Чеченстандын башчысы Рамзан Кадыров. Архив

Жооп берип каласыз! Кадыров Зеленскийдин кечирим суроосун талап кылды

538
(жаңыланган 13:14 19.07.2020)
Чеченстан башчысы бир жарым жыл мурда Зеленскийдин журналист Дмитрий Гордонго берген маегин алып чыккан. Анда Зеленский "Квартал - 95" студиясынын берүүлөрүнүн биринде Кадыровдун ыйлап жатканы көрсөтүлгөнүн айткан.

БИШКЕК, 19-июл. — Sputnik. Чеченстандын башчысы Рамзан Кадыров Украина президенти Владимир Зеленскийден буга чейин кечирим сураганын тастыктоосун талап кылды.

Мындай билдирүүсүн Кадыров Telegram каналына жарыялаган.

Чеченстан башчысы бир жарым жыл мурда Зеленскийдин журналист Дмитрий Гордонго берген маегин алып чыккан. Анда Зеленский "Квартал - 95" студиясынын берүүлөрүнүн биринде Кадыровдун ыйлап жатканы көрсөтүлгөнүн айткан.

Зеленскийдин тактыдагы бир жылы. Украина президентинин ишмердигине сереп

Украина президентинен "мусулмандар муну туура эмес кабыл алып калбайбы" деп сураганда, ал ролик кимдир бирөөгө катуу тийсе кечирим сурайм деп жооп берген.

"Зеленскийди мен бир кезде күнөөсүн мойнуна алып, кечирим суроого дити барган адам катары билчүмүн. Бирок кечирим сурайм дегенден кийин эмнеге качып жатат? Сиз алгач позицияңызды аныктап, кечирим сураганыңызды тастыкташыңыз керек. Эгер андай кыла албасаңыз, менин, Чеченстандын биринчи президенти, Россиянын баатыры Ахмад-Хаджи Кадыровдун уулунун алдында жооп беришиңиз керек", — деген Кадыров.

Ал Зеленскийди эркектей болуп, берген убадасына турууга чакырды.

2019-жылы 25-сентябрда ЖМКлар өздүк булактарына таянып, берүүдөгү тамашадан кийин Зеленский Кадыровдун алдында кечирим суроого аракет кылганын маалымдашкан. Бул үчүн Зеленский өз өмүрүнөн коркуп Украинанын ички иштер министринин биринчи орун басары Владимир Евдокимовго жардам сурап кайрылганы такталган.

Рамзан Кадыров 76 жылдан кийин Бишкектеги боордошун мекенине алып кетти

Министрлик Зеленскийди Чеченстандын ИИМ башчысынын орун басары жана министрдин өзү менен жолугушуу уюштурууга жардам берген. Кадыров менен сүйлөшүү болмок. Бирок Зеленский Чеченстанга баргандан баш тартып койгон. Мындан улам маселени чечүү үчүн ал жакка Украинанын ички иштер министринин орун басары барган.

538
Белгилер:
видео, суроо, кечирим, Владимир Зеленский, Рамзан Кадыров, Украина, Чеченстан
Тема боюнча
Рамзан Кадыров коронавируска тапшырган тесттин жыйынтыгын айтып берди
Ахмат Кадыров фонду Бишкектеги карылар үйүнө 30 миң доллар берди
Карабахтагы Мартуни шаары чырдан кийинки абалы

Карабах чыры: Түркия Азербайжанга жан үрөсө, РФ эч кимди кийлигишпөөгө чакырды

69
(жаңыланган 20:00 28.09.2020)
27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында жаңжал чыгып, таң аткыча аскердик кагылышууларга чейин жеткен. Бүгүн жүздөгөн аскерлердин көз жумганы айтылды.

БИШКЕК, 28-сен. — Sputnik. Түркия президенти Реджеп Тайип Эрдоган Карабахтагы кагылышуу боюнча пикирин айтып жатып, Армения Азербайжандын жерин оккупациялоо аракетин токтотушу керек деген оюн билдирди. Бул тууралуу РИА Новости агенттиги жазды.

"Армения баскынчылыгын токтотушу зарыл, антпесе ал жерде өз билгенин кыла берет. Талашта турган аймак Азербайжанга караштуу экенин баары билет”, — деди Эрдоган.

Ошондой эле Түркия лидери Карабах көйгөйүн Европадагы Коопсуздук жана кызматташтык уюму (ЕККУ) Минск кеңешмесинин алкагында 30 жылдан бери чече албай жатат деп айыптады.

Ал эми РФтин Федералдык жыйынынын Федерация кеӊешинин төрайымы Валентина Матвиенко дүйнөдөгү башка күчтөрдү Карабахтагы конфликтиге кийлигишпөөгө чакырды

“Болуп жаткан тирешке башка тараптардын кийлигишпөөсүн суранат элек. Андан көрө курал колдонууну токтотуп, маселени ЕККУнун Минск кеңешмесинин алкагында чечүүгө үндөйлү”, — деди Матвиенко.

Бул учурда Армения менен Азербайжандын ЖМКлары эки тараптан жасалган чабуулдарды чагылдырып, сүрөт, видеолорду байма-бай жарыялап жатышат.

Эске салсак, 27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында жаңжал чыгып, таң аткыча аскердик кагылышууларга чейин жеткен. Мунун келип чыгышына тараптар бири-бирин күнөөлөп жатат. Армения кечээ өз аймагында аскердик абал жарыялаган. Баку алардын аскерлерине жана бир нече айылга Ереван тараптан миномёттор менен аткылоо болгонун айтып чыккан. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылган.

Баку менен Ереван Карабахтагы кагылышууда жүздөгөн аскер каза болгонун билдирди

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

Кырдаал боюнча Россия ТИМи абалды тынчтык жолу менен жөнгө салуу боюнча эки тарапты тең атышууну токтотууга чакырууда. Ал эми Түркия Тышкы иштер министрлиги Азербайжандын тарапташы экенин моюндайт. Кыргызстан мүчөлүк кылган Жамааттык коопсуздук жөнүндө келишим уюму (ЖККУ) абалдын тынчтык жолу менен жөнгө салынышын көздөйт.

69
Белгилер:
пикир, кагылышуу, Азербайжан, Түркия, Армения
Тема боюнча
Путин менен Пашинян Тоолуу Карабахтагы абалды талкуулашты
Азербайжан менен Армения Карабах боюнча кепке келүүгө даярдыгын билдиришти
Карабах боюнча сүйлөшүүлөр жакында башталышы мүмкүн
Кыргызстандын президенти Сооронбай Жээнбеков. Архив

Жээнбеков Путинге: эки өлкөнүн мамилесине доо кетирүүнү каалагандар бар

66
Жээнбеков Россиянын башчысы ишинин көптүгүнө карабастан ар дайым Кыргызстанга көңүлүн буруп турарын айтып, ага ыраазычылык билдирди.

БИШКЕК, 28-сен. – Sputnik. Президент Сооронбай Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Эки президенттин диалогунун тексти Кремлдин сайтына жарыяланды.

Жолугушуу учурунда Путин Россия КР бийлигинин өлкөдөгү ички саясий туруктуулукту камсыздоо үчүн жасаган аракетин колдой турганын билдирди.

"Биз өзүбүз тараптан мамлекет башчысы катары сизди жана Кыргызстандын элин алдыга койгон масштабдуу максаттарга жетүүдө колдойбуз", — деди Путин.

Путин менен жолуккан Жээнбеков: россиялык вакцина КРге жетет деп үмүттөнөм

Жээнбеков болсо Россиянын башчысы ишинин көптүгүнө карабастан ар дайым Кыргызстанга дагы көңүлүн буруп турарын белгилеген.

"Кыргызстандын эли бул жолугушуубуздан көп нерсени күтүп жатат. Сизге белгилүү болгондой, алдыда парламенттик шайлоо өткөнү жатат, аны утурлай түрдүү күчтөр өлкө стабилдүүлүгүн бузуу үчүн активдешүүдө. Алар керек болсо Кыргызстандын эркиндигине доо кетирип, кыргыз-орус мамилелерин бузууга аракет жасашууда. Албетте, биз мындайга жол бербейбиз, колдорунан эч нерсе келбейт. Биз эки элдин тарыхый бекем мамилесин баалайбыз", — деди президент.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын кошумчалады.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Президент Сооронбай Жээнбековдун Россияга болгон иш сапары бир күнгө эле пландалган. Бүгүн ал РФтен Венгрияга учууну пландап жатат.

66
Белгилер:
мамиле, экономика, Владимир Путин, Сооронбай Жээнбеков, Россия, Кыргызстан
Тема боюнча
Жээнбеков Венгрияга барат. Эки өлкөнүн соода-сатык алакасы кандай
Жээнбеков Россияга иш сапар менен учуп кетти. Коштоп жүргөндөрдүн тизмеси
Twitter социалдык тармагы. Архив

Twitter РИА Новостиге санкция киргизди. "Россия сегодня" үн катты

0
(жаңыланган 20:46 28.09.2020)
Социалдык тармактын бул кадамы боюнча эл аралык агенттик маалымат берип, азырынча администрация кайрылууга эч кандай жооп бербегендигин айтты.

БИШКЕК, 28-сен. — Sputnik. Америкалык Twitter социалдык тармагы РИА Новостиге цензура койду. Бул тууралуу аталган агенттик жазды.

Анын аккаунтуна катталбаган интернет колдонуучулар эми агенттиктин баракчасын Россиядан да, башка аймактардан да таба албайт. Мындан мурдараак ушундай жол менен Russia Today менен Sputnik профилдери да чектөөгө алынган.

"Twitter тарабынан көрүлгөн мындай чектөө ЖМКга болгон цензура деп эсептейбиз, буга Россиянын Конституциясында тыюу салынган. Биздин кайрылып, сураганыбызга эч кандай реакция болгон жок жана чечимдерин түшүндүрө алышкан жок. Маргарита Симоньяндын жеке аккаунтунда "мамлекеттик басылма" деген белги турат. "Америка үнү" же "Азаттык радиосунда" коюлган андай нерсени таба албайсыз. Бул ушундай адилеттүүлүк жана тең укуктуулук. Анан, албетте, туура "сөз эркиндиги", ансыз кантип болсун. Бул текстти Роскомнадзор кайрылуусу деп эсептөөнү суранабыз", — деп билдиришти "Россия сегодня" эл аралык агенттигинин маалымат кызматынан.

Мамлекеттик думанын маалымат саясаты боюнча комитетинин мүчөсү Антон Горелкин цензура террордук ыкма менен киргизилди деп эсептейт.

Жаңылыктарга каршы үгүт: батыш ЖМКлары позициясын алдырдыбы?

"Бул жарыяланбаган согуш деп аталат... Эгерде РИАнын түрмөгүнүн администрациясы тарабынан эрежелери бузулса, санкциянын салынышы туурасында түшүндүрүшү керек эле. Ал эми бул жерде тармактагы издөө кызматынан ири маалымат агенттигинин аккаунтун чыгарып салып, унчукпай отурушат", — деди Горелкин.

Федерация кеңешинин Конституциялык мыйзамдуулук боюнча төрагасынын орун басары, Маалымат саясаты боюнча комиссиянын мүчөсү Александр Башкин РИА Новостинин Twitter тармагындагы профилин чектеп салуу Россияга каршы жарыяланган кадимки маалыматтык согуш деп мүнөздөдү.

Август айында Twitter жетекчилиги бийликтин көзөмөлүндө болгон ЖМКларды маркалоо башталарын билдирген эле. Албетте, бул эреже баарына бирдей тиешелүү эмес.

0
Белгилер:
цензура, чектөө, Twitter, АКШ, Россия