Президент Сооронбай Жээнбеков пресс-конференция учурунда

Жээнбеков эмне үчүн Матраимов жөнүндө факты сураганын түшүндүрдү

1173
(жаңыланган 13:26 25.12.2019)
Президенттин айтымында, өткөн бийлик учурундагылар коррупция элдин кыжырын келтирерин билип туруп Жээнбеков бийликке келгенде бул ыкманы пайдаланып жатышат.

БИШКЕК, 25-дек. — Sputnik. Мурдагы бийликтин саясий технологдору Мамлекеттик бажы кызматынын жетекчисинин мурдагы орун басары Райым Матраимовду коррупциянын символу кылып коюшту. Мындай пикирин президент Сооронбай Жээнбеков билдирди.

Анын айтымында, өткөн бийлик учурундагылар коррупция элдин кыжырын келтирерин билишчү. Андыктан Жээнбеков бийликке келгенде бул ыкманы пайдаланып жатышат.

"Бардыгыбыз коррупцияны жаман көрөбүз. Андыктан ар бир жаранды, журналистти мага аны менен күрөшүүгө  жардам берүүсүн суранам. Матраимов политтехнологдордун жардамы менен коррупциянын символуна айланып, менин атым менен байланыштырып жатат. Мен ишти аягына чыгарганга өзүм  кызыкдармын. Бардыгы ачык, айкын болот", — деди Жээнбеков.

Мындан тышкары, ал эмне үчүн фактыларды сураганын түшүндүрдү.

"Колубузда бар фактылар боюнча түшүндүрүү иштери жүрүп жатат. Жаңылары болсо бергиле, жардам керек. Юридикалык жактан тастыктоолор дагы зарыл", — деди президент.

Ошондой эле ал Матраимовдун мүлкү боюнча 13 мамлекетке сураныч кат жөнөтүлгөнүн айтты.

Мындан тышкары, президент мындан ары бардыгы ачык-айкын, күмөнсүз болуусу үчүн Бажы кызматы толук санариптештирилип жатканын, буга Россия тарап жардам бергенин кошумчалады.

1173
Белгилер:
коррупция, Райымбек Матраимов, Сооронбай Жээнбеков
Тема боюнча
Бирин айтсам, бири таарынат. Жээнбеков маалыматты кайдан аларын айтты
Президент Жээнбековдун жылды жыйынтыктаган маалымат жыйыны. Тексттик трансляция
Жээнбеков: Бабанов бизнес менен саясаттын кызыкчылыгы аралашып кеткенинин чоң үлгүсү
Кыргызстандын экс-президенти Сооронбай Жээнбеков. Архив

5-октябрда жабыркагандар Жээнбековду жоопко тартууну талап кылууда

58
(жаңыланган 20:52 27.01.2021)
Жабырлануучулар 5-октябрда митингчилерге карата курал колдонуу боюнча буйрукту Жээнбеков жеке өзү берген деп эсептешет.

БИШКЕК, 27-янв. — Sputnik. Өткөн жылдын 5-октябрында нааразычылык акцияда жапа чеккендер экс-президент Сооронбай Жээнбековду жоопкерчиликке тартууну талап кылышууда. Бул тууралуу Кыргызстандын адвокаттар ассоциациясынан айтышты.

Ассоциациянын сайтында "Кыргыз үмүтү" Октябрь элдик революциясынын баатырларынын коомдук бирикмесин" түзгөн жапа чеккендердин арызы жарыяланган.

Арыздын үстүңкү жагында аны кабыл алган Башкы прокуратуранын кызматкеринин кол тамгасы, ал эми астында кайрылган тараптардын кол тамгалары бар. Документ башкы прокурор Курманкул Зулушевдин ысмына жазылган. Адвокаттар ассоциациясы жапа чеккендерге юридикалык колдоо көрсөтөт.

Арыз ээлери 5-октябрда Бишкектеги "Ала-Тоо" аянтындагы митинг тынчтык иш-чарасы болгонун, күч органдары берилген буйруктан кийин карапайым элге карата катуу чараларды көрө баштаганын белгилешет. Көп адамдын жапа чеккени, анын катарында 19 жаштагы Үмүт Алтынбек уулу каза болгону айтылат.

