Кыргызстандын президенти Сооронбай Жээнбеков. Архив

Жээнбеков учак кырсыгына байланыштуу Пакистан президентине көңүл айтты

54
(жаңыланган 15:00 23.05.2020)
Аба кемеси аэропорттун жанындагы эл жашаган жерге түшкөн. Учак 84 метр бийиктиктен кулаганы айтылды.

БИШКЕК, 23-май — Sputnik. Өлкө башчы Сооронбай Жээнбеков Пакистандын президенти Ариф Алвиге Карачи шаарынын жанындагы учактын кыйрашына байланыштуу көңүл айтты. Бул тууралуу мамлекет жетекчисинин маалымат кызматы кабарлады.

Эске салсак, Пакистандын эл аралык аба каттамдарынын Airbus A320 учагы Лахор калаасынан Карачи шаарына учуп баратып аэропортко жакын жерде кулап, анда 90 адамдын каза болгону кабарланган.

"Airbus A320 учагынын күтүүсүз кыйрагандыгы жөнүндө кабарды терең кайгыруу менен кабыл алдым. Сизге жана бүткүл Пакистан элине бул кырсыктын кесепетинен каза болгондордун туугандарына жана жакындарына көӊүл айтып, жабыр тарткан адамдардын тезирээк сакайып кетүүсүн каалайм", — деп айтылат көңүл айтуу телеграммасында.

А320 аэробусу Лахордон Карачи шаарын көздөй чыккан. Flightradar24 кызматынын маалыматына караганда, 1,5 сааттан кийин учак конууга багыт алып, бирок 84 метр бийиктиктен кулаган.

Аба кемеси аэропорттун жанындагы эл жашаган жерге түшкөн.

54
Белгилер:
авиакырсык, учак, Пакистан, көңүл айтуу, Сооронбай Жээнбеков
Тема боюнча
Пакистанда 90 жүргүнчүсү бар учак эл жашаган аймакка кулады. Видео
Учак беш үйгө кулап, 90у каза таап, экөө тирүү калды. Пакистандагы окуя
Кыргызстандын Ички иштер министрлигинин Россиядагы өкүлү Нурлан Жанбаев

ИИМдин Россиядагы өкүлү алмашып, кызматка 40 жаштагы полковник келди

2281
(жаңыланган 19:08 04.06.2020)
Буга чейин министрликтин Россиядагы өкүлү болуп Раим Салимов иштеп жаткан. Анын эмне себептен кызматтан бошотулганы айтылган жок.

БИШКЕК, 4-июн. — Sputnik. Кыргызстандын Ички иштер министрлигинин Россиядагы өкүлү болуп Нурлан Жанбаев дайындалды. Бул тууралуу аталган мекеменин маалымат кызматы тастыктады.

Буга чейин министрликтин Россиядагы өкүлү болуп Раим Салимов иштеп жаткан. Анын эмне себептен кызматтан бошотулганы айтылган жок.

Жаңы өкүл Нурлан Жанбаев 40 жашта, милициянын полковниги наамы бар. Буга чейин Ош облусунун Алай райондук ички иштер бөлүмүнүн башчысы, Ош ИИБдин криминалдык милиция кызматынын жетекчиси болуп иштеген. Ошондой эле Чүй облусундагы Москва райондук ички иштер бөлүмүнүн башчысынын орун басары болуп эмгектенген.

Үй-бүлөлүү, үч баланын атасы.

2281
Белгилер:
полковник, милиция, өкүл, Россия, ИИМ
Тема боюнча
Олег Панкратов жаңы кызматка дайындалды
Биринчи вице-премьер Кубатбек Боронов Өзбекстандын премьер-министри Абдулла Арипов менен жолугушуу учрунда

Кыргыз тарап Өзбекстандын премьеринен кечирим сурадыбы? Бороновдун жообу

352
(жаңыланган 16:37 04.06.2020)
Боронов депутаттарга алгач сүйлөшүүлөр боюнча кыскача маалымат берип, андан аркы суроо-жооптор жабык эшик артында каралмай болду.

БИШКЕК, 4-июн. — Sputnik. Сүйлөшүүлөрдүн негизги максаты жаңжалды басуу, кайрадан мурунку тынч жашоого алып келүү болгон. Бардык маселе ошол эле күнү чечилген. Бул туурасында биринчи вице-премьер Кубатбек Боронов парламенттин жыйынында билдирди.

Белгилей кетсек, кечээ парламентте депутат Закир Шарапов Өзбекстандын премьер-министри Абдулла Арипов эл менен жолугушууда "кыргыз өкмөтүнүн өкүлдөрү постту ачпаганы үчүн кечирим сурады" деп айтканын билдирген.

"Жолугушууда былтыр кыргыз тарап Риштандагы "Кайтпас" постун ачабыз деп, кайра ачпай калганы боюнча өзбек премьер-министри өзүнүн пикирин айтты. Ошондой маселе жаралганы үчүн биз кечирим суроо эмес, дипломаттык негизде өкүнүч билдиргенбиз. Посттун ачылбай калганынын негизги себеби кээ бир чиновниктердин ЕАЭБдин талаптарын эске албай, шашылыш чечим кабыл алганы экенин түшүндүрдүк. Өзбек премьер-министри жакын арада "Кайтпас" постун ачабыз" дегени, менин түшүнүгүм боюнча, биз ЕАЭБге мүчөлүккө кирүүгө табыштама бердик, кошулгандан кийин посттор ачылат десе керек. Бул тууралуу жолугушууда дагы айткан", — деди Боронов.

Президент Сооронбай Жээнбеков Өзбекстандын өлкө башчысы Шавкат Мирзиёев менен. Архивдик сүрөт
© Пресс-служба президента КР / Султан Досалиев
Боронов депутаттарга алгач сүйлөшүүлөр боюнча кыскача маалымат берип, андан аркы суроо-жооптор жабык эшик артында каралмай болду.

Эске салсак, 31-майда Кадамжай районунун Чечме айылы менен Өзбекстандын Сох районунун Чашма айылынын тургундарынын ортосунда чыр чыккан. Андан 25 киши жаракат алып, ооруканада жаткан төрт адамдын экөөсүнүн абалы оор экени айтылган.

Анын эртеси биринчи вице-премьер Кубатбек Боронов "Чечме" өткөрмө пунктунда Өзбекстандын өкмөт башчысы Абдулла Арипов менен жолуккан.

352
Белгилер:
пост, Өзбекстан, кечирим, Кубатбек Боронов
Тема:
Чечме айылындагы чек арадагы кыргыз-өзбек чатагы
Тема боюнча
Кыргыз-өзбек чек арасындагы чыр. Коңшу өлкөнүн ТИМи үн катты
Кадамжайдагы чек араны кыргыз-өзбек аскерлери кайтарууда

Нью-Йоркто акцияга чыккандар камалууда. Видео

0
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

0
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?