АКШ президенти Дональд Трамп. Архивдик сүрөт

"Мамилени үзүп салсак эмне болмок?". Трамп Кытайды коркутту

415
(жаңыланган 10:08 15.05.2020)
Кытай тарап буга нааразычылык билдирип, долбоордо фактыларга көңүл бурбай эле өч алуу санкцияларынын киргизилишине жол берилгенин айткан.

БИШКЕК, 15-май — Sputnik. АКШ коронавируска байланыштуу кырдаалдан улам Кытай менен болгон мамилесин толугу менен токтотуп коюшу мүмкүн эле. Бул тууралуу Дональд Трамп Fox News телеканалына берген маегинде билдиргенин РИА Новости жазды.

"Биз көп нерсени кылып коймокпуз. Мамилебизди таптакыр бузуп алашыбыз мүмкүн эле. Эгер ошондой кылсак, эмне болмок? Мамилени толугу менен бузуп койгондо, 500 миллиард доллар үнөмдөлмөк", — деген Трамп.

Трамп мындай жоопту АКШ сенаторлорунун биринин кытай студенттерине Вашингтонго виза берүүсүн токтотуп коюшу мүмкүн деген сунушуна түшүндүрүп берип жатканда айткан. Ошондой эле Трамп Кытай лидери Си Цзиньпин менен жакшы мамиледе экендигин белгилеп, бирок ага азыр чалып сүйлөшүүгө ниети жок экенин белгилеген.

Буга чейин республикачы Линдсей Грэм коронавирустун таралышы үчүн Кытайга каршы санкциялар боюнча "COVID-19 үчүн жоопкерчилик" жөнүндө мыйзам долбоорун сенатка киргизгенин айткан. Документ эгерде Пекин эпидемиянын келип чыгышы жөнүндө толук отчет бербесе, чектөөлөрдү киргизүүнү сунуштайт. Ага сегиз республикачы сенатор добуш берген.

Кытай тарап буга нааразычылык билдирип, долбоордо фактыларга көңүл бурбай эле өч алуу санкцияларынын киргизилишине жол берилгенин белгилеген.

Ал арада Россиянын тышкы иштер министринин орун басары Сергей Рябков Москва АКШнын айыптоолорун негизсиз деп эсептей турганын айтып чыкты. Анын пикиринде, эпидемия учурунда Кытайды кандайдыр бир аракеттери үчүн күнөөлөбөй туруш керек.

415
Белгилер:
коронавирус, мамиле, чектөө, Дональд Трамп, Кытай, АКШ
Тема:
Кытайдагы жаңы типтеги коронавирус (745)
Тема боюнча
Трамп брифингде эмнеге маска тагынбай жүргөнүн түшүндүрдү
Трамп: коронавирус акыры өзү жоголуп кетет
Чек ара көзөмөл пункту. Архив

Өкмөт: COVID-19дан улам чек ара боюнча кийинки сүйлөшүүлөр боло элек

21
(жаңыланган 17:39 29.05.2020)
Тажикстан менен чектешкен Баткен облусундагы бир нече калктуу конуштарда талаш маселелер чыгып, чыңалуу байкалууда.

БИШКЕК, 29-май — Sputnik. Кыргыз-өзбек чек арасынын 95 пайызы, ал эми кыргыз-тажик чек арасынын 60 пайызы өкмөттүк делегациялар тарабынан өз ара макулдашылды. Бул тууралуу өкмөттүн маалымат кызматынан кабарлашты.

Кыргыз-тажик мамлекеттик чек арасын делимитациялоо, демаркациялоо боюнча өкмөттүк делегациялардын жалпы 38 отуруму болгон. Андан сырткары топографиялык жумушчу топтун 50гө чукул, укуктук маселелер боюнча жумушчу топтун 20дан ашуун жолугушуулары өткөндүгү айтылды.

Өкмөт делимитациялоо жана демаркациялоо боюнча кийинки жолугушуулар COVID-19 пандемиясынан улам өткөрүлө электигин билдирди.

“Тажикстан менен чектешкен Баткен облусундагы бир катар калктуу конуштарда объектилерди куруу, жер ресурстарын пайдалануу сындуу талаш-тартыш маселелер чыгып, белгилүү бир чыңалуу байкалууда. Жергиликтүү бийлик органдары укук коргоо органдары менен биргеликте калк арасында түшүндүрүү иштерин жүргүзүүдө”, — деп айтылган маалыматта.

Кыргыз-өзбек мамлекеттик чек арасын делимитациялоо жана демаркациялоо боюнча өкмөттүк делегациялардын 31 отуруму уюштурулган. Топографиялык жумушчу топтордун 96 жолугушуусу, укуктук маселелер боюнча жумушчу топтордун 2 жолугушуусу өткөрүлгөн.

Өкмөт өзгөчө статусу бар айрым чек ара аймактарынын коопсуздугун камсыздоо, социалдык-экономикалык жактан өнүктүрүү боюнча мамлекеттик программасынын экинчи этабы ишке ашырылып жатканын маалымдады.

“Программа 33 иш-чараны камтыйт, аларды жүзөгө ашырууга 296 миллион 250 миң сом каралган. Бул каражаттардын ичинен 195 миллион сому Баткен облусундагы өзгөчө статусу бар чек арага чектеш аймактарды өнүктүрүүгө багытталат”, — деп билдиришти өкмөттөн.

Акыркы учурда кыргыз-тажик чек арасында чатак көп чыгып, туура эмес таратылган маалыматтар боюнча эки тараптын Чек ара кызматтары да кайрылуу таратууда.

21
Белгилер:
Мамлекеттик чек ара кызматы, өкмөт, чек ара, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыргызстандын Чек ара кызматы Тажикстан тарапка дагы кайрылуу жасады
АКШ президенти Дональд Трамп. Архивдик сүрөт

Трамп Twitter компаниясын жабуу боюнча юристтер менен сүйлөшөрүн айтты

51
Twitter жетекчилиги президенттин 27-майда шайлоо тууралуу жазган эки постуна "элди адаштырып жатат" деп баа берген. Мындан соң президент сөз эркиндиги чектелип жатканын айтып, нааразычылыгын билдирген.

БИШКЕК, 29-май — Sputnik. АКШ президенти Дональд Трамп Twitter компаниясынын ишмердүүлүгүнө бөгөт коюлушу мүмкүн экенин айтты. Бул тууралуу РИА Новости жазды. 

"Негизи Twitter компаниясын жаап койсом болот. Бирок мен юридикалык процедуралардан өтүшүм керек, ал үчүн юристтер менен кеңешип көрүшүм зарыл. Эгер мыйзамдуу түрдө бул компанияны жаап коюу мүмкүн болсо, сөзсүз аны кылмакмын", — деди президент.

Анын айтымында, "андан башка деле колдоно турган социалдык тармактар көп".

Белгилей кетсек, Трамп өзү Twitter тармагынын активдүү колдонуучусу. Бирок компания жетекчилиги анын 27-майда шайлоо тууралуу жазган эки постуна "элди адаштырып жатат" деп баа берген. Мындан соң президент сөз эркиндиги чектелип жатканын айтып, нааразычылыгын билдирген.

51
Белгилер:
Чыр-чатак, Twitter, Дональд Трамп, АКШ
Тема боюнча
Twitter кызматкерлерине кеңсеге келбей эле биротоло үйдөн иштөөгө уруксат берди
Twitter Ирандын жогорку лидеринин аккаунтун блоктоп салды
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады