Сот процессинде отурган адам. Архив

Чиновниктер байлыгын ачыктаса, эски ишин кечирүү мыйзамы сунушталды. Чоо-жайы

1295
(жаңыланган 20:20 20.05.2020)
Сунушталган мыйзамга ылайык, декларанттар өзүнүн көмүскөдөгү байлыгын органдарга көрсөтүп, мындан ары ага салык төлөп турарын айтса, буга чейинки жашыруун иштери кечирилет. 

БИШКЕК, 20-май — Sputnik. Экономика министрлиги мамлекеттик кызматкерлерге мүлк жана кирешелерин адалдаштыруу үчүн мунапыс берүү мыйзам долбоорун сунуштады.

Аталган документ бүгүн парламентте биринчи окууда каралды.

Мыйзамга ылайык, мамлекеттик кызматта иштегендер, ошол эле депутаттар 2019-жылдын 1-январына чейин алган мүлкүн, кирешесин жеке өзүнө каттатса, укук коргоо органдары каяктан байыганын текшербей турганына кепилдик берилет. Ошондой эле салык, айып, пайыз жана туум сыяктуу милдеттүү төлөмдөрдөн бошотулат. 

“Ыктыярдуу декларациялоо (мунапыс берүү) көмүскө мүлктү жана кирешени мыйзамдуу жүгүртүүгө чыгарууга жол ачып, ачык экономикалык активдүүлүктү жогорулатууга алып келет. Экономисттердин пикири боюнча, бүгүнкү күндө көмүскө сектордо 40 пайыздан ашык декларацияланбаган мүлк жана киреше жатат. Ушуга байланыштуу мунапыс берүү жалпы декларациялоого өтүүгө даярдык көрүүчү этап болуп саналат”, — деп жазылат мыйзам долбоорунун негиздемесинде.

Ошондой эле ыктыярдуу декларация тапшырууда кирешеси же мүлкүнүн наркы 70 миллион сомдон жогору (канча ашканы маанилүү эмес) болсо, 700 миң сом салык төлөй турганы айтылат. Эгер бул суммага жетпесе, жогоруда айтылгандай, бардык төлөмдөрдөн бошотулат.

Салык кызматынын төрагасынын орун басары Искендер Асылкулов мунапыстын негизинде катталган байлык коомчулукка ачыкталбай, купуя бойдон сакталарын белгиледи.

Ал эми экономика министринин орун басары Бекболот Алиев мындай мунапыс берүү мыйзамы төртүнчү ирет колдонууга сунушталып жатканын билдирди. Буга чейинки экөө кабыл алынып иштеген эмес, үчүнчүсүнө 9 840 адам катышкан.

Жыйын учурунда депутат Бактыбек Турусбеков: “Буга чейин кылмыш иши козголуп качып кеткен аткаминерлер кайра келип мүлкүн каттатып койсо жоопкерчиликтен кутулуп кетеби?”, — деп сурады. 

“Кылмыш иш ачылып, иши тергөөдө каралып жаткан тараптарга бул мыйзам иштебейт”, — деп жооп берди Алиев.

Андан соң эл өкүлү Алмазбек Баатырбеков "мыйзамсыз байыган" деп иш козголгон мурдагы вице-премьер Дүйшөн Залалиевдин туугандары өзү мурда мунапыстын алкагында миллиондорун каттатып койгону чыгып калса эмне болоруна кызыкты.

Вице-премьер-министр Эркин Асрандиев. Архивдик сүрөт
© Фото / Республиканский штаб КР по борьбе с COVID-19
“Мунапыстын негизинде декларация тапшырып, акчаларын адалдап алган болсо, тергөө амалдары жүрүп жатканда айткан болушу керек. Анда мыйзамдуу болуп калат. Эгер айыпталып жаткан киши өзү декларация тапшырса, мунапыс алган декларант мүлкүн документтери менен тастыктап, эгер акчасы болсо, банктык эсебин көрсөтүшү керек. Үйүндө сакталган акчасын кошо албайт, себеби жалган маалымат берүү менен кийинки мыйзамсыз иштерин адалдаштыруусуна тобокелчилик жаралат”, — деди Салык кызматынын төрагасынын орун басары.

