Биринчи вице-премьер-министр Кубатбек Боронов. Архив

Экологияны өзгөчө кырдаалда эле эстейбиз. Боронов токой чарба агенттигин сындады

135
Коллегияда Боронов экология Бишкектин эң эле көйгөйлүү маселеси экенин белгилеп, отургузулган көчөттөр өспөй жатканын айтты.

БИШКЕК,15-фев. —Sputnik. Экология саясаты өзгөчө кырдаалда гана эске келип жатканын Биринчи вице-премьер-министр Кубатбек Боронов Курчап турган чөйрөнү коргоо жана токой чарбасы мамлекеттик агенттигинин коллегиясында айткан. Бул туурасында өкмөттүн маалымат кызматынан кабарлашты.

Жыйында ал экология Бишкектин эң эле көйгөйлүү маселеси экенин баса белгилеп, отургузулган көчөттөр өспөй жатканына токтолгон. Аткаминер Курчап турган чөйрөнү коргоо жана токой чарбасы  мамлекеттик агенттигинин ишин сындаган.

"Агенттик инвестиция тартуу үчүн эл аралык уюмдар менен иштешпейт, кызматташуунун жыйынтыгы жок. Бардык иштер агенттиктин деңгээлинде эле чектелүүдө. Экология саясатын өзгөчө кырдаалда гана эстейбиз. Былтыр коллегияда Жашыл климаттык фондунун каражаттарын тартуу боюнча тапшырма берилген. Бирок биздин мамлекет каражатты башка өлкөлөргө караганда аз алууда", — деген Боронов.

Ал аталган мекеменин инвестиция тартуу боюнча эл аралык уюмдар менен тыгыз иштеши керектигин кошумчалаган.

135
Белгилер:
экология, Айлана-чөйрөнү коргоо жана токой чарбасы мамлекеттик агенттиги, өкмөт, Кубатбек Боронов
Тема боюнча
Кадыралиев: автоунааларды газга өткөрсөк шаардын абасы тазарат
Президент Сооронбай Жээнбеков Биринчи радиого маек берип жатканда

Жээнбеков Путин менен жолугар алдында эмне деди. Мамиле, кызматташтык, деңгээл

26
(жаңыланган 16:48 26.09.2020)
Келе жаткан жумада мамлекет башчы иш сапары менен Россияга барат. Маек учурунда Владимир Путин менен бир катар маселелерди талкуулай турганын билдирген.

БИШКЕК, 26-сен. — Sputnik. Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз. Бул туурасында президент Сооронбай Жээнбеков "Биринчи радиого" маек берип жатканда айтты.

Журналист мамлекет башчыдан РФ менен бүгүнкү кызматташтыктын деңгээлин кандай баалай турганын жана өлкө ортосунда эриш-аркак жылындагы пландар тууралуу сураган.

Президент Россия менен иштешүүгө чоң маани берилерин жана учурдагы мамиле эң жакшы экенин айткан.

"Эмки жумада, кудай буюрса, Россияга иш сапар менен барып, Владимир Путин менен жолугушам. Бир катар маселелерди талкуулайбыз. Ушул жумада өкмөттөр аралык комиссиянын 22-жыйыны Бишкекте өттү. Бул эриш-аркак жылдын биргелешкен программасынын алкагындагы маанилүү иш-чара. Комиссия соода-экономикалык, илимий-техникалык жана гуманитардык кызматташтык боюнча маселелерди карады. Кээ бир иш-чаралар, тилекке каршы, абалга жараша токтоп турат. Алардын мөөнөтүн өзгөртүү боюнча Россия менен сүйлөшүп жатабыз", — деген президент.

Жээнбеков парламентке канча партиянын келишин каалай турганын айтты

Президент эриш-аркак жылынын жабылыш аземи 2021-жылга жылдырылганын кошумчалаган.

"Кыйынчылыктарга карабастан биз стратегиялык өнөктөшүбүз, союздашыбыз Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз жана жумшап жатабыз", — деген Жээнбеков.

Кыргыз-Россия эриш-аркак жылында баш-аягы 200гө чукул иш-чараларды өткөрүү пландалып, бирок пандемиядан улам түрдүү мөөнөттөргө жылдырылган болчу.

26
Белгилер:
иш-чара, Кыргызстан менен Россиянын эриш-аркак жылы, кызматташтык, Сооронбай Жээнбеков, Россия, Кыргызстан
Тема:
Кыргызстан менен Россиянын эриш-аркак жылы
Тема боюнча
Шайлоодон кийин карантин киргизилеби? Президент Жээнбековдун жообу
Президент Сооронбай Жээнбеков. Архивдик сүрөт

Жээнбеков парламентке канча партиянын келишин каалай турганын айтты

83
(жаңыланган 16:14 26.09.2020)
Мамлекет башчы шайлоодон кийин парламентке канчалык көп партия келсе, өлкө үчүн ошончо утуш болорун белгиледи.

БИШКЕК, 26-сен. — Sputnik. Парламентке беш-алты партиянын келишин каалайт элем. Мындай пикирин президент Сооронбай Жээнбеков КТРКнын "Биринчи радиосуна" берген маегинде билдирди.

Мамлекет башчы ар бир партияда мамлекетчил позициясы күчтүү уул-кыздар бар экенин белгиледи.

"Парламенттин табияты ошондой. Сындашат, айрымдары популисттикке алдырышат. Бирок мамлекет үчүн, эл үчүн маанилүү маселе жаралганда баары биригет, мамлекетчил позициясын көрсөтөт. Буюрса, келе турган парламентте деле ошондой болот деп ишенем. Анткени баары эле өзүбүздүн уул-кыздарыбыз да. Талаша турган эч нерсе жок. Бирок парламентке 5-6 партиянын келишин каалайт элем. Себеби бул өлкө үчүн, туруктуулук үчүн керек", — деди Жээнбеков.

Шайлоодон кийин карантин киргизилеби? Президент Жээнбековдун жообу

Ошондой эле ал парламентке канчалык көп партия келсе, өлкө үчүн ошончолук утуш болорун белгилеп, тогуз пайыз эмес, жети пайыздык шайлоо босогосун колдогонунун негизги себеби да ушул болгонун айтты.

Соңунда президент эл кандай добуш берсе ошондой жыйынтык болорун кошумчалды.

83
Белгилер:
мамлекет, Парламент, саясый партия, шайлоо, Сооронбай Жээнбеков
Тема:
Шайлоо-2020
Тема боюнча
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды
Депутат болгум келет. Өкмөттө иштеген 140 кызматкер шайлоого катышууда
ӨКМ кызматкеринин издөө иштери. Архивдик сүрөт

Аламүдүн суусуна түшүп кеткен кыздын сөөгү бир жарым айда табылды

0
(жаңыланган 17:45 26.09.2020)
Кыз августтун ортосунда "Теплые ключи" эс алуу жайында жүргөндө сууга түшүп кеткен. Аны табууга бүгүн 95 куткаруучу тартылган.

БИШКЕК, 26-сен. — Sputnik. Чүйдүн Аламүдүн суусуна түшүп кеткен 26 жаштагы кыздын денеси бир айдан ашык убакыттан кийин табылды. Бул тууралуу ӨКМдин маалымат кызматы кабарлады.

Кыз 15-август күнү "Теплые ключи" эс алуу жайында жүргөндө Аламүдүн суусуна түшүп кеткен. Куткаруучулар анын денесин бүгүн, 26-сентябрда, саат 14:40тар чамасында тапты.

Чоң Чүй каналына чөгүп кеткен бөбөктүн сөөгү 8 күндөн кийин табылды

Аны табууга бүгүн Өзгөчө кырдаалдар министрлигинен 95 куткаруучу тартылган. Кыздын сөөгү ИИМ кызматкерлерине өткөрүп берилгени кабарланды.

0
Белгилер:
издөө, кыз, Суу, ӨКМ, Аламүдүн району, Чүй облусу
Тема боюнча
Аламүдүн: көлмөгө чөгүп кеткен эки жигиттин сөөгү табылды