Германиядагы Эшвайлер шаарында турган өзөктүк электр станциясы. Архив

АКШ өзөктүк технологиялар рыногунан Россияны сүрүп чыгара алабы? Пикир

255
(жаңыланган 17:20 24.04.2020)
АКШ өзөктүк технологиялар рыногун ээлеп турган Россия менен Кытайды четке сүрүп, бул жаатта өзү лидер болууну көздөп жатат. Sputnik радиосунун эфиринде аскерий баяндамачы Андрей Кошкин Вашингтондун ойлогонун жүзөгө ашыра алар-албасы тууралуу айтып берди.

БИШКЕК, 24-апр. — Sputnik. АКШнын Энергетика министрлиги Россия менен Кытайды өзөктүк технология рыногунан четтетүү максаты коюлган жаңы стратегиясын жарыялады. Ведомствонун сайтында айтылгандай, эми Кошмо Штаттар бул тармакта дүйнөлүк лидерге айталынышы керек.

"Натыйжада АКШ өкмөтү бүгүнкү азыр Кытай менен Россиянын мамлекеттик компаниялары үстөмдүк кылып турган рынокко чыгып, өзөктүк энергетика тармагында мыкты технологияларды экспорттоодогу лидерлик позициясын, ошону менен бирге жайылтпоонун катаал стандарттарын кайтарат", — деп жазылат президент Дональд Трамптын кароосуна жиберилген документте.

Министрликтин планы боюнча Россия менен Кытайдын "коңшулаш жайгашкан Чыгыш Европа жана Африка өлкөлөрү менен" байланышын бекемдеп алуусуна жол бербеш керек. Мындан сырткары, АКШнын өзөктүк жөнгө салуу комиссиясына "улуттук коопсуздукту камсыздоо максатында Россия менен Кытайдан өндүрүлгөн өзөктүк отунду алуудан баш тартчу" укук берүү сунушталып жатат.

РИА Новости белгилегендей, бул "Росатом" мамлекеттик корпорациянын компанияларына тийиштүү болушу мүмкүн. 2016-жылы аталган корпорация "ТВС-Квадрат" деп аталган өзөктүк отундун тажрыйбадан өткөрүү боюнча Американын АЭС операторлорунун бири менен алгачкы келишимге кол койгон.

Аскерий саясат таануучу Андрек Кошкин Sputnik радиосунун эфиринде АКШнын Энергетика министрлигинин билдирүүсө комментарий берди.

"АКШ ушу тапта планетадагы лидерлик идеясы үчүн баарын жасоодо. Эми өзөктүк курал рыногунун Кытай менен Россияны сүрүп чыгарууга киришти. Мындай билдирүү бүгүнкү күндүн чындыгы эмес экенин да түшүнүү керек. АКШ мүмкүнчүлүктөрдүн ажырап жатат, бардык жерде биринчи болууга шаасы жетпей калды. Муну коронавирус менен күрөшүп жаткан аракеттеринен деле байкоого болот, АКШ азыр эч кимге үлгү эмес. Ушул сыяктуу эле башка чөйрөлөрдө да улам артка сүрүлүүдө. Бирок аалам жардармы болууга даярдыгын көрсөткөн документтер дале бар. Россия да, Кытай да жогорку технологияларды ийгиликтүү өздөштүрүүдө, АКШ бул эки мамлекетти кууп жете албайт", — деди Кошкин.

Эксперт качандыр бир кезде АКШ айныгыс лидер болуп турганын белгилеп, бирок азыр дүйнө модели өзгөргөнүн кошумчалады.

255
Белгилер:
АКШ, Россия, Кытай, өзөктүк курал, Технологиялар, сунуш, министрлик, документ, лидер
Тема боюнча
Мунайдын артынан газ каатчылыгы күтүп турабы? Келечекке божомол
Кыргызстан Россиядан дагы 11 вагон буудай алып келди
Россиянын Кыргызстандагы элчиси Николай Удовиченко

Россиянын элчиси мекендештери менен тыгыз иштешкен кыргыз бийлигин үлгү кылды

87
(жаңыланган 14:35 23.09.2021)
РФтин элчиси Удовиченко кыргыз бийлиги мекендештердин коомдук кыймылы менен кызматташуу аркылуу дайыма бир нерсеге ыкчам реакция кыларын айткан.

БИШКЕК, 23-сен. — Sputnik. Россиянын Кыргызстандагы элчиси Николай Удовиченко мекендештери менен тыгыз иштешкен кыргыз бийлигин үлгү кылды.

Удовиченко Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөгөн.

Элчи көбөйүп, өсүп жаткан көйгөйлөр мекендештер менен кызматташууну кантип күчөтүш керек деген маселени ойлонууга мажбур кылып жатканын белгиледи.

"Кыргыз бийлигин мисал катары айткым келет. Алар мекендештердин коомдук кыймылы менен кызматташуу аркылуу дайыма бир нерсеге ыкчам реакция кылышат", — деген Удовиченко.

Ал белгилегендей, конференцияга Кыргызстандын президенттик администрациясынын өкүлүнүн катышып жатканы кыргыз бийлигинин Россиянын элчилиги, Россотрудничествонун өкүлчүлүгү жана мекендештер менен тыгыз кызматташууга даярдыгын тастыктайт.

87
Белгилер:
Россия, Кыргызстан, Николай Удовиченко, элчи, мекендештер, кызматташуу
Тема боюнча
Мамытов: пандемия учурунда мигранттар бири-бирин жакшы колдоду
Канттагы аскер базасы көп балалуу жалгыз бой энеге жардам берди. Сүрөт
Бишкек шаарынын вице-мэри Русланбек Акылбеков. Архив

Бишкек вице-мэри Акылбеков кызматтан бошотулуп, ордуна жаңы жетекчи дайындалды

74
(жаңыланган 12:36 23.09.2021)
Мэрдин буйругу менен калаанын санариптештирүү жана транспорт боюнча вице-мэри болуп Талайбек Орозов дайындалды.

БИШКЕК, 23-сен. — Sputnik. Бишкек шаарынын вице-мэри Русланбек Акылбеков кызматтан кетти. Бул туурасында мэриянын маалымат кызматы билдирди.

"Ал башка кызматка которулганына байланыштуу ээлеген ордунан бошотулган", — деп айтылат маалыматта.

Тиешелүү буйрукка калаа мэри Айбек Жунушалиев кол койгон. Анын дагы бир буйругу менен калаанын санариптештирүү жана транспорт боюнча вице-мэри болуп Талайбек Орозов дайындалды.

Русланбек Акылбеков бул кызматка жети ай мурда, тагыраагы, 8-февралда дайындалган болчу.

74
Белгилер:
вице-мэр, кызмат, бошотуу, дайындоо, Русланбек Акылбеков, Талайбек Орозов
Тема боюнча
Өкмөттө иштеген Венера Рыскулова Ош шаарына вице-мэр болуп дайындалды
"Эл мени мэр катары көргүсү келет" деген Тагаев Ленин районуна аким болду
Олимпиада оюндарынын күмүш байге ээси Айсулуу Тыныбекова. Архив

Айсулуу Тыныбекова көпчүлүк көрө элек сүрөттөрүн жарыялады

0
Сүрөткө Айсулуу күздүн күнү түркүн түскө боелгон кайың токойдон түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

БИШКЕК, 23-сен. — Sputnik. Олимпиада оюндарынын күмүш байге ээси Айсулуу Тыныбекова Facebook социалдык тармагы аркылуу кырызстандыктарды Мамлекеттик тил күнү менен куттуктап, улуттук кийим кийген сүрөттөрүн жарыялады.

"Баарыңыздарды бүгүнкү Мамлекеттик тил күнү менен чын жүрөктөн куттуктайм."Эне тили болбосо, аты аталбайт улуттун" дегендей, кыргыз тилинин тарыхы — бул биздин элибиздин тарыхы. Бүгүнкү күндө тил маселеси  мамлекетибиздин негизги багыттарынан болуп эсептелет. Келгиле достор, кыргыз тилинде сүйлөшүп эне тилди өнүктүрөлү!" — деп жазды спортчу кыз.
Посмотреть эту публикацию в Instagram

Публикация от Tynybekova Aisuluu (@tynybekova.aisuluu)

Сүрөткө Айсулуу күздүн күнү түркүн түскө боелгон кайың токойдун ичинен түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

Тыныбекованын постуна бир нече мүнөт ичинде жүздөгөн колдонуучулар "лайк" басып, комментарийлерди жазып жатышат.

0
Белгилер:
Айсулуу Тыныбекова, пост, сүрөт, майрам, куттуктоо
Тема боюнча
Эч кандай акция уюштурган жокмун! Тыныбекова фейк аккаунт ачылганын айтты
Камкордук керек. Жапаров элди Мамлекеттик тил күнү менен куттуктады