Жабырлануучулар курал колдонуу боюнча буйрукту Жээнбеков жеке өзү берген деп эсептешет. Алар мурдагы президентти жоопкерчиликке тартууну белгилешип, аны "экс" макамынан ажыратууну талап кылышууда.

Башкы прокуратуранын маалымат кызматы арыз келгенин тастыктады.

Эске салсак, Жогорку Кеңешке өткөн шайлоонун жыйынтыгын жокко чыгарууну талап кылып 5-октябрда өткөн митинг Ак үйдү басып алуу жана бийликти алмаштыруу менен аяктаган. Сооронбай Жээнбеков октябрь айынын ортосунда кызматын тапшырып, мөөнөтүнөн мурда шайлоо жарыяланган. Шайлоодо 5-октябрдагы окуяда абактан бошотулган Садыр Жапаров жеңип чыккан.

Башкы прокуратурага буга чейин Ош облусунун ички иштер башкармалыгынын мурдагы жетекчиси Абдилат Капаров экс-президент Сооронбай Жээнбеков жана анын бир тууганы депутат Асылбек Жээнбековго каршы арыз менен кайрылган. Ал Жээнбековдорду 2010-жылы бир нече кылмыштарды жасаган деп айыптап, алардын аракетине юридикалык баа берүүнү өтүнгөн. Анын катарында митингге чыккан элди кубалап таратуу буйругунан кийин октябрь окуясына жол бергендиги үчүн экс-президенттин жоопкерчилиги жөнүндө маселени кароо өтүнүчү да болгон.

58
Белгилер:
арыз, Сооронбай Жээнбеков, Башкы прокуратура, Кыргызстан
Тема:
Парламенттик шайлоодон кийинки окуялар
Тема боюнча
Сооронбай жана Асылбек Жээнбековдор Жогорку сотко чакырылды
Ою өзгөрүп кеттиби? Жээнбековдун парламентаризм боюнча айткан пикирлери
Жаңы баш мыйзамды жазып жаткан Конституциялык кеңешме өз ишин жыйынтыктады

Конституциялык кеңешме ишин жыйынтыктады. Эми баш мыйзамды Жогорку Кеңеш карайт

26
(жаңыланган 19:37 27.01.2021)
Баш мыйзамдын долбоорун талкуулоо үчүн түзүлгөн Конституциялык кеңешме өткөн жылдын 20-ноябрынан бери иш алып барды.

БИШКЕК, 27-янв. — Sputnik. Жаңы баш мыйзамды жазып жаткан Конституциялык кеңешме өз ишин жыйынтыктады. Бул тууралуу кеңешменин төрагасы Бекбосун Бөрүбашев бүгүнкү жыйындын соңунда билдирди.

  • Бактыбек Турусбеков, Курманкул Зулушев, Бекбосун Борубашев и Осмон Тогусаков во время конституционного совещания где обсуждается проект новой конституции в Бишкеке
    Жаңы баш мыйзамды жазып жаткан Конституциялык кеңешме өз ишин жыйынтыктады. Бул тууралуу кеңешменин төрагасы Бекбосун Бөрүбашев бүгүнкү жыйындын соңунда билдирди.
    © Sputnik / Жоомарт Ураимов
  • Участники конституционного совещания, где обсуждается проект новой конституции в Бишкеке
    Анын айтымында, айтылган сунуштар боюнча дагы иштеп чыгып, Конституция долбоорунун акыркы варианты эки-үч күндүн ичинде Жогорку Кеңешке жөнөтүлөт
    © Sputnik / Жоомарт Ураимов
  • Участники конституционного совещания, где обсуждается проект новой конституции в Бишкеке
    Мындан ары долбоор Жогорку Кеңеш тарабынан каралып, референдум дайындалат
    © Sputnik / Жоомарт Ураимов
  • Участники конституционного совещания, где обсуждается проект новой конституции в Бишкеке
    Эске салсак, өткөн жылдын 17-ноябрында Жогорку Кеңештин 80 депутаты Конституциянын жаңы долбоорун жана референдум өткөрүү боюнча мыйзам долбоорун коомдук талкууга алып чыккан.
    © Sputnik / Жоомарт Ураимов
1 / 4
© Sputnik / Жоомарт Ураимов
Жаңы баш мыйзамды жазып жаткан Конституциялык кеңешме өз ишин жыйынтыктады. Бул тууралуу кеңешменин төрагасы Бекбосун Бөрүбашев бүгүнкү жыйындын соңунда билдирди.

