Кыргызстандын президенти Сооронбай Жээнбеков Жогорку евразиялык экономикалык кеңештин (ЖЕЭК) видеоконференция форматындагы жыйын учурунда

Жээнбеков ЕАЭБ жыйынында КР жарандарын мекенине кайтаруу маселесин көтөрдү

218
(жаңыланган 18:33 19.05.2020)
Коронавирус пандемиясынан улам дүйнөнүн көп өлкөлөрү чек араларын жаап алган. Алардын арасында ЕАЭБ мамлекеттери дагы бар. Мындан улам миңдеген кыргызстандык өлкөгө кайтып келе албай жатат.

БИШКЕК, 19-май — Sputnik. Азыркы учурда сыртта жүргөн жарандарыбызды мекенине кайтарып келүүнүн ылайыктуу жана оңтойлуу жолдорун пайдаланышыбыз керек. Бул тууралуу президент Сооронбай Жээнбеков Жогорку евразиялык экономикалык кеңештин (ЖЕЭК) видеоконференция форматындагы жыйынында айтты.

Президенттин пикиринде, азыркыдай оор кырдаалда ЕАЭБдин курамына кирген өлкөлөрдө жүргөндөрдү колдоо өтө маанилүү.

"Бүгүн биз жарандарыбызды мекенине кайтарып келүү үчүн болушунча ыңгайлуу жолдорун пайдаланышыбыз керек", — деди Жээнбеков.

Эске салсак, коронавирус пандемиясынан улам дүйнөнүн көп өлкөлөрү чек араларын жаап алган. Алардын арасында ЕАЭБ мамлекеттери дагы бар. Мындан улам миңдеген кыргызстандык өлкөгө кайтып келе албай жатат.

218
Белгилер:
Сооронбай Жээнбеков, жыйын, коронавирус, Евразиялык экономикалык биримдик, Кыргызстан
Тема:
ЕАЭБдеги Кыргызстан (199)
Тема боюнча
Путин ЕАЭБ алкагында кайсы товарды өндүрүүгө басым жасоо керектигин айтты
Путин: ЕАЭБ ири бирикмелер менен кызматташуусун күчөтүшү керек

Пандемияны өз кызыкчылыгы үчүн колдонуп... Лавров Батышты сынга алды

153
РФ ТИМинин башчысы батыш мамлекеттеринин коронавирус пандемиясын өз кызыкчылыгы үчүн пайдаланган аракетине нааразы болду.

Сергей Лавров Кытайдын Global Times гезитине макала жазып, Батыш өзүнө жакпаган өкмөттөрдү жазалоо үчүн түзүлгөн кырдаалды пайдаланууга жандалбастап жатканын айкан. Буга мисал катары аларга Россиядан гумжардам алууга салган тыюусун келтирди.

Министр өз сөзүндө Батыштын адам укугун коргоодо кош стандарттуулукка жол берип жатканын да белгилеген. Кенинирээк биздин видеодон көрүүгө болот.

153
Белгилер:
коронавирус, пандемия, Батыш, Россия, ТИМ, Сергей Лавров
Тема:
Кытайдагы жаңы типтеги коронавирус
Тема боюнча
Батыш Россияны статистиканы бурмалап жатат деп айып тагууда. Видео
Премьер-министр Мухаммедкалый Абылгазиев. Архив

Абылгазиевдин Эл аралык университетти бүткөнүн көрсөткөн документтер жарыяланды

498
(жаңыланган 22:38 29.05.2020)
Университеттен өкмөт башчы диссертациясын баалуу кагаздар боюнча банктык операциялар жаатында жактагандыгын айтышты.

БИШКЕК, 29-май — Sputnik. Премьер-министр Мухаммедкалый Абылгазиевдин Кыргызстан эл аралык университетинде магистратурада билим алгандыгын тастыктаган документтер окуу жайдын сайтына жарыяланды.

Муну менен администрация өкмөт башчынын дипломунун айланасында айтылып жаткан сөздөргө чекит коюп, маселени тактап берүүнү чечти.