Буга чейин премьер-министр Мухаммедкалый Абылгазиев бул мыйзамды колдой турганын айтып, тарыхты чукуп, артты карай бербей алдыга жылышыбыз керектигин билдирген.

1295
Белгилер:
декларация, мамлекеттик кызматкер, салык, бошотуу, мунапыс, мыйзам
Тема боюнча
Абылгазиев: тарыхты чукуп, артты карай бербей алдыга жылышыбыз керек
Сазыков: ишкерлер салыкты кечиктиргени үчүн үч айга чейин айып салынбайт
Кронштадт суу түбүндөгү кайыгы. Архивдик сүрөт

"Табыш кыйын буларды!". Россия көзгө чалдыкпас, дабышы угулбас комплекс камдоодо

102
Россиянын флоту келерки жылы жаңы, дабышсыз жана көзгө илинбес курал тутумдарына ээ болот. 677 долбоорунун суу түбүндөгү "Лада" дизелдик-электрдик кайыктарынын биринчи сериялык өндүрүшү башталып туру.

Бул субмаринаны иштеп чыгууга 20 жылдан ашуун убакыт сарпталган, ал таамай куралды ташый алат. Анын багытын аныктоо өтө татаал. Долбоордун өзгөчөлүктөрүнө Николай Протопопов кеңири токтолгон.

Машакаттуу долбоор

"Кронштадт" жана "Великие Луки" суу түбүндөгү кайыктары россиялык моряктарга быйыл тапшырылмак, бирок контрагенттер менен болгон көйгөйдөн улам жылдырылганын айтат РФтеги "Адмиралтейские верфи" кеме куруучу ишканасынын башкы директору Александр Бузаков.

Сентябрда Биргелешкен кеме куруучу корпорациясынын жетекчиси Алексей Рахманов эки кеменин сериялык чыгарылышы кечеңдей турганын маалымдаган, анткени тетиктерди жабдуучулардын бири белгиленген мөөнөткө үлгүрбөй калган. Долбоордо башынан бери эле ушундай кечигүүлөр көп болду. Иш 1990-жылдардын аягында эле старт алып, "Санкт-Петербург" деген аталыштагы негизги кемесин куруу башталган.

Ал 2004-жылы сууга коё берилген. Эки жылдан соң РФтин Аскердик-деңиз флотуна жөнөтүлмөк. Бирок Түндүк флот аны сынамык пайдаланууга 2010-жылы гана алган. Эскилиги жеткен 877-долбоорунун "Палтус" кайыктарын "Ладалар" менен алмаштыруу пландалган. Суу түбүндөгү жаңы кайыктар кичирээк, гидролокаторлорго байкалбайт. Россиялык кеме куруудагы стандартка коошпогон бир корпустуу схема кайыктын дабышсыз сүзүшүн камсыздайт.

Мындан тышкары, "Ладалар" — келечекте абадан көз каранды болбогон күч орнотмолору менен жабдыла турган алгачкы суу түбүндөгү кайыктар. Балким, жаңы конструктивдүү чечимдердин көптүгүнөн жана аларды "темирде" ишке ашыруунун татаалдыгынан улам кеме тутумунун курулушу создуктурулуп келгендир.

Башкы кемени сыноолордун жүрүшүндө гидроакустикалык комплекстеринде олуттуу көйгөйлөр аныкталган. Ал эми калактуу электр кыймылдаткычынын күчү суу алдында тийиштүү ылдамдыкка чыгарууга жетишсиз болгон. Бирок баары бир РФ Аскердик-деңиз флоту бул типтеги жаңы кайыктарды күтүшкөн, ошондуктан "Ладалардын" ордуна Тынч океандык флот үчүн "Ладалардын" ордуна 636 долбооруна таандык, мезгил менен сыналган жана жакшы өздөштүрүлгөн алты "Варшавянкага" буюртма кылышкан.

