КСДП партиясынын депутаттары. Архивдик сүрөт

КСДПнын чачыраган мүчөлөрү. Кимиси кайсы партиядан орун-очок алды

741
(жаңыланган 18:42 21.08.2020)
Күздөгү парламенттик шайлоого КСДП катышпайт. Деген менен бул аталган партиянын мүчөлөрү депутаттыктан кол шилтеп кетти дегенди түшүндүрбөйт. Sputnik Кыргызстан мурда КСДП менен VI чакырылыштын депутаты болгондор азыр кайсы партиядан орун-очок алганына саресеп салды.

Кечээ эле бийликтин партиясы деп эсептелген КСДП алдыдагы Жогорку Кеңештин депутаттарын шайлоого катышпай турганы белгилүү болду. Буга партиянын ичиндеги ажырымдар себеп. Мунун натыйжасында Юстиция министрлиги саясий партиянын лидери катары Сагынбек Абдрахмановду каттаган.

Парламенттик шайлоого катышууну каалаган партиялардын кожоюндары кимдер? Тизме

Ал эми Абдрахманов партиянын каттоо күбөлүгү жоголгондуктан КСДП мандат алуу жарышына ат салышпай турганын билдирди.

Кечээ саясий партиялардын съезд өткөрүү этабы жыйынтыкталды. Эми 24-августка чейин Борбордук шайлоо комиссиясына талапкерлердин толук тизмеси берилиши керек. Ошол эле учурда ачык булактарда мурда социал-демократтардан "бактысын" тапкан депутаттар бир нече партияга чачыраганы айкын болууда.

  • Руководитель фонда имени Суймонкула Чокморова Сагынбек Абдрахманов во время интервью
    Сагынбек Абдрахманов
    © Sputnik / Нургуль Максутова
  • Депутат Жогорку Кенеша от фракции СДПК Аида Касымалиева во время заседания
    Аида Касымалиева
    © Sputnik / Табылды Кадырбеков
  • Депутат ЖК 6 созыва Евгения Строкова от партии СДПК. Архивное фото
    Евгения Строкова
    © Sputnik / Табылды Кадырбеков
  • Депутат ЖК 6 созыва Марат Аманкулов от фракции СДПК на заседании. Архивное фото
    Марат Аманкулов
    © Sputnik / Табылды Кадырбеков
  • Депутат ЖК КР от СДПК Асылбек Жээнбеков. Архивное фото
    Асылбек Жээнбеков
    © Sputnik / Табылды Кадырбеков
  • Депутат ЖК 6 созыва Азамат Арапбаев от фракции СДПК. Архивное фото
    Арапбаев Азамат
    © Sputnik / Табылды Кадырбеков
  • Депутат Жогорку Кенеша Иса Омуркулов
    Иса Омуркулов
    © Фото / пресс-служба ЖК
  • Депутат ЖК Рыскелди Момбеков
    Рыскелди Момбеков
    © Фото / пресс-служба ЖК / Ашыркул Оморкулов
  •  Депутат Жогорку Кенеша от фракции СДПК Эльвира Сурабалдиева на заседании
    Эльвира Сурабалдиева
  • Депутат ЖК Абдывахап Нурбаев на заседании
    Абдывахап Нурбаев
    © Фото / пресс-служба ЖК
  • Депутат ЖК Жанар Акаев на заседании
    Жанар Акаев
    © Фото / пресс-служба ЖК
  • Депутат ЖК 6 созыва Искендер Матраимов от фракции СДПК
    Искендер Матраимов
    © Sputnik / Табылды Кадырбеков
  • Депутат ЖК Аалы Карашев на заседании
    Аалы Карашев
    © Фото / пресс-служба ЖК
  • Депутат от фракции СДПК Ирина Карамушкина на заседании ЖК
    Ирина Карамушкина
  • Депутат ЖК 6 созыва Анвар Артыков от фракции СДПК. Архивное фото
    Анвар Артыков
    © Sputnik / Табылды Кадырбеков
  • Депутат ЖК КР от партии СДПК Асель Кодуранова
    Асел Кодуранова
    © Sputnik / Табылды Кадырбеков
  • Депутат от фракции СДПК Карамат Орозова на заседании Жогорку Кенеша
    Карамат Орозова
    © Фото / пресс-служба Жогорку Кенеша
  • Депутат ЖК 6 созыва Мурадыл Мадеминов от фракции СДПК на заседании Жогорку Кенеша
    Мурадыл Мадеминов
  • Депутат Жогорку Кенеша VI созыва от фракции СДПК Саматбек Ибраев
    Саматбек Ибраев
    © Фото / пресс-служба ЖК
1 / 19
© Sputnik / Нургуль Максутова
Сагынбек Абдрахманов

