Россиянын президенти Владимир Путин. Архив

Биринчи орунга коелу. Путин баңгизаттарын соодалоого каршы күрөшүү көйгөйүн көтөрдү

68
(жаңыланган 15:29 28.11.2019)
Владимир Путин ЖККУга мүчө мамлекеттердин башчыларын баңгизаттарды соодалоого каршы турууга чакырды. Ал жакынкы жылдары бул багытта кандай кадамдар кабыл алынарын айтып берди.

БИШКЕК, 28-ноя. — Sputnik. Россия лидери Бишкекте өтүп жаткан ЖККУга мүчө өлкө президенттеринин жолугушуусунда баңгизаттарды соодалоо темасын көтөрдү.

"ЖККУнун активдүү ишмердүүлүгүнүн негизги иштеринин бири катары баңгизаттарды айлантууга каршы аракет деп эсептейбиз. 2021-2025-жылдарга карата ЖККУнун баңгизаттарга карата жаңы, актуалдашкан стратегиясын түзүүнү демилгелөөгө ниеттенип жатабыз. Анда баңгизаттарын соодалоо жана өндүрүүнүн жолдорун кескин түрдө бууп, чек ара тартиптерин бекемдөө каралат", — деди Путин.

Жамааттык коопсуздук жаатындагы уюмду түзүү келишимине 27 жыл мурда, 1992-жылдын 15-майында, кол коюлган. ЖККУнун башкы максаты — аталган биримдикке кирген өлкөнү тышкы саясий агрессиядан, эл аралык террорчулуктан жана жаратылыш кырсыктарынан сактоо. Уюмда ар бир өлкөнүн добушу бар, бардык маселе же суроо консенсус менен чечилет. Союздаш мамлекеттер бири-бирине кыйын учурда жардамга келүүгө даяр.

Бул уюм туурасында кеңири маалымат алууну каалагандар Sputnik Кыргызстандын видеоинфографикасынан көрсө болот.

Sputnik Кыргызстандын түз алып берген баяндамасынан ЖККУнун Бишкектеги саммити кандай өтүп жаткандыгын окуп жана көрө аласыз.

68
Белгилер:
баңгизат, Владимир Путин, ЖККУ, Кыргызстан
Тема:
Бишкектеги ЖККУ саммити (37)
Тема боюнча
Жээнбеков Евразиядагы коопсуздукту сактоодо Путиндин аракеттерин жогору баалады
Жээнбеков: тарыхты кайра жазып чыгуу аракеттерине каршыбыз
АКШнын Москвадагы элчилиги. Архив

Россиянын ТИМи АКШнын мыйзамсыз акцияны колдогонун кескин айыптады

72
(жаңыланган 23:01 24.01.2021)
АКШнын элчилиги буга чейин Россиянын 38 шаарындагы нааразылык акциялардагы билдирүүлөргө байкоо жүргүзүп турганын билдирип, митингчилер тарапты колдогон.

БИШКЕК, 25-янв. — Sputnik. Россиянын Тышкы иштер министрлиги АКШнын санкцияланбаган митинг боюнча билдирүүсүнө пикир билдирди. РИА Новости белгилегендей, буга чейин Америка элчилиги Россиянын 38 шаарындагы нааразылык акциялардагы билдирүүлөргө байкоо жүргүзүп турган.

Элчилик "тынчтык митингине чыккандардын укуктарын жана пикирин эркин билдиргендерди" колдоорун, ал эми Россия бийлигинин көргөн чарасын ал укуктарды басмырлоого багытталганын кошумчалаган.

АКШнын Москвадагы элчилиги дипломатиялык эрежелердин чегинен чыгып, Россиянын шаарларындагы мыйзамсыз митингдерди колдогон билдирүүлөрүн социалдык тармактарга такай жарыялап келет.

Мекеме АКШ бийлиги ички көйгөйү, анын ичинде Америка коомчулугундагы социалдык теңсиздиктен келип чыгуучу бөлүнүп-жарылуулар менен алектениши керектигин белгилейт. Чындыгында бардык адептүүлүктү көз жаздымда калтырган америкалык дипломатиянын радикалдык элементтерди тукуруу аракети ийгиликсиздикке жана эки тараптуу мамилеге терс таасирин тийгизет. АКШ элчилигинин жетекчилиги Россиянын Тышкы иштер министрлигинде олуттуу сүйлөшүүгө туура келет.

Бийликтин эскертүүсү

Россиянын Ички иштер министрлиги жана Башкы прокуратурасы 23-январда Москва жана бир катар шаарларда өткөн нааразычылык акциялардын уюштуруучуларына да, катышуучуларына да жоопкерчилик тууралуу бир нече жолу эскерткен. Алар чагымчылдык, коомдук тартипке коркунуч катары баалап, "дароо четтетилиши керек" деп эсептешет.

Ошол эле учурда Башкы прокуратура интернет аркылуу мындай акцияларга чакырык жасоо мыйзамга каршы келерин белгилеп, аларды блоктоону талап кылган.

"Акцияга "белгилүү бир чагымчылдар" тукурганын, алардын аракети бизге жакшы маалым", - деген президенттин пресс-катчысы Дмитрий Песков.