Майда, бирок пайдасы ат көтөргүс

Адистердин пикиринде, "Ладалар" — эң заманбап жана келечектүү атомдук эмес субмариналар. Чакан көлөмүнө карабастан, көп функционалдуулугу менен айырмаланышат. Суу түбүндөгү жана суудагы кемелерге туруштук берип, жээктеги объектилерге сокку уруп, мина тосмолорун коюп, жээкти десанттарды түшүрүүдөн коргоп, аскердик бөлүктөрдү жана атайын багыттагы жүктөрдү ташый алат.

Негизги артыкчылыгы — жогорку деңгээлде автоматташтырылышы, дабышы төмөндүгү, мобилдүүлүк жана маневрдүүлүгү, бул өзгөчөлүктөрү диверсиялык жана чалгындоочу операцияларда натыйжалуу пайдаланууга мүмкүндүк берет. Кубаттуу гидроакустикалык комплекси жана дароо үч сезимтал антенна менен жабдылган, маңдайкы бөлүгүндө бирөө, капталдарында экөө жайгашкан.

Сыйымдуулугу 1,8 миң тоннанын тегерегиндеги суу түбүндөгү кеменин ылдамдыгы 20 узелге дейре жетет. Тереңдиги — 350 метрге чейин. Аны менен катар эле экипаж жалпы 30 кишиден турат. Куралдануусуна токтолсок, стандарттык түрдө "Ладалар" бортунда 533 миллиметрлик калибрдеги 18 торпеда жана 20 чакты минаны ташыйт. Торпедалык аппараттар кайыкка каршы коргонуучу саатына 300 чакырымга чейин күүлөнө алчу "Шквал" ыкчам ракета-торпедалары менен атууга ылайыкталган. Анан, албетте, көптөгөн россиялык заманбап кемелер өңдүү эле "Ладалар" канаттуу "Калибр" ракеталарына ээ. Сериялык субмариналардын алгачкы экөөнү абадан көз карандысыз энергетикалык орнотмосуз курушат. Бузаковдун айтымында, Россияда андай жарала элек. Бирок анын тобундагы калган кемелер флотко берилет.

Көзгө көрүнбөс күзөтүүчүлөр

"Лада" — мурдагы долбоорлорго негизделген суу түбүндөгү кайыктардын жапжаңы классы, - дейт Флотту колдоо жалпы россиялык кыймылынын төрагасы, биринчи рангдагы капитан Михаил Ненашев. — Соңку 15-20 жылда "Лада" алкагында 150нүн тегерегинде сынамык-конструктордук ишти өздөштүрүштү. Бир дагы долбоордо мынчалык иш аткарылган эмес. Маңызында бул суу түбүндөгү чоң лаборатория".

Эксперт белгилегендей, мурдагы долбоорлорго салыштырмалуу "Ладалардын" бортуна көбүрөөк торпеда салынат.

Уникалдуу тактикалык-техникалык мүнөздөмөлөрүнөн улам бардык тактикалык жана стратегиялык багыттарда иш алпара алат. Мындан сырткары, түзүлүшү ракеталык комплекстерди жайгаштырууга ылайык.

"Бул дизелдик-электрдик кайыктарынын дабышы деңиз добушуна окшошуп кетет, ал эми жаңы гидроакустикасы башка кемелерге караганда алда канча көбүрөөк мейкиндикти тыңдай алат, — дейт Ненашев. — Бул абдан маанилүү, себеби "Ладалар" Арктикада жайгашмакчы. Дагы бир артыкчылыгы — чакан көлөмү, бул суу түбүндөгү кайыктарды тайыз да, аябай терең сууларда да пайдаланууга мүмкүндүк берет. Болжолдуу душмандын атомоходдору каалаган жеринде жайгаша албайт, ал эми "Лада" сымал суу түбүндөгү кайыктарда аймакты ийгиликтүү коргоого болот".