Парламентте КСДП фракциясынын лидеринин орун басары болгон Төрөбай Зулпукаров "Биримдик" партиясы менен ат салышууда. Ошондой эле жаңыдан түзүлгөн бул партияга вице-спикер Аида Касымалиева, Евгения Строкова жана Марат Аманкулов кошулган. Белгилей кетсек, Марат Аманкулов "Биримдиктин" төрагасы. Маалымат булактарынын билдиришинче, КСДПнын мүчөсү, азыркы президенттин бир тууганы Асылбек Жээнбеков менен Азамат Арапбаев дагы "Биримдик" партиясынын камчысын чабат.

КСДП фракциясынын лидери Иса Өмүркулов позициясы тууралуу азырынча комментарий бере элек.

Мурунку чакырылышта КСДПнын тизмеси менен биринчи ирет депутаттык мандат алган Рыскелди Момбеков, Эльвира Сурабалдиева жана Абдувахап Нурбаев "Ата Мекен" партиясына биригишти. Ал эми Жанар Акаев "Ата Мекендин" лидерлигин колго алып, көч баштап бармай болду. Эске салсак, Акаев 2017-жылы КСДП мүчөлүгүнөн чыгарылган.

Мурдагы бийликтин партиясы менен депутат болгон Искендер Матраимов болсо "Мекеним Кыргызстан" партиясынын негиздөөчүлөрүнүн бири катары айтылып келет.

ЖК депутаттыгына талапкер кандай критерийлерге жооп бериши керек. Тизме

КСДПнын дагы бир мүчөсү Аалы Карашев "Республика" партиясынын 15-тизмеси менен Жогорку Кеңештин депутаты болууну көздөп турат.

Мындан сырткары, жаңы негизделген "Социал-демократтар" партиясынын катарына Ирина Карамушкина, Анвар Артыков, Асел Кодуранова жана Карамат Орозова кошулуп, шайлоого аттанышты.

Мурадил Мадеминов менен Самат Ибраев "Бүтүн Кыргызстандын" туусунун алдында жарышка чыгарын билдиришти.

Эскерте кетсек, парламенттик шайлоо ушул жылдын 4-октябрына белгиленген.

741
Белгилер:
мандат, депутат, саясат, мүчө, саясий партиялар, КСДП фракциясы, шайлоо
Тема:
Шайлоо-2020 (163)
Тема боюнча
Шайлоого аттанган 44 партиянын сегизи тизмеден чыгарылды
Шайлоо алдында партиялар каражатты кантип пайдалануусу керек. БШКнын түшүндүрмөсү
Жаран шайлоочулардын тизмесинде бар-жогун кантип текшере алат? 5 жолу
Беларусь президенти Александр Лукашенко. Архив

Лукашенко президенттиктен кетүүнү сунуштаган Макронго жооп кайтарды

68
(жаңыланган 23:58 27.09.2020)
Лукашенко Париждин көчөлөрүнө чыккан “Сары кемселчендерди” Макрондун эсине салып, аны жетиле элек саясатчы катары сыпаттады.

БИШКЕК, 27-сен. – Sputnik. Беларусь президенти Александр Лукашенко француз кесиптеши Эммануэль Макронду жетиле элек саясатчы деп атады. Бул тууралуу РИА Новости жазды.

Белгилей кетсек, бүгүн эртең менен Макрон Лукашенкого президенттик постунан кетүүнү сунуштаган. Буга Беларусь башчысы жооп кайтарды.

“Эгер Макрондун логикасына таяна турган болсок, анда ал өзү дагы эки жыл мурун эле, “Сары кемселчендер” Париждин көчөлөрүнө чыкканда кызматынан кетиши керек болчу”, – деген Лукашенко.

Ал ошондой эле Black Lives Matter кыймылынын жана Марсель менен Лиондогу мусулмандардын каршылык акцияларын эске салып, Минск ошол кыймылдын мүчөлөрү менен Макрондун сүйлөшүүлөрүнө аянтча болуп берүүгө даяр экенин белгиледи.

Лукашенко анын француз кесиптеши Беларустагы шайлоого өтө эле көп көңүл буруп жатканын кошумчалаган.

Евробиримдик жана АКШ: Беларусь менен көйгөйлөрүн Польша өзү чечип алсын

Эске салсак, 9-августта Беларуста президенттик шайлоо өткөн. БШКнын эсеби боюнча, өлкөнүн учурдагы башчысы Александр Лукашенко добуштардын 80,1 пайызына ээ болсо, экинчи орунду 10,12 пайыз менен Светлана Тихановская ээлеген. Ал эми оппозиция шайлоонун жыйынтыгын тааныбай, Тихановская Литвага чыгып кеткен.

68
Белгилер:
Эммануэль Макрон, Александр Лукашенко, Беларусь
Тема:
Беларустагы нааразылык акциялары
Тема боюнча
Лукашенко расмий түрдө президенттик кызматына киришти
Россиянын президенти Владимир Путин телефон чалуу учурунда. Архив

Путин менен Пашинян Тоолуу Карабахтагы абалды талкуулашты

76
(жаңыланган 22:54 27.09.2020)
Кырдаал боюнча Россия ТИМи абалды тынчтык жолу менен жөнгө салуу боюнча эки тарапты тең атышууну токтотууга чакырууда.

БИШКЕК, 27-сен. – Sputnik. Армениянын премьер-министри Никол Пашинян Россиянын президенти Владимир Путинге телефон чалды. Бул тууралуу Кремлдин маалымат кызматы кабарлады.

Сүйлөшүү армян тараптын демилгеси менен ишке ашкан. Эки өлкөнүн лидерлери Тоолуу Карабахтагы абалдын курчуп кетишин талкуулашты.

“Россия масштабдуу куралдуу кагылышуунун башталышына тынчсызданып жатат. Жаңжал күчөп кетпеши үчүн болгон аракеттер жасалышы керек. Айрыкча согуштук аракеттерди токтотуу зарыл”, – деп айтылат маалыматта.

Тоолуу Карабахтагы кырдаалдын курч алышы

Армения менен Азербайжан чектешкен Тоолуу Карабахтагы чатак 27-сентябрь күнү эртең менен күчөдү. Өзүн-өзү эркин деп жарыялаган Карабах республикасы азербайжандык аскерлер алардын аймагына ок чыгарганын жар салды. Карапайым эл арасында жабыркагандар болду.

Баку менен Ереван абалдын курчуп кетишине бири-бирин күнөөлөп жатат. Азербайжандын Коргоо министрлиги аймакка биринчи армян тарап сокку урганын билдирсе, Армения Карабахты Азербайжан абадан ракеталар менен аткылаганын билдирүүдө.

Армениянын бийлиги өлкөгө аскердик абал киргизди. Өзүн-өзү эркин жарыялаган Тоолуу Карабах дагы ушундай эле кадамдарга барды.

Армения менен Азербайжандын чыры: калк арасында өлгөндөр бар

Кырдаал боюнча Россия ТИМи абалды тынчтык жолу менен жөнгө салуу боюнча эки тарапты тең атышууну токтотууга чакырууда.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах республикасынын кызыкчылыгын коргойт.

76
Белгилер:
чатак, Тоолуу Карабах, Азербайжан, Армения
Тема боюнча
Армения менен Азербайжандын чатагы. Тараптардын бири аскердик абал жарыялады