Германиянын желеги. Архив

Германия КРдеги долбоорлорду эмнеге токтотуп жаткандыгын түшүндүрдү

336
(жаңыланган 18:29 06.05.2020)
Германия мамлекети кызматташууну өнүктүрүү боюнча программасын жаңылаган. Натыйжада өнөктөш өлкөлөрдүн саны азаймай болгон.

БИШКЕК, 6-май — Sputnik. Жакынкы жылдары Кыргызстан менен Германиянын техникалык жана каржылык кызматташуусунун эки тараптуу программалары аяктайт. Бул тууралуу аталган өлкөнүн Бишкектеги элчилиги билдирди.

Маалыматта белгиленгендей, Экономикалык кызматташуу жана өнүктүрүү федералдык министрлигинин (BMZ) узак мөөнөттүү, глобалдык реформаларынын натыйжасында Германия дүйнөдөгү кызматташууну өнүктүрүү жаатындагы ишине көбүрөөк көңүл бурат. Бул глобалдык көйгөйлөрдү алда канча мыкты чечүү үчүн жасалган. "BMZ 2030" реформасы Германиянын экономикалык кызматташтык жана өнүктүрүү федералдык министри Герд Мюллер тарабынан Берлин шаарында жарыяланган.

"Герман кызматташтыгынын мазмуну, процесстери жана түзүмдөрү өнүгүү максатын көздөп жаңыланып, өнөктөш өлкөлөрдүн саны кыскарат. Кыргызстан менен дагы башка өлкөлөр сыяктуу эле техникалык жана каржылык кызматташуунун эки тараптуу программалары жакынкы жылдары аяктайт", — деп айтылат билдирүүдө.

Бул процесс GIZ жана KfW тарабынан ишке ашырылып жаткан программалар акырындап бүтөт дегенди түшүндүрөт. Ушул процесс боюнча жыл ичинде кыргыз өкмөтү менен консультациялар өткөрүлөт. Немис тарап "мурда макулдашылган же ишке ашырылып жаткан долбоорлордун бардыгы аяктайт" деп баса белгиледи.

"Пландаштырып жатканда учурдагы коронавирус пандемиясы жана анын кесепеттери эске алынат. Германиянын экономикалык өнүгүү жана ден соолукту чыңдоо жаатындагы көп жылдык салымы азыр коронавирус жана анын кесепеттери менен күрөшүүдө маанилүү роль ойнойт. Бул үчүн Германия жакында кошумча каражаттарды бөлүп берди. Кризиске байланыштуу колдоо көрсөтүү мүмкүнчүлүгү каралууда", — деди элчилик.

Элчилик Германия кызматташтыкты 1993-жылы баштаганын жазды. Бул мезгилде Кыргызстан бир топ жетишкендиктерге ээ болгон. Демократия жана сөз эркиндиги саясий системанын маанилүү элементи болуп, бирок ошол эле учурда жашоо деңгээлди көтөрүп, жакырчылыкты азайтууга мүмкүн болду.

"Өнүктүрүү кызматташтыгын токтотуу чечиминин бирден-бир себеби, Кыргызстан дүйнөдөгү эң муктаж мамлекеттердин катарына кирбей турганы менен түшүндүрүлөт", — деп жазылган маалыматта.

Немис тарап Германиянын башка көптөгөн федералдык министрликтеринин Кыргызстан менен кызматташуу программаларына BMZ реформасы таасир этпейт деп ишендирди. Экономика, билим берүү, айлана-чөйрөнү коргоо жана маданият чөйрөсүндөгү мамилелер бекемделип жаткандыгын белгилешти. Мисалы, Германиянын Федералдык тышкы иштер министрлиги "Жашыл Борбор Азия" демилгесин улантууда. Ошондой эле айлана-чөйрөнү коргоо, экономика, билим берүү жана ички иштер боюнча федералдык министрликтер көптөгөн маанилүү маселелер боюнча Кыргызстан менен биргеликте иш алып барып жатышат.

"Ошондой эле учурдагы эки тараптуу программалар аяктагандан кийин Германия бир нече форматта (ЕС, БУУ, өнүгүү банктары) Кыргызстандын туруктуу өнүгүүсүнө өз салымын кошо бермекчи", — деп убада берди Германия тарап.

Кызматташтыкты өнүктүрүү жаатында иштеген көптөгөн бейөкмөт уюмдардын, анын ичинде саясий фонддордун ишмердүүлүгү мындан ары BMZ тарабынан каржыланары кошумчаланды.

336
Белгилер:
өнүктүрүү, программа, кызматташтык, Германия, Кыргызстан
Тема боюнча
Сооронбай Жээнбеков өкмөткө сырттан арбын каражат издөөнү тапшырды
Россия менен Беларустун президенттери Владимир Путин менен Александр Лукашенко. Архивдик сүрөт

Путин менен Лукашенко Беларустагы кырдаалды талкуулашты

116
(жаңыланган 17:20 15.08.2020)
Буга чейин Лукашенко өлкөсүндөгү башаламандыктар Беларуска гана эмес, бүткүл союздук мамлекеттерге коркунуч туудура турганын айткан.

БИШКЕК, 15-авг. — Sputnik. Россия менен Беларустун президенттери Владимир Путин менен Александр Лукашенко телефон аркылуу сүйлөшкөнүн РИА Новости жазды. 

Мамлекет башчылар Беларустагы кырдаалды талкуулашты.

Буга чейин Беларусь лидери өлкөгө каршы "агрессия күч алууда" деп айткан. Ал белгилегендей, президенттик шайлоонун жыйынтыгынан кийинки башаламандыктар Беларуска гана эмес, бүткүл союздук мамлекеттерге коркунуч туудурат.

Беларус президенти өлкөдөгү кырдаалга "тышкы кийлигишүүнүн элементтерин" көргөнүн, ошондой эле социалдык тармактарда элдин оюн бузган фейктер бар экенин айткан. Ал мунун баарын кесипкөй адамдардын иши катары баалаган.

Лукашенко өлкөдөн чыгып кеттиби? Атаандашы Тихановская элге кайрылды

Эске салсак, Беларусь республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган. Тургундар менен укук коргоо органдарынын ортосунда кагылышуу болуп, эки тараптан бир топ адам жабыр тартты.

Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялап, анда учурдагы мамлекет башчысы Александр Лукашенко 80,08 пайыз добуш менен жеңип чыкканы белгилүү болгон.

116
Белгилер:
кырдаал, талкуу, сүйлөшүүлөр, Александр Лукашенко, Владимир Путин, Беларусь, Россия
Тема:
Беларустагы нааразылык акциялары
Тема боюнча
"Данияр, сен чынчыл адам экенсиң". Лукашенко менен Үсөновдун жолуккан видеосу
Лукашенконун атаандашы Тихановскаяны коопсуз жайга алып чыгып кетишкен
Президент Сооронбай Жээнбеков россиялык врачтарды кабыл алганда. Архивдик сүрөт

Жээнбеков: татаал мезгилде өлкөлөр ортосундагы мамиле чыңдалды

47
(жаңыланган 15:54 15.08.2020)
Өлкө башчы Россиядан келген медиктердин ишине токтолуп, абдан жакшы колдоо болгонун белгиледи.

БИШКЕК, 15-авг. — Sputnik. Ушул татаал мезгилде өнөктөш өлкөлөр менен бири-бирибизди колдоо, жардам берүү күчөдү десем болот. Жалпы эле адамзат сыяктуу мына ушундай татаал мезгилде өлкөлөр ортосундагы гуманитардык мамилелер чыңдалды десем жаңылышпайм. Бул тууралуу президент Сооронбай Жээнбеков "Биринчи радиого" маек куруп жатып айтты.

Мамлекет жетекчиси өз сөзүндө Кыргызстан алыскы, жакынкы өнөктөш мамлекеттердин, коңшу өлкөлөрдүн, эл аралык уюмдардын чоң колдоосун сезгенин белгиледи.

"Россиядан келген медиктер биздин дарыгерлерибиз менен эриш-аркак иштешти. Бул абдан жакшы колдоо болду. Covid-19 илдети менен күрөш башталган алгачкы күндөн тартып Россиянын, президент Владимир Путиндин жеке колдоосу чоң болду", — деди Жээнбеков.

Ал аталган өлкө коронавируска каршы алгачкы вакцинаны каттоодон өткөргөнүн белгилеп, бул вирус менен күрөшүүдөгү абдан чоң бурулуш экенине токтолду.

Жээнбеков: бирөөнү суракка чакырып, мени коргоого муктаж эмесмин

"Ушул окуя менен биздин стратегиялык өнөктөш, союздаш өлкө Россия Федерациясын чын дилимден өзүмдүн жана жалпы кыргыз элинин атынан куттуктайм. Ийгиликтүү болуп, дүйнө эли бул илдеттен арылабыз деп үмүт артып турабыз", — деди президент.

Эскерте кетсек, 11-август күнү Владимир Путин Россиянын Саламаттык сактоо министрлиги коронавируска каршы чыгарылган вакцина каттоодон өткөнүн, ага "Спутник V" деген аталыш ыйгарылганын жар салган болчу.

47
Белгилер:
коронавирус, Кыргызстан, Россия, вакцина, Сооронбай Жээнбеков
Тема боюнча
COVID-19: россиялык вакцинанын каршы көрсөтмөлөрү айтылды
Ысык-Көлдүн жээги. Архивдик сүрөт

Ош, Талас жана Бишкектен 200 медик Ысык-Көлгө эс алууга жөнөтүлдү

0
(жаңыланган 20:11 15.08.2020)
Коронавирус жуктурган бейтаптарды дарылаган медицина кызматкерлеринин ден соолугун калыбына келтирүү үчүн эс алдыруу каралган.

БИШКЕК, 16-авг. — Sputnik. Медицина кызматкерлеринин кезектеги тобу Ысык-Көлгө эс алууга жөнөтүлгөнүн Республикалык штаб кабарлады.

Ош, Талас облустары менен Бишкек шаарынан топтолгон дарыгерлер, медайымдар, санитарлар, техникалык персоналдын өкүлдөрү менен тез жардам унааларынын айдоочуларынан турган топ 15-август күнү чыгып кетишкен.

Эми акча берилбейби? Медиктерге компенсация төлөөнүн шарты өзгөрүүдө

"Медиктер "Эне-Сай" пансионатында бир жума болушат. Каражат маселеси Эмгекчилердин ден соолугун калыбына келтирүү фонду тарабынан чечилди", — деп айтылат маалыматта.

Эскерте кетсек, акыркы үч аптанын аралыгында "Эне-Сай" жана "Алтын-Жай" пансионаттарында жалпы жонунан 450 медицина кызматкери эс алды.

0
Белгилер:
пансионат, медик, эс алуу, Ысык-Көл, дарыгер
Тема боюнча
Россиялык медиктер Чыңгыз Айтматовдун үй-музейине баш бакты. Сүрөт
Исмаилова: аймактарга бөлүштүрүлгөн жаш медиктерге колдоо көрсөтүү зарыл
Эми акча берилбейби? Медиктерге компенсация төлөөнүн шарты өзгөрүүдө