Акылбек Жамангулов. Архив

Премьердин бажасы коркутту деп... "Биримдиктин" сап башы Акылбек Жамангуловдун жолу

8071
(жаңыланган 10:47 05.10.2020)
Өлкө тагдырын аныктаган парламенттик шайлоо жыйынтыкталып, саналуу партиялардын өкүлдөрү калың элдин добушу менен депутат болуп келишмекчи.

Шайлоодо 7 пайыздык босого ченден өткөн партиялардын бири — "Биримдик".  Sputnik Кыргызстан маалымат агенттиги саясий уюмдун сап башында турган Акылбек Жамангулов тууралуу факты даярдады.

Жамангулов MegaCom бренди менен таанымал "Альфа Телеком" компаниясын жетектеши жана "Республика — Ата-Журт" партиясынан депутат болгону менен таанымал. Биз ал жөнүндө башка маалыматтарды топтодук.

32 жашта

1988-жылдын 24-октябрында Чүй облусунун Кемин шаарында туулган.

Атасы аткаминер жана бизнесмен болгон

Жекшен Жамангулов Спирт жана алкоголдук ичимдиктерди өндүрүү, сактоо жана жүгүртүү мамлекеттик агенттигинин директору болгон. Ошондой эле ал Балыкчыдагы ликер-арак заводун негиздеген компаниялардын бирин жетектеген. Апасы Нуржамал Ысык-Көлдүн Тоң районунун кызы.

Өкүл атасы аба майданды жетектеген

Жамангуловдун өкүл атасы — Эрик Шайдинов, 2011-2013-жылдары "Манас" аба майданын жетектеген. Ошол эле жылдары Жамангулов аэропорттун башкаруучулук кеңешинин мүчөсү, жетекчинин жардамчысы болгон.

Новый директор ЗАО Альфа Телеком Акылбек Жамангулов
© Sputnik / Табылды Кадырбеков
Жамангулов MegaCom бренди менен таанымал "Альфа Телеком" компаниясын жетектеши жана "Республика — Ата-Журт" партиясынан депутат болгону менен таанымал

15 жашында иштей баштаган

Эмгек жолун 2003-жылы 15 жашында Балыкчыдагы "Көк-Ойрок" ликер-арак заводунан баштаган. 17 жашында "Альфа Ширсфилд Аудит" ишканасынын кардарларды тартуу бөлүмүнө ишке орношкон. 18 жашында "Альфа Маркетинг" ЖЧКсында коомчулук менен байланышуу боюнча менеджер болуп иштей баштаган.

Ээрге бекем отурат. Өкмөт башчылыкка аттанган Боронов тууралуу 7 факты

Үй-бүлөсү

Жубайы Чолпон экөө үч баланы тарбиялап жаткан кези. Келинчеги ага мектепти аяктаары менен турмушка чыккан.

Жылкыга кызыгат

Жылкы баласын абдан баалап, эс алуусун ат минип өткөрүүнү жакшы көрөт. Буга чейин берген маектерине караганда, айына жок дегенде эки жолу шаар четине чыгып, таза абада ат минет. Негизи эле мал-жанга жакын. Кичине кезинен эле чоң атасына кошулуп жайлоого мал көчүрүп, тоо койнунда конуп-түнөп жүргөн.

Үч жогорку билими бар

2011-жылы Кыргыз-Россия Славян университетин финансы жана кредит адистиги боюнча аяктаган. 2014-жылы ТИМдин дипломатиялык академиясынын эл аралык мамилелер бөлүмүн бүтүргөн. Үчүнчү жогорку билимди Кыргыз мамлекеттик юридикалык окуу жайынан алган.

Новый директор ЗАО Альфа Телеком Акылбек Жамангулов во время интервью на радио Sputnik Кыргызстан
© Sputnik / Табылды Кадырбеков
Эмгек жолун 2003-жылы 15 жашында Балыкчыдагы "Көк-Ойрок" ликер-арак заводунан баштаган

"Республика — Ата-Журттан" депутат болгон

2015-жылы Жогорку Кеңештин VI чакырылышында "Республика — Ата-Журт" саясий партиясынан депутат болгон. Бул чакырылышта "Биримдик" менен шайлоого аттанган.

Тойлорго мораторий

2018-жылы Жогорку Кеңеште мамлекеттик маанилүү болбогон той-топурга 5 жылга чейин мораторий киргизүүнү сунуштаган. Анда Жамангулов мамлекеттик бюджеттин эсебинен 100дөн ашуун иш-чара өткөрүлөрүнө нааразы болгон.

