Өкмөттүн кезектеги жыйыны. Архив

Ким эле, ким болду? Өкмөт мүчөлөрүнүн кандай билими бар

2059
(жаңыланган 18:46 06.02.2020)
Кыргызстандын өкмөт мүчөлөрүнүн бир тобу эки, айрымдары үч дипломго ээ. Ал түгүл арасында чет жерде окуп келгендери да бар. Министрлердин кимиси кайсы адистиктин ээси, кайсы тармакта керекке жарап жатканына Sputnik Кыргызстан редакциясы кызыгып көрдү.

Кыргыз өкмөтүндө кадрдык жүрүштөр болду. Мурда өкмөттүн экономикалык блогуна көз салган вице-премьер Замирбек Аскаров капысынан Өзгөчө кырдаалдар министрлигин жетектеп калды. Анын ордуна Россия-кыргыз өнүктүрүү фондунун төрагасы Эркин Асрандиев келди.

Sputnik Кыргызстан өкмөт мүчөлөрүнүн адистиктерин дагы бир ирет эске салууну эп көрдү.

Өкмөттүн канча мүчөсү бар?

Өкмөттүн 22 мүчөсү бар: премьер, төрт вице-премьер, 12 министр, эки мамлекеттик комитет башчысы жана министр даражасындагы өкмөттүн аппарат башчысы. Алардын катарында өкмөттүн курамына коргоо иштери жана улуттук коопсуздук мамлекеттик комитеттеринин башчылары да кирет, бирок алар президентке баш ийет.

Премьер-министр Кыргызстана Мухаммедкалый Абылгазиев в рабочем кабинете
© Фото / пресс-служба правительства/ Алишер Алиев
Премьер-министр Мухаммедкалый Абылгазиев

Премьер-министр Мухаммедкалый Абылгазиев К.И. Скрябин атындагы Кыргыз айыл чарба институтунан 1994-жылы агроном адистигине ээ болуп чыккан. Ал эми 1997-жылы Кыргызстандын Эл аралык университетинин экономика жана бизнес факультетин аяктаган.

Первый вице-премьер-министр КР Кубатбек Боронов сказал на заседании по экологическому состоянию Бишкека
© Фото / пресс-служба правительства/ Алишер Алиев
Биринчи вице-премьер Кубатбек Боронов

Биринчи вице-премьер Кубатбек Боронов 1991-жылы Фрунзе политехникалык институтун аяктаган, кесиби боюнча инженер-куруучу. Ошондой эле 2011-жылы Башкаруу, укук, каржы жана бизнес эл аралык академиясын юриспруденция адистиги боюнча бүтүргөн.

Вице-премьер-министр Кыргызской Республики Жениш Разаков встретился со спецпредставителем президента Российской Федерации по международному культурному сотрудничеству Михаилом Швыдким.
© Фото / пресс-служба правительства / Алишер Алиев
Вице-премьер Жеңиш Разаков

Вице-премьер Жеңиш Разаков үч жогорку билимге ээ. 1990-жылы Ленинград аскердик-механикалык институтунун прикладдык механика жана автоматика факультетин бүтүргөн. 2002-жылы Кыргыз мамлекеттик улуттук университетинин юридикалык факультетин жана 2013-жылы КР ИИМ академиясын сырттан аяктаган. Ачык булактарда адистиктердин аталыштары көрсөтүлгөн эмес. Министрлер кабинетинде чек ара маселелерин жана күч органдарын тескейт.

Вице-премьер-министр Алтынай Омурбекова во время интервью на радиостудии Sputnik Кыргызстан
© Sputnik / Табылды Кадырбеков
Вице-премьер Алтынай Өмүрбекова

Вице-премьер Алтынай Өмүрбекова Кыргыз мамлекеттик улуттук университетинин тарых факультетинин (1996-жыл), ошондой эле аталган окуу жайдын алдындагы Магистратура жана аспирантура борборунун юридикалык факультетинин (2002) бүтүрүүчүсү. Социалдык блокту тескейт.

Председатель правления Российско-Кыргызского фонда развития Эркин Асрандиев на заседании совета фонда
© Sputnik / Табылды Кадырбеков
Вице-премьер Эркин Асрандиев

Вице-премьер Эркин Асрандиев 1996-жылы Кыргыз мамлекеттик улуттук университетинин эсептик-коммерциялык факультетин аяктаган. Министрлер кабинетинде экономикалык маселелер боюнча иш алып барат.

Кандидат на пост министра иностранных дел Кыргызстана Чынгыз Айдарбеков
Тышкы иштер министри Чыңгыз Айдарбеков

Тышкы иштер министри Чыңгыз Айдарбеков 1998-жылы Эл аралык мамилелер (бакалавр) адистиги боюнча Кыргызстан эл аралык университетин аяктап, эки жылдан кийин ушул эле окуу жайдан юриспруденция боюнча магистрдик даража алып чыккан. Андан кийин Кыргыз-Россия Славян университетин бүтүргөн.

