Депутат Гульшат Асылбаева

Чуу түшүргөн мыйзам долбоорлорунун автору Гүлшат Асылбаева тууралуу 6 факты

6324
(жаңыланган 14:31 27.06.2020)
Талаштуу мыйзамдарга автор болгон депутат Гүлшат Асылбаева жогорку билими туурасындагы дипломду сырттан окуп алган. Ишкерликтен түз эле парламентке секирген депутаттардын бири.

Үч жыл мурун парламентте бир депутат "Кыргызстанда 9 миң сом маяна алган адам жок" деп таң калуу менен билдирүү жасап элдин ээсин оодарган. Ал Гүлшат Асылбаева эле. Андан кийин бул ысым маалымат булактарынан кездешкен эмес. Бирок депутаттык мөөнөтү бүтөрүнө аз калганда чуулуу мыйзамдардын демилгечиси катары соцтармактын бетинен түшпөй калды.

Sputnik Кыргызстан эл өкүлү Асылбаева тууралуу фактыларды сунуштайт.

Депутат от фракции Онугуу — Прогресс  Гульшат Асылбаева на заседании Жогорку Кенеша. 12 июня 2020 года
© Фото / пресс-служба Жогорку Кенеша
Депутат Гүлшат Асылбаева 1960-жылы 27-августта Казакстандын Жамбыл облусунун Кордай районунун Георгиевка айылында туулган

Депутат тууралуу кыскача маалымат

Гүлшат Асылбаева 1960-жылы 27-августта Казакстандын Жамбыл облусунун Кордай районунун Георгиевка айылында туулган. 1986-жылы Москвадагы Советтик соода институтунун экономист адистигин сырттан окуп бүткөн. Учурда жесир, эки баланын энеси.

Ичимдик заводунан түз парламентке келген

Болочок депутат жогорку билимге ээ боло электе эле, 1982-жылы 22 жашында "Азия" акционердик коомуна жетекчи болгон. Ал компанияны 13 жыл башкарганы жазылат өмүр баянында. Мамлекеттик кызматка 1995-жылы келип, КР Туризм жана спорт министрлигинде башкы адис болуп эки жыл иштеген. Андан соң тогуз жыл "Шумкар" компаниясынын башкы директору болуп эмгектенген. 2006-жылы "Кыргыз Коньягы" ишканасын жетектөөгө киришкен. Анан 2015-жылы ичимдик чыгарган заводдон түз эле Жогорку Кеңешке келип отурган. Мандатты "Өнүгүү — Прогресс" партиясынын тизмеси менен алган.

Депутат от фракции Онугуу — Прогресс  Гульшат Асылбаева в здании Жогорку Кенеша
© Фото / пресс-служба Жогорку Кенеша
Гүлшат Асылбаева 2015-жылы ичимдик чыгарган заводдон түз эле Жогорку Кеңешке келип отурган. Мандатты "Өнүгүү — Прогресс" партиясынын тизмеси менен алган

Калың элге эмнеси менен таанылды

Асылбаева жарандардын айлык маянасы тууралуу пикир билдире коем деп интернет колдонуучуларынын балээсине калган. Тагыраагы, Улуттук статистика комитетинин маяна тууралуу жарыялаган маалыматынан шек санап, "мен биздин мамлекетте кимдир бирөө ушунча аз айлык аларына ишенбейм. 8-9 миң сом деген айлык жок" деген ою менен бөлүшкөн. Андан кийин мугалимден тарта пол жууган кызматкерлерге чейин 8 миң эмес, 3-4 миң сом эптеп таап жатышканын күнү-түнү жазып, депутаттын эсин оодарышты. Гүлшат Асылбаева деген депутат бар экенин эл ушундан кийин билип калган.

Эркектей болгула! Соцтармакты чектөөнү сунуштаган Асылбаева депутаттарга кайрылды

Өткөн жылдын күз айында Асылбаеванын кыргыз тилинде жазылган текстти эжелеп так окуй албаганы менен соцтармактын көңүл чордонуна дагы бир ирет чыкты.

Чуулуу мыйзамдардын автору

Асылбаеваны элдин көпчүлүгү чуулуу мыйзамдардын демилгечиси катары таанып калды. Ал акча алмаштыруу жайларын жабуу боюнча мыйзам долбоорунун негизги автору болгон. Бул сунушу дагы коомдун басымдуу бөлүгүн нааразы кылган. Себеби ал дүйнө боюнча валюта олку-солку болуп жаткан маалда Кыргызстандагы доллар курсунун жогорулап кетишине акча алмаштыруу бюролорун күнөөлөгөн. Мындан улам аларды жаап, валюта менен банктар гана алектенишин сунуштаган. Өз кезегинде бюролордо иштегендер анын жүйөсүн акылга сыйбас иш катары сыпаттаган.

Акча алмаштыруу жайларын жабууну сунуштаган депутат сынга жооп берди

Андан кийин эле "Маалыматты манипуляциялоо жөнүндө" мыйзам долбоорун алып чыкты. Экинчи демилгечи депутат Айнура Осмонова экенин белгилеп кетели. Ал мыйзам долбоору 79 депутаттын макулдугу менен колдоо тапты. Эгер муну президент жактырса, фейк-аккаунттар өчүрүлүп, ЖМК же социалдык баракча аркылуу жалган маалымат тараткандарды соту жок эле мамлекеттик органдар жоопко тарта алат. Бирок муну менен кайсы орган алектенери так көрсөтүлгөн эмес.

Мындай мыйзамды коомчулук сөз эркиндигин чектөө катары кабыл алып, интернет аркылуу өз оюн ачык айткандарды ооздуктоо максатында жазылганын айтышууда.

Бул мыйзам долбоорун авторлор бийликке жагалдануу максатында жазды деп эсептеген депутаттар да бар. Ал эми Жанар Акаев документтин чыныгы авторлору башкалар экенин кыйытты. Депутат Instagram баракчасына Асылбаевага берген суроосуна жооп ала албаганына нааразы болуп, "жазып бергендер тыңыраак кылып даярдап койсо болмок экен" деген.

Посмотреть эту публикацию в Instagram

Публикация от Жанар Акаев (@janarakaev)

Өткөн жылы сейрек кездешкен жаныбарларга аңчылык кылууга тыюу салуу боюнча мыйзам долбоорун 40 депутат сунуштаган. Алардын катарында Гүлшат Асылбаева дагы бар эле. Бирок эмнегедир парламентте каралганда өзүнүн демилгесине кайра өзү каршы добуш берип таң калтырган.

Казак диаспорасынын төрайымы

Гүлшат Асылбаева 2018-жылы "Кыргызстан казактарынын ассоциациясы" коомдук бирикмесинин (диаспора) төрайымы болуп шайланган.

"Маалыматты манипуляциялоо жөнүндө" мыйзам долбоорун талкуулоо учурунда эл өкүлү Элвира Сурабалдиева "бул мыйзам иштесе интернет жаатында Казакстанга көз каранды болуп калат экенбиз. Өзүңүз казак диаспорасынын өкүлү болгондуктан демилгечи болбой эле койсоңуз болмок. Коңшу өлкөнүн дагы бир жагынан басым жасашына жол бербешибиз керек. Кызыкчылыктар кагылышы бар бул жерде" деп сындаган.

Саны көп сыйлыктары

Өмүр баянына ишене турган болсок, Асылбаева мамлекеттик кызматта беш жыл эле иштегенине карабай мамлекеттик жана ведомстволук сыйлыктарды ого эле көп алган.

  • 2018-жылдын 29-августунда президент Сооронбай Жээнбековдун Жарлыгы менен "КРдин эмгек сиңирген экономисти" деген ардактуу наамга ээ болгон;
  • 2010-жылы президенттин Ардак грамотасы менен сыйланган;
  • Улуттук банктын "Кызматташтык үчүн" медалы менен сыйланган;
  • КР Ички иштер министрлигинин "Датка айым" медалы;
  • КМШнын Парламенттер аралык ассамблеясынын медалы;
  • "Финансы рыногунун отличниги" төш белгиси;
  • "Экономиканын отличниги" төш белгиси;
  • "КР Финансы министрлигинин отличниги" төш белгиси.
6324
Белгилер:
ишкер, факты, мыйзам, депутат, Гүлшат Асылбаева
Тема боюнча
Депутаттар "Маалыматты манипуляциялоо жөнүндө" мыйзамын кабыл алды
Тилинен көп жаңылган "элита". Азыркы депутаттарды унуттурбай турган 10 факты
Элди күлдүргөн жана кыжырын келтирген депутаттардын жоругу. Видеолор топтому
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

45
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

45
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди

Жээнбеков менен Путиндин Сочидеги жолугушуусу. Видео

33
(жаңыланган 23:48 28.09.2020)
Өлкө башчылары Сооронбай Жээнбеков жана Владимир Путин Сочи шаарында КР жетекчисинин жумушчу иш сапарынын алкагында жолуккан. 

Жолугушууда Жээнбеков Кыргызстан ар дайым Россиянын чыныгы дос, союздаш, өнөктөш катары колдоосун сезе тургандыгын айткан.

"Муну өзгөчө башыбызга оорчулук түшкөн, кыйын учурда сездик. Сиздерден улам өлкөдөгү эпидемиялык абалды турукташтырдык жана Россияда иштеп, жашап жаткан биздин атуулдарга көмөк көрсөтүлдү", — деди КР президенти.

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Путин менен жолуккан Жээнбеков: россиялык вакцина КРге жетет деп үмүттөнөм

Мындан сырткары, Өнүктүрүү жана турукташтыруу боюнча Евразиялык фонддун Кыргызстандын экономикасын колдоо үчүн рекорддук насыяны — 100 миллион доллар бөлүп бергенине да ыраазычылыгын айтты.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын айткан.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Жолугушууда Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Ошондой эле эки өлкөнүн кылымдар далилдеген достук мамилесин баалай турганын кошумчалаган.

33
Белгилер:
ыраазычылык, жардам, жолугушуу, Владимир Путин, Сооронбай Жээнбеков, Россия, Кыргызстан
Тема боюнча
Россия Кыргызстанга коронавируска каршы вакцина жөнөтүүнү көздөп жатат