорку Кеңештин депутаты.

Кайрадан президент болуу ниети жана шайлоо босогосу тууралуу

Президент Конституцияны өзгөртүү үчүн референдум өткөрүп, президенттик укуктарды кеңейтүү боюнча эч кандай аракеттер көрүлбөй турганын айтты.

"Президенттик мөөнөтүмдү узартуу үчүн Баш мыйзамга өзгөртүү киргизүү боюнча эч кандай референдум өтпөйт. Менин максатым — өз мөөнөтүмдү иштеп бүтүп, бийликти жаңы президентке өткөрүп берүү", — деди ал.

Шайлоо босогосу тууралуу

Жээнбеков шайлоо босогосу тууралуу пикирин коомдо жана парламентте болуп жаткан талкуулардан кийин билдирерин айтты.

Белгилей кетсек, Жогорку Кеңештин депутаттары шайлоо босогосун 9 пайыздан 5 пайызга чейин түшүрүүнү сунуштап жатат. Тийиштүү мыйзам долбоору коомдук талкууга коюлду.

Долбоордун негиздемесинде шайлоо босогосу алгач 5 пайыздан 7 пайызга чейин көтөрүлүп, 2017-жылы босого чеги 9 пайызга чейин жогорулатылганы жазылат. Эгер 2015-жылкы парламенттик шайлоодо 9 пайыздык босого чеги колдонулганда, азыркы парламентке "Бир Бол" жана "Ата Мекен" партиялары өтпөй калмактыгы белгиленген.

1190
Белгилер:
ЖМК, коррупция, маалымат жыйын, Сооронбай Жээнбеков
Тема боюнча
Аралашчу болсо мага айткыла! Жээнбеков бийликтеги туугандары тууралуу
Жээнбеков: "Ата-Түрк" паркынан жер берилген, бирок үй курган эмесмин
Жээнбеков кайрадан президент болор-болбосу тууралуу айтты
Минскиде турган шайлоо плакаты

Бүгүн Белоруссияда президенттик шайлоо болуп жатат

90
(жаңыланган 12:49 09.08.2020)
Бул шайлоо кампаниясында добуш берүү үчүн бардыгы болуп 5 767 шайлоо участкасы ачылган. Анын 44ү чет өлкөлөрдө.

БИШКЕК, 9-авг. — Sputnik. Белоруссияда президенттик шайлоодо добуш берүү үчүн шайлоо участкалары ачылганын РИА Новости жазды.

Негизги добуш берүү күнү, 9-августта, шайлоо участкалары 8.00дөн 20.00гө чейин иштейт. Бул шайлоо кампаниясында добуш берүү үчүн бардыгы болуп 5 767 шайлоо участкасы ачылган. Анын 44ү чет өлкөлөрдө. Алар 36 өлкөдөгү Белоруссиянын элчилигинде жана башкы консулдуктарында иштейт.

Капа болом. Лукашенко кайрадан президенттик шайлоого катышат

Президенттик кызмат орунга бул сапар беш киши талапкер болууда. Алар: алтынчы мөөнөткө аттанып жаткан Александр Лукашенко, парламенттин төмөнкү палатасынын экс-депутаты Анна Канопацкая, “Чындыкты айт” (“Говори правду”) коомдук бирикмесинин тең төрагасы Андрей Дмитриев, “Грамада” Белоруссия социал-демократтар партиясынын төрагасы Сергей Черечень жана жумушсуз Светлана Тихановская.

Светлана Тихановская - учурда кылмыш иши козголуп камакта жаткан белгилүү блогер Сергей Тихановскийдин жубайы. 

Мындан сырткары, бюллетенге "баарына каршы" графасы да киргизилген.

Лукашенко Белоруссияны 26 жылдан бери башкарып келет.

90
Белгилер:
Александр Лукашенко, президенттик шайлоо, Белоруссия
Тема боюнча
Трамп ноябрга белгиленген президенттик шайлоону жылдырууну сунуштады
Ош шаары. Архив

Ош облусун Жылкыбаевдин орун басары Юсупов жетектеп турмай болду

296
Бүгүн облус жетекчиси шайлоого аттанып жаткандыктан кызматтан кетүү арызын жазган. Өкмөт башчы анын арызын кабыл алып, милдетин орун басарына жүктөдү.

БИШКЕК, 8-авг. — Sputnik. Өкмөттүн Ош облусундагы ыйгарым укуктуу өкүлү болуп убактылуу Байыш Юсупов дайындалды. Бул тууралуу өкмөттүн маалымат кызматы кабарлады.

Тиешелүү чечимге премьер-министр Кубатбек Боронов кол койду.

Ысык-Көлдүн мурунку башчысы Акылбек Осмоналиев башка ишке которулду

Эске сала кетсек, буга чейин Ош облусунун жетекчиси Узарбек Жылкыбаев шайлоого аттанып жаткандыктан кызматтан кетүү арызын жазган.

Боронов анын арызын кабыл алып, убактылуу милдетин аткарат деп биринчи орун басары Байыш Юсуповду дайындады.

296
Белгилер:
дайындоо, өкмөт, Узарбек Жылкыбаев, Байыш Юсупов, Кубатбек Боронов, Ош
Тема боюнча
Бишкектин вице-мэри Кузнецова кызматтан кетип, ордуна Мозгачева келди
Ош облусунун башчысы Узарбек Жылкыбаев кызматтан кетти
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

0
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

0
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды