Кыргызстан партиясынын лидери жана талапкерлердин тизмесинде биринчи болуп турган Канат Исаев. Архив

Сын менен чырга жакын "Кыргызстандын" лидери Канат Исаев тууралуу 11 факты

564
(жаңыланган 23:20 04.10.2020)
"Кыргызстан" партиясынын тагдыры шайлоого чукул эки ирет кылдын учунда турду. Алгач саясий уюм БШК менен соттошсо, кийинкиде талапкери — Дастан Жумабеков добуш сатып алды жана админресурсту колдонду деп айыпталган.

Акыры партия шайлоого катышып, андан жеңүүчү болду. Буга байланыштуу Sputnik Кыргызстан маалымат агенттиги "Кыргызстан" партиясынын лидери жана талапкерлердин тизмесинде биринчи болуп турган Канат Исаев тууралуу фактыларды топтоду.

Чүйдүн кулуну

Канатбек Исаев 1975-жылдын 7-февралында Чүй облусунун Кошой айылында төрөлгөн. Жогорку билимдүү, 1996-жылы Кыргыз мамлекеттик улуттук университетин аяктаган.

Үй-бүлөсү

Канат Исаев 7 бир тууган. Агасы Талантбек Исаев ИИМдин Адистештирилген мамлекеттик коргоо кызматынын башкы башкармалыгынын жетекчиси болгон. Ага чейин Жол кайгуул кызматын башкарган.

Атасы тууралуу ачык булактарда маалымат жок. Апасы Асымбүбү Ташыбаева 1941-жылы 12-майда Нарын облусунун Ак-Талаа районунда туулган. Ал өмүрүнүн соңуна чейин мугалимдик кесипти аркалап, 50 жылдан ашык физика-математика сабагынан балдарга билим берген. Ошондой эле Баатыр эне ордени менен сыйланган, эл агартуучунун төш белгисине, ошондой эле КРдин эмгек сиңирген мугалими наамына татыган. Ташыбаева быйыл, 2020-жылы, 6-июлда 79 жаш курагында дүйнө cалды.

Депутаттар кесиптештери үчүн 230 жолу добуш берген. ЖКдагы жыйындар боюнча факты

Жеке жашоосу

Исаев келинчеги Жамиля менен мектепте окуп жүргөндө эле таанышкан. Учурда жубайлардын беш баласы бар. Улуусу Бермет экономист, былтыр турмуш жолуна аттанган. Экинчиси Чыңгыз шахмат боюнча бир нече мелдештин жеңүүчүсү. Андан кийинки балдарынын аты Тынай жана Канышай. Ошондой эле жубайлар былтыр кыздуу болушкан.

Депутат ЖК шестого созыва Канатбек Исаев от партии Кыргызстан. Архивное фото
© Sputnik / Табылды Кадырбеков
Канатбек Исаев 45 жашта. 1975-жылдын 7-февралында Чүй облусунун Кошой айылында төрөлгөн

Жылкы баласына жакын

Исаев жаштайынан жылкыга жакын, ар дайым ат минип, улакка дагы түшөт. 2002-жылы көк бөрү боюнча "Тынай" аталышындагы профессионалдык команда түзгөн. 2011-жылдан тарта Көк бөрү федерациясын жетектей баштаган.

Эмгек жолун фискалдык органдарда иштөөдөн баштаган

Канат Исаев 1997-2000-жылдары Мамлекеттик салык кызматында, андан кийин Мамлекеттик салык инспекциясынын Свердлов райондук башкармалыгында стажер, инспектор, ага инспектор, башкы инспектор болуп эмгектенген.

2003-2008-жылдары болсо Чүй райондук кеңешинин депутаты, "Тынай-Ата" уюмунун төрагасы, Экономика жана каржы министрлигинде алдыңкы адис, Газ чарбачылыгы башкармалыгынын жетекчи орун басары, облустук башкармалыктын жетекчиси, башкы дирекциянын мүчөсү катары иштеген.

Токмокту башкарып турганда жемкорлукка айыпталган

Канат Исаев 2008-2010-жылы Токмок шаарынын мэри болгон. Ал бул кызматта жүргөн кезде муниципалдык жер тилкесин жеке компанияга соода борборун куруу үчүн берген деп "Коррупция" беренеси менен айыпталган. Бирок 2018-жылы берене "Кызмат абалынан кыянаттык менен пайдалануу" деп өзгөртүлүп, мөөнөтү өтүп кеткендиктен иш кыскартылган.

Массалык башаламандык уюштурган деп УКМК кармаган

Канат Исаев 2017-жылы массалык башаламандык уюштурууга жана бийликти күч менен басып алууга даярдык көргөн деп айыпталып, УКМК тарабынан кармалган.

Исаевден тышкары уюшкан кылмыштуу топтун мүчөлөрү да кармалганы айтылган. Башкы прокуратуранын тараткан маалыматы боюнча, Исаев эгер президенттикке талапкердин бири шайлоодо утулуп калса, массалык башаламандык уюштуруу, бийликти басып алуу боюнча айрым адамдар менен сүйлөшүп макулдашкан. Исаев кийинчерээк үй камагына чыгарылган.

Депутат Канат Исаев вышел под домашний арест
© Фото / предоставлено Алмамбетом Шыкмаматовым
Исаев органдар тарабынан жемкорлукка, массалык башаламандык уюштурууга жана бийликти басып алууга айыпталган. Кийин кылмыш иштери кыскарып, үй камагына чыккан

Агасы ал үчүн ИИМдеги кызматынан кеткен

Канат Исаевге жогорудагы кылмыш иштери козголгондон кийин агасы Талантбек Исаев ИИМдин Адистештирилген мамлекеттик күзөт кызмат башкармалыгынын жетекчилигинен өз каалоосу менен кеткен. Бирок кийинчерээк кайтып келерин, ал эми кайсы кызматка экендиги белгисиз экендигин айткан.

Сариев Исаевди керт башын ойлойт деп...

Экс-премьер-министр Темир Сариев Канат Исаевди Балыкчы — Корумду унаа жолунун тендери боюнча чыккан жаңжалдын себепчилеринин бири деп атаган. Мурунку өкмөт башчы аны тендерге катышууга ниеттенген "Империя групп" компаниясынын кызыкчылыгын көздөгөн деп айыптап, Исаев мамлекет жана коом кызыкчылыгынан өзүнүн керт башынын пайдасын жогору коерун билдирген.

"Республиканы", андан кийин "Кыргызстанды" жетектеди

В 2010-жылы Жогорку Кеңештин V чакырылышынын депутаты болуп шайланган. 2010-жылдын декабрь айынан баштап 2012-жылдын июнь айына чейин "Республика" фракциясын жетектеген. Андан соң фракциядан чыгып, "Бирдиктүү ынтымак" деген депутаттык топту жетектеген.

Члены политической партии Кыргызстан на съезде в городе Бишкек
© Фото / штаб партии "Кыргызстан"
Алгач 2010-жылы "Республика" партиясынан депутат болуп шайланган. Ал эми беш жылдан кийин "Кыргызстан" партиясынын эл өкүлү, фракция лидери болду

2013-2015-жылдары өкмөттүн Чүй облусундагы ыйгарым укуктуу өкүлү катары эмгектенип, парламенттик шайлоого катышууну чечкендиктен кызматын тапшырган.

2015-жылдын октябрь айынан баштап "Кыргызстан" партиясынын тизмеси менен Жогорку Кеңештин VI чакырылышынын депутаты, фракция лидери болуп келе жатат.

Исаев жана көк бөрү чыры

Былтыр февралда Көк бөрү федерациясынын президенти Жыргалбек Саматов кызматтан кетип, анын ордуна дароо эле "Түндүк электр" ишканасынын директору Искендер Кадыркулов шайланган. Эртеси, Канат Исаев 2013-жылы Көк бөрү федерациясын жетектеп турганда Казакстан негиздеген "Түрк тилдүү элдердин салттык спорту ассоциациясына" мүчө болуп кирүүгө кол койгон деген документтер тарап, аны чыккынчы деп атагандар болгон. Бул документ Кыргызстан көкпарды эл аралык оюн катары таанып, өнүктүрүүгө макулдугун берди дегенди түшүндүрөт дешкен.

Өзү ал кол койгон документ кыргыз элинин кызыкчылыгына каршы келбейт деген.

"Ал ассоциацияга киргенибиз — улуттун кызыкчылыгына каршы келди дегенге туура келбейт. Мүчө болсо эле тай казан эрежеден алып салынат дегенди түшүндүрбөйт. Документтерди бирөө атайын таратууда. Муну атайын бирөө уюштурушу мүмкүн. Жетекчиликтен кеткенден кийин маселенин баарын башка бирөөгө оодарууга аракет жасалып жатат, ким каралап жатканын айтпай эле коёюн", — деген Исаев.

564
Белгилер:
үй-бүлө, өмүр баян, лидер, "Кыргызстан" партиясы, Канатбек Исаев
Тема:
Шайлоо-2020 (253)
Тема боюнча
Бажы ачык иштейт, облустар жоюлат. "Мекеним Кыргызстан" партиясынын убадалары
Президенттикке талапкер болгон полковник. Улукбек Кочкоров жөнүндө 8 факты
Оорукана курабыз, 50 миң сом сүйүнчү беребиз. "Кыргызстан" партиясынын убадалары
Кишилер жаштардын аллеясында бара жатат. Архив

Жамалбек Ырсалиев Бишкектин вице-мэри болуп дайындалды

54
(жаңыланган 20:18 29.10.2020)
Жаңы дайындалган вице-мэр борбор калаанын турак жай жана коммуналдык чарба боюнча маселелерин тескейт.

БИШКЕК, 29-окт. — Sputnik. Бишкек шаарынын вице-мэри болуп Жамалбек Ырсалиев дайындалды. Бул тууралуу калаа мэриясынын маалымат кызматы билдирди.

Тиешелүү буйрукка мэрдин милдетин аткаруучу Балбак Түлөбаев кол койгон. Жаңы дайындалган вице-мэр борбор калаанын турак жай жана коммуналдык чарба боюнча маселелерин тескейт.

Кайрадан орун алмашуу. Балбак Түлөбаев жаңы вицелерди дайындады

Жамалбек Ырсалиев буга чейин Бишкек шаардык кеңешинин депутаты болуп иштеген.

54
Белгилер:
Жамалбек Ырсалиев, Бишкек, дайындоо, вице-мэр
Тема боюнча
Бишкекте эки райондун акими кызматтан кетүүгө арыз жазды
Россиянын Вашингтондогу элчиси Анатолий Антонов. Архив

РФ элчиси Европанын гиперүндүү ракеталар боюнча билдирүүсүнө жооп берди

56
(жаңыланган 15:43 29.10.2020)
Аталган келишим глобалдуу стратегиялык коопсуздукту камсыздоо максатында түзүлгөн. 2019-жылдын августунда АКШ "Россиянын эреже бузган кадамдарынан улам" макулдашуудан чыгып кеткен.

БИШКЕК, 29-окт. — Sputnik. Россиянын Вашингтондогу элчиси Анатолий Антонов Европага ракета техникасын жайгаштырууга шашпай туруу керектигин эскертти. Дипломаттын сөзүн РИА Новости жазды.

Эскерте кетсек, АКШ президентинин улуттук коопсуздук боюнча кеңешчиси Роберт О'Брайен шаршемби күнү Вашингтон Россияны тизгиндөө үчүн Европага гиперүндүү куралы менен баллистикалык ракеталарды жайгаштырууга даяр экенин жар салган.

Россияга "кыямат күндүн учагын" кайра жасоонун эмне зарылдыгы бар?

"Мындай билдирүүлөр регионалдык жана глобалдуу коопсуздукту туруксуздаштыруу кооптуулугун шарттайт, каршылашууну күчөтөт. Эгер Вашингтон куралданууга чындап көзөмөл жүргүзүүгө кызыкдар болсо, бул үчүн европа континентине ракеталарды жайгаштыруунун зарылдыгы жок", — деген Антонов.

Ал Владимир Путиндин Орто жана жакынкы ыраактагы ракеталарды жок кылуу боюнча келишимдин (ДРСМД) токтотулган шартында деэслакация сунушун "конструктивдүү альтернатива" деп атады.

Аталган келишим глобалдуу стратегиялык коопсуздукту камсыздоо максатында түзүлгөн. 2019-жылдын августунда АКШ "Россиянын эреже бузган кадамдарынан улам" макулдашуудан чыгып кеткен. Вашингтон Москвага тыюу салынган 9М729 ракетасын иштеп чыгып сынады деп кине койгон. Ал эми Россия бардык ишти уруксат берилген 500 чакырымга чейинки аралыкта жүргүзгөнүн айтып келет.

Суверенитетти коргоо: россиялык С-500 абадан коргонуу тутумун кимдер сатып алат?

Ушул жумада Путин ракета жарышын токтотуу механизмдерин иштеп чыгууну сунуштаган. РФ лидери Москва өлкөнүн европалык бөлүгүнө 9М729 ракетасын жайгаштырбай турганын, бирок НАТО тараптан да ушундай эле жооп күтөрүн билдирген. Ал муну менен бирге альянска Европа жана Калининграддагы объектилерде жайгаштырылып жаткан Мк-41 жана 9М729 техникасын текшерүүнү сунуштаган. Ал эми Германия ТИМинин өкүлү Андреа Зассе бул демилге "ишеним жаратпай турганын" билдирди. 

56
Белгилер:
коопсуздук, келишим, Владимир Путин, АКШ, Россия, ракета
Тема боюнча
Казакстанда ракетадан коргонуу боюнча Россиянын жаңы системасы сыналды. Видео
Медициналык факультеттин студенттери. Архив

Пакистандын кара тизмесиндеги медициналык окуу жайлардын ректорлору эмне дейт

109
(жаңыланган 19:40 29.10.2020)
Пакистан Кыргызстандын бардык медициналык окуу жайларын кара тизмеге киргизди. Үч окуу жайдын ректорлору мындай чечимдин себебин айтып беришти.

Бүгүн Пакистан Кыргызстандын медицина адистерин даярдаган окуу жайларын кара тизмеге киргизгени маалым болду. Өлкө мындай чечимин Кыргызстандан билим алган студенттердин 90 пайызы Пакистандын медицина кеңешинен милдеттүү түрдө каралган экзаменди тапшыра албай, дипломдору таанылбай жатканы менен түшүндүрдү.

Билим берүү жана илим министри Алмазбек Бейшеналиев Кыргызстан аталган тизмеге билим берүүнүн начар сапатынан улам киргенин боолголоодо. Мындан тышкары, окуу жайлардын басымдуу бөлүгү эл аралык аккредитациядан өткөн эмес.

Sputnik агенттиги бир нече окуу жайдын ректорлору менен байланышып, түзүлгөн кырдаалды түшүндүрүп берүүнү өтүндү.

Министр Пакистандын элчиси менен кара тизмеге кирген ЖОЖдорду талкуулады

КММА

Иса Ахунбаев атындагы Кыргыз мамлекеттик медицина академиясында Пакистандан келген жүздөгөн студент билим алат. Ректор Индира Кудайбергенованын айтымында, алардын саны төрт жыл мурун, өлкөгө комиссия келип кеткенден кийин өскөн.

Профессор, доктор медицинских наук, ректор КГМА Индира Кудайбергенова. Архивное фото
© Фото / пресс-служба КГМА
Иса Ахунбаев атындагы Кыргыз мамлекеттик медицина академиясынын ректору Индира Кудайбергенова
"2016-жылы республикага Пакистандан атайын комиссия келген. Ал өлкөнүн төрт окуу жайын талапка жооп берет деп тапкан, анын ичинде Медакадемия да бар. Калганы жактырылган эмес. Бул төрт жылдын ичинде 9-10 медициналык окуу жай ачылып кетти. Чакан өлкөгө мынча медициналык ЖОЖдун эмне кереги бар деген кадыресе суроо туулат", — деди Кудайбергенова.

Ректордун айтымында, кыргызстандык окуу жайлардын айрым бөлүгү чет өлкөлүк студенттерди окута алат, буга бардык шарты бар.

"Менимче, бул жаңылыштык болуп калды. Медиктерди даярдаган окуу жайлардын баарын бир катарга коюп коюшуптур, тизмеге бардык ЖОЖдор кирип калган. Бирок төрт-бешөөнүн чет элдик студенттердин окутууга бардык мүмкүнчүлүгү бар. Биз Пакистандын медицина кеңеши 2016-жылы талапка ылайык келет деп таап кеткен окуу жайларды тизмеден чыгарууну өтүнүп кайрылуу жасадык", — деди Кудайбергенова.

Жетекчи КММАда Сирия, Корея жана башка мамлекеттерден келген студенттер да билим аларын кошумчалады.

Инфекционист, эпидемиолог көздөн учту. Жети дубандын эли кантип дарыланууда

Эл аралык жогорку медицина мектеби (ЭЖММ)

ЭЖММ — Кыргызстандын эл аралык университетинин академиялык консорциумунун структуралык бөлүмү. Студенттердин басымдуу бөлүгү чет өлкөлүктөр. Ректор, профессор Сталбек Ахунбаевдин айтымында, түзүлгөн кырдаал күтүлүп эле келген: биринчи коңгуроо Пакистан медициналык билим берүү маселелери боюнча биргелешкен комиссия түзүп, Кыргызстанга жибергенде эле кагылган.

