Вице-премьерликке талапкер Акрам Мадумаров. Архив

Бир да суроо берилген жок. Парламенттик коалиция Акрам Мадумаровду колдоду

740
(жаңыланган 11:45 12.02.2020)
Акрам Мадумаровду көпчүлүк коалицияга премьер-министр Мухаммедкалый Абылгазиев алып келип тааныштырды.

БИШКЕК, 12-фев. — Sputnik. Парламенттин көпчүлүк коалициясы вице-премьерликке Акрам Мадумаровдун талапкерлигин колдоду.

Аны коалицияга премьер-министр Мухаммедкалый Абылгазиев тааныштырды. Өкмөт башчы Мадумаровдун Баткенде иштеп көйгөйдү жеринен билерин айтып, андыктан чек ара маселесин тескей ала турганын белгиледи.

Жыйынга төрагалык кылган Иса Өмүркулов талапкерди суроо-жообу жок колдоого депутаттардан сунуш түшкөнүн айтып добушка койду. Натыйжада бир да суроо берилбей колдоо тапты. Бирок депутат Улугбек Ормонов суроо-жоопсуз каралып калганына нааразычылыгын билдирип, аны колдогон депутаттардын саны да аз болгонун айтты.

Мындан улам ал суроо берүүгө чакырды. Деген менен Өмүркулов анын сунушун канааттандырган жок.

Акрам Мудумаров өкмөттүн Баткен облусундагы өкүлү болуп иштеп жаткан. Ага чейин Мамлекеттик кадр кызматын жетектеген. Ал кечээ өз ыктыяры менен арыз жазып кеткен Жеңиш Разаковдун ордуна көрсөтүлүүдө.

Чек ара маселесин тескеп келген Разаков Sputnik Кыргызстандын кабарчысына үй-бүлөлүк себептерден улам вице-премьерлик кызматын тапшыруу чечимин кабыл алганын айткан.

740
Белгилер:
кызмат, вице-премьер-министр, Акрам Мадумаров, Мухаммедкалый Абылгазиев
Тема боюнча
Боронов комитеттеги кызматынан бошотулду
Жээнбеков Асрандиев жана Аскаровду жаңы кызматка дайындады
Түркия Республикасынын Президенти Режеп Тайып Эрдогандын Кыргызстанга расмий сапары. Архив

Жээнбеков Эрдоган менен коронавируска биргеликте каршы турууну талкуулады

66
(жаңыланган 19:28 06.07.2020)
Тараптар эки өлкөнүн ортосундагы өз ара аракеттешүүнү өркүндөтүү боюнча үстүбүздөгү жылга биргелешкен пландарды белгилешти.

БИШКЕК, 6-июл. — Sputnik. Президент Сооронбай Жээнбеков Түркия өлкө башчысы Режеп Тайип Эрдоган менен телефон аркылуу сүйлөшкөнүн мамлекет жетекчисинин маалымат кызматы кабарлады.

Билдирүүдө өлкө башчылар эки жактуу жана көп тараптуу кызматташуунун актуалдуу маселелерин жана буга чейин жетишилген келишимдерди ишке ашыруунун жүрүшүн талкуулашканы айтылат.

"Тараптар эки өлкөнүн ортосундагы өз ара аракеттешүүнү өркүндөтүү боюнча үстүбүздөгү жылга коюлган пландарды белгилешти. Ошондой эле коронавирус инфекциясын жайылтпоо жаатында мындан ары биргелешкен чараларды көрүү маселелерин талкуулашты", — деп айтылат маалыматта.

Эскерте кетсек, акыркы маалымат боюнча, Кыргызстанда коронавирус жуктуруп алгандардын саны 7 691ге жетти. Азыр стационарда 625 киши дарыланууда, анын 22си реанимацияда жатат. 2 843 киши ооруканадан чыгарылса, март айынан бери 92 адам көз жумду.

66
Белгилер:
кызматташуу, коронавирус, Режеп Тайип Эрдоган, Сооронбай Жээнбеков, Түркия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков өзгөчө абал режимин киргизүү боюнча пикирин айтты
Президент Сооронбай Жээнбеков. Архив

Кырдаалды болжой албай дүрбөлөң түшүрдүңөр! Жээнбеков өкмөт менен министрди тилдеди

2247
(жаңыланган 14:54 06.07.2020)
Жээнбеков медиктер эмнеге муктаж болуп жатканы боюнча маалыматты өзүнө жөнөтүп турууну Саламаттык сактоо министрлигине тапшырды.

БИШКЕК, 6-июл. — Sputnik. Президент Сооронбай Жээнбеков Коопсуздук кеңешинин жыйынында кырдаалдын өнүгүшүнө даярдык көрө албаганы үчүн өкмөт менен саламаттык сактоо министрин тилдеди. Бул туурасында президенттин маалымат кызматы билдирди.

Анда мамлекет башчы өлкөдөгү кырдаалдын өнүгүшүн божомолдоо жана анализ жүргүзүү болбогонун сындаганы айтылат. Аны менен катар алдын ала түшүндүрүү жана алгачкы медициналык жардамдарды көрсөтүү иштери толук аткарылбай, мунун кесепетинен эл дүрбөлөңгө түшкөнү үчүн нааразы болгон.

"Силер кадрлардын резервин толуктоо жана адистерди мобилизациялоо иштерин качан гана кризис келгенде баштадыңар. Саламаттык сактоо министрлиги медиктерге керектүү бардык каражаттарды, анын ичинде жеке коргонуу кийимдери боюнча Республикалык штабга жана мага толук маалымат жөнөткүлө. Ошондой эле маселени ыкчам чечилишин талап кылгыла", — деди президент.

Президент Жээнбеков кимдерди "эл душманы" деп атаарын айтты

Жыйынга мамлекеттик органдардын жетекчилери, өкмөттүн облустардагы ыйгарым укуктуу өкүлдөрү, шаар мэрлери жана райондордун акимдери катышууда.

2247
Белгилер:
сын, өкмөт, Коопсуздук кеңеши, Сооронбай Жээнбеков
Тема:
Коронавируска байланыштуу Кыргызстандагы кырдаал
Тема боюнча
Маалыматты так берип тургула. Жээнбеков министр Абдикаримов менен сүйлөштү
Кимдин ким экени ушундай учурда билинет. Жээнбеков аткаминерлерге кайрылды
Президент Сооронбай Жээнбеков. Архив

Жээнбеков Бирдиктүү евразия патенти боюнча маанилүү документке кол койду

11
(жаңыланган 22:40 06.07.2020)
Документке ылайык, бир нече өлкө менен сооданы өнүктүрүүгө, региондо инвестициялык климатты жакшыртууга шарт түзүлмөкчү.

БИШКЕК, 6-июл. — Sputnik. Президент Сооронбай Жээнбеков “Евразия патенттик конвенциясынын Өнөр жай үлгүлөрүн коргоо жөнүндө протоколун ратификациялоо тууралуу” мыйзамга кол койду. Бул туурасында мамлекет башчынын маалымат кызматы билдирди.

Аталган протоколго 2019-жылдын 9-сентябрында Нур-Султан шаарында кол коюлган. Ал эми мыйзам Жогорку Кеңеш тарабынан 2020-жылдын 11-июнунда кабыл алынган.

“Протоколдун негизги максаты — өнөр жай менчик объектилерин коргоонун евразия системасын бекемдөө жана кеңейтүү. Макулдашуучу мамлекеттердин аймагында бирдиктүү евразия патентинин негизинде өнөр жай үлгүлөрүн коргоонун мамлекеттер аралык системасын түзүлөт.  Ошондой ички рынокторун өнүктүрүү, соода жана инвестициялык иштерди жандантууга өбөлгө болот”, — деп жазылат маалыматта.

ЕЭК жалпы электроэнергетика рыногун түзүү боюнча иш-чаралардын жол картасын жактырды

Макулдашуучу мамлекеттердин курамына Азербайжан, Кыргызстан, Армения, Белоруссия, Казакстан, Тажикстан, Россия, Түркмөнстан мамлекеттери кирет.

Аны менен катар Евразия патенттик конвенциясына катышкан өлкөлөрдүн аймагында сооданы өнүктүрүүгө, ошондой эле региондо инвестициялык климатты жакшыртууга шарт түзөрү айтылат.

11
Белгилер:
Евразия, патент, кол, документ, Сооронбай Жээнбеков
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси