БШК: парламенттик шайлоого катышчу партиялар кайра каттоодон өтүшү керек

© Фото / пресс-служба ЖКЖогорку Кеңеш. Архив
Жогорку Кеңеш. Архив - Sputnik Кыргызстан
Жазылуу
2020-жылга белгиленген парламенттик шайлоонун болжолдуу мөөнөтү — 4-октябрь. Аны так белгилөө боюнча чечим 26-июндан 6-июлга чейин кабыл алынат.

БИШКЕК, 4-дек. — Sputnik. 2020-жылы өтө турган парламенттик шайлоого катыша туран партиялар иш-чаранын боло турган күнү расмий жарыяланганга алты ай калганда каттоодон жана кайра каттоодон өтүп бүтүүсү зарыл. Мындай билдирүүнү Шайлоо жана референдум өткөрүү боюнча борбордук комиссиясы таратты.

Добуш берип жаткан адам. Архив - Sputnik Кыргызстан
Ысык-Көлдөгү бир катар айыл өкмөттөрүнүн башчылары шайланды
Бул "КР президентин жана Жогорку Кеңештин депутаттарын шайлоо жөнүндө" мыйзамдын 60-беренесине негизделген.

Эрежеге ылайык, Юстиция министрлиги шайлоо белгиленген күндөн тарта үч сутканын ичинде каттоодон өткөн партиялардын жетекчилери тизме түзүп, БШКга жөнөтөт.

Ал эми талапкерлердин тизмеси боюнча чечим жашыруун добуш берүү жолу менен саясий партиянын съездинде ишке ашырылат.

Белгилей кетсек, 2020-жылы өтчү парламенттик шайлоонун болжолдуу мөөнөтү — 4-октябрь. Аны так белгилөө боюнча чечим 26-июндан 6-июлга чейин кабыл алынат.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Жаңылыктар түрмөгү
0