Жогорку Кеңештин төрагасы Дастан Жумабеков. Архив

Уят кылган жигитти кызматка койдуңуз. Депутаттар төраганы айыптап чыгышты

1237
(жаңыланган 16:30 14.05.2020)
Эл өкүлдөрү спикерге фонддогу акчалардын пайдаланылышы жана кызматка дайындоо боюнча бир топ суроолорду узатышкан.

БИШКЕК, 14-май — Sputnik. Бир нече депутат төрага Дастан Жумабековдун алешем иштерин атап, мыйзам бузду деп айыпташты.

Мындай кептер спикердин "эгер парламент жакпаса, сиздерди эч ким кармабайт" деген сөзүнөн кийинки талкуу учурунда айтылды.

Эл өкүлү Жанар Акаев төрага депутаттарга болушуунун ордуна качан болбосун өкмөттү мактап, ода кылып ыр төккөн деңгээлге жетип калганын айтты.

"Өкмөт, күч органдары бизди кагып-силксе да унчукпайсыз. Сизге бир канча суроолорубуз бар. Буга чейин өкмөткө катасы толтура кат жазып, парламентти уят кылган кишини ЖК аппаратынын башчысы кылып койдуңуз. Ушуга жооп берип коюңуз. Атайын комиссия түзүп төраганын фондунан бөлүнгөн акчаларды, энчилүү кол саат, грамоталар кимдерге берилип жатканын текшерип чыгууну сунуштайм. Адилет карап, жүзүбүз жарык кетели", — деди Акаев.

Андан соң Каныбек Иманалиев чыгып спикер Эл аралык иштер, коргоо жана коопсуздук боюнча комитетинин башчылыгына билимсиз, мурда кылмыш жасаган адамды дайындаганын сынга алды.

"Биз эл аралык келишимдер менен иштегендиктен, комитеттин бөлүм башчысы юрист же чет тилди билген адам болушу керек. Сиз комитет менен макулдашпай туруп бир жигитти алып келдиңиз. Анын кылмыш иши бар экен, бүт эл шылдыңдап жатат. Комитеттин 14 мүчөсү парламентте иштеген, төрт тилде сүйлөп, мыйзамды билген кадрды сунуштасак, макулдашпай туруп аны дайындап койдуңуз. Ал бөлүм башчы азыр биз менен эсептешпейт", — деди Иманалиев.

Ошондой эле ал депутаттар мыйзам жазып өкмөттү колдошу керектигин айтып, мактагысы келгендерге эки комуз берип төргө отургузууну сунуштады.

Бул айыптоолор боюнча Дастан Жумабеков кийинчерээк жазуу түрүндө жооп бере турганын билдирди.

Ал эми Максат Сабиров "спикер парламентти шылдың кылып жатат" деп ар жакта айтып, жазып жатышканын белгиледи.

"Буга чейин сиздин түрдүү иштериңизди көрүп турсак да унчуккан эмеспиз. Сиз дагы бизге жакпай жатсаңыз кызматтан кет деп айтышыбыз керекпи?.. Алдагы жерде отургандан кийин сый-урматты билиңиз. Биздин башыбызды бириктирип турсун деп отургузганбыз. Анан бизди кет дегенге укугуңуз жок", — деди Сабиров.

Соңунда Жумабеков ар ким өзүнүн сынын билиши керектигин айтып, жыйынды андан ары улантты.

1237
Белгилер:
Дастанбек Жумабеков, айып, сын, Каныбек Иманалиев, Жанар Акаев
Тема боюнча
Идеалдуу эмессиңер, сыйыңарды билгиле! Икрамов депутаттарды эсине келтирди
"Тост сүйлөп жаткандайсыз". Депутаттын ЖКнын төрагасын какшыктаган видеосу

Эки айда үч жолу... РФ истребителдери АКШнын чалгынчы учактарын Сирияга жолотпойт

284
Россиянын истребителдери Сириянын жээгине жакындоого аракет кылган АКШнын Poseidon P-8A чалгынчы учагынын жолун тосту.

Бул окуядан кийин АКШ командачылыгы Россиянын аскер-космостук күчтөрүн ээнбаштык менен кооптуу маневрларды жасап жатат деп кине койду. Алардын айтымында, россиялык истребителдер тыңчы учакка 8 метрге чейин жакын келип, маневр жасоого жолтоо болгон имиш. Чалгынчы учактын жолун бууганга 64 мүнөт кеткен.

Америкалык учактар ушуну менен Сириянын аймагында жайгашкан россиялык аскер объектилерине жакындоого акыркы эки айда эле үчүнчү ирет аракет жасап жатышат.

Өз кезегинде Россиянын Коргоо министрлиги Аскер-космостук күчтөргө таандык учактардын баары эл аралык эрежелерди катуу сактай турганын дайым эскертип келет.

284
Белгилер:
Сирия, армия, Россия, АКШ, чалгынчы, истребитель, учак
Тема боюнча
Крымда универсалдуу десанттык кеме курулат. Россиялык "Мистралдын" өзгөчөлүктөрү
Кыргызстандын президенти Сооронбай Жээнбеков. Архив

Жээнбеков эл аралык форумга катышып, пандемия маалындагы өнүгүүнү талкуулайт

33
(жаңыланган 15:25 28.05.2020)
Видеоконференцияга чет мамлекеттердин башчылары, эл аралык уюмдар, каржы институттарынын жетекчилери жана БУУнун башкы катчысы Антониу Гуттериш катышат.

БИШКЕК, 28-май — Sputnik. Өлкө башчы Сооронбай Жээнбеков коронавирус жайылган учурда өнүгүүнү каржылоо боюнча эл аралык форумга катышат. Бул тууралуу президенттин маалымат кызматы кабарлады.

Билдирмеге ылайык, иш-чара видеоконференция форматында өтөт.

"Онлайн-жыйынга Жээнбеков Канада премьер-министри Жастин Трюдо, Ямайканын өкмөт башчысы Эндрью Холнесс жана БУУнун башкы катчысы Антониу Гуттериштин чакыруусу боюнча катышмакчы. Анда чет мамлекеттердин башчылары, эл аралык уюмдар, каржы институттарынын жетекчилери жана Гуттериш өзү болуп коронавирус мезгилинде өнүгүүнү каржылоо маселесин талкуулашат", — деп айтылат маалыматта.

Форумду Канада жана Ямайка өкмөттөрү уюштуруп жатканы маалым болду.

33
Белгилер:
жыйын, БУУ, Сооронбай Жээнбеков, Кыргызстан
Тема:
Кытайдагы жаңы типтеги коронавирус
Тема боюнча
БУУ коронавирус пандемиясын көтөрө албай бүк түшчү өлкөнү атады
Жээнбеков Москвада өтө турган Жеңиш парадына катышат
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

0
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

0
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди