Кытай — Кыргызстан — Өзбекстан темир жолу: кандай сүйлөшүүлөр болуп жатат
(жаңыланган 16:07 02.10.2020)
КР президентинин аппараты россиялык журналисттерди кабыл алып, баарлашуу болду. Анын катарында Кытай — Кыргызстан — Өзбекстан темир жолун куруу боюнча сүйлөшүү кандай жүрүп жатканы да айтылды.БИШКЕК, 2-окт. — Sputnik. Кытай — Кыргызстан — Өзбекстан темир жолун куруу боюнча башкы маселелердин бири анын маршруттук багыты болуп саналат. Бул тууралуу журналисттерге президенттин аппаратынын cтратегиялык өнүктүрүү, экономика жана финансы саясаты бөлүмүнүн башчысы Данияр Иманалиев билдирди.
Анын айтымында, казылып алынган пайдалуу кендерди ташууга жеңилирээк болушу үчүн ички кендер жайгашкан аймактар аркылуу куруу маселеси талкууланды. Ал эми Кытай тарап жолдун кыска болушуна кызыкдар. Мындан сырткары, Кыргызстандын тоолуу рельефи да кыйынчылык жаратканы айтылат.
“Жолдун узундугу, казылуучу тоннелдердин саны, калктуу конуштарды аралап өтүүчү участоктор жана, албетте, инвестициянын көлөмү талкууланууда. Мындан сырткары, жүк жана жүргүнчү ташуу агымы эске алынат. Сүйлөшүүлөр улантылууда, өзгөчө басым жасалган көйгөйлөр жок. Кыргызстан менен Кытай сунуштаган вариантка өзбек тарап негизинен макул болгон”, — деди Иманалиев.
Дагы бир маанилүү маселе катары темир жолдун кеңдиги дагы деле талкууланганы айтылат. Кураштырма жана гибриддик варианттар каралууда.
Россия Кыргызстан катышкан темир жол долбооруна кызыгып, диалог курууда
Иманалиев ошондой эле рельефке байланыштуу, жолдун айрым бөлүктөрү Кытай стандарты боюнча, ал эми башка бөлүгү КМШ мамлекеттеринин ченеминдеги стандарт менен курулушу мүмкүн экенин белгилейт. Аппараттын бөлүм башчысы акыркы чечим кабыл алына электигин билдирет.
Белгилер:
БШК референдум боюнча бюллетендердин кол менен саналып бүткөнүн айтты. Жыйынтык
(жаңыланган 15:29 16.01.2021)
Натыйжада добуш бергендердин 81,50 пайызы президенттик башкаруу формасын тандаганы аныкталды. Парламенттик башкаруу үчүн шайлоочунун 10,92 пайызы добуш берген. Ал эми эки вариантка тең каршы болгондор 4,47 пайызды түздү. БИШКЕК, 16-янв. — Sputnik. Шайлоо жана референдум өткөрүү боюнча борбордук комиссия референдумдагы бюллетендерди кол менен эсептөөнүн жыйынтыгын чыгарды.
Бардык 2474 шайлоо участогунан протоколдор келип, анын үчөөндөгү добуш берүү жокко чыгарылды. Бирок себеби айтылган жок.
©
Sputnik / Табылды Кадырбеков
Референдумга 1 миллион 401 миң 450 киши катышкан. Бул жалпы шайлоочулардын (3 миллион 563 миң 574 киши) 39,33 пайызын түзөт.
Эске салсак, БШК шайлоонун расмий жыйынтыктарын жарыялай элек. Буга чейин бюллетендерди кол менен эсептөөнүн негизинде Садыр Жапаров алдыда экени айтылган.
Шайлоодогу добуштар кол менен саналып бүтүп, жыйынтыгы чыкты
(жаңыланган 13:50 16.01.2021)
Добуш берүүгө 3 563 574 шайлоочунун ичинен 1 401 726 жаран катышкан. Бул жалпы шайлоочулардын 39,33 пайызын түзөт.БИШКЕК, 16-янв. — Sputnik. Борбордук шайлоо комиссиясы мөөнөтүнөн мурда өткөн президенттик шайлоонун жыйынтыгын кол менен 100 пайызга санап бүттү. Бул тууралуу БШКнын сайтында көрсөтүлөт.
Анда 2474 шайлоо участкасындагы бюллетендер автоматтык санактан да, кол түрүндө эсептөөдөн да толугу менен өткөнү жазылат. Бир шайлоо участкасындагы шайлоонун жыйынтыктары жокко чыгарылган.
Добуш берүүгө 3 563 574 шайлоочунун ичинен 1 401 726 жаран катышкан. Бул жалпы шайлоочулардын 39,33 пайызын түзөт.
Натыйжада Садыр Жапаров добуштардын 79,23 пайызына ээ болуп алдыга озуп чыккан. Экинчи орунда Адахан Мадумаров 6,78 пайыз, үчүнчү орунда Бабыржан Төлбаев 2,36 пайыз менен турат.