БИШКЕК, 15-апр. — Sputnik. Өлкө башчы Сооронбай Жээнбеков бүгүн, 15-апрелде, Жогорку Кеңештин жыйынына катышууда. Бул туурасында президенттин маалымат кызматы билдирди.
Ага ылайык, парламенттин жыйынында өкмөттүн жаңы мүчөлөрү ант беришет.
"Кыргыз Республикасынын өкмөтү жөнүндө" конституциялык мыйзамдын 7-беренесинин 2-бөлүгүнө ылайык, өкмөттүн жаңы мүчөлөрү өлкө президентинин катышуусунда ант беришет. Жыйында президент Сооронбай Жээнбековдун сөз сүйлөшү күтүлүүдө", — деп айтылат маалыматта.
Белгилей кетсек, КРдин Конституциясынын 64-беренесинин 2-бөлүгүнүн 3-пунктуна ылайык, өлкө президенти Жогорку Кеңештин жыйындарында сөз сүйлөөгө укуктуу.