Геосаясатты чагат. Ысык-Көлгө башчы болгон Балбак Түлөбаев тууралуу 7 факты

Байлыгы

Акылбек Жамангулов 2018-жылы депутат катары декларация тапшырган. Анда баалуу металлдарынын баасы 2,9 миллион сом экени көрсөтүлөт. Маданий баалуулугу бар буюмунун баасы 500 миң, кыймылдуу мүлкү 3,85 миллион сомго бааланган. 130 миңдик үй канаттуулары, 2,95 миллиондук жылкысы, 3,6 миллиондук бодо малы жана 4,9 миллион сомдук кой-эчкиси бар. Тиричилик техникасы, эмерек, үйгө керектүү буюмдарынын баасы 2,2 миллион сом. Gold King Plus компаниясындагы 60 пайыздык үлүшүн ишенимдүү тарапка өткөрүп берген. 140 чарчы метрлик батирде жашайт. Мындан сырткары, контейнер, гаражы бар. Бир жылда 544 миң сом киреше тапкан.

Абылгазиевдин бажасы коркутту деп...

2018-жылы Акылбек Жамангулов жетектеген MegaCom бренди менен таанымал "Альфа Телеком" компаниясы "КТ Мобайл" ишканасы менен иштешүү укугун берген тендерди жеңип алат. Бирок техникалык маселелерге келгенде эки компаниянын ортосунда түшүнбөстүк жаралган, тагыраагы, мамлекетке караштуу "КТ Мобайл" өз алдынча уюлдук оператор болорун жарыялаган.

Ал ортодо "КТ Мобайлдын" жетекчилери 300-350 миң маяна алары айтылып, директордун орун басары өкмөт башчы Мухаммедкалый Абылгазиевдин бажасы Иманкадыр Рысалиевдин баласы экени аныкталган. Бул коомчулукта резонанс жаратып, жетекчилердин баары иштен кетүүгө мажбур болгон.

Депутат Жогорку Кенеша от фракции Республика — Ата-Журт Акылбек Жамангулов. Архивное фото
© Фото / пресс-служба ЖК
2015-жылы Жогорку Кеңештин VI чакырылышында "Республика — Ата-Журт" саясий партиясынан депутат болгон. Бул чакырылышта "Биримдик" менен шайлоого аттанган

Бул чырдын айланасында депутаттык комиссия түзүлгөн. Анда MegaCom бренди менен таанымал "Альфа Телеком" компаниясынын жетекчиси Акылбек Жамангулов аны Иманкадыр Рысалиев коркутуп жатканын билдирген. Ал тургай "үй-бүлө, балдарыңды кара" дегенин айткан. Рысалиев мындай жол менен "КТ Мобайл" ишканасын ишке киргизүү үчүн каражат которуусун талап кылган. Ал эми Рысалиев Жамангуловдун айткан дооматтары суу кечпей турганын билдирген

Көптөгөн талаш-тартыш, бир нече адамдын кызматтан кетүүсү менен "КТ Мобайл" уюлдук оператору 2019-жылы август айында MegaCom компаниясынын базасында иштей баштаган. Salam соода маркасы менен таанымал.

MegaCom компаниясындагы ордун ИИМдин мурдагы башчысы аткарууда

Акылбек Жамангулов парламенттик шайлоого аттангандыгына байланыштуу "Альфа Телеком" ишканасынын башкы директорунун милдетин аткаруучу болуп Абдылда Суранчиев дайындалган.

Суранчиев 2013-2014-жылы ИИМди жетектеген. Андан соң MegaCom компаниясынын башкы директорунун орун басары болуп келген.

8071
Белгилер:
өмүр баян, "Биримдик" партиясы, Акылбек Жамангулов, Кыргызстан
Тема:
Шайлоо-2020 (253)
Тема боюнча
58 өлкөгө барып келген депутаттар. ЖКнын VI чакырылышы тууралуу кызыктуу фактылар
Ак үй. Архив

Садыр Жапаров: Ак үйдү оңдоого 450 млн. эмес, 10 эле млн. сом кетет

360
(жаңыланган 16:45 25.10.2020)
Буга чейин депутат Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

БИШКЕК, 25-окт. — Sputnik. Ак үйдү оңдоо иштерине 450 миллион сом кетет экен деген маалымат туура эмес. Бул тууралуу Садыр Жапаров Telegram каналы аркылуу билдирди.

Анын айтымында, 450 миллион сом — бул парламенттик шайлоого жумшалган каражат.

"450 миллион сом Ак үйдү оңдоого кетчү чыгым экен деп адашып айтып жатышат. Имаратты ремонттоого көп каражат кетпейт. Кыдырып баарын көрүп чыктым. 10 миллион сомго жетпеген каражат керектелет. Тапшырмаларды бердим. Жакын арада оңдоо иштери бүтөт", — деп жазды Жапаров.

Эске салсак, буга чейин парламенттин бюджет жана финансы комитетинин мүчөсү, премьер-министрдин коомдук башталыштагы кеңешчиси Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

360
Белгилер:
ремонт, Акылбек Жапаров, Ак үй, Садыр Жапаров
Тема:
Парламенттик шайлоодон кийинки окуялар
Тема боюнча
Депутат: Ак үйдү калыбына келтирүүгө 450 млн. сом керек
Дипломаттар. Архив

Кыргызды сагынганда “Ала-Тоо таңшыйтты” баштан-аяк ырдап... Дипломаттардын баяны

62
(жаңыланган 15:30 25.10.2020)
Дипломатия өзгөчө адистик. Бул кесиптин ээлери — мамлекеттүлүктүн өбөлгөсү. Ошол эле учурда абдан оор кесип.

Өлкөнүн кызыкчылыгы үчүн бир маселени чечүү бир нече дипломаттын өмүр жашын алышы мүмкүн. Кылдат чеберчилик жана иш билгилик талап кылынат. Кыргызстандын дипломаттары далай сыноодон өтүүдө. Алар ар дайым өлкөнүн улуттук намысы үчүн эмгектенип келет. 24-октябрда кесиптик майрамын белгилеген дипломаттардын башынан өткөн окуяларын колумнист Алмаз Батилов жазып алган.

КР атайын жана ыйгарым укуктуу кенже элчиси Сактанбек Кадыралиев

  • Сактанбек Кадыралиев (слева второй) вместе со спикером парламента Баварии. Мюнхен. 2000 год
    КР Атайын жана Ыйгарым укуктуу кенже элчиси Сактанбек Кадыралиев (сол жактан экинчи)
    © Фото / из личного архива Сактанбека Кадыралиева
  • Сактанбек Кадыралиев вместе с супругой Чолпон . Бангладеш. 1987 год
    Сактанбек Кадыралиев Чолпон жубайы менен
    © Фото / из личного архива Сактанбека Кадыралиева
1 / 2
© Фото / из личного архива Сактанбека Кадыралиева
КР Атайын жана Ыйгарым укуктуу кенже элчиси Сактанбек Кадыралиев (сол жактан экинчи)

Ата Мекенге кусалык

— 1984-жылы Кыргыз ССРинин Министрлер советинин орун басары Курманбек Аташев жетектеген мамлекеттик делегациянын курамында Түштүк Йеменге бардым. Анда Кыргызстандын чет өлкөлөр менен достук жана маданий байланыштар коомунда иштечүмүн. Достук коому ар жылы чет өлкөлөрдө Кыргызстандын маданият күндөрүн өткөрүп турчу. Бул делегациянын курамында Алтынбек Сапаралиев, Хусейн Мухтаров, Даниэль Назарматов, Самара Токтакунова өңдүү элибиздин көрүнүктүү маданий ишмерлери бар эле. Ошол учурда Йемен эки бөлөк мамлекет болуп, экөөнүн ортосунда карама-каршылык абдан күчтүү болчу. Түндүк Йемен АКШ менен Сауд Аравиянын таасиринин алдында. Ал эми Түштүк Йемен СССРдин Түштүк Батыш Азиядагы эң маанилүү өнөктөшү эле. Бул мамлекетте миңдей советтик адис эмгектенчү.

Ачык асман астында концерт койдук. Хусейн агабыз советтик кыргыз жана орус романстарын, өзгөчө даңазалуу орус ырчысы Федор Шаляпиндин белгилүү “Вдоль по Питерской” ырын аткарганда советтик адистердин шолоктоп ыйлаганына күбө болдум. Ал кезде чет жерде Ата Мекениңди, маданиятыңды сагынып куса болуп буркурап ыйлаарыңды анча түшүнбөптүрмүн. Алтынбек агабыз “Кантың бар”, “Смуглянка” ырларын созгондо мекендештерибиз дүркүрөтө кол чаап, кайра-кайра суранып, ырдатып жатышты. Назарматов жетектеген чакан музыкалык топтун коштоосунда Самара эжебиз кыргыздын “Көкөй кести” “Маш ботой”, “Ак тамак, көк тамак” күүлөрүн чертип йемендиктерге комуздун ушунча чебер аспап экенин далилдеди. Белгилүү кинорежиссер Нуртай Борбиев Йеменге барган иш-чарабыз тууралуу даректүү тасма тарткан.

1985-жылы Бангладешке СССРдин элчилигине иштегени барганда Түштүк Йемендеги советтик адистердин абалын даана түшүндүм. Кыргызстанга куса болгон учурда жубайым Чолпон экөөбүз батирде “Ала-Тоо таңшыйт” ырлар жыйнагын ачып алып баштан-аяк ырдаар элек, ала барган комузумду чертчүмүн. Кыргыз ырлары менен күүлөрү жазылган аудиокассеталарын ала баргам. Аларды үйдө жана автоунаанын магнитофонунан угар элек. Бир айда СССРден бир эле жолу почта келчү. Аны чыдамсыздык менен күтөсүң. Элчиликтеги ар бир үй-бүлө жакындарынан 10-20дан кат алар эле. Ушул каттарды окуганда кээси сагынычтан ыйлаганын, айрымдары кубанганын көрдүм. Ошентип Бангладеште төрт жыл сегиз ай иштедим. Интернетке рахмат, бүгүнкү дүйнө жүзүндөгү дипломаттарда маалымат жагынан мындай көйгөй жок.

ТИМдин III катчысы жана мамлекеттик кызматтын III класстагы кеңешчиси Акылбек Жумабаев

Советник посольства КР в Узбекистане Акылбек Жумабаев. Ташкент. 1994 год
© Фото / из личного архива Акылбека Жумабаева
ТИМдин III катчысы жана мамлекеттик кызматтын III класстагы кеңешчиси Акылбек Жумабаев

Ташкентте кыргыз дипломаттарга батир берилген

— 1994-жылы ноябрь айында КРдин Өзбекстандагы элчилигине кеңешчи болуп дайындалдым. Бул кызматка мени Кыргызстандын бул өлкөдөгү биринчи элчиси, белгилүү жазуучу Салижан Жигитов чакырган. Агай аябай көрөгөч эле. Кыргызстан улуттук валютасын кабыл алгандан пайдаланып, Ташкенттин борборунан элчилик үчүн эки батир алдык. Белгилей кетчү жагдай, аларды ТИМден бир тыйын сурабастан элчиликтин үнөмдөлгөн каражатына алганбыз. Анын үстүнө Өзбекстандын жетекчилиги бизге колдон келген жардамын аяган жок. Буга чейин Салижан агай элчиликтин кеңсеси менен батирлери үчүн арзан баада эмерек сатып алган. 1995-жылы агайдын ордуна белгилүү мамлекеттик ишмер Батыралы Сыдыков дайындалды. Анын демилгеси менен Ташкенттин чок ортосунан элчилик үчүн имарат жана батирлер сатып алынды. Азыркы күндө Өзбекстандын борборунда иштеген кыргыз дипломаттарынын баары батир менен камсыздалган жана элчиликтин кеңсеси үчүн ижара акысы төлөнбөйт. Тилекке каршы, батир маселеси Кыргызстандын башка элчиликтеринде толугу менен чечиле элек. Бүгүнкү күндө бул максатта мамлекеттик казынадан ири сумма сарпталат.

КРдин атайын жана ыйгарым укуктуу элчиси Эрик Асаналиев (1959-2020)

В посольстве КР в Таджикистане в ( центре) Эрик Асаналиев. Душанбе. 1998 год
© Фото / из личного архива Эрика Асаналиева
КР Атайын жана Ыйгарым укуктуу элчиси Эрик Асаналиев (ортодо)

Душанбеде жансакчысы жок иштедим

— 1992-жылы Тажикстанда жарандык согуш башталды. 1994-жылы бул өлкөдөгү абалды ичинен тыкыр иликтөө үчүн КР ТИМинин жетекчиси Роза Отунбаева мени өзгөчө тапшырма менен элчи кызматына дайындады. Үч жыл бою Тажикстанга барып-келип иштедим. 1997-2001-жылдары бул коңшу өлкөдө КРдин атайын жана ыйгарым укуктуу элчиси болуп дайындалдым. Ошол учурда кээ бир элчилерге кол салган учурлар болду. Ошондуктан Душанбе шаарындагы башка кесиптештеримдин көпчүлүгүн жансакчылар кайтарышты. Индиянын элчиси экөөбүз гана жансакчысы жок иштедик. Тажикстандын курамындагы Тоолуу Бадахшан автономдуу облусунун Ишкашим районунда кыргыз тынчтык орнотуучу батальону жайгашкан эле. Бул батальондун аскерлеринин ичинен бир нечесин жансакчы кылып алсам болмок. Бирок баш тарттым. Себеби КРдин мыйзамында эгерде алардын бирөөсү чагымчылдыктан же кол салуудан курман болуп, жараат алса, жоопкерчиликти ким тартаары жазылган эмес. Кыргызстан жарандык согушка карабастан Тажикстанга блокада кылган жок. “Жарандарыңар ээн-эркин кыргыз-тажик чек арасынан өтүүдө. Эки тарапка тең бирдей мамиле кылып расмий Бишкек бейтарап саясатты карманып жатат. Дал ушул себептен эки жактан эч кандай чагымчылдык жана кол салуу болбошу керек” деп расмий Душанбе жана бириккен тажик оппозициясынын өкүлдөрү менен жолуккан учурда сүйлөшкөм. Эки жак тең сөзүнө турду. Азыркы күндө эгерде кыргызстандык дипломаттар жогоруда айтылган абалга дуушар болсо, коопсуздугу кандайча камсыздалат деген маселе курч турат.

62
Белгилер:
дипломатиялык ишмер, элчи, Кыргызстан
Киши автоунааны айдап бара жатат. Архив

Бишкекте айдоочу милицияга ойдон чыгарылган комитеттин документин көрсөткөн. Сүрөт

0
(жаңыланган 17:18 25.10.2020)
Кайгуул кызматынын милиционерлери Toyota Camry үлгүсүндөгү автоунааны токтотушкан. Документтерди текшерүү учурунда 27 жаштагы киши өзүн кылмыштуулук жана коррупцияга каршы күрөшүү комитетинде иштей турганын айтып, күбөлүгүн көрсөткөн.

БИШКЕК, 25-окт. — Sputnik. Өзүн кылмыштуулук жана коррупцияга каршы күрөшүү комитетинде иштейм деп тааныштырган айдоочу жасалма документ менен кармалды. Бул тууралуу Милициянын кайгуул кызматынан кабарлашты.

  • Поддельное удостоверение, которое водитель предъявил сотрудникам милиции. 25 октября 2020 года
    Өзүн "кылмыштуулук жана коррупцияга каршы күрөшүү комитетинде иштейм" деп тааныштырган айдоочу жасалма документ менен кармалды
    © Фото / пресс-служба УПСМ Бишкека
  • Водитель предъявивший патрульным милиционерам поддельное удостоверение при остановке его машины в Бишкеке. 25 октября 2020 года
    Билдирмеге ылайык, окуя 25-октябрга караган түнү болжол менен саат 01:40тар чамасында Чүй жана Манас проспектилеринин кесилишинде болгон
    © Фото / пресс-служба УПСМ Бишкека
1 / 2
© Фото / пресс-служба УПСМ Бишкека
Өзүн "кылмыштуулук жана коррупцияга каршы күрөшүү комитетинде иштейм" деп тааныштырган айдоочу жасалма документ менен кармалды

Билдирмеге ылайык, окуя 25-октябрга караган түнү болжол менен саат 01:40тар чамасында Чүй жана Манас проспектилеринин кесилишинде болгон.

"Кайгуул кызматынын милиционерлери Toyota Camry үлгүсүндөгү автоунааны токтотушкан. Айдоочунун документтерин текшерүү учурунда 27 жаштагы киши кылмыштуулук жана коррупцияга каршы күрөшүү комитетинде иштей турганын айтып, күбөлүгүн көрсөткөн. Анын автоунааны мас абалында башкарып бара жатканы да аныкталган", — деп айтылат маалыматта.

Териштире келгенде КРде андай комитет жок экени маалым болгон.

Аталган факты Биринчи май райондук ички иштер башкармалыгы тарабынан Кылмыштардын жана жоруктардын бирдиктүү реестрине катталып, Жазык кодексинин 359-беренеси ("Жасалма документ") боюнча иш козголуп, сотко чейинки өндүрүш иши башталды.

Иши жеңилдеди. Патрулдук милиция айдоочуларды эми планшет менен текшерет

Ал эми автоунаа убактылуу токтотуучу жайга киргизилген. Айдоочунун жасалма документ боюнча иши Биринчи май райондук ички иштер башкармалыгынын тергөө кызматына өткөрүп берилди.

0
Белгилер:
Жол кайгуул кызматы, милиция, айдоочу, документ, жасалма
Тема боюнча
Портер талкаланып, айдоочусу жабыркаган. Оштогу үрөй учурган кырсыктын видеосу
Кара-Суу: унаадан чыккан өрт эки кичинекей баланын өмүрүн алды