Президент КР Сооронбай Жээнбеков на заседании Высшего Евразийского экономического совета, которое проходит в формате видеоконференции

Каатчылык коркунучу жана ЕАЭБдин жаңы стратегиясы. Жыйынга сереп

242
(жаңыланган 11:38 20.05.2020)
Жогорку Евразиялык экономикалык кеңештин кезектеги жыйыны кечээ, 19-майда, онлайн-конференция форматында өттү. Ага биримдикке мүчө-мамлекеттин президенттери катышты.

Жыйында Евразиялык экономикалык комиссия тарабынан сунушталган ЕАЭБдин 2025-жылга чейинки өнүктүрүү боюнча дымактуу программасы көңүл чордонунда болду. Онлайн-конференциянын жүрүшүнө Евразиялык аналитикалык клубдун жетекчиси Никита Мендкович көз салган.

Президент КР Сооронбай Жээнбеков на заседании Высшего Евразийского экономического совета, которое проходит в формате видеоконференции
© Пресс-служба президента КР / Султан Досалиев DOSALIV SULTAN
Жогорку Евразиялык экономикалык кеңештин жыйыны видео конференция форматында өттү. Биримдикке Кыргызстан, Россия, Казакстан, Белоруссия жана Армения мүчө.

План кызуу талаш-тартышка карабай, биримдикке мүчөлөр тарабынан жалпысынан жактырылды. Аны толук иштеп чыгып, оңдолгон вариантын быйыл октябрь-ноябрь айларынын аралыгында бекитүү, аны менен катар айрым зарыл маселелерди мамлекет башчыларынын эки тараптуу консультацияларынын жүрүшүндө макулдашуу тууралуу да чечим кабыл алынды.

Стратегиянын сунушталган долбоору экономикалык кызматташтыкты тездетүүчү 330 ар кандай чара жана механизмди камтыйт. ЕАЭБдин бардык аймагында евразиялык компаниялардын ишин жана өз ара инвестициялоону жеңилдетүү үчүн өлкөлөрдүн айрым юридикалык ченемдерин шайкеш келтирүү сунушталган. Ошондой эле экономиканы санариптештирүү жана мамлекеттик жөнгө салуу жөнүндө да кеп козголду. Бул товар жана каржы кыймылын өтө жөнөкөйлөштүрөт.

Бирок коронавирус жана ага байланышкан каатчылык күн тартибине жагымсыз түзөтүүлөрдү киргизип отурат. Рыноктордун карантиндик обочолонушу жана экономиканын солгундашы өңдүү учурдагы көйгөйлөр менен катар эле узак мөөнөттүү кооптонуулар да жок эмес. Дүйнөнүн булуң-бурчунда курчуп бараткан көйгөйлөр стагнация (экономикалык өсүштүн жоктугу) же ал түгүл 2020-жыл бою рыноктун төмөндөшү өңдүү коркунуч туудурат. Кырдаал ушунчалык тез жана олуттуу түрдө алмашууда. ЕАЭБ өлкөлөрү жаңы жаралган көйгөйлөрдү чечүүнүн жолдорун издөөгө аргасыз.

Президент РФ Владимир Путин принимает участие в заседании Высшего Евразийского экономического совета (ВЕЭС) с лидерами стран Евразийского экономического союза (Россия, Армения, Белоруссия, Казахстан, Киргизия) в режиме видеоконференции.
© Sputnik / Алексей Никольский
Биримдикке мүчө өлкөлөрдүн профилдик мекемелери соңку убакта жалаң гана пандемия жана эл аралык сооданын үзгүлтүккө учурашына байланышкан маселелер менен алек болушту

Атап айтканда, Казакстан товарларды жалпы санариптик маркировкалоону киргизүүнү кийинкиге калтыра турууну өтүндү. Анткени ушул чактагы окуялар өлкө экономикасына катуу сокку урган. Жаңычылдыктарды киргизүү бюджетке жана бизнеске өтө күч келтириши мүмкүн.

Белоруссия жана Армения да экономикалык коркунучтарга тушуккандыктан, бирдиктүү газ рыногуна өтүүнү тездетүүнү сунушташты. Энергоресурстарды импорттоочу катары аталган өлкөлөрдүн экономикалык абалын бул жакшыртууга тийиш. Бирок Россиянын президенти Владимир Путиндин экономикалык интеграциянын азыркы деңгээлинде мындай кадамдын мүмкүн эместигин белгилеген пикиринен кийин бул маселени жылдырып туруу боюнча чечим кабыл алынды.

Сунушталган чаралардын бир бөлүгүн тийиштүү түрдө талкуулоого даярдык жок болуп чыкты. Негизинен биримдикке мүчө өлкөлөрдүн профилдик мекемелери соңку убакта жалаң гана пандемия жана эл аралык сооданын үзгүлтүккө учурашына байланышкан маселелер менен алек болушкан. Ошондон улам өз мамлекеттеринин башчылары үчүн сунуштарды иштеп чыгууга үлгүрбөй калган учурлар бар.

ЕАЭБге мүчө өлкөлөрдүн министрлеринин жолугушуусунун күн тартиби да өзгөрдү. Алар адатта пикир келишпестиктерди ыкчам чечүүгө мүмкүндүк берчү. Бирок ушул тапта күн тартибинде толугу менен антикризистик шашылыш чаралар камтылат.

Атап айтканда, Казакстандын президенти Касым-Жомарт Токаев Евразиялык экономикалык комиссиянын ыйгарым укуктарын кеңейтүүгө тиешелүү көптөгөн сунуштардын ишке ашырылышы ага түшүнүксүз экенин билдирди.

Заседание Высшего Евразийского экономического совета в формате видеоконференции
© Пресс-служба президента КР / Султан Досалиев
Касым-Жомарт Токаев Евразиялык экономикалык комиссиянын өкүлдөрү Стратегиянын бардык пунктулары катышуучулар тарабынан макулдашылганы туурасында жарыялоого шашылганына кейиди. Анын пикиринде, иш дагы бүтө элек.
"Биримдикке мүчө мамлекеттердин үчүнчү өлкөлөр менен соода боюнча эки тараптуу сүйлөшүүлөрүнө катышуу укугун комиссияга берүү кошумча изилдөөнү талап кылат... Иш жүзүндө кандай болорун элестетүү кыйын", — деп белгилейт Казакстан президенти.

Токаев Евразиялык экономикалык комиссиянын өкүлдөрү Стратегиянын бардык пунктулары катышуучулар тарабынан макулдашылганы туурасында жарыялоого шашылганына кейиди. Анын пикиринде, иш дагы бүтө элек. Азыркы калыбында көптөгөн сунуштар өтө радикалдуу көрүнүүдө, ал тургай коомдо туура эмес кабылданышы ыктымал.

Казакстандын президенти Евразиялык экономикалык комиссияны кеңейтүү маселесине абдан кылдат кароого жана күзгүгө пландалган жолугушууга чейин серепчилердин деңгээлинде дагы бир жолу талкуулоого чакырды. Бирок Өнүктүрүү стратегиясы жөнүндөгү маселелер боюнча талаштардын маанисин айрым маалымат каражаттары жазып жаткандай көбүртүп-жабыртуу жаңылыштык болмок. Дискуссия жумушчу мүнөздө өтүп, катышуучулар тез эле компромисске келип, регламенттин чегинен чыгышпады. Бул бир катар башка маселелерди, анын ичинде каботаждык жүк ташууну либералдаштыруу программаларынын жүрүшүн да талкуулоого шарт түздү. Айрыкча пандемия маалында транспорттук агымдын бузулушунан улам бул абдан маанилүү болуп жатпайбы. Ошондой эле уюмга жаңы өлкөлөрдүн байкоочу макамында кириши талкууланды.

Жалпысынан жыйындын жыйынтыгын чыгарсак, Евразиялык экономикалык комиссия жаңы масштабдык стратегияны кабыл алуу аркылуу интеграциялык процесстерди тездете албаганын айтсак болот. Жарым-жартылай ал өтө радикалдуу деп бааланды. Мындан тышкары, бир катар сунуштарды жүзөгө ашыруу үчүн алардын жол-жобосун иштеп чыгуу зарыл экени айтылды. Аларды ишке ашыруу күзгүгө пландалган.

Президент КР Сооронбай Жээнбеков на заседании Высшего Евразийского экономического совета, которое проходит в формате видеоконференции
© Пресс-служба президента КР / Султан Досалиев
ЕАЭБ жаңы масштабдык стратегияны кабыл алуу аркылуу интеграциялык процесстерди тездете алган жок. Ал жарым-жартылай өтө радикалдуу деп бааланды. Мындан тышкары, бир катар сунуштарды жүзөгө ашыруу үчүн алардын жол-жобосун иштеп чыгуу зарыл экени айтылып, аларды ишке ашыруу күзгүгө пландалган.

Бирок коркунучтарга карабай программаны кабыл алуунун тегерегиндеги талкуу көз караштары бирдей болбосо да, биримдикке мүчө өлкөлөр күн тартибинде иш алып барып, орток пикирге келүүгө жөндөмдүү экенин көрсөттү.

Балким, пандемиянын оор шарттары жана ага байланышкан экономикалык каатчылык айрым стратегиялык пландарды түзөтүүнү талап кылышы ыктымал. Бирок жаралган көйгөйлөрдү жеңүүдө евразиялык блок биргелешкен ишти ишенимдүү жүргүзүп жатканына күбөбүз.

242
Белгилер:
стратегия, өнөр жай, коопсуздук, сунуш, президент, жыйын, Евразиялык экономикалык биримдик
Тема:
ЕАЭБдеги Кыргызстан (208)
Тема боюнча
Жээнбеков ЕАЭБдин саммитинде кол койгон документтер. Тизме
Путин: ЕАЭБ ири бирикмелер менен кызматташуусун күчөтүшү керек
Каршылык акциясын мүчөлөрү. Архив

Бүгүн да Конституцияны өзгөртүүгө каршы жүрүш болду. Видео

97
(жаңыланган 14:48 29.11.2020)
Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти.

БИШКЕК, 29-ноя. – Sputnik. Бишкекте Конституцияны өзгөртүүгө каршы жекшембидеги экинчи тынчтык жүрүшү өтүп жатат.

Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти. Жүрүштүн алкагында "Референдум өтпөсүн!", "Хандык бийликке жол берилбесин!" деген тариздеги лозунгдарды кыйкырып басышты.

Жүрүштүн видеосу "Короче" Telegram каналына жүктөлгөн.

Акцияга жүздөн ашуун адам катышканын байкоого болот. Алар Конституция өзгөртүлсө бийлик бир колго топтолуп каларын белгилешүүдө. Ошондой эле референдум өткөрүүгө караманча каршы болуп жатышат.

Белгилей кетсек, ушундай эле жүрүш мурдагы жекшембиде дагы өткөн болчу.

97
Белгилер:
каршылык, акция, жүрүш, референдум, конституция
Тема:
Жаңы Конституциянын долбоору жана референдум
Тема боюнча
Жапаров референдумга Конституция эмес, башка маселени алып чыгууну сунуштады
Баш мыйзамдын жаңы долбооруна каршы чыккандар борбордук аянтка келишти. Видео
УКМК төрагасы Камчыбек Ташиев. Архив

Үлгүрүш керек... Ооруканада жаткан Камчыбек Ташиев үн катты

1616
(жаңыланган 12:28 29.11.2020)
Ташиев Бишкектеги ооруканалардын биринде дарыланып жатканы 26-ноябрда белгилүү болгон. Анын диагнозу жана ооруканага качан жаткырылганы кабарланган эмес.

БИШКЕК, 29-ноя. — Sputnik. Ооруканада жатат деген УКМК төрагасы Камчыбек Ташиев абалы боюнча социалдык тармактагы баракчасы аркылуу үн катты.

Ал ооруканага жатканын жашырганы менен үч күндөн кийин билинип калганын айтып, колдогондорго ыраазычылык айткан.

"Миңдеген адамдар дуба кылып, каалоолорун айтышты. Мен көпчүлүгүнө жооп бере албадым. Бардыгыңыздарга терең ыраазычылыгымды билдирем, ырахмат айтам. Эми өзүмдүн диагнозумду билем. Менин өмүрүм кыргыз элимдики. Эми мындан да катуураак иштеймин, үлгүрүш керек... ", — деп жазган Ташиев.

Ал Бишкектеги ооруканалардын биринде дарыланып жатканы 26-ноябрда белгилүү болгон. Диагнозу жана ооруканага качан жаткырылганы кабарланган эмес.

1616
Белгилер:
оору, Камчыбек Ташиев, УКМК
Тема боюнча
Жапаров дайындаган кадрлар. Кызматка келген достору, үзөңгүлөштөрү
Алай районунда жаңы ачылган жугуштуу илдеттер ооруканасы

Алай районунда 60 орундуу жугуштуу илдеттер ооруканасы ачылды. Сүрөт

0
Алгач имарат мектеп катары колдонууга берилген, коронавирус күчөгөндөн кийин оорукана катары иштетүү буйругу чыккан.

БИШКЕК, 29-ноя. — Sputnik. Алай районунда 60 орундуу жугуштуу илдеттер ооруканасы ачылып, пайдаланууга берилди. Бул тууралуу өкмөттүн Оштогу өкүлчүлүгүнүн маалымат кызматы билдирди.

  • Алай районунда 60 орундуу жугуштуу илдеттер ооруканасы ачылып, пайдаланууга берилди
    Алай районунда 60 орундуу жугуштуу илдеттер ооруканасы ачылып, пайдаланууга берилди
    © Фото / пресс-служба полпредства правительства в Ошской области
  • Ага ылайык, аталган имарат 1996-жылы курулуп бүткөн
    Ага ылайык, аталган имарат 1996-жылы курулуп бүткөн
    © Фото / пресс-служба полпредства правительства в Ошской области
  • 1999-жылы орто мектеп катары колдонууга берилген
    1999-жылы орто мектеп катары колдонууга берилген
    © Фото / пресс-служба полпредства правительства в Ошской области
  • Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.
    Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды
    © Фото / пресс-служба полпредства правительства в Ошской области
1 / 4
© Фото / пресс-служба полпредства правительства в Ошской области
Алай районунда 60 орундуу жугуштуу илдеттер ооруканасы ачылып, пайдаланууга берилди

Ага ылайык, аталган имарат 1996-жылы курулуп бүткөн. 1999-жылы орто мектеп катары колдонууга берилген. Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.

Учурда толук бүтүп, жабдылган портативдүү рентген да орнотулду. Оорукана коронавирус илдетине чалдыккан бейтаптарды кабыл алат.

Эскерте кетсек, өкмөттүн Оштогу өкүлү Жарасул Абдураимов ушул айдын башында курулуш иштеринен кабар алган.

0
Белгилер:
мектеп, курулуш, имарат, оорукана, Алай району
Тема:
Коронавируска байланыштуу Кыргызстандагы кырдаал
Тема боюнча
Жуктургандар, айыккандар. Кыргызстандагы коронавирус боюнча абал
Ош шаарында беш жаңы мектеп курулуп жатат. Даректери