Президент Жээнбеков: Атамбаевдин тагдырына жүрөгүм ооруйт

© Sputnik / Михаил Климентьев / Медиабанкка өтүүЗаседание Высшего Евразийского экономического совета на уровне глав государств (ВЕЭС)
Заседание Высшего Евразийского экономического совета на уровне глав государств (ВЕЭС) - Sputnik Кыргызстан
Жазылуу
Жээнбеков мамлекет үчүн оор учурда бирге болгон адамга жүрөгү ооруп жатканын айтты. Бирок бардыгы мыйзам чегинде чечилиши керек деп эсептейт.

БИШКЕК, 25-дек. — Sputnik. Президент Соооронбай Жээнбеков мурдагы президент Алмазбек Атамбаевдин азыркы абалына кайдыгер эмес экенин моюндады.

Өлкө башчынын айтымында, мамлекет үчүн оор болгон учурда бирге болгон адамдын мындай абалга кептелгени оңой маселе болгон жок.

"Мага мамлекеттин, элдин бүтүндүгү өз абийиримден, тагдырымдан дагы бийик турат. Өзүңөр көрдүңөр, кандай сөз айтылса дагы көңүл бурган жокмун. Мамлекетти экиге бөлгөнгө чейин барып, бийликти басып алууга чакырыктар болуп жатты. Мен токтоор деп күттүм. Бардыгы экөөбүздүн колубузда эле. Бирок аягында мени дагы, өзүн дагы, мамлекетти дагы туңгуюкка кептеп салды. Эми бардыгы мыйзам чегинде чечилет", — деди президент.

Президент Сооронбай Жээнбеков маалымат жыйыны учурунда - Sputnik Кыргызстан
Президент Жээнбеков Кыргызстандагы сөз эркиндиги боюнча оюн айтты
Ага карабай, Атамбаевдин маселеси баары бир жүрөгүн оорутарын кошумчалады.

“Албетте, буга менин жүрөгүм ооруйт, ойлоном. Мага да оңой эмес. Мен бир ууч кишинин кызыкчылыгын коргобой мамлекеттин, элдин кызыкчылыгын коргоого өттүм", — деди ал.

Президент сөзүнүн аягында келечекте ар бир иши үчүн элдин, мыйзамдын алдында жооп берүүгө туура келгендиктен, бардыгын мыйзам чегинде кыларын билдирди.

Жаңылыктар түрмөгү
0