Анын айтымында, айтылган сунуштар боюнча дагы иштеп чыгып, Конституция долбоорунун акыркы варианты эки-үч күндүн ичинде Жогорку Кеңешке жөнөтүлөт.

"Конституция бул мамлекеттин негизги документи. Бул өтө чоң, татаал иш экен, биз аны татыктуу аткарганга аракет кылдык. Конституция президенттик башкаруу формасына ыктап жазылды. Бүгүн кеңешменин 67 мүчөсүнүн добушу менен жаңы баш мыйзамдын долбоору колдоо тапты", — деди Бөрүбашев.

Мындан ары долбоор Жогорку Кеңеш тарабынан каралып, референдум дайындалат.

Эске салсак, өткөн жылдын 17-ноябрында Жогорку Кеңештин 80 депутаты Конституциянын жаңы долбоорун жана референдум өткөрүү боюнча мыйзам долбоорун коомдук талкууга алып чыккан. Парламентарийлердин демилгеси коомчулуктун катуу сынына кабылды. Мындан улам президенттин милдетин аткаруучу Талант Мамытовдун жарлыгы менен Баш мыйзамдын долбоорун талкуулоо үчүн 20-ноябрда Конституциялык кеңешме түзүлгөн.

Ал эми 10-январда өткөн референдумда көпчүлүк эл президенттик башкаруу формасын тандаган. Өткөн аптада ЖКнын үч депутаты Конституцияны өзгөртүү боюнча референдумду жөнөкөйлөштүрүп, тез аранын ичинде өткөрүп салууну демилгеледи. Алар мыйзам долбоорун коомдук талкуусуз эле үч окуудан тең бир күндө өткөрүүнү сунуштап жатат.

26
Белгилер:
Жогорку Кеңеш, жазуу, конституция
Тема:
Жаңы Конституциянын долбоору жана референдум
Тема боюнча
Конституциялык кеңешме: президенттик аппараттын жетекчиси өкмөт башчы болот
Ырчы Анжелика Кайратова. Архив

"Айламды таппай калдым". Ырчы Анжелика улуу кызынын да моюну сынганын билдирди

0
(жаңыланган 22:36 27.01.2021)
Ырчы 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон.

БИШКЕК, 27-янв. — Sputnik. Жол кырсыгына кабылган ырчы Анжелика Кайратованын чоң кызы Айыманын да мойнунун омуртка сөөктөрү сынганы аныкталды. Бул тууралуу ырчы өзү Instagram баракчасына жазды.

Посмотреть эту публикацию в Instagram

Публикация от Кайратова Анжелика (@anjelika_kairatovna_official)

Ал кыргызстандыктардан кызынын батыраак айыгып кетишин тилеп, дуба кылып коюуну сурап кайрылган.

"Айламды таппай турган кезим. Кызым белим дей берип, моюндун омуртка сөөктөрү сынганын эми көрүп жатабыз. Бир капталы кыймылдабай жатат. Элим, дуба кылалы, Аллахтан жардам, сиздерден жардам сурайм! Ушундай колдоо керекте жалгызсыратпаңыздар, суранам!" — деп кайрылды Кайратова.

Эске салсак, Анжелика Кайратова 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон. Дарыгерлер беш жаштагы кызынын эки бутунун тең кашка жиликтери сынып, ырчынын өзүнүн омурткалары жабыркаганын айткан. Экөөнө тең операция жасалган. Ал эми эки кызынын абалы туруктуу экени кабарланган болчу.

0
Белгилер:
операция, кыз, ырчы, Анжелика Кайратова, жол кырсык
Тема боюнча
Жол кырсыгына кабылган Анжелика Кайратовага шашылыш операция жасалды
Анжелика менен кызы реанимацияда. Кичүү кызына бүгүн операция жасалат