Коопсуздук кеңешинин качысы Дамир Сагынбаевди президент Сооронбай Жээнбеков кабыл алуу учурунда

Коопсуздук кеңеши декларациялоо мыйзамдарын күчөтүүнү көздөп жатат

56
(жаңыланган 15:41 20.05.2020)
Мыйзам долбоорунда антикоррупциялык жаңы иштиктүү механизмдер, бардык деңгээлдеги чиновниктердин чыгашалары менен кирешелерин көзөмөлдөөнү кыйла күчөтүү маселелери каралган.

БИШКЕК, 20-май — Sputnik. Коопсуздук кеңеши декларациялоо чөйрөсүндөгү мыйзамдарды жакшыртуу максатында иш алып барууда. Бул туралуу аталган кеңештин качысы Дамир Сагынбаев президент Сооронбай Жээнбеков кабыл алган учурунда айтканын мамлекет башчынын маалымат кызматынан билдиришти.

Кыргыз Республикасынын башкы прокурору Өткүрбек Жамшитов
© Пресс-служба президента КР / Султан Досалиев
Кеп "Мамлекеттик жана муниципалдык кызматтарды убактылуу ээлеген же ээлеген адамдардын кирешелерин, чыгашаларын, милдеттенмелерин жана мүлкүн декларациялоо тууралуу" мыйзамы жөнүндө болуп жатат.

Ага өзгөртүүлөрдү киргизүү боюнча мыйзам долбоору антикоррупциялык жаңы иштиктүү механизмдерди киргизет, бардык деңгээлдеги аткаминерлердин чыгашалары менен кирешелерин көзөмөлдөөнү кыйла күчөтөт. Ошондой эле бирдиктүү салык декларациясын толук текшерүү үчүн мурда эки гана нерсе негиз боло алса, эми сегизге чейин көбөйтүлөт.

"Бүгүнкү күндө мыйзамдарда бирдиктүү салык декларациясын толук текшерүү үчүн эки гана негиз каралган. Алар — маалыматтардын чындыкка дал келбеши жана кирешелери менен чыгашаларынын туура келбегендиги жөнүндө маалыматтар болгондо. Эми бул тизмени дагы алты негиз менен толуктоо каралууда. Аталган мыйзамдын кабыл алынышы менен өздөрүнүн кирешелери менен ири чыгашаларын жаап-жашырып келген адамдар эртеби-кечпи кылмыш жоопкерчилигине тартылат", — деди Сагынбаев.

Ал эми президент мамлекеттик органдардын ишмердүүлүгүндөгү коррупциялык көрүнүштөр менен күрөшүүдө декларациялоо жөнүндө мыйзамдарды сактабагандыгы үчүн жоопкерчиликтин күчөтүлүшү маанилүү экенин белгиледи.

Аталган мыйзам долбоору бардык деңгээлдеги аткаминерлердин чыгашаларын жана кирешелерин көзөмөлдөөнү кыйла күчөтөт, ошондой эле коррупцияга каршы жаңы натыйжалуу механизмдерди киргизет.

Алардын ичинде:

  • декларанттын башка бирөөнүн мүлкүн иш жүзүндө пайдалангандыгы жөнүндө маалыматтарды берип туруу милдети;
  • бирдиктүү салык декларациясын толук текшерүү үчүн экиден сегизге чейин негиздердин көбөйүшү;
  • эгерде сатып алынган мүлктүн суммасы аны алган кишинин жалпы кирешесинен ашып кетсе жана ал мүлктү мыйзамдуу алгандыгы тууралуу тастыкталган маалыматты бербесе, мамлекеттик жана муниципалдык кызматкерлердин мүлкүн мамлекеттин кирешесине кайтаруу;
  • бирдиктүү салык декларациясын тапшырбагандыгы же ага туура эмес маалымат киргизгендиги үчүн жоопкерчилик чараларын колдонуу.

Учурда мыйзам долбоору өкмөттүн кароосунда турат, андан ары Жогорку Кеңешке жиберилет.

56
Белгилер:
декларация, мыйзам, Сооронбай Жээнбеков, Дамир Сагынбаев
Тема боюнча
Сазыков: ишкерлер салыкты кечиктиргени үчүн үч айга чейин айып салынбайт
Чек ара көзөмөл пункту. Архив

Өкмөт: COVID-19дан улам чек ара боюнча кийинки сүйлөшүүлөр боло элек

17
(жаңыланган 17:39 29.05.2020)
Тажикстан менен чектешкен Баткен облусундагы бир нече калктуу конуштарда талаш маселелер чыгып, чыңалуу байкалууда.

БИШКЕК, 29-май — Sputnik. Кыргыз-өзбек чек арасынын 95 пайызы, ал эми кыргыз-тажик чек арасынын 60 пайызы өкмөттүк делегациялар тарабынан өз ара макулдашылды. Бул тууралуу өкмөттүн маалымат кызматынан кабарлашты.

Кыргыз-тажик мамлекеттик чек арасын делимитациялоо, демаркациялоо боюнча өкмөттүк делегациялардын жалпы 38 отуруму болгон. Андан сырткары топографиялык жумушчу топтун 50гө чукул, укуктук маселелер боюнча жумушчу топтун 20дан ашуун жолугушуулары өткөндүгү айтылды.

