Президент Сооронбай Жээнбеков премьер-министр Кубатбек Боронов видео аркылуу азыркы абалды талкуулашты

Жээнбеков менен Боронов видео аркылуу азыркы абалды талкуулашты. Сүрөт

202
(жаңыланган 18:34 01.07.2020)
Премьер-министр пандемияга карабастан мамлекеттин бардык социалдык милдеттенмелери аткарылып, анын ичинде социалдык төлөмдөр жана айлык акылар өз маалында берилерине ишендирген.

БИШКЕК, 1-июл. — Sputnik. Президент Сооронбай Жээнбеков премьер-министр Кубатбек Боронов менен өлкөдөгү эпидемиологиялык кырдаалды талкуулаганын өлкө башчынын маалымат кызматы кабарлады.

Сүрөттөрдөн мамлекеттин биринчи адамдары видео аркылуу сүйлөшкөнүн көрүүгө болот.

  • Президент Кыргызстана Сооронбай Жээнбеков по видеосвязи обсудил с премьер-министром Кубатбеком Бороновым ситуацию с коронавирусом в стране
    Президент Сооронбай Жээнбеков премьер-министр Кубатбек Боронов менен өлкөдөгү эпидемиологиялык кырдаалды талкуулаганын өлкө башчынын маалымат кызматы кабарлады
    © Пресс-служба президента КР / Султан Досалиев
  • Президент Кыргызстана Сооронбай Жээнбеков по видеосвязи обсудил с премьер-министром Кубатбеком Бороновым ситуацию с коронавирусом в стране
    Ага ылайык, Боронов Республикалык штаб, Саламаттык сактоо министрлиги, Бишкек мэриясы жана өкмөттүн облустардагы ыйгарым укуктуу өкүлчүлүктөрү тарабынан вирус менен күрөшүүдө көрүлүп жаткан чаралар тууралуу маалымат берген
    © Пресс-служба президента КР / Султан Досалиев
  • Президент Кыргызстана Сооронбай Жээнбеков по видеосвязи обсудил с премьер-министром Кубатбеком Бороновым ситуацию с коронавирусом в стране
    Анын айтымында, бүгүн кечке чейин Бишкекте бейтаптар үчүн 1150 орун даяр болот. Кадр жетишсиздиги чечилип жатат, ошондой эле 118 кызматы күчөтүлгөн тартипте иштөөдө
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Сооронбай Жээнбеков премьер-министр Кубатбек Боронов менен өлкөдөгү эпидемиологиялык кырдаалды талкуулаганын өлкө башчынын маалымат кызматы кабарлады

Ага ылайык, Боронов Республикалык штаб, Саламаттык сактоо министрлиги, Бишкек мэриясы жана өкмөттүн облустардагы ыйгарым укуктуу өкүлчүлүктөрү тарабынан вирус менен күрөшүүдө көрүлүп жаткан чаралар тууралуу маалымат берген.

Жээнбеков COVID жуктуруп көз жумган дарыгер Тазабекованын үй-бүлөсүнө көңүл айтты

Анын айтымында, бүгүн кечке чейин Бишкекте бейтаптар үчүн 1150 орун даяр болот. Кадр жетишсиздиги чечилип жатат, ошондой эле 118 кызматы күчөтүлгөн тартипте иштөөдө.

Муну менен бирге премьер-министр пандемияга карабастан мамлекеттин бардык социалдык милдеттенмелери аткарылып, анын ичинде социалдык төлөмдөр жана айлык акылар өз маалында төлөнөрүн ишендирген.

Президент учурда эң биринчи милдет вирустун мындан ары жайылышына каршы күрөшүү жана бейтаптарды өз убагында кабыл алуу, аларды ооруканаларга жайгаштыруу экенин баса белгиледи.

"Коомчулук бардык маселелер боюнча толук жана так маалыматты Республикалык штабдан, адистерден алышы керек. Коомчулук менен кайтарым байланыш өтө маанилүү. Ошондо гана чыңалуу басаңдап, тынчсызданткан божомолдордун тарашын азайтууга болот", — деген өлкө башчы.

Кимдин ким экени ушундай учурда билинет. Жээнбеков аткаминерлерге кайрылды

Мындан тышкары, өлкө башчы күзгү-кышкы мезгилге жана мезгилдүү илдеттердин алдын алууга керектүү даярдыктарды көрүүгө чакырган.

202
Белгилер:
сүйлөшүүлөр, өкмөт башчы, президент, Кубатбек Боронов, Сооронбай Жээнбеков
Тема боюнча
Эртеңден тарта Бишкек катаал карантиндик режимге өтөт. Чектөөлөрдүн тизмеси
Оштун вице-мэри Кадыров кызматын тапшырып, Японияга окууга кетмей болду
Карабахтагы Мартуни шаары чырдан кийинки абалы

Карабах чыры: Түркия Азербайжанга жан үрөсө, РФ эч кимди кийлигишпөөгө чакырды

108
(жаңыланган 20:00 28.09.2020)
27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында жаңжал чыгып, таң аткыча аскердик кагылышууларга чейин жеткен. Бүгүн жүздөгөн аскерлердин көз жумганы айтылды.

БИШКЕК, 28-сен. — Sputnik. Түркия президенти Реджеп Тайип Эрдоган Карабахтагы кагылышуу боюнча пикирин айтып жатып, Армения Азербайжандын жерин оккупациялоо аракетин токтотушу керек деген оюн билдирди. Бул тууралуу РИА Новости агенттиги жазды.

"Армения баскынчылыгын токтотушу зарыл, антпесе ал жерде өз билгенин кыла берет. Талашта турган аймак Азербайжанга караштуу экенин баары билет”, — деди Эрдоган.

Ошондой эле Түркия лидери Карабах көйгөйүн Европадагы Коопсуздук жана кызматташтык уюму (ЕККУ) Минск кеңешмесинин алкагында 30 жылдан бери чече албай жатат деп айыптады.

Ал эми РФтин Федералдык жыйынынын Федерация кеӊешинин төрайымы Валентина Матвиенко дүйнөдөгү башка күчтөрдү Карабахтагы конфликтиге кийлигишпөөгө чакырды

“Болуп жаткан тирешке башка тараптардын кийлигишпөөсүн суранат элек. Андан көрө курал колдонууну токтотуп, маселени ЕККУнун Минск кеңешмесинин алкагында чечүүгө үндөйлү”, — деди Матвиенко.

Бул учурда Армения менен Азербайжандын ЖМКлары эки тараптан жасалган чабуулдарды чагылдырып, сүрөт, видеолорду байма-бай жарыялап жатышат.

Эске салсак, 27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында жаңжал чыгып, таң аткыча аскердик кагылышууларга чейин жеткен. Мунун келип чыгышына тараптар бири-бирин күнөөлөп жатат. Армения кечээ өз аймагында аскердик абал жарыялаган. Баку алардын аскерлерине жана бир нече айылга Ереван тараптан миномёттор менен аткылоо болгонун айтып чыккан. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылган.

Баку менен Ереван Карабахтагы кагылышууда жүздөгөн аскер каза болгонун билдирди

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

Кырдаал боюнча Россия ТИМи абалды тынчтык жолу менен жөнгө салуу боюнча эки тарапты тең атышууну токтотууга чакырууда. Ал эми Түркия Тышкы иштер министрлиги Азербайжандын тарапташы экенин моюндайт. Кыргызстан мүчөлүк кылган Жамааттык коопсуздук жөнүндө келишим уюму (ЖККУ) абалдын тынчтык жолу менен жөнгө салынышын көздөйт.

108
Белгилер:
пикир, кагылышуу, Азербайжан, Түркия, Армения
Тема боюнча
Путин менен Пашинян Тоолуу Карабахтагы абалды талкуулашты
Азербайжан менен Армения Карабах боюнча кепке келүүгө даярдыгын билдиришти
Карабах боюнча сүйлөшүүлөр жакында башталышы мүмкүн
Кыргызстандын президенти Сооронбай Жээнбеков. Архив

Жээнбеков Путинге: эки өлкөнүн мамилесине доо кетирүүнү каалагандар бар

94
Жээнбеков Россиянын башчысы ишинин көптүгүнө карабастан ар дайым Кыргызстанга көңүлүн буруп турарын айтып, ага ыраазычылык билдирди.

БИШКЕК, 28-сен. – Sputnik. Президент Сооронбай Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Эки президенттин диалогунун тексти Кремлдин сайтына жарыяланды.

Жолугушуу учурунда Путин Россия КР бийлигинин өлкөдөгү ички саясий туруктуулукту камсыздоо үчүн жасаган аракетин колдой турганын билдирди.

"Биз өзүбүз тараптан мамлекет башчысы катары сизди жана Кыргызстандын элин алдыга койгон масштабдуу максаттарга жетүүдө колдойбуз", — деди Путин.

Путин менен жолуккан Жээнбеков: россиялык вакцина КРге жетет деп үмүттөнөм

Жээнбеков болсо Россиянын башчысы ишинин көптүгүнө карабастан ар дайым Кыргызстанга дагы көңүлүн буруп турарын белгилеген.

"Кыргызстандын эли бул жолугушуубуздан көп нерсени күтүп жатат. Сизге белгилүү болгондой, алдыда парламенттик шайлоо өткөнү жатат, аны утурлай түрдүү күчтөр өлкө стабилдүүлүгүн бузуу үчүн активдешүүдө. Алар керек болсо Кыргызстандын эркиндигине доо кетирип, кыргыз-орус мамилелерин бузууга аракет жасашууда. Албетте, биз мындайга жол бербейбиз, колдорунан эч нерсе келбейт. Биз эки элдин тарыхый бекем мамилесин баалайбыз", — деди президент.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын кошумчалады.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Президент Сооронбай Жээнбековдун Россияга болгон иш сапары бир күнгө эле пландалган. Бүгүн ал РФтен Венгрияга учууну пландап жатат.

94
Белгилер:
мамиле, экономика, Владимир Путин, Сооронбай Жээнбеков, Россия, Кыргызстан
Тема боюнча
Жээнбеков Венгрияга барат. Эки өлкөнүн соода-сатык алакасы кандай
Жээнбеков Россияга иш сапар менен учуп кетти. Коштоп жүргөндөрдүн тизмеси
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

0
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

0
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет