Кыргызстандын желеги. Архив

КРди парламенттик же президенттик башкарууга өткөрүү боюнча мыйзам долбоору жарыяланды

2752
(жаңыланган 11:38 02.04.2020)
Депутат бир жылдын ичинде бүткүл элдик добуш берүү жана Жогорку Кеңешти шайлоону өткөрүүнү сунуштап жатат. Мыйзам долбоор ЖКнын сайтына жарыяланды.

БИШКЕК, 1-апр. — Sputnik. Жогорку Кеңештин депутаты Курманкул Зулушев Кыргызстандын мамлекеттик түзүлүшүн аныктоо боюнча, тагыраагы, парламенттик же президенттик башкарууга өтүү үчүн референдум өткөрүүнү сунуштап жатат.

Сурамжылоо

Башкаруу формасы боюнча референдум өткөрүүгө кандай карайсыз?
  • Туура. Бул актуалдуу маселе
    35.9% (49)
  • Өткөрүш керек, бирок азыр ылайыксыз учур
    18.4% (25)
  • Башкаруунун азыркы формасы эле жагат
    7.4% (10)
  • Мааниси жок
    3.7% (5)
  • Каршымын. Ушунун азыр эмне кереги бар эле
    34.6% (47)
Добуш бергендер: 136
Мыйзамдын долбоору 1-апрелден тарта коомдук талкууга коюлду.

Демилгечинин идеясына караганда, бүткүл элдик добуш берүү 2020-жылдын 4-октябрына белгилениши керек.

Бюллетенде “Мамлекеттик башкаруунун кайсы формасын колдойсуз?” деген суроо жана жооптун эки варианты: “президенттик”,  “парламенттик” деп көрсөтүлөт.

Эл өкүлү Боршайкомдун божомолу боюнча Жогорку Кеңешти шайлоо 2020-жылдын 4-октябрында өтсө, референдумду дагы ошол күнгө, 4-октябрга белгилесе болорун кошумчалаган.

Мыйзам долбоору менен Жогорку Кеңештин сайтынан таанышыңыздар.

2752
Белгилер:
парламент, президент, Кыргызстан
Тема боюнча
Жогорку Кеңеш Исмаилова менен Абдикаримовдун талапкерлигин колдоду
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

63
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

63
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Жаңы дайындалган баш прокурор Курманкул Зулушев. Архив

Жапаров Зулушевди Башкы прокуратура жамаатына өзү барып тааныштырды

49
(жаңыланган 14:22 22.10.2020)
Жапаров жаңы жетекчи Зулушевдин прокуратура жана сот системасында көп жылдап иштеп келген кесипкөйлүгүн баса белгиледи.

БИШКЕК, 22-окт. — Sputnik. Президенттин милдетин аткаруучу Садыр Жапаров жаңы дайындалган баш прокурор Курманкул Зулушевди эмгек жамаатка өзү барып тааныштырды. Бул туурасында президенттин маалымат кызматынан кабарлашты.

Жапаров Зулушевдин прокуратура жана сот системасында көп жылдап иштеп келген кесипкөйлүгүн баса белгилеп, оң пикирин айткан.

Президенттин милдетин аткаруучу анын топтогон тажрыйбасы, билими прокуратура органдарына жүктөлгөн негизги милдеттерди аткарууга жардам берет, ал эми жеке түзүм жаңы жетекчиге ар тараптуу колдоо көрсөтөт деген ишенимин билдирген.

Парламент Курманкул Зулушевди башкы прокурор кылып бекитти

"Акыйкаттык болбогон өлкөдө эч качан өнүгүү болбойт, андыктан сиз ушул маанилүү иште мамлекеттин таянычы болушуңуз керек. Мамлекеттин негиздери өзгөрүүсүз калууга тийиш", — деген Жапаров.

Башкы прокурор ишеним көрсөткөндүгү үчүн ага ыраазычылыгын билдирди, милдеттерди жүзөгө ашыруу үчүн бардык күч-аракетин жумшай турганына ишендирген.

Эске салсак, кечээ Жогорку Кеңештин жыйынында мурдагы депутат Зулушевдин талапкерлиги башкы прокурор кызматына жактырылган.

Ал эми Жапаров өзүнүн жарлыгы менен аны аталган кызматка дайындаган.

49
Белгилер:
Садыр Жапаров, Курманкул Зулушев, баш прокурор, Кыргызстан
Тема боюнча
Садыр Жапаров Азиз Суракматовдун отставкасын кабыл алды