ЖЕЭК жыйынынын жыйынтыгы боюнча 11 документке кол коюлду

© Sputnik / Алексей Никольский / Медиабанкка өтүүРабочий визит президента РФ В. Путина в Киргизию
Рабочий визит президента РФ В. Путина в Киргизию - Sputnik Кыргызстан
Жазылуу
Документтердин катарында Евразия экономикалык биримдигине мүчө мамлекеттердин эмгекчилерин пенсия менен камсыз кылуу боюнча макулдашуу дагы бар.

БИШКЕК, 20-дек. — Sputnik. Санкт-Петербургдагы Жогорку евразиялык экономикалык кеңештин кезектеги жыйынынын жыйынтыгында бир катар документтерге кол коюлду. Бул тууралуу президенттин маалымат кызматынан кабарлашты.

ЖЕЭКтин жыйынына Кыргызстандын атынан Сооронбай Жээнбеков баштаган делегация катышууда.

Кол коюлган документтердин тизмеси:

  • Евразия экономикалык интеграциясын өнүктүрүүнүн 2025-жылга чейинки стратегиясынын багыттары жөнүндө;
  • Евразия экономикалык комиссиясы коллегиясынын төрагасы жана жеке курамы жөнүндө;
  • Евразия экономикалык комиссиясынын кадрдык курамын түзүүдөгү негизги ыкмалар жөнүндө;
  • Евразия экономикалык комиссиясынын ишмердүүлүгүнүн негизги жыйынтыктары жөнүндө;
  • Евразия экономикалык биримдигине мүчө мамлекеттердин эмгекчилерин пенсия менен камсыз кылуу боюнча макулдашууга кол коюу жөнүндө;
  • Европа экономикалык биримдигине мүчө мамлекеттери тарабынан Евразия экономикалык биримдигинин ички рыногунун иштөөсүнө болгон тоскоолдуктарды жоюу боюнча иштерди алып баруу жөнүндө;
  • Евразия экономикалык биримдигинин алкагында кээ бир секторлор боюнча либералдаштыруу пландарын ишке ашыруу жөнүндө;
  • Евразия экономикалык комиссиясынын иштөө регламентине өзгөртүүлөрдү киргизүү жөнүндө;
  • Евразия экономикалык биримдигинин жалпы электроэнергетикалык рыногун түзүүгө багытталган иш-чаралардын планы жөнүндө;
  • Евразия экономикалык биримдигинин төрагалыгы жөнүндө;
  • Евразия экономикалык кеңешинин кезектеги жыйынын өткөрүүнүн убактысы жана орду жөнүндө.
Жаңылыктар түрмөгү
0