Россия лидери Владимир Путин Кыргызстандын президенти Сооронбай Жээнбеков менен Кремлден жолукту

Владимир Путин Сооронбай Жээнбековду Кремлден тосуп алды

528
(жаңыланган 20:49 27.02.2020)
Учурда кыргыз-орус тарап тар чөйрөдө жолугушуп жатат. Алар бир саатка жакын сүйлөшүүлөрдү жүргүзөт. Андан соң Кыргызстандын президенти Коопсуздук кеңешинин төрагасынын орун басары Дмитрий Медведев менен жолугат.

МОСКВА, 27-фев. — Sputnik. Россия лидери Владимир Путин Кыргызстандын президенти Сооронбай Жээнбеков менен Кремлден жолукту. Тараптар тар чөйрөдө сүйлөшүүлөрдү жүргүзөт.

  • Президент Кыргызстана Сооронбай Жээнбеков во время встречи с главой России Владимиром Путиным
    Россия лидери Владимир Путин Кыргызстандын президенти Сооронбай Жээнбеков менен Кремлден жолукту
    © Пресс-служба президента КР / Султан Досалиев
  • Президент Кыргызстана Сооронбай Жээнбеков во время встречи с главой России Владимиром Путиным
    Тараптар тар чөйрөдө сүйлөшүүлөрдү жүргүзөт.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Россия лидери Владимир Путин Кыргызстандын президенти Сооронбай Жээнбеков менен Кремлден жолукту
"Биздин мамилелер бардык тараптан өнүгүп жатат. Россия Кыргызстандын негизги соода-экономикалык өнөктөшү болуп эсептелет. Соода жүгүртүү көлөмү менен инвестиция тууралуу ар дайым сүйлөшө турган сөз бар", — деди Путин.

Россиянын президенти эки өлкөнүн башчылары тез-тез жолугуп жатканын белгилеп, бул нерсе 2020-жылы дагы уланарына ишенерин айтты.

Ал эми Сооронбай Жээнбеков акыркы эки жылда орус-кыргыз кызматташуусу кыйла активдешкенин белгиледи.

"2018-жылы Кыргызстанга мамлекеттик сапар менен келгениңизде бир катар келишимдерге кол коюлган. Бул нерсе бардык жаатта иштин жүрүшүнө өбөлгө түздү", — деди Жээнбеков.

Ал ошондой эле Россия Кыргызстандын ЕАЭБдеги негизги өнөктөшү экенин кошумчалады.

Кечинде Кыргызстан менен Россиянын кайчылаш жылынын ачылыш аземи болот. Анда эки президент тең сөз сүйлөйт.

528
Белгилер:
кремль, саясат, Сооронбай Жээнбеков, президент, Владимир Путин, Кыргызстан
Тема:
Кыргызстан менен Россиянын эриш-аркак жылы (40)
Тема боюнча
Жээнбеков белгисиз жоокердин мүрзөсүнө гүлчамбар койду. Видео
Чын эле Путинсизби? РФ лидери "түгөйү" тууралуу айтып берди
Белоруссияда нааразычылык акциясынын катышуучулары

Лукашенко: митингге чыккандарды чет мамлекеттен туруп көзөмөлдөшкөн

16
(жаңыланган 16:39 10.08.2020)
Түндө президенттик шайлоодон кийин Минскиде башаламандык болуп, кишилер жабыркаган. Айрымдарын күч түзүмдөрү кармап кеткен.

БИШКЕК, 10-авг. — Sputnik. Александр Лукашенко Белоруссияда нааразычылыкка чыккандарды Польша, Британия жана Чехиядагылар башкарып жатканын билдирди. Бул тууралуу Sputnik Белоруссия агенттигинин Telegram-каналы жазды.

Анын айтымында, чет мамлекеттен чалуулар катталган, бирок аларга карабастан шайлоо жогорку деңгээлде өттү.

"Бул майрам да, аны бузгусу келгендер болду. Биз аларды байкадык, көрүнүп эле турду. Чет мамлекеттеги чалууларды каттадык. Польша, Улуу Британия жана Чехиядан чалуулар болгон, алар биздикилерди, кечиресиздер, койлорду башкарышкан. Алар өздөрү эмне кылып жатканын түшүнүшкөн жок, ошон үчүн башкарып алышты да", — деген Лукашенко КМШнын байкоочулар миссиясынын башчысы Сергей Лебедев менен болгон жолугушуусунда.

Эске сала кетсек, Белоруссиядагы президенттик шайлоонун алдын ала жыйынтыгы менен учурдагы президент Александр Лукашенко атаандаштарын жеңип чыкты.

Минск: ОМОН жоокерлери менен митингчилердин кагылышкан учуру. Видео

Түндө шайлоодон кийин Минскиде башаламандык болуп, кишилер жабыркап, кармалгандар болгон.

Президент аталган өлкөдө беш жылдык мөөнөткө шайланат. Бул сапар өлкө жетекчиси болгон адам 2025-жылга чейин бийлик башында турмакчы. Бул эгемендүүлүк алгандан тарта Белоруссияда өткөн президенттик алтынчы шайлоо.

16
Белгилер:
нааразычылык акциясы, шайлоо, президент, Александр Лукашенко, Белоруссия
Тема боюнча
38 жашта. Лукашенкодон тизгин талашкан Тихановскаянын таржымалы
Бишкек шаарынын Ленин райондук администрациясынын жаңы башчысы Чынасыл Чыныбаев. Архивдик сүрөт

Бишкектин Ленин районуна жаңы аким келди

106
(жаңыланган 14:10 10.08.2020)
Райондун буга чейинки башчысы өзү жазган арыздын негизинде кызматтан бошотулган. Эми анын орун басары аймакты тескемей болду.

БИШКЕК, 10-авг. — Sputnik. Бишкек шаарынын Ленин райондук администрациясынын башчылыгына Чынасыл Чыныбаев дайындалды. Бул туурасында мэриянын маалымат кызматынан кабарлашты.

Тиешелүү буйрукка мэр Азиз Суракматов кол койгон.

Октябрь районуна жаңы аким дайындалды

Ал эми мурдагы башчы Токтосун Султанов өз арызынын негизинде кызматтан бошотулган. Жаңы жетекчи Чыныбаев анын биринчи орун басары болуп иштеп келген.

106
Белгилер:
дайындоо, кызмат, жетекчилик, Бишкек
Тема боюнча
Ош облусун Жылкыбаевдин орун басары Юсупов жетектеп турмай болду