Министр МВД КР Кашкар Джунушалиев на презентации пилотного проекта Патрульной службы милиции по Бишкеку
© Sputnik / Табылды Кадырбеков
Ички иштер министри Кашкар Жунушалиев

Ички иштер министри Кашкар Жунушалиев КМУУнун юридикалык факультетинин бүтүрүүчүсү (2000-жыл).

Министр Юстиции КР Марат Жаманкулов на радиостудии Sputnik Кыргызстан
© Sputnik / Табылды Кадырбеков
Юстиция министри Марат Жаманкулов

Юстиция министри Марат Жаманкулов 2000-жылы Кыргыз-Россия Славян университетин юриспруденция багыты боюнча бүтүргөн. 2014-жылы КР президентинин алдындагы Мамлекеттик башкаруу академиясында Мамлекеттик жана муниципалдык уюмдарда адамдык ресурстарды башкаруу адистиги боюнча магистрдик даражага ээ болгон.

Кандидат на должность министра финансов КР Бактыгуль Жээнбаева на внеочередном заседании ЖК
© Фото / пресс-служба Жогорку Кенеша
Финансы министри Бактыгүл Жеенбаева

Финансы министри Бактыгүл Жеенбаева Кыргыз мамлекеттик университетинин эки жолку бүтүрүүчүсү (1982, 1989). Прикладдык математика жана экономика адистиктери боюнча билим алган. Экономика илимдеринин кандидаты.

Встреча вице-премьер-министра Кыргызской Республики Санжара Муканбетова  с членами Координационного Совета партнеров по развитию. 13 марта 2018 года
© Пресс-служба правительства / Сабыр Аильчиев
Экономика министри Санжар Муканбетов

Экономика министри Санжар Муканбетов 1994-жылы Кыргыз техникалык университетин радиоэлектрондук каражаттарды конструкциялоо жана технология багыты жана 2003-жылы экономика адистиги боюнча Кыргыз мамлекеттик улуттук университетин аяктаган.

Министр сельского хозяйства, пищевой промышленности и мелиорации Эркинбек Чодуев
© Sputnik / Табылды Кадырбеков
Айыл чарба, мелиорация жана тамак-аш өнөр жайы министри Эркин Чодуев

Айыл чарба, мелиорация жана тамак-аш өнөр жайы министри Эркин Чодуев үч дипломдун ээси. 1987-жылы Фрунзе политехникалык институтун инженер-куруучу адистиги боюнча аяктаган, ал эми 1998 жана 2004-жылдары экономика жана юрист адистиктери боюнча Кыргыз мамлекеттик университетин бүтүргөн.

Министр транспорта и дорог Кыргызской Республики Жанат Бейшенов на торжественной церемонии присяги новых членов Правительства Кыргызской Республики с участием Президента КР Сооронбая Жээнбекова.
© Фото / пресс-служба Жогорку Кенеша
Транспорт жана жол министри Жанат Бейшенов

Транспорт жана жол министри Жанат Бейшенов 1993-жылы Кыргыз архитектура жана курулуш институтунун автомобилдик жолдорду жана аэродромдорду куруу факультетин аяктаган. 2005-жылы Прага экономикалык университетин бүтүргөн.

Вице-премьер-министр Замирбек Аскаров во время присяги
© Пресс-служба правительства / Сабыр Аильчиев
Өзгөчө кырдаалдар министри Замирбек Аскаров

Өзгөчө кырдаалдар министри Замирбек Аскаров Ош мамлекеттик университетин эки ирет – география мугалими (1999-жыл), Финансы жана кредит (2014-жыл) адистиктери боюнча аяктаган.

Министр образования и науки КР Каныбек Исаков на радиостудии Sputnik Кыргызстан
© Sputnik / Сергей Аладьев
Билим берүү жана илим министри Каныбек Исаков

Билим берүү жана илим министри Каныбек Исаков 1987-жылы Ош мамлекеттик университетинде кыргыз тили жана адабияты жаатында билим алган. Филология илимдеринин доктору (2011-жыл) жана профессор (2018).

Министр здравоохранения Кыргызстана Космосбек Чолпонбаев
© пресс-служба мэрии города Бишкек
Саламаттыкты сактоо министри Космосбек Чолпонбаев

Саламаттыкты сактоо министри Космосбек Чолпонбаев 1985-жылы Алма-Ата мамлекеттик медициналык институтунун фармацевтикалык факультетин аяктаган. Экинчи жогорку билими боюнча юрист (Кыргыз мамлекеттик юридикалык академиясы, 2011-жыл).

Министр культуры, информации и туризма Азамат Жаманкулов в офисе Sputnik Кыргызстан
© Sputnik / Табылды Кадырбеков
Маданият, маалымат жана туризм министри Азамат Жаманкулов

Маданият, маалымат жана туризм министри Азамат Жаманкулов Кыргыз-түрк “Манас”  университетин ишканалар менеджменти адистиги боюнча бүтүрүүчүсү (2008). Үч жылдан соң Кыргызстан эл аралык университетин финансы адистиги боюнча аяктаган.

Министр труда и социального развития КР Улукбек Кочкоров во время интервью на радиостудии Sputnik Кыргызстан
© Sputnik / Табылды Кадырбеков
Эмгек жана социалдык өнүктүрүү министри Улукбек Кочкоров

Эмгек жана социалдык өнүктүрүү министри Улукбек Кочкоров 1995-жылы Кыргыз мамлекеттик улуттук университетин финансы жана кредит, 2003-жылы ошол эле окуу жайды укук таануу адистиги боюнча аяктаган. 1997-жылы КР УКМКнын жогорку курсун аяктап, төрт жылдан кийин Россиянын ФСБ академиясында квалификациясын жогорулатуу боюнча курсунан өткөн.

Председатель ГКНБ Орозбек Опумбаев провел заседание Совета безопасности КР. 8 августа, 2019 ujlf
© Пресс-служба президента КР / Султан Досалиев
Улуттук коопсуздук мамлекеттик комитетинин төрагасы Орозбек Опумбаев

Улуттук коопсуздук мамлекеттик комитетинин төрагасы Орозбек Опумбаевдин Кыргыз мамлекеттик университетин эки ирет аяктаган: экономика жана материалдык-техникалык жабдууну пландоо, Кайра даярдоо жана квалификацияны жогорулатуу институтун юриспруденция багытында аяктаган. Казакстандын Улуттук коопсуздук комитетинин жогорку курсунан өткөн.

Глава Государственного комитета по делам безопасности Эрлис Тердикбаев на заседании
© Фото / пресс-служба Жогорку Кенеша
Коргоо иштери боюнча мамлекеттик комитетинин төрагасы Эрлис Тердикбаев

Коргоо иштери боюнча мамлекеттик комитетинин төрагасы Эрлис Тердикбаев 1990-жылы Алма-Ата жалпы аскердик командалык жогорку окуу жайын, 2004-жылы РФ Куралдуу күчтөрүнүн жалпы аскердик академиясын бүтүргөн, ушул эле өлкөдө 2014-жылы Куралдуу күчтөр Башкы штабынын аскердик академиясын аяктаган.

Председатель Государственного комитета энергетики, промышленности и недропользования КР (ГКПЭН) Эмиль Осмонбетов
© Пресс-служба президента КР / Султан Досалиев
Өнөр жай, энергетика жана кен пайдалануу мамлекеттик комитетинин төрагасы Эмил Осмонбетов

Өнөр жай, энергетика жана кен пайдалануу мамлекеттик комитетинин төрагасы Эмил Осмонбетов Фрунзе политехникалык институтунда геологиялык тартуу, пайдалуу кен байлыктарды изилдөө жана чалгындоо багытында билим алып, кийин Кыргыз улуттук университетин Мамлекеттик жана муниципалдык башкаруу адистиги боюнча аяктаган.

Советник президента Кыргызстана по вопросам цифровой трансформации Дастан Догоев во время интервью на радиостудии Sputnik Кыргызстан
© Sputnik / Табылды Кадырбеков
Маалыматтык технологиялар жана байланыш мамлекеттик комитетинин төрагасы Дастан Догоев

Маалыматтык технологиялар жана байланыш мамлекеттик комитетинин төрагасы Дастан Догоев 2008-жылы Улуу Британияда Кингстон университетин аяктаган, бирок адистиги боюнча маалымат жок.

2059
Белгилер:
академия, окуу, кесип, Кыргызстан, министр, өкмөт
Тема боюнча
Аткаминерлердин аккаунтуна эмне кызыктар жарыяланат? Рейтинг
Короо толо мал, кирешеси 5 млн. сом. Министрлердин кандай байлыгы бар
Жогорку Кеңештин имараты. Архивдик сүрөт

ЖК депутаттыгына талапкер кандай критерийлерге жооп бериши керек. Тизме

202
(жаңыланган 18:29 14.08.2020)
Шайлоого катышуу үчүн талапкерлердин тизмесин берүүгө бир аптадан азыраак убакыт калды. Канча жаштан тарта шайлоого катышса болот, мурда соттолгондор эмне кылат? Ушул жана башка суроолорго жооп издедик.

20-августта шайлоого катышууну каалаган партиялар тизмесин аныктап, кийинки төрт күндүн ичинде БШКга тапшыруусу зарыл.

Sputnik редакциясы мыйзамга көз жүгүртүп, талапкерлерге жана партияларга кандай талаптар болорун эске салды.

