Кыргызстандын өкмөттүн имараты. Архив

Премьер-министрди кызматтан кетирүү жана жаңы өкмөт шайлоонун жол-жобосу

422
(жаңыланган 00:57 16.06.2020)
Премьер-министр, өкмөт же анын бир мүчөсү отставкага кетүү боюнча арыз жазганга укуктуу. Аны кабыл алуу же четке кагуу чечимин президент кабыл алат. Премьер-министрдин отставкасы кабыл алынышы бүтүндөй өкмөттү иштен кетирүүгө алып келет.

БИШКЕК, 15-июн. — Sputnik. Бүгүн, 15-июнда, Мухаммедкалый Абылгазиев радиожыштыктар чуусунан улам кызматтан кетүү боюнча арызын жазды.

Sputnik редакциясы "Өкмөт тууралуу” мыйзамга таянып, премьер-министрдин отставкасы, жаңы өкмөт башчы тандоо жана министрлер кабинетинин кайрадан куралышы кандайча ишке ашарын жазды.

Премьер-министр, өкмөт же анын бир мүчөсү отставкага кетүү боюнча арыз жазганга укуктуу. Аны кабыл алуу же четке кагуу чечимин президент кабыл алат. Премьер-министрдин отставкасы кабыл алынышы бүтүндөй өкмөттү иштен кетирүүгө алып келет. Жаңы өкмөт куралгыча анын мурдагы мүчөлөрү милдеттерин аткара берет.

Өкмөт отставкага кетсе, министрлер кабинетинин жаңы курамы 15 күндүн ичинде түзүлүүсү керек. Бул аралыкта талапкерлер тандалып, бекитилип, программалары менен таанышуу болот. 15 күндүк мөөнөт президент отставканы кабыл алгандыгы тастыкталып, документке кол койгон күндөн баштап саналат.

Өкмөт башчы болуп дайындалуу үчүн парламентте көпчүлүктүн добушун алуу керек. Ошол күндөн тарта үч сутка ичинде президент жарлыкка кол коюусу шарт. Бул аралыкта документке кол коюлбай калса, жаңы өкмөт дайындалды деп эсептелет. Жаңы курам эки аптанын ичинде ант бериши зарыл.

Урунттуу учурлар

Президент өкмөттүн курамын түзүү үчүн мандат бербейт, премьерлик кызматка талапкерди көпчүлүк коалициясы сунуштайт.

Өкмөттүн жаңы курамга кирбей калган мурдагы мүчөлөрү компенсация иретинде эки айлык маянасын алат.

Эске салсак, дүйшөмбү күнү кечке маал  премьер-министр Мухаммедкалый Абылгазиев кызматтан кетүү тууралуу арызын жазды. Ал радиожыштыктар чуусунан, ага байланыштуу тергөө иштеринен улам белгисиздик абал өкмөттүн толук кандуу ишине тоскоолдук келтирерин билдирди. Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып,  ага премьер-министрдин тиешеси бар экендигин билдирген.

422
Тема:
Жаңы премьер-министрди дайындоо (18)
Тема боюнча
Сатылган радиожыштык: "Ала-ТВ" компаниясынын изделген түптөөчүсү кармалды
Президент Сооронбай Жээнбеков Биринчи радиого маек берип жатканда

Жээнбеков Путин менен жолугар алдында эмне деди. Мамиле, кызматташтык, деңгээл

225
(жаңыланган 16:48 26.09.2020)
Келе жаткан жумада мамлекет башчы иш сапары менен Россияга барат. Маек учурунда Владимир Путин менен бир катар маселелерди талкуулай турганын билдирген.

БИШКЕК, 26-сен. — Sputnik. Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз. Бул туурасында президент Сооронбай Жээнбеков "Биринчи радиого" маек берип жатканда айтты.

Журналист мамлекет башчыдан РФ менен бүгүнкү кызматташтыктын деңгээлин кандай баалай турганын жана өлкө ортосунда эриш-аркак жылындагы пландар тууралуу сураган.

Президент Россия менен иштешүүгө чоң маани берилерин жана учурдагы мамиле эң жакшы экенин айткан.

"Эмки жумада, кудай буюрса, Россияга иш сапар менен барып, Владимир Путин менен жолугушам. Бир катар маселелерди талкуулайбыз. Ушул жумада өкмөттөр аралык комиссиянын 22-жыйыны Бишкекте өттү. Бул эриш-аркак жылдын биргелешкен программасынын алкагындагы маанилүү иш-чара. Комиссия соода-экономикалык, илимий-техникалык жана гуманитардык кызматташтык боюнча маселелерди карады. Кээ бир иш-чаралар, тилекке каршы, абалга жараша токтоп турат. Алардын мөөнөтүн өзгөртүү боюнча Россия менен сүйлөшүп жатабыз", — деген президент.