"Комиссия мүчөлөрүн биздин өлкөдөгү ар бир окуу жай өзүнүн программасы менен иштей турганы, ошондой эле медициналык билим берүүнү тескеген кесипкөй ассоциациянын жоктугу абдан таң калтырган. Ошондон кийин комиссия тааныган төрт окуу жай эл аралык өнөктөштөр менен иштешүүгө ыңгайлуу болушу үчүн ассоциация түзүү чечимин кабыл алган", — деп түшүндүрүп берди Ахунбаев.

Ректордун айтымында, Кыргызстанда билим берүү ишмердүүлүгү үчүн лицензия алуу кыйла жеңил.

"Талап андай катаал эмес, кыска убакытта медиктерди даярдаган көп окуу жайдын ачылып кеткени да ушундан. Азыр мындай окуу жайлардын саны 20га чукулдап калды. Бул чакан мамлекет үчүн өтө көп", — деди жетекчи.

Ахунбаев кара тизме түзүүдө Пакистан окуу жайдын өзүн эмес, жалпы өлкөнү карай турганын белгиледи.

"Кара тизмеге мамлекет кирет. Учурунда пакистандык студенттер үчүн Румыния да "жабылган". Куба да ушундай тагдырга туш болгон", — деди ректор.

Ахунбаевдин баамында, Пакистандын медицина кеңеши Кыргызстанга комиссия жөнөтөт, бирок бул качан ишке ашары белгисиз. Мындан улам министр менен жолуккан ректорлор көйгөйдү чечүү боюнча алгачкы аракеттерин сунушташкан.

"Биз Пакистанга кара тизмени кайра карап чыгууну сунушташыбыз керек экенин, биринчи этабында 2016-жылы талапка жооп берет деген төрт окуу жайды андан чыгаруу керектигин айттык. Экинчиден, окуу жайлардын топторго бөлүп, аталган тизмеден чыгуу жолдорун иштеп чыгуу зарылдыгын белгиледик", — деди жетекчи.

Венгрия: кыргызстандык студенттерге бекер окуу шарты түзүлдү

"Ала-Тоо" эл аралык университети

"Ала-Тоо" эл аралык университетинин ректору, доцент Санжарбек Эрдолатов окуу жайдын медицина факультети алгачкы студенттерди былтыртан тарта кабыл ала баштаганын билдирди. Анын айтымында, университет дарыгерлерди даярдап чыгара элек, бирок билим алуу үчүн окуу жайда бардык шарт бар.

Ректор международного университета Ала-Тоо доцент, Санжарбек Эрдолатов
© Фото / предоставлено Санжарбеком Эрдолатовым
"Ала-Тоо" эл аралык университетинин ректору, доцент Санжарбек Эрдолатов
"Бул көйгөйдөн чыгып кетерибизге ишенем. Комиссия Кыргызстанга келип, пакистандык студенттерге кайсы окуу жайлар төп келерин аныктап кетсе болот. Биздин окуу жайда эл аралык стандарттарга жооп берген заманбап лаборатория иштейт", — деди ал.

Эрдолатовдун айтымында, Кыргызстанга келген пакистандык студенттер кабылган көйгөйлөрдүн бири — жергиликтүү окутуучулардын англис тилинин деңгээли.

"Пакистандык студенттер окутуучулар тийиштүү деңгээлде англис тилин билбегендиктен да сапаттуу билим ала албай жатышат. Биз, мисалы, лекторлорду башка өлкөлөрдөн чакырабыз", — деди ректор.

Ал айрым учурда чет элдик студенттер билим алуу шарты менен жатакана боюнча да көйгөйгө тушугарын белгиледи.

"Мен студенттерге бирди көрсөтүп, алар келгенден кийин таптакыр башка көрүнүшкө туш болорун уккам. Мисалы, башка жатакананын эле сүрөтүн пайдаланышат да, студент Кыргызстанга келгенден кийин нааразы болот", — деди Эрдолатов.

Ректор учурда билим алып жаткан пакистандык студенттерге окуусун аяктоого мүмкүнчүлүк берүү керек деген пикирин кошумчалады.

109
Белгилер:
кара тизме, медицина, ЖОЖ, окуу жай, Пакистан, Кыргызстан
Тема боюнча
Пакистан Кыргызстандын медициналык окуу жайларын кара тизмеге киргизди. Себеби