Буга аталган окуу жайдын бүтүрүүчүсүнүн премьер-министрди 1990-жылдары окуу жайды аяктаган студенттердин катарынан көрбөгөндүгүн жазганы себеп болгон.

"Премьер-министр Мухаммедкалый Абылгазиев "Жогорку математика жана бизнес" деп аталган магистратуранын күндүзгү бөлүмүндө "Банк адистиги" боюнча 1995-жылы окууга кирип, 1997-жылы аяктаган. Муну банк иштери боюнча мамлекеттик экзамен тапшырганы жазылган протокол далилдеп турат. Андан сырткары бүтүрүүчүлөрдүн аты-жөнү жазылган кагаздар да бар", — деп айтылат консорциумдун маалыматында.

Окуу жайдын архивинен билим алганы үчүн мыйзамдуу түрдө акча төлөгөн кагазы жана студент Абылгазиевди магистратуранын экинчи курсуна которуу боюнча буйрук менен рапорт алынган. Мындан сырткары магистрдик диссертациясынын темасын бекиткен документ да бар экендигин администрация маалымдаган.

"Өкмөт башчы диссертациясын "Баалуу кагаздар боюнча банктык операцияларга жасалган анализ" жаатында жактаган", — деп жазылган.

Кыргызстандын өкмөт башчысы Абылгазиевдин фамилиясындагы айырмачылык башка расмий маалымат булактарында жүргөнү бул кадыресе эле көрүнүш экени айтылган.

Мындан сырткары маалыматта аталган университетте 1995-жылы студенттерди эки деңгээл менен даярдаган Болон системасы кирип калганы кабарланган.

"Кыргызстан эл аралык университети бул системаны киргизген алгачкылардан болгон. Ал эми азыркы премьер-министр Мухаммедкалый Абылгазиев күндүзгү бөлүмдүн магистратурасынын биринчи агымынын бүтүрүүчүсү", — деп айтылган маалыматта.

Сайтта мамлекет окуу жайдан билим алган жалгыз коомдук ишмер, мамлекеттик кызматкер эместиги кабарланган. Андан башка Улуттук банктын төрагасы Толкунбек Абдыгулов, ТИМдин коомдук кеңешинин жооптуу катчысы Уран Ахметов, мурдагы премьер-министр Сапар Исаков Кыргызстан эл аралык университетин бүтүргөндүгүн мисал кылышкан.

498
Белгилер:
Кыргызстан эл аралык университети, магистратура, диплом, Мухаммедкалый Абылгазиев, Кыргызстан
Тема боюнча
Премьер-министр Абылгазиев жыштык чуусунан улам эмгек өргүүгө кетти
Акыйкатчы абактагы аткаминерлерден кабар алып, Атамбаевдин ден соолугун билди
Мышык менен ойноп жаткан бөбөк. Архив

Бөбөгүн жоготкон бала милицияга айтып, алар эки жашар баланы эки саатта тапты

0
(жаңыланган 12:55 31.05.2020)
29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала кайрылган.

БИШКЕК, 31-май — Sputnik. Патрулдук милиция башкармалыгынын инспекторлору Бишкектин Ак-Өргө кичи районунда жоголуп кеткен эки жашар баланы ата-энесине таап берди. Бул тууралуу аталган башкармалыктын маалымат кызматынан билдиришти.

29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала (жашы айтылган эмес) кайрылган. Ал саат 13.30дар чамасында эшиктин алдында ойноп турган инисин таппай калганын айткан.

"Эки сааттан кийин бөбөк ошол эле конуштагы Гагарин менен Ашар көчөлөрүнүн кесилишинен табылып, ата-энесинин колуна тапшырылды", — деп айтылат билдирүүдө.

Милициядан билдиришкендей, небересинин табылганына сүйүнгөн чоң эне инспекторлорго ыраазычылыгын айткан.

0
Белгилер:
издөө, бала, милиция, "Ак-Өргө" кичи району, Бишкек
Тема боюнча
Чүйдөн жоголгон өспүрүм кыздар Баткенден табылды