Жогорку Кеңештин депутаты Элвира Сурабалдиева. Архивдик сүрөт

Сурабалдиева Финполдун башчысына: тууганыңыз бар экен, кызматтан четтеп туруңуз

2204
(жаңыланган 20:18 26.11.2019)
Эл өкүлү тармактык комитеттин жыйынында журналисттик иликтөөдө Бакир Таировдун туугандарынын аты аталганын эске салды.

БИШКЕК, 26-ноя. — Sputnik. Жогорку Кеңештин депутаты Элвира Сурабалдиева Финполдун башчысы Бакир Таировго Кыргызстандан чыгарылган миллиондор боюнча иликтөө жүрүп жаткан учурда кызматтан четтеп турууну сунуштады.

Эл өкүлү контрабанда боюнча болгон тармактык комитеттин жыйынында журналисттик иликтөөдө Таировдун тууганынын аты аталганын эске салды.

"Эмнегедир кызыкчылыктар кагылышы, аброй дегенди унутуп калып жатабыз. Иликтөөдө жакындарыңыздын аты аталып, чоң негатив жаратууда. Кылмыш иши козголду. Ушундан кийин Экономикалык кылмыштар менен күрөшүү кызматын жетектеп отурууга моралдык укугум бар деп ойлойсузбу? Кээ бир иштер бат козголуп, бат камалып жатат. Бул жерде ызы-чуу болуп, баарынын аты аталып атса деле билмексенге салып атабыз. Ушундан кийин тергөө бүткөнгө чейин аралашпай турушуңуз керек. Бул боюнча өзүңүздүн оюңуз кандай?" — деп сурады Сурабалдиева.

Ал эми Финполдун башчысы ансыз деле мыйзам боюнча тергөөгө аралаша албай турганын билдирди.

"2014-жылы мен башка системада иштегем. Ыраматылык иним бизнесмен болгон. Мен анын, ал менин ишиме аралашчу эмес. Бизде ушундай тартип бар", — деп жооп берди Таиров.

Депутат Финполдун башчысы өзүн акыйкаттуу, аброюн баарынан жогору койгон адам болсо тергөөгө шек жаралбашы үчүн кызматтан убактылуу четтеп турушу керектигин белгилеп сөзүн жыйынтыктады.

2204
Белгилер:
тергөө, финансы полициясы, кызмат, Элвира Сурабалдиева
Тема боюнча
Финпол: Кыргызстандан 700 млн. эмес, 900 млн. доллар чыгарылган
Райым Матраимов: Кыргызстанга келип бардык суроолорго жооп берем
Жогорку соттун алдындагы Сот департаменти. Архив

Сот департаментине жаңы жетекчи келди. Мурда Мамкаттоодо иштечү

116
(жаңыланган 23:37 27.05.2020)
Жаңы дайындалган жетекчи Кожомбердиев 2012-жылдан 2014-жылга чейин Сот департаментинин жетекчисинин милдетин аткаруучу болгон.

БИШКЕК, 27-май — Sputnik. Жогорку соттун алдындагы Сот департаментине жаңы жетекчи дайындалды. Бул тууралуу Жогорку соттун сайтына жарыяланган.

Маалыматка ылайык, жаңы жетекчи — Урмат Кожомбердиев. Буга чейин ал Каттоо кызматында жетекчинин орун басары болуп иштеп келген.

"Мамлекеттик каттоо кызматына барганга чейин Кожомбердиев көп жылдар бою Сот департаментинде ар кандай кызматтарда иштеген. 2012-жылдан 2014-жылга чейин Сот департаментинин жетекчисинин милдетин аткаруучу болгон", — деп айтылат билдирүүдө.

Ал эми буга чейин департаментти башкарып келген Кубанычбек Капалов Жогорку соттун алдындагы Соттук иштерди аткаруу кызматынын начальниги, башкы сот аткаруучусу болуп дайындалганы айтылды.

116
Белгилер:
дайындоо, жетекчи, жогорку сот
Тема боюнча
Төбө чач тик турат! Адвокаттын КРдеги соттор тууралуу агынан жарылган маеги
Кыргызстан менен Тажикстандын чек арасындагы Ворух айылы. Архив

Кыргызстандын Чек ара кызматы Тажикстан тарапка дагы кайрылуу жасады

301
(жаңыланган 22:29 27.05.2020)
Кыргызстандын Чек ара кызматы тажик тарапты ЖМКларга так эмес маалыматтарды таратпоону жана чек арада болгон окуяга бааны биргелешип берүүгө чакырды.

БИШКЕК, 27-май — Sputnik. Тажикстандын Улуттук коопсуздук комитетинин Чек ара күчтөрүнүн "Кыргызстан тарап Тажикстандын жаранына, аял кишиге ок чыгарып чагымчылдык кылды" деген кабары чындыкка жатпайт. Бул тууралуу маалыматты Кыргызстандын Чек ара кызматынан билдиришти.

27-майда Баткен районунун Жака-Өрүк аймагында Баткен жана Исфара райондорунун өкүлдөрүнүн кырдаалды териштирүү боюнча жолугушуусу өттү. Кыргыз-тажик чек ара кызматынын өкүлдөрү чек ара тилкесинде чатактын алдын алуу жана аны мындан ары болтурбоо маселесин талкуулады. Алар аталган маалыматты эки тараптан тең объективдүү карап чыгууга кызыкдар экендигин билдиришти.

Бул факты боюнча эки мамлекеттин тартип коргоо органдары биргелешип териштирүү иштерин баштады.

Кыргызстандын Чек ара кызматы тажик тарапты ЖМКларга так эмес маалыматтарды таратпоону жана чек арада болгон окуяга бааны алар менен биргелешип берүүгө чакырды.

Учурда кыргыз-тажик чек арасында абал туруктуу экени айтылды.

301
Белгилер:
териштирүү, Мамлекеттик чек ара кызматы, жалган маалымат, чек ара, Тажикстан, Кыргызстан
Тема боюнча
КРдин Чек ара кызматы тажикстандык кесиптештерин абалды курчутпоого чакырды
Чек арадагы чатак боюнча Тажикстандын маалыматы
Медицинские работники в госпитале COVID-19 в больнице No122 им. Л. Г. Соколова в Санкт-Петербурге.

Мындай боло элек болчу! Бир суткада 27 медик коронавирус жуктурду

0
Жалпысынан республика боюнча COVID-19 диагнозу менен медиктер арасында 326 учур катталды, алардын ичинен 247 медкызматкер стационарлардан айыгып чыккан.

БИШКЕК, 28-май — Sputnik. Бир сутка ичинде өлкө боюнча 27 медицина кызматкери коронавирус жуктуруп алганы аныкталды. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

“Алардын бешөө Бишкек шаарында, 15и Ош шаарында, жетөө Нарын облусунда иштегендер”, — деди Үсөнбаев.

Ал эми стационарлардан 4 медкызматкер сакайып чыкты. Жалпысынан республика боюнча COVID-19 диагнозу менен медициналык кызматкерлер арасында 326 учур катталды, алардын ичинен 247 медик стационарлардан айыгып чыккан.

Учурда өлкө аймагындагы кырдаал тууралуу Sputnik Кыргызстан тексттик баяндама жүргүзүүдө.

0