Өкмөт делимитациялоо жана демаркациялоо боюнча кийинки жолугушуулар COVID-19 пандемиясынан улам өткөрүлө электигин билдирди.

“Тажикстан менен чектешкен Баткен облусундагы бир катар калктуу конуштарда объектилерди куруу, жер ресурстарын пайдалануу сындуу талаш-тартыш маселелер чыгып, белгилүү бир чыңалуу байкалууда. Жергиликтүү бийлик органдары укук коргоо органдары менен биргеликте калк арасында түшүндүрүү иштерин жүргүзүүдө”, — деп айтылган маалыматта.

Кыргыз-өзбек мамлекеттик чек арасын делимитациялоо жана демаркациялоо боюнча өкмөттүк делегациялардын 31 отуруму уюштурулган. Топографиялык жумушчу топтордун 96 жолугушуусу, укуктук маселелер боюнча жумушчу топтордун 2 жолугушуусу өткөрүлгөн.

Өкмөт өзгөчө статусу бар айрым чек ара аймактарынын коопсуздугун камсыздоо, социалдык-экономикалык жактан өнүктүрүү боюнча мамлекеттик программасынын экинчи этабы ишке ашырылып жатканын маалымдады.

“Программа 33 иш-чараны камтыйт, аларды жүзөгө ашырууга 296 миллион 250 миң сом каралган. Бул каражаттардын ичинен 195 миллион сому Баткен облусундагы өзгөчө статусу бар чек арага чектеш аймактарды өнүктүрүүгө багытталат”, — деп билдиришти өкмөттөн.

Акыркы учурда кыргыз-тажик чек арасында чатак көп чыгып, туура эмес таратылган маалыматтар боюнча эки тараптын Чек ара кызматтары да кайрылуу таратууда.

17
Белгилер:
Мамлекеттик чек ара кызматы, өкмөт, чек ара, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыргызстандын Чек ара кызматы Тажикстан тарапка дагы кайрылуу жасады
АКШ президенти Дональд Трамп. Архивдик сүрөт

Трамп Twitter компаниясын жабуу боюнча юристтер менен сүйлөшөрүн айтты

50
Twitter жетекчилиги президенттин 27-майда шайлоо тууралуу жазган эки постуна "элди адаштырып жатат" деп баа берген. Мындан соң президент сөз эркиндиги чектелип жатканын айтып, нааразычылыгын билдирген.

БИШКЕК, 29-май — Sputnik. АКШ президенти Дональд Трамп Twitter компаниясынын ишмердүүлүгүнө бөгөт коюлушу мүмкүн экенин айтты. Бул тууралуу РИА Новости жазды. 

"Негизи Twitter компаниясын жаап койсом болот. Бирок мен юридикалык процедуралардан өтүшүм керек, ал үчүн юристтер менен кеңешип көрүшүм зарыл. Эгер мыйзамдуу түрдө бул компанияны жаап коюу мүмкүн болсо, сөзсүз аны кылмакмын", — деди президент.

Анын айтымында, "андан башка деле колдоно турган социалдык тармактар көп".

Белгилей кетсек, Трамп өзү Twitter тармагынын активдүү колдонуучусу. Бирок компания жетекчилиги анын 27-майда шайлоо тууралуу жазган эки постуна "элди адаштырып жатат" деп баа берген. Мындан соң президент сөз эркиндиги чектелип жатканын айтып, нааразычылыгын билдирген.

50
Белгилер:
Чыр-чатак, Twitter, Дональд Трамп, АКШ
Тема боюнча
Twitter кызматкерлерине кеңсеге келбей эле биротоло үйдөн иштөөгө уруксат берди
Twitter Ирандын жогорку лидеринин аккаунтун блоктоп салды
Олимпиадалык шакектер жана желек. Архив

Кыргыз спортчулары олимпиадага 1-июндан тарта даярдана баштайт

0
(жаңыланган 18:47 29.05.2020)
Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турат.

БИШКЕК, 29-май — Sputnik. Кыргызстандык курама командалар эл аралык мелдештерге 1-июндан тарта даярдануусун баштап, машыгууларга киришет. Бул тууралуу Жаштар иши, дене тарбия жана спорт боюнча мамлекеттик агенттигинин маалымат кызматы билдирди.

Биринчи кезекте сөз Токио Олимпиадасына жолдомо берилчү мелдештерге катыша турган курама командалар тууралуу болуп жатат.

Эл аралык мелдештер башталса, катышуу үчүн олимпиадалык эмес жана улуттук спорттук оюндардын түрлөрү боюнча дагы машыгуулар башталат.

"Курама командалардын мүчөлөрү машыгуудан мурда медициналык кароодон өтүшөт. Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турмакчы. Спортчулардын дене табы текшерилет", — деп айтылат билдирүүдө.

Бирок өлкө ичиндеги мелдештер боюнча азырынча так маалымат айтыла элек.

Эске салсак, Токио шаарындагы Олимпиада 2021-жылы өтмөкчү. Ал пандемиядан улам ары жылдырылган.

0
Белгилер:
карантин, машыгуу, спорт, Кыргызстан
Тема боюнча
"Спартак" стадионунда машыгууга уруксат берилип, бирок бир шарт коюлду