Шайлоо участкасына келген жаран. Архивдик сүрөт

БШК: шайлоону жылдырууга укуктук негиз жок

121
(жаңыланган 18:35 18.03.2020)
12-апрель күнү Кыргызстанда жергиликтүү кеңештерге, ошондой эле Ош, Каракол, Балыкчы, Токмок жана Майлуу-Суу шаардык кеңештерине шайлоо пландалган.

БИШКЕК, 18-мар. — Sputnik. Учурда шайлоону жылдырууга укуктук жактан эч кандай негиз жок. Мындай пикирин Шайлоо жана референдум өткөрүү боюнча борбордук комиссиянын төрайымынын орун басары Абдыжапар Бекматов билдирди.

12-апрель күнү Кыргызстанда жергиликтүү кеңештерге, ошондой эле Ош, Каракол, Балыкчы, Токмок жана Майлуу-Суу шаардык кеңештерине шайлоо пландалган. Бирок бүгүн, 18-мартта, Жалал-Абаддын Сузак районунда коронавирус жуктургандар аныкталып, ал жакта өзгөчө кырдаал киргизилди.

Анын айтымында, учурда БШК шайлоого даярдануу иштерин жүргүзүп жатат.

"Жергиликтүү кеңештердин депутаттарын шайлоо тууралуу" мыйзамга ылайык, өлкө боюнча же белгилүү бир аймакта өзгөчө же аскердик абал жарыялаганда гана шайлоо жылдырылат. Шайлоону токтотууга азырынча укуктук негиз жок", — деди Бекматов.

Маалыматка караганда, аталган мыйзам боюнча жергиликтүү кеңештерге шайлоо белгиленген учурда өткөрүлүшү шарт.

Учурда Кыргызстанда аталган шаарларда жана бир нече айылдарда жергиликтүү кеңештердин депутаттарын шайлоого даярдык өнөктүгү жүрүп жатат.

Кыргызстанда учурда коронавируска байланыштуу абал кандай болуп жатканын Sputnik Кыргызстан агенттигинин тексттик трансляциясынан жана Телеграм-каналдан окуй аласыздар. 

121
Белгилер:
Шайлоо, БШК, коронавирус, Кыргызстан
Тема:
Кыргызстандагы коронавирус жуктуруп алгандар (453)
Тема боюнча
Кербен шаарында умрадан келген киши конок тоскон. Төртөө тест тапшырууда
Ысык-Көлдө төрт адамдын экөө мажбурлап карантинге алынды
Исаков: карантинге депутат, министрлердин туугандары алынууда
Эртең-бүрсүгүнү умрадан дагы 300 кыргызстандык кайтып келет