Мектеп окуучуларына жана студенттерге өзгөчө көңүл бурулуп, ата-энелерге аларды мындай иш-чараларга аралаштырбоону суранат.

Кремль мындай иш-чараларга катышкандардын аракети окуу жайдын жетекчилиги тарабынан түрдүү бааланарын белгилейт.

72
Белгилер:
нааразычылык, билдирүү, митинг, Россия, АКШ
Тема боюнча
Москвада полиция макулдашылбаган акцияга чыккандарды кармай баштады
Москванын Пушкин атындагы аянтында макулдашылбаган акцияга чыккан адамдарды кармоо

Москвада полиция макулдашылбаган акцияга чыккандарды кармай баштады

214
(жаңыланган 18:47 23.01.2021)
Россия ИИМи жана Башкы прокуратура аталган акциянын уюштуруучуларына жана катышуучуларына буга чейин бир нече ирет эскертүү берген.

БИШКЕК, 23-янв. — Sputnik. Москванын Пушкин атындагы аянтында макулдашылбаган акцияга чыккан адамдар кармала баштады. Бул тууралуу РИА Новостинин кабарчысы жеринен билдирди. 

Полиция үн күчөткүч менен сүйлөп акциянын катышуучуларына социалдык дистанцияны сактоону, бет кап, кол кап тагынууну жана бул макулдашылбаган акция экенин эскерткен. Күч түзүмдөрү плакат көтөрүп чыккан жана жүзүн көрсөтпөй жүргөн адамдарды кармап жатат. Азырынча канча адам кармалганы туурасында так маалымат жок.

Россия ИИМи жана Башкы прокуратура аталган акциянын уюштуруучуларына жана катышуучуларына буга чейин бир нече ирет эскертүү берген. Муну провокация катары баалап, коомдук тартипти бузгандарга дароо чара көрүлөрү айтылган. Аны менен катар Башкы прокуратура мыйзамда тыюу салынган иш-чараларга келүүгө чакырган билдирүүлөрдү социалдык тармактан блоктоп салууну талап кылган.

Президенттин маалымат катчысы Дмитрий Песковдун акцияга белгилүү бир чагымчылдар чакырык таштап жатканын билдирди.

Ошондой эле мектеп окуучулары менен студенттердин акцияга чыгышына бөгөт коюу боюнча ата-энелерге өзгөчө көңүл бурулууда.

Россиянын шаардык бийликтери буга чейин коронавирус боюнча эпидемиологиялык кырдаал оор болгондуктан массалык иш-чараларды өткөрүүдөн баш тартып келген.

214
Тема боюнча
Лукашенко Беларустагы митингдердин көпкө созулушуна пандемияны айыптады
Алматыда митингдин катышуучуларын полиция кармап кетүүдө. Видео
Мончо. Архив

ИИМ: мончодогу зордуктоо тартылган видео боюнча башка өлкөгө сурам жөнөттүк

0
(жаңыланган 00:00 25.01.2021)
Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык экенин белгилешүүдө. Деген менен милиция окуя Кыргызстанга тиешеси жок деп ишенимдүү айтып жатат.

БИШКЕК, 24-янв. — Sputnik. Бишкек милициясынын маалымат катчысы Улан Жумаков жашы жете элек өспүрүмдү зордуктоого байланышкан видео Кыргызстандан сырт жакта болгонун, өлкөгө тиешеси жок экенин билдирди.

Окуянын видеосу социалдык тармактарда тарады. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышууда.

Бишкек милициясынын маалымат катчысы Улан Жумаков жашы жете элек өспүрүмдү зордуктоого байланышкан видео Кыргызстандан сырт жакта болгонун, өлкөгө тиешеси жок экенин билдирди
"Иликтөө жана издөө иш-чараларынын жүрүшүндө аныкталган маалыматтарга ылайык, видео Кыргызстандан сырт жерде тартылган, бул факты биздин өлкөгө тиешеси жок. Кийинчерээк толук маалымат берилет. Баарыңыздарды чагымчылдыкка алдырбай, тастыкталбаган маалыматты таратпаңыздар", — деп Жумаков өзүнүн Facebook баракчасына жазды.

Ал эми бул боюнча билдирүү тараткан ИИМ видео боюнча иликтөө иштерин жүргүзүп жаткандыгын билдирди.

"Иликтөө иштеринин жыйынтыгы чыга электе окуяга тиешеси жок адамдын сүрөтү жана аудио социалдык тармактарга тарап жатат. Мындан улам шашылыш бүтүм чыгарбоогону өтүнөбүз. Кыргызстандан сырткары болгон бул окуя бир же эки эки жыл мурда тартылган. ИИМ ал боюнча башка өлкөгө иштин чоо-жайын билиш үчүн сурам жиберди", - деп айтылган ИИМ тараткан билдирүүдө.

Анткен менен кыргызстандыктар социалдык тармакта үрөй учурган бул окуя Кыргызстанда болгон деген божомолдорун айтып, пикирлерин калтырып жатат.

0
Белгилер:
мончо, зордуктоо, милиция, Бишкек, Кыргызстан
Тема боюнча
Сурабалдиева педофилдер тууралуу маалымат база түзүүнү сунуштады
Кордолгон 13 жаштагы өспүрүм. Кыздын ата-энеси облустук сотко кайрылды