Президент Сооронбай Жээнбеков. Архивдик сүрөт

Президенттин аппараты Матраимовдун айланасындагы иликтөө боюнча үн катты

9780
(жаңыланган 15:33 22.11.2019)
Ушу тапта "Азаттык" менен Kloop журналисттеринин жасаган иликтөөсү чоң резонанс жаратууда. Анда ишкер Айэркен Саймаитинин ишмердүүлүгү, анын Матраимовдор менен байланышы жана ири суммадагы акчанын Кыргызстандан чыгарылышы изилденген.

БИШКЕК, 22-ноя. — Sputnik. "Азаттык" жана Kloop медиаресурстарынын журналисттик иликтөөсү боюнча КР президентинин аппаратынын маалыматтык саясат бөлүмүнүн башчысы Толгонай Стамалиева билдирүү таратты.

Ушу тапта иликтөө коомчулукта чоң резонанс жаратууда. Анда ишкер Айэркен Саймаитинин ишмердүүлүгү, анын Матраимовдор менен байланышы жана ири суммадагы акчанын Кыргызстандан чыгарылышы изилденип, президент Сооронбай Жээнбековдун аты аталган.

Маалыматка караганда, Сооронбай Жээнбеков Ош облусунун губернатору болуп иштеп турганда, тагыраагы, 2012-жылы Ош шаарында инвесторлорду тартуу максатында "Кичи жана орто бизнести өнүктүрүү" деп аталган инвестициялык форум өткөн. Ага 300дөн ашык адам катышып, эл аралык уюмдардын өкүлдөрүнөн тышкары Россия, Кытай, Иран, Тажикстан, Казакстан, Өзбекстан, Түштүк Кореядан расмий өкүлдөр жана ири ишкерлер келген. 

"Жогоруда аталган 2012-жылы өткөн инвестициялык форумга Кызыл-Суу Кыргыз автономдук облусунун губернатору Фархат Турду менен чогуу Хабибулла Абдукадырдын иниси келген, Жээнбеков аны менен ошондо таанышкан", — деп айтылат маалыматта.

Форумдан кийин Сооронбай Жээнбеков аталган эки адам менен чогуу ошол кездеги өлкөнүн президенти Алмазбек Атамбаевдин кабыл алуусунда болушкан.

"Кийин, 2017-жылы, иниси аркылуу Алмазбек Атамбаев жана Сооронбай Жээнбековдун Хабибулла Абдукадыр менен жалпы таанышуусу болгон. Андан кийин алардын Алмазбек Атамбаев менен мамилеси кандай өнүккөнү Жээнбековго белгилүү эмес", — деди Стамалиева.

Ал ошондой эле журналисттик иликтөөдө "бул иштердин активдүүлүгү 2012-2016-жылдарга тиешелүү" деп белгиленгенин, тактап айтканда, бул Атамбаевдин президент болуп турган маалы экенин айтты.

Маалымат катчынын айтымында, 2018-жылдын 8-февралындагы Коопсуздук кеңешинин жыйынында Жээнбеков укук коргоо органдарынын ишин ачык сынга алган. Жалпысынан системаны жана иликтөөдө келтирилген схемаларды жаңы мамлекет башчысы кабыл алган эмес.

"Анын жыйынтыктары белгилүү. Бүгүнкү күндө Атамбаев ага коюлган 5 айып боюнча тергөөдө. Ар кандай күчтөр Сооронбай Жээнбековду бул журналисттик иликтөөдө айтылган чөйрө менен байланыштырууга аракет кылат деген пикирдебиз. Президент Сооронбай Жээнбековдун Хабибулла Абдукадыр менен чогуу бизнес-долбоорлору болгон эмес жана жок экендигин расмий билдиребиз", — деди Стамалиева.

Эгер президенттин бул ишке байланышы болсо, иликтөөнүн авторлору аны тастыктаган өз жүйөсүн сөзсүз келтирмектиги белгиленди.

"Материалда маанилүү аргумент катары Хабибулла Абдукадырдын Жээнбековдун инаугурациясынан тартылып алынган сүрөтү келтирилип жатат. Мында элдин эмоциялык кабыл алуусуна таасир этүү аракети көбүрөөк. Бирок бул эмоционалдык штрих дагы негизсиз. Анткени өлкөнүн шайланган президенти Сооронбай Жээнбековдун инаугурациясын уюштуруу иштери, анын ичинде чакырылгандардын тизмесин түзүү жана отургузуп, жайгаштыруу маселелерин толугу менен Алмазбек Атамбаевдин аппараты тескеген. Жээнбековго бөлүнүп берилген орундар чектелүү болгондуктан, ал туугандарын гана чакырган", — дешти маалымат кызматынан.

Стамалиеванын айтымында, президент журналисттик иликтөөлөр коомчулукка, укук коргоо органдарына өлкөнү өнүктүрүүгө тоскоол болгон башкы көйгөй — коррупция менен күрөшүүгө жардам берерин ар дайым белгилейт. Ошондуктан материалда келтирилген жагдайларга көңүл бурулат.
Мындан сырткары, буга чейин Кыргызстандын Башкы прокуратурасы Түркиянын Башкы прокуратурасына Саймаитинин өлтүрүлүшү боюнча ишти иликтөөдө көмөк көрсөтүү өтүнүчү менен кайрылганы айтылды. Ошондой эле Саймаитинин ысымы Кыргызстан менен байланышып жаткандыктан, анын Кыргызстандын жараны эмес экендигине карабастан, кыргыз тарап анын өлтүрүлүшүн иликтөө иштерине катышары белгиленди.

9780
Белгилер:
журналистика, иликтөө, Райымбек Матраимов, Сооронбай Жээнбеков
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

20
(жаңыланган 01:05 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

20
Портфельчен адам. Архив

Өзбекстан Кыргызстанга жаңы элчи дайындады. Чоо-жайы

172
(жаңыланган 13:01 02.06.2020)
Жаңы элчиге чейин Бишкекте дипломатиялык вазыйпаны Комил Рашидов аткарып жүргөн. Кыргызстанда ал сегиз жыл элчи болуп иштеди.

БИШКЕК, 2-июн. — Sputnik. Өзбекстандын Кыргызстандагы элчиси болуп Хуршид Мирзахидов дайындалды. Бул тууралуу Sputnik Өзбекстан маалымат агенттиги Өзбекстандын Тышкы иштер министрлигинин билдирмесине таянып кабарлады.

Ага ылайык, жаңы дайындалган өкүл Бишкекке 30-майда келген.

Президент Сооронбай Жээнбеков Өзбекстандын өлкө башчысы Шавкат Мирзиёев менен. Архивдик сүрөт
© Пресс-служба президента КР / Султан Досалиев
Хуршид Мирзахидов элчилик кызматка келгенге чейин Өзбекстандын маалымат технологиясы жана коммуникацияны өнүктүрүү министри, Улуттук телерадиокорпорациясынын жетекчиси, Транспорт министрлигинин алдындагы автоунаа жолдору комитетинде жетекчинин орун басары сыяктуу кызматтарды аркалаган.

Өзбекстандын Кыргызстандагы мурдагы элчиси Комил Рашидов жаңы кызматка, тагыраагы, өкмөт башчынын кеңешчиси болуп дайындалганына байланыштуу элчилик кызматтан былтыр күздө кеткен.

172
Белгилер:
дайындоо, кызмат, элчи, Өзбекстан, Кыргызстан
Тема боюнча
Кыргыз-өзбек чек арасындагы чыр. Коңшу өлкөнүн ТИМи үн катты