Төрөбай Зулпукаров. Архив

Россияда мигрант болгон. Төрөбай Зулпукаров жөнүндө 6 факты

2191
(жаңыланган 23:20 04.10.2020)
Жогорку Кеңештин VII чакырылышына депутаттарды шайлоо жараяны аяктап, парламентке эл өкүлү болуп келе тургандардын айрымдарынын ысымы белгилүү болду.

Sputnik Кыргызстан агенттиги шайлоодо жеңген партиялардын алдыңкы тизмесиндеги талапкерлер жөнүндө кызыктуу фактыларды сунуштайт.

Бул жолу "Биримдик" партиясынын тизмесинде үчүнчү болуп турган белгилүү саясий ишмер Төрөбай Зулпукаров жөнүндө кеп болот.

Депутат ЖК 6 созыва Торобай Зулпукаров от партии СДПК. Архивное фото
© Sputnik / Табылды Кадырбеков
Төрөбай Зулпукаров

Төраганын ысымы ыйгарылган. Төрөбай Зулпукаров 1974-жылы 19–январда Ош облусунун Ноокат районундагы Кара-Таш айылында жарык дүйнөгө келген. Атасы милиционер болуп иштесе, энеси колхоздо эмгектенген. Ал төрөлгөндө ата-энеси жакшылыктан үмүт кылып Кыргыз ССРинин Жогорку Советинин президиумунда 33 жыл төрага болгон Төрөбай Кулатовдун ысымын ыйгарган. Кичинекей Төрөбай төрөлгөндө Кулатов Ноокатка иш сапары менен барган экен.

Азыркы депутаттардын 84ү кайрадан шайлоого бара жатат. Тизме

Эмгек жолун ИИМден баштаган. Мектепти аяктаганда Кыргыз Республикасынын Куралдуу күчтөрүнүн Улуттук гвардиясынын атайын багыттагы бөлүмүндө кызмат өтөп, эмгек жолун Ички иштер министрлигинин дене тарбиялык даярдык боюнча инструктору болуп баштаган. Ал жакта үч жылдай эмгектенген.

Депутат ЖК 6 созыва Торобай Зулпукаров от партии СДПК на заседании. Архивное фото
© Пресс-служба правительства / Сабыр Аильчиев
Төрөбай Зулпукаров

Россиядагы мигрант. Бишкекте жаңы үйлөнгөн ИИМ кызматкери айлыгы аз болуп кыйналгандыктан жумушун таштап, 1998-жылы Россияга иштегени кеткен. Бөтөн жерде ал алгач соода-сатык менен алектенип, кийин ишкерликке ыктаган.

Тарыхчы, юрист. 26 жашында Кыргыз мамлекеттик улуттук университетинин тарых факультетин аяктаган. Кийин Ош мамлекеттик университетинин юридика факультетин бүтүрүп, экинчи адистикке ээ болгон.

"Биримдик" партиясынын тизмесине кимдер кирди? Аты-жөнү, кызматы

Депутат Жогорку Кенеша Торобай Зулпукаров на заседании
© Фото / пресс-служба ЖК
Төрөбай Зулпукаров

Ишкерликтен парламентке. Запастагы полковник 12 жылдай (1998-2010) жеке ишкерлик менен алектенип, 2010-жылы Кыргызстан социал-демократиялык партиясынын (КСДП) тизмеси менен Жогорку Кеңештин депутаты болуп шайланган. 2012-2015-жылдар аралыгында ЖК төрагасынын орун басары кызматын аркалаган. Мамлекеттик кызматтын III класстагы мамлекеттик кеӊешчиси 2015-жылы кайра ошол эле саясий партиядан Жогорку Кеңештин VI чакырылышына депутат болуп келген.

Төрт баланын атасы. Белгилүү саясатчы учурда келинчеги менен эки уул, эки кызын тарбиялап келет. Бош убактысында спорт менен алектенет. Ал спорттун кармашып урушуу (рукопашный бой) түрү боюнча чебери, 2-дан кара курдун ээси.

2191
Белгилер:
факты, депутат, Төрөбай Зулпукаров, Кыргызстан
Тема:
Шайлоо-2020 (253)
Тема боюнча
КСДПнын чачыраган мүчөлөрү. Кимиси кайсы партиядан орун-очок алды
Президенттин Иш башкармалыгына жетекчи болуп дайындалган Балбак Түлөбаев. Архив

Балбак Түлөбаев президенттин иш башкармалыгына жетекчи болуп келди

43
(жаңыланган 12:57 26.10.2020)
Түлөбаев 5-октябрдагы элдик толкундоолордон кийин "моралдык укугу жоктугун" айтып, облус башчылык кызматын тапшыруу боюнча арызын жазган.

БИШКЕК, 26-окт. — Sputnik. Президенттин иш башкармалыгына жетекчи болуп Балбак Түлөбаев келди. Бул тууралуу Sputnik агенттигине Түлөбаев өзү билдирди.

“Өкмөттүн Ысык-Көлдөгү ыйгарым укуктуу өкүлү кызматынан кеттим. Себеби мага башка жумуш сунушталды. Президенттин иш башкармалыгына бармай болдум”, - деди ал.

Түлөбаев 5-октябрдагы элдик толкундоолордон кийин "моралдык укугу жоктугун" айтып, облус башчылык кызматын тапшыруу боюнча арызын жазган. Бирок анын отставкасын эч ким кабыл алган эмес.

35 жашка чыкпай жогорку кызматты ээлеген аткаминерлер. Тизме

Эске салсак, мындан бир нече ай мурда, тагыраагы, 27-июлда, Түлөбаев өкмөттүн Ысык-Көл облусу боюнча ыйгарым укуктуу өкүлү болуп дайындалган эле. Ага чейин Бишкек мэриясынын аппаратын жетектеп турган.

Түлөбаев 2004-2010-жылдары президенттин иш башкармалыгында жетекчинин кеңешчиси жана биринчи орун басар болуп да иштеген.

43
Белгилер:
иш, Балбак Түлөбаев, Кыргызстан
Тема боюнча
Ысык-Көлдө унаа жолун бойлой туристтер үчүн 17 STOP түйүнү курулат
Нариман Түлеев Бишкек мэринин милдетин аткаруучулукка кайтып келди
Бишкек шаарынын вице-мэри жана мэрдин милдетин аткаруучу Нариман Түлеев. Архив

Нариман Түлеев Бишкек мэринин милдетин аткаруучулукка кайтып келди

71
(жаңыланган 12:15 26.10.2020)
Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды колдобой турганы айтылат.

БИШКЕК, 26-окт. — Sputnik. Нариман Түлеев өзүнүн биринчи вице-мэр жана мэрдин милдетин аткаруучулуктан кетүү боюнча жазган арызын кайтарып алды. Бул тууралуу муниципалитеттин маалымат кызматынан бидиришти.

"Биз, Бишкек шаарынын мэриясы, учурда калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептелерин расмий билдиребиз. Аны 21-октябрь күнү отставкага кеткен мурдагы жетекчи Азиз Суракматов дайындаган", — деп айтылат билдирүүдө.

Маалыматка караганда, Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды тааныбайт.

Түлеев мэрияда кырдаал тынчыбаса кайра кызматка келип аларын эскертти

Ошондой эле шаар жетекчилигинен, мыйзамга ылайык, муниципалдык кызматкер арыз жазгандан тарта, эгер жетекчилиик ага кол кое элек болсо, үч күндүн ичинде чечимин өзгөртсө болорун кошумчалашты.

"Түлеевди кызматтан бошотуу боюнча чечим бүгүнкү күндө жок. Андыктан ал юридикалык жактан дагы, факты түрүндө дагы биринчи вице-мэр боюнча калат", — деп айтылат маалыматта.

Эске салсак, 21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен.

Анын эртеси Наримин Түлеев мэрдин милдетин аткаруудан да, вице-мэрликтен да баш тартып арыз жазган.

71
Белгилер:
арыз, Бишкек мэриясы, Бишкек, Нариман Түлеев
Тема боюнча
Бишкектин вице-мэри Абдылдаев Финполго сурак берди. Себеби