Премьер-министр Мухаммедкалый Абылгазиев шаар коменданты Алмаз Орозалиев менен жолугушуу учурунда

Соодагерлер кампаларга жете албай жатат. Премьер шаар коменданты менен жолукту

430
(жаңыланган 13:39 28.03.2020)
Абылгазиевдин айтымында, бүгүнкү күнү азык-түлүк жетиштүү. Күнүмдүк керектөөдөгү продуктулар ташылып келген өлкөлөр менен чек ара ачык, жүк ташыган унаа каражаттары тоскоолдуксуз өтүп жатат.

БИШКЕК, 28-мар. — Sputnik. Айрым дүң соодагерлер кампаларга жете албай, сатыкка чыгаруу үчүн товарларын алып кете албай жатканын айтышууда. Биз чекене саткан дүкөндөргө товарларды убагында жеткирүү үчүн кампаларга барууга уруксат беришибиз керек. Бул тууралуу премьер-министр Мухаммедкалый Абылгазиев шаар коменданты Алмаз Орозалиев менен жолугушуусунда айтты.

Орозалиев борбор калаадагы учурдагы абал тууралуу маалымат берди. Өкмөт башчы коменданттык сааттын талаптарына токтолуп, киргизилген тыюулар белгилүү бир оңтойсуздуктарды жаратып жатканын белгиледи.

"Бирок бул убактылуу чектөөлөр жана коопсуздугубуз үчүн зарыл. Өзгөчө абал киргизилген шаарлардын жана райондордун калкы киргизилген чектөөлөрдү түшүнүү менен кабыл алып, белгиленген эрежерлерди сактап башташты. Комендатуранын жана кээ бир мамлекеттик органдардын ишинде системалуу айрым бир кемчиликтер бар. Аларды мүмкүн болушунча ыкчам четтетүү керек», — деди Абылгазиев.

Премьердин айтымында, борбор калааны азык-түлүк, күнүмдүк керектөө товарлары жана дары-дармектер менен камсыздап жаткан ишкерлер үчүн тоскоолдуктарды тезинен четтетүү зарыл.

«Айрым дүң соодагерлер кампаларга жете албай, сатыкка чыгаруу үчүн товарларын алып кете албай жатканын айтышууда. Биз чекене саткан дүкөндөргө товарларды убагында жеткирүү үчүн кампаларга барууга уруксат беришибиз керек.  Бирок сатуучулардын социалдык жоопкерчилиги бар экендигин да унутпоого тийишпиз. Бааларды көтөрүп же соода түйүндөрүн жөн эле жаап койгон болбойт. Ошондуктан Бишкек комендатурасы мындай фактыларды аныктап, эреже бузгандарды мыйзамга ылайык жазалоого тийиш. Ошону менен бирге, дагы бир ирет белгилей кетсем, бүгүнкү күнү азык-түлүк жетиштүү. Күнүмдүк керектөөдөгү продуктулар ташылып келген өлкөлөр менен чек ара ачык, жүк ташыган унаалар тоскоолдуксуз өтүп жатат», — деди өкмөт башчы.

Премьер-министр медицина кызматкерлерин бардык зарыл нерселер менен камсыздоо керек экенин баса белгиледи. Ага катар өзгөчө абал режими учурунда мамлекеттик органдардын көпчүлүк кызматкерлери үйдөн иштөөгө өтүү керектигин эскертти. Муну менен катар алар коронавирус инфекциясынын мындан аркы жайылуусуна жол бербөө максатында гигиенаны катуу сактоого милдеттүү.

Белгилей кетсек, учурда Кыргызстанда коронавирус жуктургандардын саны 58ге жетти.

Sputnik Кыргызстан агенттиги тексттик трансляция жүргүзүп жатат.

430
Белгилер:
азык-түлүк, дарыгерлер, ишкер, кампа, соода, Бишкек, Мухаммедкалый Абылгазиев
Тема:
Коронавируска байланыштуу Кыргызстандагы кырдаал (2057)
Тема боюнча
COVID-19 менен күрөшүү эсебине дээрлик 50 млн. сом түштү
Түндө коменданттык саатты бузган 223 киши кармалды, анын үчөө өспүрүм балдар
Борбордук шайлоо комиссиясынын төрайымы Нуржан Шайлдабекова

Шайлдабекова: үгүт иштеринде концерт, спорттук оюндарды өткөрүүгө тыюу салынат

93
(жаңыланган 17:40 03.08.2020)
Борбордук шайлоо комиссиясынын төрайымы Нуржан Шайлдабекова 4-октбярда өтө турган парламенттик шайлоонун үгүт иштери учурунда массалык оюн-зоокторго тыюу салынарын айтты.
Шайлдабекова: үгүт иштеринде концерт, спорттук оюндарды өткөрүүгө тыюу салынат

Конституцияда шайлоонун үгүт иштери учурунда массалык түрдө эл чогултуп спорттук оюндарды, концерт өткөрүүгө тыюу салынган. Бул мыйзам азыркы эпидемиологиялык шартка абдан туура келип жатат. Бул тууралуу Нуржан Шайлдабекова Sputnik Кыргызстан радиосунун "Ачык кеп" программасына маек куруп жатып билдирди.

Анын айтымында, быйыл октябрь айында өтүүчү парламенттик шайлоодо үгүт иштери көбүнесе интернет платформасында жүргүзүлөт.

Шайлдабекова: шайлоо өткөрүүгө санитардык каражаттар колдоо катары келет

"Баш мыйзамда шайлоо алдындагы үгүт иштеринде спорттук оюндарды, концерттерди өткөрүүгө тыюу салынган. Анткени оюн-зооктордо партиянын программасы, талапкерлер тууралуу маалымат айтылбай эле жөн гана көңүл ачуу максаты аткарылып жатат. Андыктан Конститутция буга чейин эле мындай аракеттерге тыюу салган болчу. Бирок азыр эпидемиологиялык абал курчуп турганда бул мыйзамды аткарылышына өзгөчө көңүл бурулушу шарт. Шайлоону өткөрүү боюнча түзүлгөн республикалык штаб да бул боюнча алгоритмдерди иштеп чыгат", — деди Шайлдабекова.

Ал Кыргызстандын ар бир жараны санитардык-эпидемиологиялык эрежелерди сактоого милдеттүү экендигин кошумчалады.

93
Белгилер:
үгүт, коронавирус, шайлоо, Нуржан Шайлдабекова
Тема:
Шайлоо-2020
Тема боюнча
Бактыгулов: келе жаткан шайлоодо аймактардагы лидерлер чоң роль ойнойт
Кыргызстандын президенти Сооронбай Жээнбеков. Архив

Президент "Маалыматты манипуляциялоо жөнүндө" мыйзамга кол койгон жок. Себеби

176
(жаңыланган 13:45 03.08.2020)
Демилгечилердин айтымында, мыйзам иштей баштаса фейк-аккаунттар өчүрүлүп, ЖМК же социалдык баракча аркылуу жалган маалымат тараткандарды соту жок эле мамлекеттик органдар жоопко тарта алат.

БИШКЕК, 3-авг. — Sputnik. Президент Сооронбай Жээнбеков "Маалыматты манипуляциялоо жөнүндө" мыйзамга карата каршы пикирге кол койду. Бул тууралуу мамлекет башчы "Биринчи радионун" түз эфириндеги маегинде айтты.

Президент мыйзамдын негизги концепциясын — ар бир адамдын укуктарын жана эркиндиктерин интернет тармагында таратылган жалган жана анык эмес маалыматтан коргоонун зарылдыгын колдоп, ошону менен бирге төмөнкү каршы пикирлерди билдирет.

Эмнеси жаман? Депутат соцтармакты чектеген мыйзамга каршы кесиптештерине таң калды

Пикир билдирүүнүн жана маалыматтын эркиндиги өлкөбүздүн негизги мыйзамында, ошондой эле адам укуктары жөнүндө бир катар эл аралык жана региондук келишимдерде кепилдик кылынган адам укуктарынын бири болуп эсептелет жана демократиялык коомду өнүктүрүүдө негизги ролду ойноору айтылат.

"Ошол эле учурда мамлекетибиздин негизги мыйзамы жарандарды башка адамдардын укуктарын, эркиндигин, ар-намысын жана аброюн урматтоону милдеттендирет. Ар бир адам жеке турмушунун кол тийбестигине, ар-намысынын жана аброюнун корголушуна укуктуу", — деп айтылат билдирүүдө.

Ошону менен бирге дүйнөдөгү коронавирус пандемиясы мезгилинде социалдык тармак аркылуу жалган маалыматтарды таратуу аракеттери жарандардын ден соолугуна, өмүрүнө, коомдук тартипке зыян келтирип жатканы кошумчаланды.

Эркектей болгула! Соцтармакты чектөөнү сунуштаган Асылбаева депутаттарга кайрылды

Бул маселенин коомдогу маанисин эске алып, мыйзамдын редакциясын, тактап айтканда, ишке ашыруунун механизмдерин жана жөнгө салуунун техникалык аспектилерин коомчулуктун, эксперттик коомдун жана мамлекеттик органдардын өкүлдөрүн тартуу менен кайрадан карап чыгуу сунушталат.

"Бул мыйзамды кароону адам укуктарын, мамлекеттик саясатты, мамлекеттин технологиялык жана туруктуу өнүгүүдөгү мүмкүнчүлүктөрүн эске алуу менен камсыз кылуу керек деп эсептейм. Баш мыйзамдын 64 жана 81-беренелерин жетекчиликке алып макулдашылган вариантты иштеп чыгуу үчүн кайтарам. Бул каршы пикирди Жогорку Кеңеште кароодо аны сунуштоону Маданият, маалымат жана туризм министрине жүктөйм", — деген президент.

Мыйзам долбоору Жогорку Кеңештин депутаттары Гүлшат Асылбаева, Айнура Осмонова тарабынан демилгеленген. Ал тогуз беренеден турат. Анда интернет колдонуучуларынын, сайт ээлеринин жана провайдерлердин милдеттери тууралуу жазылган.

Депутаттар "Маалыматты манипуляциялоо жөнүндө" мыйзамын кабыл алды

Демилгечилердин айтымында, фейк-аккаунттар өчүрүлүп, ЖМК же социалдык баракча аркылуу жалган маалымат тараткандарды соту жок эле мамлекеттик органдар жоопко тарта алат. Бирок муну менен кайсы орган алектенери так көрсөтүлгөн эмес.

 25-июнда Жогорку Кеңеш аталган мыйзамды кабыл алган. Ага 79 депутат макул болуп, 10 эл өкүлү каршы чыккан.

 

176
Белгилер:
Сооронбай Жээнбеков, фейк, сөз эркиндиги, Жогорку Кеңеш, мыйзам, Кыргызстан
Тема боюнча
Депутаттар "Маалыматты манипуляциялоо жөнүндө" мыйзамын кабыл алды
Кан тапшырып жаткан аял. Архив

Пульмонолог: КРде COVID-19ду дарылоого плазма колдонулбайт

0
(жаңыланган 09:23 04.08.2020)
Саламаттык сактоо министрлигинин штаттан тышкаркы башкы пульмонологунун айтымында, плазма келечекте колдонулушу мүмкүн. Бирок учурдагы протокол ага жол бербейт.

БИШКЕК, 4-авг. — Sputnik. Кыргызстанда COVID-19ду дарылоо үчүн коронавирустан сакайгандардын канынын плазмасы колдонула элек. Бул тууралуу Саламаттык сактоо министрлигинин штаттан тышкаркы башкы пульмонологу, профессор Талант Сооронбаев “Дарыгерге сөз” берүүсүндө айтты.

Хижама ыкмасы коронавирус же пневмониядан айыктыра алабы? Адистин жообу

"Кыргызстандын жана башка көптөгөн өлкөлөрдүн алгоритминде COVID-19ду дарылоо үчүн коронавирустан сакайгандардын канынын плазмасын колдонуу каралган эмес. Плазма куюу — бул өтө оор процесс. Социалдык тармактарда райондордун биринде плазма колдонулуп жатат деп айткандар бар экен. Бул туура эмес маалымат”, — деди пульмонолог.

Анын айтымында, плазма келечекте колдонулушу мүмкүн. Бирок учурдагы протокол ага жол бербейт.

0
Белгилер:
кан, плазма, коронавирус, Кыргызстан
Тема боюнча
Сатыбалдиева: коронавирусту кан куюп дарылоо боюнча протокол жок