Жээнбеков парламентке канча партиянын келишин каалай турганын айтты

Президент эриш-аркак жылынын жабылыш аземи 2021-жылга жылдырылганын кошумчалаган.

"Кыйынчылыктарга карабастан биз стратегиялык өнөктөшүбүз, союздашыбыз Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз жана жумшап жатабыз", — деген Жээнбеков.

Кыргыз-Россия эриш-аркак жылында баш-аягы 200гө чукул иш-чараларды өткөрүү пландалып, бирок пандемиядан улам түрдүү мөөнөттөргө жылдырылган болчу.

225
Белгилер:
иш-чара, Кыргызстан менен Россиянын эриш-аркак жылы, кызматташтык, Сооронбай Жээнбеков, Россия, Кыргызстан
Тема:
Кыргызстан менен Россиянын эриш-аркак жылы
Тема боюнча
Шайлоодон кийин карантин киргизилеби? Президент Жээнбековдун жообу
Президент Сооронбай Жээнбеков. Архивдик сүрөт

Жээнбеков парламентке канча партиянын келишин каалай турганын айтты

877
(жаңыланган 16:14 26.09.2020)
Мамлекет башчы шайлоодон кийин парламентке канчалык көп партия келсе, өлкө үчүн ошончо утуш болорун белгиледи.

БИШКЕК, 26-сен. — Sputnik. Парламентке беш-алты партиянын келишин каалайт элем. Мындай пикирин президент Сооронбай Жээнбеков КТРКнын "Биринчи радиосуна" берген маегинде билдирди.

Мамлекет башчы ар бир партияда мамлекетчил позициясы күчтүү уул-кыздар бар экенин белгиледи.

"Парламенттин табияты ошондой. Сындашат, айрымдары популисттикке алдырышат. Бирок мамлекет үчүн, эл үчүн маанилүү маселе жаралганда баары биригет, мамлекетчил позициясын көрсөтөт. Буюрса, келе турган парламентте деле ошондой болот деп ишенем. Анткени баары эле өзүбүздүн уул-кыздарыбыз да. Талаша турган эч нерсе жок. Бирок парламентке 5-6 партиянын келишин каалайт элем. Себеби бул өлкө үчүн, туруктуулук үчүн керек", — деди Жээнбеков.

Шайлоодон кийин карантин киргизилеби? Президент Жээнбековдун жообу

Ошондой эле ал парламентке канчалык көп партия келсе, өлкө үчүн ошончолук утуш болорун белгилеп, тогуз пайыз эмес, жети пайыздык шайлоо босогосун колдогонунун негизги себеби да ушул болгонун айтты.

Соңунда президент эл кандай добуш берсе ошондой жыйынтык болорун кошумчалды.

877
Белгилер:
мамлекет, Парламент, саясый партия, шайлоо, Сооронбай Жээнбеков
Тема:
Шайлоо-2020
Тема боюнча
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды
Депутат болгум келет. Өкмөттө иштеген 140 кызматкер шайлоого катышууда
Москва облусунда кыргызстандыктар жабыркаган көпүрө кырсыгы

Россияда кыргызстандыктар жабыркаган кырсыктын болжолдуу себеби айтылды

3
(жаңыланган 17:25 27.09.2020)
Аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты.

БИШКЕК, 27-сен. — Sputnik. Москва облусунда кыргызстандыктар жабыркаган көпүрө кырсыгына жүктүн нормадан ашып кетиши же тетиктердин эскирип калышы себеп болушу мүмкүн. Бул тууралуу облустун Тергөө башкармалыгына шилтеме берип РИА Новости жазды.

"Кырсыкка себеп болчу бир нече версия каралып жатат. Мисалы, жүктүн нормадан ашып кетиши же тетиктердин эскилиги себеп болушу ыктымал”, — деп айтылат билдирүүдө.

Учурда ишкананын документациясы алынып, иликтөө иштери жүрүп жатат.

Эске салсак, Россиянын Москва облусундагы "ФМ Сидорово" логистикалык ишканасында жөө адамдар өтүүчү көпүрө урап, Кыргызстандын 49 жараны жабыркаган. Жабыркаган мекендештердин ичинен төртөөнүн абалы оор, каза болгондор жок.

Кулаган учактан аман калган курсанттын атасы: мен дагы үч жолу кырсыктагам

Аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты. Элчилик жабыркаган кыргызстандыктарга материалдык компенсация төлөтүп берүү боюнча иштеп жатат. Маселени КРдин Россиядагы элчиси Аликбек Жекшенкулов жеке көзөмөлүнө алган.

3
Белгилер:
кырсык, көпүрө, Россия
Тема боюнча
Казакстан Россиядагы кыргызстандыктарга "жашыл коридор" ачууга макул болду