Россиялык суу түбүндөгү дизелдик кайыктар өз классында мыкты деп табылган. Кара деңиз флотунда мындай алты кайык күзөтүүдө, жакынкы жылдары дагы алты кайык тынч океанчыларга берилет. Кызмат өтөөчү туруктуу жерге жайгаштырууга эки субмарина даярдалууда.

Дабышсыз жана байкалбастыгынан улам мындайларды НАТОдо аларды "кара туюк" деп атап коюшат. Бирок "Ладалар" алардан да акырын сүзөт. Башкы кемени – "Санкт-Петербургду" сыноодо 677-долбоордун байкалбастык деңгээли бул сериядагы бардык үлгүлөрдөн кыйла жогору экени айгинеленди.

102
Белгилер:
кайык, суу, НАТО, курал, аскер-деңиз флоту, Россия
Тема боюнча
Технологиялык революция. Россияга "Буревестник" ракетасы эмне үчүн зарыл?

Пашиняндын "Искандерлер" боюнча айтканы элди экиге бөлгөндө. Россия эмне деди

159
(жаңыланган 18:40 27.02.2021)
Армения оппозициясы көшөрүп өлкөнүн премьер-министри Никол Пашиняндын отставкасын талап кылууда.

Эки күндөн бери Еревандагы "Эркиндик" аянтында чатырлар тигилип турат: нааразылыкка чыккандар парламенттин имаратынын алдына түнөштү. Азыркы бийликтин саясатына ичи чыкпагандардын нааразылык толкуну Пашиняндын россиялык "Искандерлер" боюнча айтканынан соң күчөп, чегине жетти. Ыкчам-тактикалык комплекстер боюнча сөз армян коомчулугун эмне үчүн экиге бөлдү? Тоолуу Карабахта негизи "Искандерлер" колдонулду беле?

159
Белгилер:
Никол Пашинян, нааразычылык, ракета, Армения
Тема боюнча
Тоолуу Карабах: Пашинян "Искандерден" неге шектенди?
Кыргызстандык балбан Айсулуу Тыныбекова. Архивдик сүрөт

Айсулуу Киев мелдешинде атаандаштарын ишенимдүү утуп, финалга чыкты

27
(жаңыланган 00:54 28.02.2021)
Кыргызстандык балбан кыз эртең алтын байге үчүн украиналык Илона Прокопевнюк менен беттешет. Ал финалга чейинки атаандаштарынын баарын толук артыкчылык менен утту.

БИШКЕК, 28-фев. — Sputnik. Кыргызстандык балбан Айсулуу Тыныбекова Киевде спорттук күрөштүн түрлөрү боюнча Украинанын чыгаан балбандарынын жана машыктыруучуларынын элесине арналган XXIV эл аралык мелдештин финалына чыкты. Жарым финалда ал өзбекстандык спортчу Раяна Абдурасулованы 10:0 эсебинде техникалык артыкчылык менен утуп алды.

Тыныбекова эртең алтын байге үчүн украиналык Илона Прокопевнюк менен беттешет.

Кыргызстандык балбан квалификациялык этапта Мариана Састинди (Венгрия), 1/8 финалда алжирлик Амэль Хаммичени 11:0 эсебинде утса, чейрек финалдагы атаандашы Наталья Кубатыны (Польша) далысын тийгизип, таза жеңишти камсыздаган.

27
Белгилер:
финал, мелдеш, Киев, күрөш, Айсулуу Тыныбекова
Тема боюнча
Жоламан Шаршенбеков Киевде өтүп жаткан эл аралык мелдештин финалына чыкты