Кыргызстандын президенти Сооронбай Жээнбеков. Архив

Жээнбеков ханзааданын чакыруусу менен Бириккен Араб Эмирлигине барат

197
(жаңыланган 16:59 10.12.2019)
Жолугушуунун жыйынтыгы менен Бишкек шаарында Ислам академиясын куруу боюнча макулдашууга кол коюлмакчы.

БИШКЕК, 10-дек. — Sputnik. Президент Сооронбай Жээнбеков үстүбүздөгү жылдын 11-12-декабрь күндөрү расмий сапар менен Бириккен Араб Эмирлигине бара турганын өлкө башчынын маалымат кызматы кабарлады.

Президенттик аппараттын тышкы саясат бөлүмүнүн башчысы Данияр Сыдыковдун айтымында, сапар Абу-Дабинин мураскер ханзаадасы, БАЭнин Куралдуу Күчтөрүнүн башкы командачысынын орун басары, шейх Мухаммед бин Заед Аль Нахайандын чакыруусу менен ишке ашмакчы.

Жээнбеков ханзаада менен тар жана кеңири чөйрөдө жолугары айтылды. Сүйлөшүүлөрдүн жүрүшүндө саясий, соода-экономикалык жана маданий-гуманитардык багытта эки тараптуу кызматташуу маселелери талкууланат.

Жолугушуунун жыйынтыгы менен Бишкек шаарында Ислам академиясын куруу боюнча макулдашууга кол коюлмакчы.

"Ислам академиясын түзүү демилгеси Сооронбай Жээнбеков менен Владимир Путиндин Сочидеги сүйлөшүүлөрүнөн кийин пайда болгон. Академия жогорку билим берип, мамлекеттик жана мамлекеттик эмес мекемелер, диний уюмдар үчүн кадрларды даярдоо, квалификацияны жогорулатуу максатын көздөйт", — деди Сыдыков.

Сапардын алкагында Жээнбеков БАЭнин вице-президенти, премьер-министр Мухаммед бин Рашид Аль Мактум менен жолугушары пландалган.

197
Белгилер:
жолугушуу, Бириккен Араб Эмирлиги, Сооронбай Жээнбеков
Тема боюнча
Жээнбеков кылмыштардын саны эмнеге кескин өсүп жатканын айтты
Жээнбековго жеке маалыматтардын коопсуздугу тууралуу көйгөйдү айтышты
Тышкы иштер министри Руслан Казакбаев. Архив

Руслан Казакбаев Москвада ЖККУнун башкы катчысы менен жолукту

7
(жаңыланган 20:42 22.10.2020)
Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Бүгүн Москва шаарында Кыргызстандын тышкы иштер министри Руслан Казакбаев Жамааттык коопсуздук жана кызматташуу уюмунун (ЖККУ) башкы катчысы Станислав Зась менен жолугушту. Бул тууралуу өлкөнүн РФтеги элчилигинен билдиришти.

Алар регионго, ошондой эле дүйнөгө терс таасир этип жаткан маселелер боюнча пикир алышып, ЖККУнун алкагындагы кызматташтыктын артыкчылыктуу багыттарын талкуулашты.

Казакбаев Кыргызстандагы ички саясий абалдын турукташканы тууралуу кыскача маалымат берип, учурдагы бардык саясий процесстер мыйзам талаасында болуп жатканын айтты.

Ошондой эле тараптар ЖККУнун Жамааттык коопсуздук кеңешинин келерки сессиясына даярдык тууралуу кеп кылышты.

Эске салсак, тышкы иштер министри Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

7
Белгилер:
Станислав Зась, жолугушуу, ТИМ, Руслан Казакбаев, Россия, Кыргызстан
Тема боюнча
Өзбекстандын премьер-министри телефон чалып, Садыр Жапаровду куттуктады
Шайлоо учурунда киши добуш берип жатат. Архив

Президенттик шайлоонун мөөнөтү жылдыбы? Түшүндүрмө

189
(жаңыланган 20:23 22.10.2020)
Бүгүн ЖК депутаттары парламенттик шайлоонун мөөнөтүн жылдыруу мыйзамын кабыл алды. Ага ылайык, кийинки шайлоо алты айдын аралыгында өтөт.

БИШКЕК, 22-окт. — Sputnik. Президенттик шайлоонун мөөнөтүн жылдыруу маселеси карала элек, ал учурдагы конституция боюнча январь айында өтөт. Бул тууралуу парламенттик шайлоонун мөөнөтүн жылдырууну демилгелеген депутат Акылбек Жапаров билдирди.

Белгилей кетсек, бүгүн ЖК депутаттары парламенттик шайлоонун мөөнөтүн жылдыруу мыйзамын кабыл алды. Ага ылайык, кийинки шайлоо 2021-жылдын 1-июнуна чейин уюштурулушу керек.

"Биз бүгүн парламенттик шайлоонун гана мөөнөтүн жылдырдык. Президенттик шайлоо азыркы мыйзамдар боюнча үч айдын аралыгында, 10-январда же ошого жакын датада өтүшү керек. Бирок бүгүн кабыл алган мыйзам менен Конституцияны өзгөртүүгө жол ачылды", — деди Жапаров.

Депутат эгер Баш мыйзамды өзгөртүү боюнча референдум өтө турган болсо, анын датасы президенттик шайлоодон мурун белгилениши керектигин кошумчалады.

Депутаттар кийинки парламенттик шайлоого чейин маяна албай иштей турган болушту

Ал ошондой эле жоопкерчиликти бир адамга берүү максатында алдыда элге парламенттик же президенттик башкарууга өтүү тандоосу коюлушу мүмкүндүгүн айтты.

189
Белгилер:
президенттик шайлоо, референдум, Акылбек Жапаров
Тема боюнча
Жогорку Кеңеш парламенттик шайлоонун мөөнөтүн жылдыруу мыйзамын кабыл алды
Шайлоо босогосун азайтуу мыйзам долбоорун ЖК комитети үч окууда жактырды