Вице-премьер-министр Алтынай Өмүрбекова жана саламаттык сактоо министри Космосбек Чолпонбаев. Архивдик сүрөт

Өмүрбекова менен Чолпонбаевдин кызматтан кетишине эмне себеп болду?

861
(жаңыланган 22:04 02.04.2020)
Президенттин төрагалыгында өткөн Коопсуздук кеңешинин беш жолку жыйынында кабыл алынган чечимдер көз жаздымда калганы белгиленет.

БИШКЕК, 2-апр. — Sputnik. Коопсуздук кеңешинин катчылыгы Коронавирустун жайылышын алдын алуу боюнча Республикалык штабды жетектеп турган вице-премьер Алтынай Өмүрбекова менен саламаттык сактоо министри Космосбек Чолпонбаевдин кызматтан алынышынын себептерин айтты.

Маалыматта 27-январдан 31-мартка чейин президент Сооронбай Жээнбековдун төрагалыгында Коопсуздук кеңеши беш ирет отурум өткөрүп, коронавирус инфекциясынан коргонууга багытталган чечимдер кабыл алынганы белгиленет.

Алтынай Өмүрбекова эмнесинен жазды?..

Вице-премьер-министр КР Алтынай Омурбекова на заседании
© Пресс-служба правительства КР
Экс-вице-премьер Алтынай Өмүрбекова

Республикалык штаб вирусту өлкө аймагына киргизбөө жана жайылтпоо боюнча өз убагында тийиштүү чараларды колдонуп, көзөмөлдөгөн эмес;

Вице-премьер Алтынай Өмүрбекованын жетекчилигиндеги штаб бардык адистештирилген лабораторияларды, анын ичинде мобилдүү лабораторияларды уюштуруп, зарыл болгон ПЦР-тесттердин запасы жана аларга керек болгон материалдар менен камсыздашы керек болчу, бирок бул иштер аткарылган эмес. Коронавирусту аныктоо үчүн болгону эки гана лаборатория иштетилип, кийин дагы үчөө кошулган. Тиешелүү сунуштамалар берилгенден кийин иштеп жаткан лабораториялардын саны 10го жетти;

Үстүбүздөгү жылдын январь айынын аягында реагенттердин жана тест-системалардын баасы минималдуу эле. Пандемия жарыяланган күндөн баштап суроо-талап жогору болгондуктан алардын баасы үч эсеге кымбаттаган.

Космосбек Чолпонбаев адистердин кеңешин укпай койгон

Министр здравоохранения КР Космосбек Чолпонбаев на пресс-конференции по случаю коронавируса В КР. Бишкек. 20 марта 2020 года
© Пресс-служба правительства КР Алишер Алиев
Мурдагы саламаттык сактоо министри Космосбек Чолпонбаев

Январь айында вирусологдор менен лаборанттар Саламаттыкты сактоо министрлигинин жетекчилерине, анын ичинде министр Космосбек Чолпонбаевге коронавирус жуктургандарды аныктоо жана анализдерин чыгаруу үчүн тест-системаларды алуу зарылдыгын айтып, бир нече жолу кайрылышкан. Бирок алардын сунуштары этибарга алынган эмес. Мунун кесепетинен лабораторияларга керек болгон материалдар менен камсыздоо иштери ар кандай ыкмалар менен авралдык режимде жүргүзүлүүдө.

Президентке чындыкка коошпогон отчёт берилген

Алтынай Өмүрбекова жетектеген Республикалык штабдын иши жакшы уюштурулбагандыктан мамлекеттик органдардын иши жетиштүү координацияланбай, зарыл болгон чечимдер убагында кабыл алынбай жатты;

Саламаттык сактоо министринин ишине жоопкерчиликсиз мамилесинен улам коронавируска кабылган адамдар өз убагында аныкталбай, толук айыкканга чейин обсервацияга жаткырылган эмес;

31-марттагы акыркы жыйында саламаттык сактоо министри коронавирустун жайылышына бөгөт коюуга багытталган иш-чараларды жүзөгө ашыруудагы кемчиликтерин мойнуна алды.

Буга чейин эле Чолпонбаев жасалып жаткан иштер тууралуу отчётунда реалдуулукка жатпаган маалыматты берип келген;

Коопсуздук кеңеши тарабынан Саламаттыкты сактоо министрлигине зарыл болгон дары-дармек жана жеке коргонуу каражаттарынын (коргоочу костюмдар, бет каптар, кол каптар, дезинфекциялоо каражаттары, реагенттер) запасын алуу тапшырылган. Бирок сунушталган иш-чаралар аткарылбай эле жыйындарды өткөрүү менен гана чектелип калган;

Республикалык штабдын кабыл алган чечимдери облус, райондорго өз маалында жеткирилген эмес. Алардын аткарылышында көзөмөл жок болгон. Мунун натыйжасында облустук штабдардын ишинин координацияланбаганы өлкө аймагындагы реалдуу кырдаалга баа берүүгө таасирин тийгизди;

Медициналык каражатка дароо таңкыстык пайда болуп, эл арасында ажиотаж жаралды;

Алгачкы учур катталгандан кийин да коронавирустун жайылып кетишине жол бербөө боюнча чаралар формалдуу көрүлгөн.

Жоопкерчиликсиз жетекчилер коомчулуктун нааразычылыгын жаратты

Айрым посттор тепловизорлор менен камсыздалган жок, ал жерде турган кызматкерлерге жеке коргонуучу каражаттар берилген эмес.

Мисалы, Казакстанга Кыргызстандан барган жарандан вирус табылганда, КР Саламаттыкты сактоо министрлиги бул жаран менен контакт болгондорду ыкчам түрдө издеген эмес.

Министр Чолпонбаев мойнуна жүктөлгөн бир канча тапшырмаларды аткарбай жүрө берген.

Өмүрбекова жана Чолпонбаевдин жоопкерчиликсиз ишинин кесепетинен аргасыз кошумча күчтөр тартылып, финансы каражаттары изделип жатат;

Бардык жогоруда көрсөтүлгөн фактылар эпидемиологиялык абалга терс таасирин тийгизип, ооруну жуктуруп алган жарандардын санынын өсүшүнө алып келди.

Коопсуздук кеңеши вице-премьер менен министрге эмнелерди сунуштаган?

30-январга чейин Кытай жана вирус катталган өлкөлөрдөн келип жаткандар, ошондой эле Кыргызстанда жаңы учур аныкталганда көрүлө турган кечиктирилгис чаралар камтылган планды иштеп чыгуу;

Коронавирусту жуктургандарды өз убагында аныктоо жана жайылуусуна жол бербөө үчүн бардык тиешелүү мамлекеттик органдар менен тыгыз кызматташтыкта күнү-түнү мониторинг жүргүзүү;

Чек ара кызматы жана Бажы кызматы менен биргеликте чек ара көзөмөл-өткөрүү пункттарындагы санитардык-эпидемиологиялык жана миграциялык көзөмөлдү, анын ичинде аба, автомобиль жана темир жол транспорту объектилериндеги көзөмөлдү күчөтүү;

Көзөмөл-өткөрүү пункттарын коронавирус жуккан учурларды аныктоо жана андан коргонуу үчүн зарыл болгон бардык каражаттар менен жабдуу;

Кытайдан жана эпидемиологиялык абалы начар делинген өлкөлөрдөн келип жаткан жарандарга жашаган дареги боюнча милдеттүү медициналык текшерүүнү уюштуруу;

Республикада эпидемиологиялык абал начарлап кете турган болсо медициналык мекемелердин калкка зарыл болгон жардамды көрсөтүүгө даярдыгын камсыздоо;

Саламаттык сактоо министри Космосбек Чолпонбаев чек аралардагы бардык көзөмөл-өткөрүү пункттарын ыкчам тартипте жеке өзү барып эпидемиологиялык талаптарга шайкеш келишин, техникалык, материалдык жактан жабдылышын жана медициналык кызматкерлер менен камсыздалышын текшерүүгө тийиш;

Коопсуздук кеңешинин ар бир отурумунда ишке тартылган бардык мамлекеттик органдардын жетекчилерине сунушталган иш-чараларды жүзөгө ашыруу жана өлкөдөгү эпидемиологиялык кырдаал үчүн жеке жоопкерчилик тарта тургандыгы жөнүндө бир нече ирет эскертилген.

861
Белгилер:
жумуш, коронавирус, Космосбек Чолпонбаев, Алтынай Өмүрбекова, Коопсуздук кеңеши
Тема боюнча
Биле жүрүңүз! Коопсуздук кеңеши кабыл алган чечимдердин тизмеси

Крымдан улам НАТО Россия армиясына тыюу салууга кыялданып келет

124
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

124
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
Салык кызматынын төрагасы Кабыл Абдалиев. Архив

Артем Новиков Салык кызматынын төрагасы Кабыл Абдалиевге сөгүш берди

124
(жаңыланган 19:04 04.12.2020)
Өлкөнүн башкы салыкчысынын сөгүш алышына "Чалдыбар" көзөмөл-өткөрмө пунктундагы иштер себеп болушу ыктымал.

БИШКЕК, 4-дек. — Sputnik. Өкмөттүн маалымат кызматы Салык кызматынын төрагасы Кабыл Абдалиевге сөгүш берилгенин билдирди.

Анда Абдалиев өзүнө жүктөлгөн милдеттерди талаптагыдай аткарбагандыгы белгиленет.

Тийиштүү буйрукка премьер-министрдин милдетин аткаруучу Артем Новиков кол койгон.

Жакында эле өкмөт башчынын милдетин аткаруучу "Чалдыбар" көзөмөл-өткөрүү пунктунда Салык кызматынын төрагасынын орун басары Искендер Асылкуловго каарын төккөн. Анын ачуусун келтиргени — ноябрдын аягында ишке кирип, товарлардын эсебин ала турган системанын алигече үкөктөн чыгарылбай турганы болгон.

Бирок кийин салык кызматы ал иштерге башка мамлекеттик органдар жооптуу экенин айтып билдирүү тараткан.

124
Белгилер:
Мамлекеттик салык кызматы, сөгүш, өкмөт
Тема боюнча
Новиковго жооп бере албай буйдалган салыкчы. Видео
Новиковдон кагуу жеп буйдалган жетекчи. Салык кызматы түшүндүрмө берди
Нарын облусу. Архивдик сүрөт

Өкмөт Нарынга 300 үй-бүлө үчүн эксперименталдык айыл курууга белсенүүдө

0
(жаңыланган 11:13 05.12.2020)
Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда.

БИШКЕК, 5-дек. — Sputnik. Кыргыз өкмөтү Нарын облусуна "Ак-Тилек" деп аталган эксперименталдык конуш курууга белсенип жатат. Тийиштүү буйруктун долбоорун Архитектура, курулуш жана коммуналдык-турак жай агенттиги коомдук талкууга чыгарды.

Жаңы конуш Ак-Талаа районунда пайда болору айтылган. Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда. 1990-жылдын аягынан 2010-жылга чейин бул аймактарда бир нече жолу жер силкинип, сел түшүп кыйроолорго алып келген. Өзгөчө кырдаалдар министрлиги ал жердин тургундарын көчүрүү зарыл деген корутунду чыгарган.

Ак-Тилек конушу 300 турак жайга (1500 адам) ылайыкташкан. Курулуш агенттиги жерлер 2019-жылдын ноябрында эле өкмөттүн токтому менен трансформация болгонун билдирди.

Конушту куруу жана пландаштыруу боюнча жаңы ыкмаларды колдонуу (конструкция, курулуш материалдары, инженердик камсыздоо системасы) чечими кабыл алынгандыктан эксперименталдуу калктуу конуш деген макам берилет.

Ошондой эле планын иштеп чыгууда шаар куруу боюнча дүйнөлүк тажрыйба жана экологияга аяр мамиле жасоо принциби колдонулганы белгиленет. Үйлөрдүн ичи жылуу жана жер титирөөгө туруштук берүү деңгээли жогору болоруна ишендирет.

Долбоордун суммасы жазылган эмес, бирок өкмөт ага бюджеттик каражат коротулбай турганын айтты. БУУнун Европа экономикалык комиссиясынын долбоору аркылуу каражат жана инвестиция тартылары күтүлүүдө. Бул боюнча алдын ала макулдашуу түзүлгөн.

Техникалык документациясы менен өкмөттүн сайтынан кененирээк таанышууга болот.

0
Белгилер:
айыл, тургун, курулуш, Нарын, жаңы конуштар
Тема боюнча
Өрттөнгөн прокуратуранын ордуна эмнеге шаардык кеңештин имараты курулат. Жооп
Өзгөн менен Араванда эки төрөт үйү пайдаланууга берилди