Вице-премьер Акрам Мадумаров. Архивдик сүрөт

Баткенге вице-премьер Мадумаров менен дарыгерлер бригадасы учуп кетти

280
(жаңыланган 13:39 09.05.2020)
Алар кыргыз-тажик чек арасындагы ок атышуудан жабыркаган аскер кызматчыларын көргөнү ооруканага барат. Бир аскердин абалы оор, калган экөөнүкү орточо деп бааланып жатат.

БИШКЕК, 9-май — Sputnik. Вице-премьер Акрам Мадумаров менен Саламаттык сактоо министрлигинин медициналык бригадасы жана Чек ара кызматынын аскер дарыгерлери учуп кетти. Бул тууралуу Мамлекеттик чек ара кызматынан билдиришти.

Маалыматка ылайык, алар КРдин Куралдуу күчтөрүнүн аскердик-транспорттук учагы менен кетишкен.

Өкмөттүн маалыматы боюнча, вице-премьер окуядан жабыркаган жоокерлер дарыланып жаткан ооруканага барат. Ошондой эле кечээ чек аранын кыргыз-тажик тилкесиндеги окуяга байланыштуу ыкчам кеңешме өткөрөт.

Чек ара кызматынын айтымында, учурда Баткен облусунун Чек жерлигиндеги чыр-чатак чыккан аймакта Мамлекеттик чек ара кызматынын төрагасы, полковник Уларбек Шаршеев жүрөт. Саат 13.30га карата Чектеги кырдаал салыштырмалуу туруктуу деп мүнөздөлөт.

Кечээ, 8-майда, кыргыз-тажик чек арасындагы ок атышууда жаракат алып, операция жасалган жоокерлер Баткен облустук бириктирилген ооруканасында дарыланууда. Бир аскердин абалы оор, калган экөөнүкү орточо деп бааланып жатат.

Баткендеги окуя

Эске сала кетсек, 8-майда кечке жуук Кыргызстан менен Тажикстандын чектешкен аймагындагы жергиликтүү жашоочулар Баткен районунун Чек айылында 50 сотых жерди талашып, жаңжалдаша кетишкен.

Анда тургундар бири-бирине таш ыргытып, мергенчилик куралдан ок чыгарышкан. Чек арадагы чыр-чатактын күчөп кетпеши үчүн эки өлкөнүн чек ара кезметтери эскертүү иретинде асманга ок атып, элди тынчтандырышкан. Бирок ошол эле учурда Тажикстандын УКМКсынын чек ара аскерлери күтүүсүздөн кыргыз чек арачыларын жана Кыргызстандын жарандарын көздөй гранатомёттон ок чыгарган.

Көп өтпөй эки өлкөнүн мамлекеттик чек ара кызматынын башкы штабынын жетекчилери телефондон сүйлөшүп, натыйжада ок атышууну токтотуу жөнүндө макулдашышкан. Анын кесепетинен кыргызстандык үч чек арачы жаракат алган.

Окуя боюнча эки өлкөнүн ТИМ башчылары, вице-премьерлери, облустагы өкүлдөрү, Чек ара кызматынын өкүлдөрү сүйлөшүү жүргүзүп, бир пикирге келишкен. 10-майда бир катар жооптуу кызматтын жетекчилери кайрадан жолукмай болушту.

280
Белгилер:
учак, жоокер, чек ара, вице-премьер-министр, Акрам Мадумаров, Кыргызстан
Тема боюнча
Кыргыз-тажик чек арасында түн тынч өттү, кырдаал салыштырмалуу туруктуу
Кыргызстандын Ички иштер министрлигинин Россиядагы өкүлү Нурлан Жанбаев

ИИМдин Россиядагы өкүлү алмашып, кызматка 40 жаштагы полковник келди

2827
(жаңыланган 19:08 04.06.2020)
Буга чейин министрликтин Россиядагы өкүлү болуп Раим Салимов иштеп жаткан. Анын эмне себептен кызматтан бошотулганы айтылган жок.

БИШКЕК, 4-июн. — Sputnik. Кыргызстандын Ички иштер министрлигинин Россиядагы өкүлү болуп Нурлан Жанбаев дайындалды. Бул тууралуу аталган мекеменин маалымат кызматы тастыктады.

Буга чейин министрликтин Россиядагы өкүлү болуп Раим Салимов иштеп жаткан. Анын эмне себептен кызматтан бошотулганы айтылган жок.

Жаңы өкүл Нурлан Жанбаев 40 жашта, милициянын полковниги наамы бар. Буга чейин Ош облусунун Алай райондук ички иштер бөлүмүнүн башчысы, Ош ИИБдин криминалдык милиция кызматынын жетекчиси болуп иштеген. Ошондой эле Чүй облусундагы Москва райондук ички иштер бөлүмүнүн башчысынын орун басары болуп эмгектенген.

Үй-бүлөлүү, үч баланын атасы.

2827
Белгилер:
полковник, милиция, өкүл, Россия, ИИМ
Тема боюнча
Олег Панкратов жаңы кызматка дайындалды
Биринчи вице-премьер Кубатбек Боронов Өзбекстандын премьер-министри Абдулла Арипов менен жолугушуу учрунда

Кыргыз тарап Өзбекстандын премьеринен кечирим сурадыбы? Бороновдун жообу

444
(жаңыланган 16:37 04.06.2020)
Боронов депутаттарга алгач сүйлөшүүлөр боюнча кыскача маалымат берип, андан аркы суроо-жооптор жабык эшик артында каралмай болду.

БИШКЕК, 4-июн. — Sputnik. Сүйлөшүүлөрдүн негизги максаты жаңжалды басуу, кайрадан мурунку тынч жашоого алып келүү болгон. Бардык маселе ошол эле күнү чечилген. Бул туурасында биринчи вице-премьер Кубатбек Боронов парламенттин жыйынында билдирди.

Белгилей кетсек, кечээ парламентте депутат Закир Шарапов Өзбекстандын премьер-министри Абдулла Арипов эл менен жолугушууда "кыргыз өкмөтүнүн өкүлдөрү постту ачпаганы үчүн кечирим сурады" деп айтканын билдирген.

"Жолугушууда былтыр кыргыз тарап Риштандагы "Кайтпас" постун ачабыз деп, кайра ачпай калганы боюнча өзбек премьер-министри өзүнүн пикирин айтты. Ошондой маселе жаралганы үчүн биз кечирим суроо эмес, дипломаттык негизде өкүнүч билдиргенбиз. Посттун ачылбай калганынын негизги себеби кээ бир чиновниктердин ЕАЭБдин талаптарын эске албай, шашылыш чечим кабыл алганы экенин түшүндүрдүк. Өзбек премьер-министри жакын арада "Кайтпас" постун ачабыз" дегени, менин түшүнүгүм боюнча, биз ЕАЭБге мүчөлүккө кирүүгө табыштама бердик, кошулгандан кийин посттор ачылат десе керек. Бул тууралуу жолугушууда дагы айткан", — деди Боронов.

Президент Сооронбай Жээнбеков Өзбекстандын өлкө башчысы Шавкат Мирзиёев менен. Архивдик сүрөт
© Пресс-служба президента КР / Султан Досалиев
Боронов депутаттарга алгач сүйлөшүүлөр боюнча кыскача маалымат берип, андан аркы суроо-жооптор жабык эшик артында каралмай болду.

Эске салсак, 31-майда Кадамжай районунун Чечме айылы менен Өзбекстандын Сох районунун Чашма айылынын тургундарынын ортосунда чыр чыккан. Андан 25 киши жаракат алып, ооруканада жаткан төрт адамдын экөөсүнүн абалы оор экени айтылган.

Анын эртеси биринчи вице-премьер Кубатбек Боронов "Чечме" өткөрмө пунктунда Өзбекстандын өкмөт башчысы Абдулла Арипов менен жолуккан.

444
Белгилер:
пост, Өзбекстан, кечирим, Кубатбек Боронов
Тема:
Чечме айылындагы чек арадагы кыргыз-өзбек чатагы
Тема боюнча
Кыргыз-өзбек чек арасындагы чыр. Коңшу өлкөнүн ТИМи үн катты
Кадамжайдагы чек араны кыргыз-өзбек аскерлери кайтарууда
Машыгып жаткан спортчу. Архив

Спорт агенттиги: "Жаштык" балбандарга берилбейт, гимнасттар өздөрү машыгат

18
(жаңыланган 10:48 05.06.2020)
Буга чейин Жогорку Кеңештин айрым депутаттары менен активисттер Спорт агенттиги гимнасттар менен акробаттар машыккан "Жаштык" дирекциясын балбандарга берерин айтып чыгышкан.

БИШКЕК, 5-июн. — Sputnik. Жаштар иши, дене тарбия жана спорт агенттиги "Жаштык" дирекциясы балбандарга берүү боюнча чечим чыгарган эмес. Бул тууралуу аталган мекеменин маалымат кызматы кабарлады.

Белгилей кетсек, буга чейин Жогорку Кеңештин айрым депутаттары жана активисттер Спорт агенттиги гимнасттар менен акробаттар машыккан "Жаштык" дирекциясын балбандарга берет экен деп айтып чыгып, бул билдирүүлөр социалдык тармактарда талкууланып, нааразычылыгын айтып чыккан ата-энелер болгон.

Бирок агенттик бул айткандар чындыкка дал келбей турганын кабарлады. Учурда "Жаштык" дирекциясында ремонт иштери жүрүп жатканын, ал аяктап, карантиндик чектөөлөр алынгандан кийин гимнасттар өздөрү машыга турганын айтты.

"Коронавирусту алдын алуу максатында спорт мектептердеги бардык машыгуулар токтоп, анын ичинде балбандарды чыгарган Шералы Сыдыков атындагы Республикалык спорт колледжи да иштебей турду. Балдар башка залда машыгуусун уланткан эмес. Азыркыга чейин үйлөрүндө машыгып жатышат. Ал эми "Жаштык" дирекциясында спортчулар жок кезде ремонт иштерин кылып алалы дегенбиз, ал жыл сайын жүргүзүлүп келет. Оңдоп-түзөө иштери бүткөндөн кийин зал гимнасттар менен акробаттардын өзүнө берилет. Бизде залды балбандарга берели деген чечим болгон эмес", — деп айтылат маалыматта.

"Жаштык" спорттук иш-чараларды өткөрүү жана жаштар менен иш алып баруу дирекциясы 2016-жылдан бери Мамлекеттик агенттиктин карамагында экендиги кошумчаланды.

Мамлекеттик агенттик республика боюнча балдардын 74 спорт мектебин каржылайт. Тараптардын макулдашуусу боюнча "Жаштык" дирекциясынын залында көркөм гимнастика, спорттук акробатика, сууда сүзүү, футбол, грек-рим күрөшү боюнча машыгуулар акысыз өткөрүлүп келет.

18
Белгилер:
гимнастчылар, балбан, Дене тарбия жана спорт агенттиги, спорт
Тема боюнча
Балаңыз спортко шыктуубу? Мамагенттик сынак жарыялап, шартын түшүндүрдү
Кыргыз спортчулары олимпиадага 1-июндан тарта даярдана баштайт