Парламенттик шайлоонун үгүт иштерине ырчы-чоорчулар катыша албайт. Себеби

Депутаттыкка талапкер:

  • шайлоо күнү талапкер жок дегенде 21 жашка толгон болушу керек;
  • КР жараны болушу зарыл;
  • башка өлкөнүн жараны талапкер боло албайт;
  • бир киши бир гана партиянын тизмесине киргизилет;
  • соттун чечими менен акылынан ажыраган, ойлонууга жөндөмсүз деп табылган жарандар жана кылмыш жоопкерчилигин өтөп жаткан адамдар шайлоого катыша албайт;
  • мурда соттолгон болсо, жаза мөөнөтүн өтөп бүтүшү зарыл.

Тизмеге карата талаптар:

  • талапкерлердин жалпы саны 75тен көп, 200дөн аз болушу керек;
  • бир жыныстагы талапкерлер 70 пайыздан көп болбошу керек, мында саясий партиялардан көрсөтүлгөн аял жана эркек талапкерлердин тизмесиндеги кезектешүү айырмасы үч позициядан ашпоосу зарыл;
  • 35 жаштан ашпаган талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши керек;
  • ар кандай этносторго таандык талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши шарт;
  • кеминде 2 талапкер ден соолугу жагынан мүмкүнчүлүгү чектелген адамдардан болуусу, мында булардын бири биринчи 50 талапкердин тизмесине киргизилиши керек.

Эске салсак, тизмени БШК карап чыгып, аны кабыл алууга же баш тартууга укуктуу.

Парламенттик шайлоого катышууну каалаган партиялардын кожоюндары кимдер? Тизме

Талапкерлиги коюлгандан баштап шайлоонун жыйынтыгы чыккыча жаран төмөндөгү учурларда ишмердүүлүгүн токтотуусу зарыл:

  • мамлекеттик кызматкер (ЖК депутаты же президент болбосо);
  • муниципалдык кызматкер (жергиликтүү кеңештин депутаты болбосо);
  • мамлекеттик, муниципалдык мекеменин же мамлекеттин үлүшү 30 пайыздан жогору мекеменин жетекчиси;
  • ЖМК кызматкери;
  • бир партия 65тен көп мандат ала албайт.

Жогорку Кеңешке шайлоо 4-октябрь күнү өтөт. Ага катышуу ниетин 44 партия билдирген, бирок бир нечеси эмитен эле өз ыктыяры менен баш тартууда.

202
Белгилер:
мыйзам, талапкер, парламент, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Добуш сатып алууга каршы күрөш. Жээнбеков мыйзамга кол койду
Сахнадагы адам. Архив

Парламенттик шайлоонун үгүт иштерине ырчы-чоорчулар катыша албайт. Себеби

380
(жаңыланган 17:12 14.08.2020)
Бир катар талаптар КРдеги айрым мыйзамдарга өзгөртүүлөр киргизилгенден кийин кабыл алынган. Ага ылайык, талапкерлер концерт, спорттук иш-чараларды уюштура албайт.

БИШКЕК, 14-авг. — Sputnik. Күздөгү шайлоодогу үгүт иштерине ырчылар катыша албайт. Бул тууралуу БШКнын маалымат кызматынан кабарлашты.

Билдирүүгө ылайык, бир катар мыйзамдарга өзгөртүүлөр киргизилгендиктен, үгүт иштеринде концерт, спорттук иш-чараларды уюштурууга тыюу салынган.

Парламенттик шайлоого катышууну каалаган партиялардын кожоюндары кимдер? Тизме

"Шайлоо алдындагы үгүт иштери маалында коомдук иш-чараларды өткөрүүдө көчөдө, стадиондордо концерт, театралдаштырылган оюн-зоок, спорттук мелдештерди өткөрүүгө тыюу салынат. Мындай талаптар "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" конституциялык мыйзамындагы өзгөртүүлөрдө киргизген. Андыктан ырчылар шайлоо процессине жаран катары эле катышат, үгүт ишине катыша албайт", — деп БШКдан маалымдашты.

Добуш сатып алууга каршы күрөш. Жээнбеков мыйзамга кол койду

Борбордук шайлоо комиссиясынан талапкерлердин үгүт иштерине теледен берилүүчү акысыз убактысы узартылгандыгын кошумчалады.

Буга чейин бир катар маданият кызматкерлери депутаттыкка талапкерлердин үгүт ишине катышпай турганын билдирип чыгышкан.

Кыргызстанда парламенттик шайлоо үстүбүздөгү жылдын 4-октябрында өтүп, эл Жогорку Кеңештин VII чакырылышынын депутаттарын тандайт.

380
Белгилер:
үгүт иштери, үгүт, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Шайлдабекова: шайлоо өткөрүүгө санитардык каражаттар колдоо катары келет
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды