Ош шаарынын мэри Таалайбек Сарыбашов. Архив

1,25 млн. сомдук малы бар. Ош мэри Таалайбек Сарыбашовдун декларациясы

478
Шаар мэри да башка аткаминерлер сыяктуу мал кармайт. Короосундагы жандыктардын баасы 1,25 миллион сомду түзөт.

БИШКЕК, 22-ноя. — Sputnik. Ош шаарынын мэри Таалайбек Сарыбашов бир жылда 679 634 сом киреше тапкан. Бул тууралуу 2018-жылга карата жарыяланган декларациясында айтылат.

Маалыматка ылайык, шаар мэри 104,76 чарчы метрлик турак жайга ээлик кылат. Үйүнүн алдында алты сотых огороду бар.

Сарыбашов да башка аткаминерлер сыяктуу мал кармай турганы белгилүү болду. Анын короосунда 620 миң сомдук жылкы, 450 миң сомдук бодо мал, 180 миңдик кой-эчки багылат.

Ал эми жакын туугандары былтыр 250 миң сом тапкан. Алар аянты 713,28 чарчы метрди түзгөн курулушка жана 4 сотых жер тилкеге ээлик кылышат.

Сарыбашов Ош шаарынын мэрлигине өткөн жылдын июль айында шайланган. Ага чейин өкмөттүн Ош облусундагы өкүлү болчу.

478
Белгилер:
киреше, декларация, мэр, Таалайбек Сарыбашев
Тема боюнча
Үч үйүр жылкы, 500 кой-эчки. Өкмөт башчы Абылгазиевдин кандай байлыгы бар
Жээнбековдун кудасы Абжалиевдин эмне мал-мүлккө ээ экени айтылды

Пандемияны өз кызыкчылыгы үчүн колдонуп... Лавров Батышты сынга алды

156
РФ ТИМинин башчысы батыш мамлекеттеринин коронавирус пандемиясын өз кызыкчылыгы үчүн пайдаланган аракетине нааразы болду.

Сергей Лавров Кытайдын Global Times гезитине макала жазып, Батыш өзүнө жакпаган өкмөттөрдү жазалоо үчүн түзүлгөн кырдаалды пайдаланууга жандалбастап жатканын айкан. Буга мисал катары аларга Россиядан гумжардам алууга салган тыюусун келтирди.

Министр өз сөзүндө Батыштын адам укугун коргоодо кош стандарттуулукка жол берип жатканын да белгилеген. Кенинирээк биздин видеодон көрүүгө болот.

156
Белгилер:
коронавирус, пандемия, Батыш, Россия, ТИМ, Сергей Лавров
Тема:
Кытайдагы жаңы типтеги коронавирус
Тема боюнча
Батыш Россияны статистиканы бурмалап жатат деп айып тагууда. Видео
Премьер-министр Мухаммедкалый Абылгазиев. Архив

Абылгазиевдин Эл аралык университетти бүткөнүн көрсөткөн документтер жарыяланды

498
(жаңыланган 22:38 29.05.2020)
Университеттен өкмөт башчы диссертациясын баалуу кагаздар боюнча банктык операциялар жаатында жактагандыгын айтышты.

БИШКЕК, 29-май — Sputnik. Премьер-министр Мухаммедкалый Абылгазиевдин Кыргызстан эл аралык университетинде магистратурада билим алгандыгын тастыктаган документтер окуу жайдын сайтына жарыяланды.

Муну менен администрация өкмөт башчынын дипломунун айланасында айтылып жаткан сөздөргө чекит коюп, маселени тактап берүүнү чечти.

Буга аталган окуу жайдын бүтүрүүчүсүнүн премьер-министрди 1990-жылдары окуу жайды аяктаган студенттердин катарынан көрбөгөндүгүн жазганы себеп болгон.

"Премьер-министр Мухаммедкалый Абылгазиев "Жогорку математика жана бизнес" деп аталган магистратуранын күндүзгү бөлүмүндө "Банк адистиги" боюнча 1995-жылы окууга кирип, 1997-жылы аяктаган. Муну банк иштери боюнча мамлекеттик экзамен тапшырганы жазылган протокол далилдеп турат. Андан сырткары бүтүрүүчүлөрдүн аты-жөнү жазылган кагаздар да бар", — деп айтылат консорциумдун маалыматында.

Окуу жайдын архивинен билим алганы үчүн мыйзамдуу түрдө акча төлөгөн кагазы жана студент Абылгазиевди магистратуранын экинчи курсуна которуу боюнча буйрук менен рапорт алынган. Мындан сырткары магистрдик диссертациясынын темасын бекиткен документ да бар экендигин администрация маалымдаган.

"Өкмөт башчы диссертациясын "Баалуу кагаздар боюнча банктык операцияларга жасалган анализ" жаатында жактаган", — деп жазылган.

Кыргызстандын өкмөт башчысы Абылгазиевдин фамилиясындагы айырмачылык башка расмий маалымат булактарында жүргөнү бул кадыресе эле көрүнүш экени айтылган.

Мындан сырткары маалыматта аталган университетте 1995-жылы студенттерди эки деңгээл менен даярдаган Болон системасы кирип калганы кабарланган.

"Кыргызстан эл аралык университети бул системаны киргизген алгачкылардан болгон. Ал эми азыркы премьер-министр Мухаммедкалый Абылгазиев күндүзгү бөлүмдүн магистратурасынын биринчи агымынын бүтүрүүчүсү", — деп айтылган маалыматта.

Сайтта мамлекет окуу жайдан билим алган жалгыз коомдук ишмер, мамлекеттик кызматкер эместиги кабарланган. Андан башка Улуттук банктын төрагасы Толкунбек Абдыгулов, ТИМдин коомдук кеңешинин жооптуу катчысы Уран Ахметов, мурдагы премьер-министр Сапар Исаков Кыргызстан эл аралык университетин бүтүргөндүгүн мисал кылышкан.

498
Белгилер:
Кыргызстан эл аралык университети, магистратура, диплом, Мухаммедкалый Абылгазиев, Кыргызстан
Тема боюнча
Премьер-министр Абылгазиев жыштык чуусунан улам эмгек өргүүгө кетти
Акыйкатчы абактагы аткаминерлерден кабар алып, Атамбаевдин ден соолугун билди
Борбор калаадагы Алтын-Ордо жаңы конушундагы турак үйдөн өрт чыкты

Бишкектин Алтын-Ордо жаңы конушунда турак үйдөн өрт чыкты. Видео, сүрөт

45
(жаңыланган 13:14 31.05.2020)
Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.

БИШКЕК, 31-май — Sputnik. Борбор калаадагы Алтын-Ордо жаңы конушундагы турак үйдөн өрт чыкты. Бул тууралуу маалыматты ӨКМден тастыкташты.

  • На месте пожара в жилом доме в жилом массиве Алтын-Ордо
    Борбор калаадагы Алтын-Ордо жаңы конушундагы турак үйдөн өрт чыкты
    © Sputnik / Бегайым Касымбекова
  • На месте пожара в жилом доме в жилом массиве Алтын-Ордо
    Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.
    © Sputnik / Бегайым Касымбекова
1 / 2
© Sputnik / Бегайым Касымбекова
Борбор калаадагы Алтын-Ордо жаңы конушундагы турак үйдөн өрт чыкты
"Алтын-Ордо жаңы конушунун 16-көчөсүндө жайгашкан турак үйдөн өрт чыккандыгы тууралуу маалымат түшкөн. Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган", — деп айтылат билдирүүдө.

Окуя болгон жерден тартылган видеону "Короче" Telegram каналы жүктөдү.

Кадрлардан эки кабаттуу үйдүн күйүп жатканын көрүүгө болот.

45
Белгилер:
өрт, үй, Бишкек
Тема боюнча
Алматыда эмерек цехинде жарылуу болду. Видео