Парламенттин КСДП фракциясынын лидери Иса Өмүркулов. Архив

Иса Өмүркулов: Абылгазиев кетерин бизге айткан эмес, бирок ишинен билинип турган

830
(жаңыланган 00:58 16.06.2020)
Мухаммедкалый Абылгазиевдин премьер-министрликтен кетүү арызын жазганга чейин эки апталык кыска мөөнөттөгү эмгек өргүүсүн алган эле.

БИШКЕК, 15-июн. — Sputnik. Парламенттеги көпчүлүк коалициянын төрагасы, КСДП фракциясынын лидери Иса Өмүркулов Мухаммедкалый Абылгазиевдин премьер-министрликтен кетүү арызы боюнча пикирин айтып, жаңы өкмөт башчыны болушунча эртерээк дайындоо керектигин билдирди.

"Азыркыдай кыйын кырдаалда өкмөт башчыны болушунча эртерээк шайлап, ал ишке кириши керек. Ансыз деле Абылгазиев эмгек өргүүгө кеткен эки жумада өкмөттүн ишинде вакуум пайда болду. Азырынча ким бул орунга келерин божомолдой албайм", — деди Өмүркулов.

Ошондой эле ал Абылгазиев кызматтан кетери тууралуу буга чейин айтпаганын, бирок "бардыгы ишинен байкалып турганын" кошумчалады.

Эске салсак, дүйшөмбү күнү кечке маал премьер-министр Мухаммедкалый Абылгазиев кызматтан кетүү тууралуу арызын жазды. Ал радиожыштыктар чуусунан, ага байланыштуу тергөө иштеринен улам белгисиздик абал өкмөттүн толук кандуу ишине тоскоолдук келтирерин билдирди. Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып, ага премьер-министрдин тиешеси бар экендигин билдирген.

Азырынча президент Сооронбай Жээнбеков Абылгазиевдин арызына кол коё элек.

830
Белгилер:
отставка, өкмөт, Мухаммедкалый Абылгазиев, Иса Өмүркулов
Тема:
Мухаммедкалый Абылгазиевдин отставкасы (18)
Тема боюнча
Премьер Абылгазиев ишке чыктыбы? Маалымат катчынын жообу
Өкмөт: жыштык маселесин Абылгазиев эмес, Асрандиев талкуулаган
Талас облусу. Архив

Талас облусуна жаңы жетекчи дайындалды

38
(жаңыланган 12:11 09.03.2021)
Өткөн жылдын октябрь окуяларынан кийин Таласка жетекчи болуп келген Айбек Бузурманкулов 5-мартта кызматынан алынган.

БИШКЕК, 9-мар. — Sputnik. Өкмөттүн Талас облусундагы өкүлү болуп Бакытбек Нарбеков дайындалды. Бул тууралуу өкмөттүн маалымат кызматы кабарлады.

Тиешелүү буйрукка премьер-министр Улукбек Марипов кол койду.

Нарбеков жыйынтыгы жокко чыгарылган 2020-жылдын 4-октябрындагы парламенттик шайлоого "Биримдик" партиясынын тизмеси менен катышкан. Ага чейин президенттин иш башкармалыгында эмгектенген. 

Өткөн жылдын октябрь окуяларынан кийин Таласка жетекчи болуп келген Айбек Бузурманкулов 5-мартта кызматынан алынган.

 

38
Белгилер:
Бакытбек Нарбеков, Талас облусу, жетекчи
Тема боюнча
"Кыргыз алтынга" жаңы жетекчи дайындалды
Бишкек мэриясы. Архив

Шаардык кеңештердин шайлоосуна кайсы партия көп катышып жатат? Тизме

179
Жакында эле жаңыдан түзүлгөн "Ата Журт Кыргызстан" партиясы 21 шаардагы шайлоого катышып жатканы маалым болду.

БИШКЕК, 9-мар. — Sputnik. Кыргызстанда 59 саясий партия 28 шаардык кеңештин депутаттыгына талапкерлердин тизмесин сунуштады.

Жергиликтүү кеңештерге шайлоо 11-апрелге белгиленген. Борбордук шайлоо комиссиясы 12-мартка чейин талапкерлерди каттап, акыркы тизмени жарыялайт.

Шаардык кеңешке шайлоого катышуу ниетин билдирген партиялар:

  • Жаңыдан түзүлгөн "Ата Журт Кыргызстан" — 21 шаарга;
  • "Өнүгүү-Прогресс" — 17 шаарга;
  • "Замандаш" —16 шаарга;
  • "Ыйман нуру" — 15 шаарга;
  • "Ынтымак" — 14 шаарга;
  • "Социал-демократтар" — 13 шаарга;
  • "Республика" — 12 шаарга;
  • "Эмгек" — 11 шаарга;
  • "Бүтүн Кыргызстан" — 10 шаарга;
  • "Бирге Вместе" — 6 шаарга;
  • "Ишеним", "Кыргызстан" жана "Тынчтык" — 5 шаарга;
  • "Бир бол", "Жаңы доор", "Ата Журт, "Кыргызстан элдик демократиялык партиясы" жана "Патриот ынтымагы" — 4 шаарга;
  • "Аманат", "Мекен ынтымагы", "Нур", "Улуттар Биримдиги", "Ордо", "Табылга" жана "Чоң-Казат" — 4 шаарга;

Мындан сырткары, 10 партия эки жана 23 партия бир шаардагы шайлоого катышууга арыз тапшырган.

Толугураак маалымат БШКнын расмий сайтына жарыяланган.

179
Белгилер:
катышуучу, шайлоо, шаардык кеңеш, саясый партия, БШК
Тема боюнча
Бишкектин 54 миң тургуну шайлоого катыша албай калат
УКМК Ошто облус башчысы Абдраимовдун партиясы шайлоого катышып жатканын сындады
Жогорку Кеңештин имаратынын алдында Конституциянын жаңы долбооруна каршы митинг өтүп жатат

Ак үйдүн алдында жаңы Конституциянын долбооруна каршы митинг өтүүдө

0
(жаңыланган 12:46 09.03.2021)
Жогорку Кеңештин депутаттары жаңы Конституциянын долбоору боюнча референдум дайындоо демилгесин биринчи окууда колдоп беришкен.

БИШКЕК, 9-мар. — Sputnik. Жогорку Кеңештин имаратынын алдында Конституциянын жаңы долбооруна каршы митинг өтүп жатат. Бул тууралуу Sputnik кабарчысы жеринен билдирди.

Митингге чыккан 50гө жакын адам Баш мыйзамдын жаңы долбоорун жокко чыгаруу керектигин айтышууда.

Алар ошондой эле Жогорку Кеңештин таркашын дагы талап кылып жатышат.

3-мартта Жогорку Кеңеш жаңы Конституциянын долбоору боюнча референдум дайындоо демилгесин биринчи окууда колдоп берген.

Долбоор экинчи-үчүнчү окуудан дагы колдоо тапса президентке жөнөтүлөт. Ал кол койгондон кийин жалпы элдик добуш берүү дайындалат. Референдумду жергиликтүү кеңештердин шайлоосу менен кошо 11-апрелде өткөрүү сунушталууда.

0
Белгилер:
Ак үй, долбоор, конституция, митинг
Тема:
Жаңы Конституциянын долбоору жана референдум
Тема боюнча
Беренелерди билбей кабинетине кире качкан депутаттар. Видео сурамжылоо
ЖК жаңы Конституциянын долбоору боюнча референдум дайындоону биринчи окууда колдоду