Жогорку Кеңештин депутаты Асылбек Жээнбеков. Архив

Асылбек Жээнбековдун кирешеси бир жылда 3 эсе азайып кетти

1640
(жаңыланган 15:46 21.11.2019)
Депутаттын учурда көп сандагы малы, 350 миң сомго бааланган бал челеги жана ишенимдүү башкарууга өткөрүп берген компаниялары бар.

БИШКЕК, 21-ноя. — Sputnik. Өткөн жылы Жогорку Кеңештин депутаты, КР президенти Сооронбай Жээнбековдун бир тууган иниси Асылбек Жээнбеков 3 миллион 48 миң сом киреше тапкан. Бул туурасында Салык кызматы жарыялаган декларацияда айтылат.

Белгилей кетсек, 2017-жылы депутаттын кирешесинин суммасы 9,5 миллион сомго жеткен болчу. 2018-жылы анын киреше булагы үч эсеге азайып кеткени байкалат.

Мурда аткаминерлер жана депутаттар кирешесин негизги иштеген жумушунан жана кошумча булактардан канча тапканын бөлүп көрсөтүшчү. Бирок соңку жылдары эмнегедир кирешенин жалпы суммасы эле жазылып жатат.

Декларацияга ылайык, Жээнбеков 1500 чарчы метрлик үйгө ээлик кылат. Учурда курулуп жаткан 3500 чарчы метрлик объектиси жана башка 9700 чарчы метр конструкциялары бар. Ошондой эле "Бий-Мырза" ЖЧКсынын 100 пайызын, "Алтын-Көл" акционердик коомундагы 91 пайыздык үлүшүн, Айдарова Г.К деп аталган ишкананы ишенимдүү башкарууга өткөрүп бергени айтылат.

Эл өкүлү 350 миң сомго бааланган жылкынын, 440 миңдик бодо малдын, 250 миң сомдук кой-эчкинин ээси. Андан тышкары, 350 миң сомдук бал челек кармап, 210 миң сом турган акцияга ээлик кылат. Жалпы наркы 410 миң сом турган эмереги жана 135 миң сомдук тиричилик техникасы, 170 миң сомдук фото, аудио-видеотехникасы жана башка 295 миң сомдук кыймылдуу мүлкү бар.

Ал эми жакын туугандары 350 миң сом (2017- жылы 476 миң сом) иштеп тапкан. Toyota Land Cruiser үлгүсүндөгү жолтандабас айдайт. Баалуу металлдарынын баасы 480 миң сом, эмерек, тиричилик, фото, аудио-видео жана башка техникаларынын наркы 550 миң сомго жетет.

1640
Белгилер:
киреше, декларация, депутат, Асылбек Жээнбеков
Тема боюнча
Үч үйүр жылкы, 500 кой-эчки. Өкмөт башчы Абылгазиевдин кандай байлыгы бар
Жогорку Кеңештин жыйыны. Архив

ЖК депутаттары 200 миң сом өлчөмүндө эмгек өргүү акчасын алганбы? Түшүндүрмө

231
(жаңыланган 01:04 09.07.2020)
ЖКнын маалымат кызматынын башчысы пандемияга байланыштуу парламент чыгашаларды азайтып жаткандыгын жазды.

БИШКЕК, 9-июл. — Sputnik. Жогорку Кеңештин депутаттары 200 миң сом өлчөмүндө эмгек өргүү акчасын алган эмес. Бул тууралуу парламенттин маалымат кызматынын башчысы Ибраим Нуракун уулу билдирди.

Буга чейин социалдык түйүндөрдө депутаттар эмгек өргүүсүнө чыкканда 200 миң сомдон акча алгандыгы тууралуу маалыматтар тараган.

"Депутаттарга Эмгек кодекстин негизинде айлык тиет. Төрага 30 миң сом, вице-спикерлер 27 миң сомдон, депутаттар 25 500 сомдон айлык алат. Мыйзам боюнча эмгек өргүүсүндө төлөнчү акча айлыктан ашпашы керек. Ошондуктан 200 миң сомдон алды деген маалымат туура эмес жана чындыкка дал келбейт", — деди Ибраим Нуракун уулу.

Төрага Дастан Жумабеков дарыканаларды кыдырып, бааларды тизмектеп чыкты. Видео

Анын айтымында, эл өкүлдөрү жана ЖК аппаратынын кызматкерлеринин маянасы банктык картага которулат.

"Демек, 200 миң сомдук ведомостко кол коюп жатканын көрдүм деген дагы туура эмес маалымат", — деп жазган өз постуна.

Нуракун уулу пандемияга байланыштуу парламент чыгашаларды азайтып жаткандыгын баса белгилеп, спикердин тапшырмасы менен сатып алуулар, командировка жана оңдоо иштери токтотулгандыгын кошумчалады.

231
Тема боюнча
Бишкекте ишкерлер менен ЖК депутаттары 5 күндүзгү стационар ачат
Депутат Сурабалдиеванын бир айлык маянасына дарыгер эмнелерди сатып алды. Сүрөт
Жогорку Кеңештин шайлоо босогосун азайткан мыйзамга Жээнбеков кол койду
Саламаттыкты сактоо министри Сабиржан Абдикаримов. Архив

Саламаттык сактоо министри менен анын орун басары ооруп, учурда дарыланууда

179
(жаңыланган 09:35 09.07.2020)
Каратаев жетекчиси менен дагы бир орун басардын так диагнозун, кайсы ооруканада дарыланып жатканын айткан жок.

БИШКЕК, 9-июл. — Sputnik. Саламаттык сактоо министри Сабиржан Абдикаримов, анын орун басары Нурболот Үсөнбаев ооруп жатат. Бул маалыматты министрдин дагы бир орун басары Мадамин Каратаев тастыктады.

Анын айтымында, экөө тең дарыланууда жана учурда абалы жакшы.

Каратаев кесиптештеринин так диагнозун, кайсы ооруканада дарыланып жатканын айткан жок.

Учурдун талабы! Боронов эмгек өргүүдөгү дарыгерлерден ишке чыгуусун өтүндү

Буга чейин айрым жергиликтүү жалпыга маалымдоо каражаттары Сабиржан Абдикаримов менен Нурболот Үсөнбаевдин ооруканага жатканын жазып чыгышкан.

Эске салсак, саламаттык сактоо министринин орун басары Үсөнбаев бир нече күндөн бери теледен брифингге чыга элек. Ал эми министр Абдикаримов соңку ирет мындан үч күн мурда Коопсуздук кеңешинин жыйынында онлайн-отчёт берген.

179
Белгилер:
Нурболот Үсөнбаев, Сабыржан Абдикаримов, оорукана, КР Саламаттык сактоо министрлиги, Кыргызстан
Тема боюнча
Учурдун талабы! Боронов эмгек өргүүдөгү дарыгерлерден ишке чыгуусун өтүндү
Облустар ооруну ооздуктоого кандай даярдык көрүүдө. Ачылган стационарлар
Гвоздика гүлдөрү. Архив

COVID: Казакстанда 13-июль аза күтүү күнү деп жарыяланды

0
Коңшу өлкөнүн башчысы эч кимди кароосуз калтырбай, ар бир казакстандыктын ден соолугуна кам көрүлөрүн убадалады.

БИШКЕК, 9-июл. — Sputnik. Казакстандын президенти Касым-Жомарт Токаев 13-июлду коронавирустан каза болгондорго байланыштуу Улуттук каза күтүү күнү деп жарыялады. Бул туурасында Sputnik Казакстан агенттиги жазды.

Токаев казакстандыктарды эл башына оор сыноо келип турганда жоопкерчиликтүү, кайраттуу жана сабырдуу болууга чакырган.

"Тилекке каршы, оору казакстандыктардын өмүрүн алып кетүүдө. Берилген расмий маалыматтардын артында жүздөгөн үй-бүлөнүн трагедиясы жатат. Кимдир бирөө атасын, апасын, ага-инисин, эже-сиңдисин, уулун же кызын жоготту. Каза тапкандардын үй-бүлөсүнө көңүл айтам. Бул биздин баарыбыздын трагедиябыз. Ошондуктан мен пандемиянын курмандыгы болгон казакстандыктарга байланыштуу 13-июлду Улуттук аза күтүү күнү деп жарыялоо чечимин кабыл алдым", — деп кайрылган Токаев.

Кыргызстанга салыштырмалуу өлгөндөр аз. Коңшу өлкөлөрдө абал кандай болууда

Ошондой эле ал эч кимди кароосуз калтырбай, ар бир казакстандыктын ден соолугуна кам көрөрүн убадалап, ынтымак менен гана ооруну жеңүүгө болорун белгилеген.

Соңку маалыматтар боюнча Казакстанда коронавирустан 264 адам ажал тапты. Ал эми ооруну жуктургандардын саны 51 059га жетип, 16 928 адам айыккан. Өлкөдө 5-июлдан 19-июлга чейин күчөтүлгөн карантин режими киргизилип, бир катар мекемелер жабылган.

0
Белгилер:
өлүм, коронавирус, Касым-Жоомарт Токаев, аза күтүү күнү, Казакстан
Тема:
Дүйнөгө жайылган коронавирус
Тема боюнча
Алдыда оор сыноо күтүп турат, чыдамдуу бололу. Суракматов шаардыктарга кайрылды
Нурсултан Назарбаев коронавирустан айыкты. Элбашынын сейилдеги сүрөтү