Сиз мага тергөөчү эмессиз! Депутаттар Бекешев менен Райымкулов айтыша кетти

Жазылуу
Парламентте бейөкмөт уюмдарынын каржы булагын ачыктоого багытталган мыйзамды талкуулоодо талаш жаралды.

БИШКЕК, 27-фев. — Sputnik. Парламентте бейөкмөт уюмдарынын каржы булагын ачыктоого багытталган мыйзам долбоору каралып жатканда депутаттар Бактыбек Райымкулов менен Дастан Бекешев айтыша кетти.

Бекешев бул мыйзам долбоорун Социалдык маселелер, билим берүү, илим, маданият жана саламаттык сактоо боюнча комитеттин караганы регламентке каршы келерин билдирди. Эл өкүлүнүн айтымында, долбоор алгач Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитеттен өтүшү керек.

Эмне жесе иммунитет көтөрүлөт? Жолдошбаевге жооп берген аткаминер күлкүгө салды - Sputnik Кыргызстан
Эмне жесе иммунитет көтөрүлөт? Жолдошбаевге жооп берген аткаминер күлкүгө салды
Бирок төрага Дастан Жумабеков регламент бузулбаганын белгилеп, жыйынды улантты. Бекешев кайра сөз алып, бул жерде спикердин дагы кандайдыр бир кызыкчылыгы болушу ыктымалдыгын айтты.

Ал эми мыйзам долбоордун башкы демилгечиси Бактыбек Райымкулов мында бир адамдын эмес, жалпы кыргыз элинин кызыкчылыгы каралып жатканын белгиледи. Ошол учурда Бекешев Райымкуловдон "сиз буга чейин канча мыйзамдын башкы демилгечиси болгонсуз?" деп сурады. Буга "сиз менден сурагыдай тергөөчү эмессиз!" деп ачууланды Райымкулов. Эки депутаттын айтышы төмөндөгүдөй уланды:

Бекешев: — Жок, мен депутат катары сурап жатам.
Райымкулов: — Сиз тергөөчүдөй сурап жатпайсызбы!

Бекешев: —  Канча, айтсаңыз? Жок болсо жок да.
Райымкулов: — Сиз мага тергөөчүдөй болуп жатасыз.

Бекешев: — Бул мыйзамды карапайым элге шылтап жатасыз. Андай болсо сиз Чүйдө көк бөрү оюндарын өткөрүп жатасыз. Ага кеткен акчаны каяктан алганыңызды ачыкка чыгарыңыз.
Райымкулов: — Көк бөрү сүйүүчүлөрү жардам берип жатат.

Бекешев: — Бул мыйзамды элге шылтап, жакшылыкка алып барбайсыз! Менин оюм ушундай.

Жаңылыктар түрмөгү
0