Өлкө башчы Сооронбай Жээнбеков премьер-министр Кубатбек Боронов менен онлайн-кеңешме өткөрдү

Коронавирусту дарылоонун жаңы протоколу чыгат. Боронов президент менен сүйлөштү

243
(жаңыланган 19:43 27.07.2020)
Президенттин маалымат кызматы Боронов Ошко барып, шаардагы инфекциялык илдеттер боюнча жаңы оорукананын пайдубалын түптөөгө катышканын эскертти.

БИШКЕК, 27-июл. — Sputnik. Өлкө башчы Сооронбай Жээнбеков премьер-министр Кубатбек Боронов менен онлайн-кеңешме өткөрүп, Кыргызстандагы эпидемиологиялык кырдаалды талкуулашты. Бул тууралуу президенттин маалымат кызматы кабарлады.

Ага ылайык, кеңешмеде Боронов адистер тарабынан эл аралык тажрыйба эске алынып, дарылоонун жаңы протоколу иштелип жатканын билдирди. Ошондой эле өлкөнүн ар бир облусуна компьютердик томография жабдуусун орнотуу жумуштары жүрүп жатканын кошумчалады. Азырынча мындай жабдуу Бишкек жана Ош шаарларында гана бар.

Өлкөнүн банктары ооруканаларга 6 ИВЛ, 100 кычкылтек концентраторун алып берди

Президенттин маалымат кызматы өкмөт башчы Ошко барып, шаардагы инфекциялык илдеттер боюнча жаңы оорукананын пайдубалын түптөөгө катышканын эскертти. Боронов Жээнбековго курулуш иштерин тез аранын ичинде бүтүрүү үчүн бардык күч-аракеттер жумшаларын айткан.

Мамлекет башчысы илдеттин туу чокусуна качан чыгарын аныктоо, кырдаалдын өнүгүшүн божомолдоо, тиешелүү чараларды көрүү боюнча терең талдоо жүргүзүү зарылдыгын белгилеген. Ошондой эле кызматтык милдеттерин аткарып жатып каза болгон дарыгерлердин үй-бүлөлөрүнө компенсация төлөө маселесине да токтолгон.

"Аймактардагы дарыканаларды препараттар менен камсыздап, үй-бүлөлүк медицина борборлорунун базасында алардын корун түзүү керек. Өкмөт бул багытта тийиштүү иштерди жүргүзүшү зарыл", — деди Жээнбеков.

Бишкекте стационарларга кайрылгандар барган сайын азаюуда

Өлкө башчы пандемия учурунда жаңы окуу жылына даярдык көрүү процессине өзгөчө көңүл буруп, өкмөткө авариялык абалдагы мектептердин оңдоп-түзөлүүсүн ар дайым көзөмөлдөп турууну сунуш кылды.

243
Белгилер:
кеңеш, кырдаал, коронавирус, онлайн, сүйлөшүүлөр, Кубатбек Боронов, Сооронбай Жээнбеков
Тема боюнча
Министрлик жеке коргонуучу каражаттарын колдонуу шартын өзгөрттү
Кара-Суу райондук администрациясынын жетекчиси Тилекбек Матраимов. Архив

Кара-Суунун акими Тилек Матраимов кызматтан кеттиби? Расмий жооп

734
(жаңыланган 20:51 24.09.2020)
Матраимов аталган районду сегиз жылдан бери жетектеп келет. Бүгүн социалдык тармактарда анын кызматтан кеткени тууралуу кептер тарап жатат.

БИШКЕК, 24-сен. — Sputnik. Кара-Суу райондук администрациясынын жетекчиси Тилекбек Матраимов кызматтан кетүү тууралуу арыз жазган жок. Бул тууралуу Sputnik агенттигине өкмөттүн Ош облусундагы өкүлү Байыш Юсупов билдирди.

Белгилей кетсек, социалдык тармактарда Матраимов район башчылыгынан кетти деген кептер тарап жатат.

Облус жетекчиси Юсупов бул маалыматты төгүндөп, Мартаимов кыска убакыттагы эс алууга чыкканын билдирди.

"Арыз жазды деген маалымат жок. Ал киши отпускага кетти", — деди Юсупов.

Кабарчынын ал качан жана канча убакытка эс алууга кетти деген суроосуна "бүгүндөн тарта бир айга" деп жооп берди.

Тыңгылыктуу санариптеше албай жатабыз! Суракматов бир жетекчини кызматтан алды

Матраимов Кара-Суу районун 2012-жылдын февраль айынан тарта жетектеп келет.

734
Белгилер:
Тилекбек Матраимов, аким, кызмат, Кара-Суу району, Ош
Тема боюнча
Бишкектин Ленин районуна жаңы аким келди
Ала-Тоо аянтында бараткан адамдар. Архив

Жаңжал, жаза, акыркы тизме. Шайлоонун кызыган учурундагы окуялар

132
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.

БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.

Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.

Шайлоо учурундагы коопсуздук талкууланды. Жээнбеков УКМК төрагасын онлайн кабыл алды

  • Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
  • Убактылуу жашаган жеринен добуш берүү үчүн 488 873 шайлоочу №2 формасын алды;
  • Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
  • Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
  • Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
  • Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
  • Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
  • Шайлоочулардын добушун сатып алуу беренеси менен 40 кылмыш иши козголду;
  • Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
  • Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
  • 27-сентябрдан тарта Ички иштер министрлиги күчөтүлгөн тартипте иштөөгө өтөт;
  • ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
  • 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.
132
Белгилер:
прокурор, мыйзам бузуулар, талапкер, каттоо, шайлоо, БШК
Тема:
Шайлоо-2020
Тема боюнча
Шайлоодо ат салышчу партиялардын талапкерлери. Толук тизме
Президент Жээнбеков аны сындаган талапкерлер боюнча оюн айтты
Бир партия 105 млн. сом. Шайлоого аттангандар канча каражат короткону айтылды
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

0
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

0
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти