Премьер-министр Кубатбек Боронов добуш берди

Премьер-министр Кубатбек Боронов добуш берди. Сүрөттөр

49
(жаңыланган 11:35 04.10.2020)
Бул жылы шайлоо коронавирустук пандемия учурунда өткөрүлүүдө. Боронов шайлоочулар, комиссия мүчөлөрү, байкоочулар жана тартипти камсыздоочу жактар санитардык-эпидемиологиялык жана бет кап режимин толук сактоо керек экенин белгиледи.

БИШКЕК, 4-окт. — Sputnik. Премьер-министр Кубатбек Боронов Жогорку Кеңештин депутаттарын шайлоодо Бишкек шаарындагы № 62 мектеп-гимназиясында жайгашкан № 1105 шайлоо участкасында добуш берди. Бул тууралуу өкмөттүн маалымат кызматы кабарлады.

  • Премьер-министр Кыргызской Республики Кубатбек Боронов проголосовал на выборах депутатов Жогорку Кенеша Кыргызской Республики на избирательном участке № 1105, расположенном в школе гимназии № 62 города Бишкек.
    Премьер-министр Кубатбек Боронов Жогорку Кеңештин депутаттарын шайлоодо Бишкек шаарындагы № 62 мектеп-гимназиясында жайгашкан № 1105 шайлоо участкасында добуш берди
    © Пресс-служба правительства / Алишер Алиев
  • Премьер-министр Кыргызской Республики Кубатбек Боронов проголосовал на выборах депутатов Жогорку Кенеша Кыргызской Республики на избирательном участке № 1105, расположенном в школе гимназии № 62 города Бишкек.
    Бул тууралуу өкмөттүн маалымат кызматы кабарлады
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министр Кубатбек Боронов Жогорку Кеңештин депутаттарын шайлоодо Бишкек шаарындагы № 62 мектеп-гимназиясында жайгашкан № 1105 шайлоо участкасында добуш берди

Ал республика боюнча 2 430 шайлоо участкасы ачылганын белгиледи.

"Бул шайлоо тилкелери коронавирус пандемиясын эске алуу менен Жогорку Кеңеш депутаттарын шайлоо процессин өткөрүүгө даяр. Шайлоо тынч маанайда өтөт деп ишенем. Өз кезегинде өкмөт ачык, таза жана атаандаш шайлоо өткөрүүгө бардык шарттарды түзүп берүүдө", — деди Боронов.

Премьер-министр эл активдүүлүгүн көрсөтүп шайлоого барып, өлкөнүн келечеги жана өнүгүшү үчүн туура тандоо жасайт деп ишенерин билдирди.

"Бүгүн биз жакынкы беш жылда республиканын саясий күн тартибин аныктоочу партияларды тандайбыз. Өкмөт шайлоочулар добуш берген партиялар менен биргеликте экономиканы өнүктүрүү жана жарандардын бакубаттуулугун жакшыртуу боюнча иш алып барат", — деди ал.

Үстүбүздөгү жылы шайлоо коронавирустук пандемия учурунда өткөрүлүүдө. Боронов шайлоочулар, комиссия мүчөлөрү, байкоочулар жана тартипти камсыздоочу жактар санитардык-эпидемиологиялык жана бет кап режимин толук сактоо керек экенин белгиледи.

Кол шилтеп койбойлу! Президент Сооронбай Жээнбеков добуш берди

Өкмөт башчы шайлоо процесси санарип технологияларын пайдалануу менен өтүп жатканын белгилеп, идентификациялоо биометрикалык маалыматтардын негизинде, ал эми добуштарды эсептөө автоматтык эсептөөчү урналарды пайдалануу менен жүрүп жатканына токтолду.

Өлкө аймагында шайлоо кандай өтүп жатканын Sputnik агенттигинин жүргүзүп жаткан тексттик трансляциясынан көрүп-билүүгө болот.

49
Белгилер:
Кубатбек Боронов, шайлоо, добуш, өкмөт, санарип, коронавирус
Москвадагы талибдердин делегациясы

Москва талибдерден афган элине либералдуу мамиле күтөрүн айтты

95
(жаңыланган 19:12 25.10.2021)
Кабуловдун айтымында, аймактык өлкөлөр өкмөттү түзүүдө талибдерден "чечкиндүүрөөк жана батыл кадамдарды" күтүп жатат.

БИШКЕК, 26-окт. — Sputnik. Талибдерде ("Талибан"*) инклюзивдик өкмөттү түзүү боюнча кандайдыр бир мөөнөт боюнча алкак, чектөө жок. Бул тууралуу РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.

"Жок, эч кандай мөөнөт коюлган эмес. Бул "Москва форматынын" милдети да эмес болчу. Биз талибдерге алардын мындан аркы иши жана анын графигин тагуу үчүн чогулган жокпуз, андай эмес", — деген Кабулов "Россия сегодня" эл аралык маалымат агенттигинде журналисттерге брифинг өткөрүп жатып.

Диломаттын айтымында, аймактык өлкөлөр өкмөттү түзүүдө талибдер "чечкиндүү жана батыл кадамдарды" жасайт деген пикирде.

Кабулов, андан сырткары, Москва талибдерден элге карата либералдуу мамиле кылууну күтө тургандыгын айтты.

"...Жаңы бийликтен биз көбүрөөк либерализмдин жаралышын, ооба, өзүнүн маданий-диний салттарына таянышын, бирок либерализмдин көбүрөөк болушун күтүп жатабыз", — деди Кабулов.

Буга чейин да аталган темада кеп кылган Кабулов Москвадан талибдерге дүйнөлүк коомчулуктун пикирине кулак төшөп, ири алдыда элдин үнүн угуу боюнча айткандарын билдирген.

* — Кыргызстан, Россия жана башка бир катар өлкөлөрдө тыюу салынган уюм

95
Белгилер:
Афганистан, Россия, ТИМ, санкциялар, 'Талибан' кыймылы, Замир Кабулов
Тема:
Афган бийлиги менен талибдердин тиреши
Тема боюнча
Бишкекте КМШнын коопсуздук кызматынын өкүлдөрү жолукту. Эмне талкууланды
Москвага талибдердин делегациясы келди
Нарындын мэри Арслан Сталбек уулу

Шаардык кеңеш шайлаган Нарындын мэрин БШК кызматтан алып койду. Себеби

191
(жаңыланган 18:38 25.10.2021)
Жаңы мыйзам күчүнө киргенине байланыштуу шаардык кеңеште өткөн шайлоонун жыйынтыгын БШК тааныган жок.

БИШКЕК, 25-окт. — Sputnik. Борбордук шайлоо комиссиясы Нарын шаарынын мэри тандалган шайлоонун жыйынтыгын жокко чыгарды. Бул тууралуу БШКдан билдирди.

Белгилей кетсек, 22-октябрда Нарын шаардык кеңешинин депутаттары Арслан Сталбек уулун калаа мэри кылып шайлаган.

БШК ошол эле күнү шайлоонун жыйынтыгын жокко чыгарганын билдирди. Буга "Жергиликтүү мамлекеттик администрация жана жергиликтүү өз алдынча башкаруу жөнүндө" мыйзамы күчүнө киргени себеп болгону белгиленет.

Аталган мыйзамга президент Садыр Жапаров 21-октябрда кол койгон. Ага ылайык, облустук жана республикалык маанидеги шаарлардын мэри президент тарабынан дайындалат.

191
Белгилер:
Нарын шаары, мэр, БШК, шайлоо, жыйынтык, кызматтан алуу
Тема боюнча
Салык кызматынын төрагасына жаңы орун басар дайындалды
Жапаров мэр, акимдерди өзү дайындамай болду, акимдин укуругу узарды. Жаңы мыйзам
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу