Кыргызстан партиясынын агитация баннери

Оорукана курабыз, 50 миң сом сүйүнчү беребиз. "Кыргызстан" партиясынын убадалары

227
(жаңыланган 23:09 04.10.2020)
Жаңы төрөлгөн ымыркайга 50 миң сом сүйүнчү пул беребиз, балдар үйүнүн бүтүрүүчүлөрүн турак жай менен камсыздайбыз, заманбап ооруканаларды курабыз, чиновниктерди азайтып, паракорлукту түп-тамырынан жоёбуз. "Кыргызстан" партиясы дал ушундай убадалар менен шайлоодон өттү.

Канатбек Исаев жетектеген саясий уюм ушуну менен экинчи ирет парламентке бара жатат. Программасын "Экономика саясаттан маанилүү!" деген сап менен баштаган. Адегенде эле чиновниктердин санын кескин кыскарта турганын айтып, бирок кайсы органда иштегендер кызматынан кол жууй турганын белгилеген эмес.

Sputnik агенттиги "Кыргызстан" саясий партиясынын элге берген негизги убадалары менен тааныштырат.

Соттор эл алдында жооп берет. "Биримдик" кандай убада менен шайлоодон жеңди

Паракорлукту түп-тамырынан жоёбуз

Биздин өлкөдө көптөгөн чиновниктер жана бири-бирин кайталаган мамлекеттик органдар көп. Партия натыйжасыз чиновниктерди кыскартууга жетишет. Өлкөгө компетенттүү гана адистер керек, ошондуктан биз аларга татыктуу эмгек акы төлөшүбүз абзел. Бул паракорчулукту түп-тамырынан жоюуга өбөлгө түзөт.

Ар бир чиновниктен отчёт алуу тутумун түзөбүз.

Мамлекеттик текшерүүлөрдү кыскартабыз.

Биз көзөмөлдөөнүн так жана ачык тутумун түзөбүз.

Натыйжалуу мыйзамдар натыйжасыз жана коррупциялык мамлекеттик текшерүүлөрдү жокко чыгарат.

Биздин мигранттар – биздин инвесторлор!

Россияда Кыргызстандын 600 миңден ашык жараны жашайт. Алар өлкө үчүн мыкты инвесторлор.

Ар бир эмгек мигрантынын кесиби болушу керек. Бул үчүн биз өлкөнүн бардык аймактарында акысыз кесиптик билим алууга мүмкүнчүлүк беришибиз керек. Бул ага жумуш таап кирешесин көбөйтүүгө жардам берет.

Ошондой эле жарандарыбызга кош жарандуулук берүүгө жетишкенге аракет кылабыз.

Салыктар азаят

Салыктарды максималдуу кыскартуу программасын иштеп чыгабыз.

Төмөн салыктар дүйнө жүзү боюнча олуттуу инвестицияларды тартууга мүмкүнчүлүк берет. Бул айлык акысы жогору болгон жумуш орундарынын санын, ошондой эле пенсия жана жөлөк пулдарды көбөйтүүгө шарт түзөт.

Заманбап ооруканаларды курабыз

Биз заманбап ооруканаларды курабыз жана Медициналык тез жардамдын сапатын жакшыртып, керебеттердин санын көбөйтөбүз. Жогорку технологиядагы медицинанын өнүгүшү үчүн шарттарды түзөбүз. Бул биринчи кезекте жугуштуу ооруларды алдын алуунун ролун жогорулатат.

Тез жардам станциялары жетиштүү сандагы тез жардам унаалары менен жабдылышы керек.

Медицина кызматкерине кам көрүү — партиянын артыкчылыктуу максаттарынын бири. Адам өмүрүн сактагандар эң жогорку деңгээлдеги жашоого татыктуу.

Арзан баадагы турак жай

Биз таштандыларды натыйжалуу иштетип,  таштандыларды кайра иштетүүчү заманбап ишканаларды ишке киргизебиз.

Арзан баада турак жай куруунун жаңы механизмин иштеп чыгабыз.

Ипотеканын алгач негизги суммасын, андан кийин пайыздарды төлөп бергендей кылууга жетишебиз. Бул ипотека насыясынын жалпы суммасын эки эсеге кыскартат.

"Балага сүйүнчү" 50 миң сом

Жаңы төрөлгөн ымыркайларга берилүүчү сүйүнчү пулду 50 миң сомго чейин жеткирүүгө аракетибизди улантабыз.

Биз жетимдерди жана балдар үйлөрүнүн бүтүрүүчүлөрүн турак жай менен камсыздоо механизмин иштеп чыгабыз.

Мугалимдер өнүккөн өлкөлөрдө билимин жогорулатат

Биз мугалимдерге өнүккөн өлкөлөрдө билим деңгээлин жогорулатуу мүмкүнчүлүгүн беребиз.

Мыйзамдуу түрдө мугалимдердин "Атайын статусун" аныктайбыз.

ЕАЭБ мүмкүнчүлүктөрүн 100 пайыз пайдалануу

Бүгүнкү күндө Кыргызстан ЕАЭБдин активдүү эмес мүчөсү болууда жана биз колдон чыгарылган мүмкүнчүлүктөрдүн толук спектрин көрүп жатабыз.

ЕАЭБдин мүмкүнчүлүктөрү жана потенциалы 185 миллион сатуу рыногуна жол ачат.

Кыргызстан өз экономикасын өнүктүрүү жана модернизациялоо үчүн ЕАЭБдин мүмкүнчүлүктөрүнүн бардык көлөмүн колдонушу керек.

Бир вице-премьерди Ошко көчүрүү

Партия чек ара жана күч түзүмдөрүн тескеген вице-премьерди Ош шаарына которууну сунуштайт.

Күч түзүмдөрүнүн жетекчилеринин орун басарларынан турган курам өлкөнүн чек ара аймактарында болушу керек.

Чек аралар такталбаган аймактарга жана жарандарга өзгөчө статус берилиши зарыл.

Жылына эки миллион турист тартабыз

Биз туризм тармагына заманбап иш ыкмаларын киргизебиз. Инфратүзүлүштү жана кызмат көрсөтүүлөрдү өнүктүрүү үчүн шарт түзөбүз.

Биз мыйзамдуу түрдө ар бир туристтин коопсуздугун камсыз кылабыз.

"Кыргызстан" партиясынын программасын толугу менен БШКнын сайтынан окуй аласыздар.

227
Белгилер:
чиновник, сүйүнчү, депутат, убада, парламент, программа, "Кыргызстан" партиясы
Тема:
Шайлоо-2020 (253)
Тема боюнча
Кайсы партияга канча мандат тиет. Тизме
Бажы ачык иштейт, облустар жоюлат. "Мекеним Кыргызстан" партиясынын убадалары
Бишкек шаарынын мэринин милдетин аткаруучу болуп Балбак Түлөбаев. Архив

Кайрадан орун алмашуу. Балбак Түлөбаев жаңы вицелерди дайындады

80
(жаңыланган 10:53 29.10.2020)
Кадрдык өзгөрүүлөр тууралуу тиешелүү токтомго шаарга жаңы эле башчынын милдетин аткаруучу болуп келген Балбак Түлөбаев кол койгон.

БИШКЕК, 29-окт. — Sputnik. Бишкек мэриясында кайрадан кадрдык алмашуу болуп, Алмаз Бакетаев биринчи вице-мэрликке кайтып келди. Бул туурасында муниципалитеттин маалымат кызматынан кабарлашты.

  • Алмаз Бакетаев биринчи вице-мэрликке кайтып келди
    Алмаз Бакетаев биринчи вице-мэрликке кайтып келди
    © Фото / Республиканский штаб КР по борьбе с COVID-19
  • Социалдык суроолор боюнча вице-мэрликке Айжан Чыныбаева дайындалды
    Социалдык суроолор боюнча вице-мэрликке Айжан Чыныбаева дайындалды
    © Sputnik / Табылды Кадырбеков
1 / 2
© Фото / Республиканский штаб КР по борьбе с COVID-19
Алмаз Бакетаев биринчи вице-мэрликке кайтып келди

Анын ордундагы Нариман Түлеев иштен бошотулган.

Бишкек мэриясынын алдында кайрадан митинг. Сүрөт, видео

Ал эми социалдык суроолор боюнча вице-мэрликке Айжан Чыныбаева дайындалды.

Тиешелүү токтомдорго шаарга жаңы эле башчылыктын милдетин аткаруучу болуп келген Балбак Түлөбаев кол койгону белгилүү болду.

Калаа башчысынын орду 5-6-октябрдагы элдик толкундоо болгондон бери талашта болчу. Азиз Суракматов өз каалоосу менен арызын жазып кеткенден кийин анын ордуна биринчи вице-мэр болуп дайындалган Нариман Түлеев келген. Бирок анын бул кызматка келишине нааразы болгон эл мэриянын алдында митинг өткөрүп, жыйынтыгында Түлеев кетип, мэрдин милдетин вице-мэр Алмаз Бакетаев аткара баштаган.

Бирок абал тынчыбагандыктан, Нариман Түлеев кызматтан кетүү боюнча арызын кайра кайтарып алган. Бишкек шаарынын мэриясы калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептеле турганын билдирген.

Ага нааразы болгон топ 26-октябрда мэриянын алдында кайрадан митинг өткөргөн.

Көп өтпөй учурдагы бийлик мэриянын мурдагы аппарат жетекчиси Балбак Түлөбаевди өкмөттүн Ысык-Көл облусу боюнча ыйгарым укуктуу өкүлчүлүгүнөн бошотуп, Бишкектин мэринин милдетин аткаруучу кылып дайындаган.

80
Белгилер:
вице-мэр, Бишкек, Кыргызстан
Тема боюнча
Балбак Түлөбаев ишке киришери менен эки вице-мэр кызматтан кетти
9М729 ракеталары. Архив

ТИМ Путиндин сунушуна Батыштын кылган мамилесин кескин сындады

37
(жаңыланган 10:21 29.10.2020)
Путин дүйшөмбү күнү АКШ Орто жана жакынкы аралыкка атылуучу ракеталарды жоюу боюнча келишимден чыгып кеткенден кийин Европадагы чыңалып жаткан кырдаалды жөнгө салуу боюнча жаңы демилгесин айткан.

БИШКЕК, 29-окт. — Sputnik. Россия президенти Владимир Путиндин РСМД боюнча сунушу Европада жаңы "ракеталык каатчылыктардын" пайда болушун алдын алуу ниети болчу. Азыр бул чечимге кол шилтегендер Европанын коопсуздугуна жоопкерчиликсиз мамилесин көрсөтүп жатат. Мындай пикирин РФ ТИМинин жетекчисинин орун басары Сергей Рябков РИА Новостиге берген маегинде билдирген.

"Айтылган сунуштар олуттуу текшерип, билип-үйрөнүүнү талап кылат. Анын тереңинде фундаменталдык ой жатат, ал РФ жетекчилигинин Европадагы аскердик-саясий абалдын турукташуусуна жол табууга кылган ишаратынын белгиси. Булар Европада жаңы "ракеталык каатчылыктардын" пайда болушун алдын алуу үчүн жасалууда", — деген Рябков.

ТИМ өкүлү учурда ставкалар "өтө жогору" жана "Путиндин сунуштарына кол шилтегенге аракет кылгандар" аталган аймактын коопсуздугуна кенебестик менен мамиле жасап жатат деген маанайда пикирин билдирген.

"Өзүнүн коопсуздугун эске алганда деле, биринчи терс маанайдагы ойлонулбаган билдирүүлөрдү дал Европанын өзүнөн уктук",— деген Рябков.

Президент Путин дүйшөмбү күнү АКШ Орто жана жакынкы аралыкка атылуучу ракеталарды жоюу боюнча келишимден (РСМД) чыгып кеткенден кийин Европадагы улам чыңалып бара жаткан абалды жөнгө салуу боюнча жаңы демилгесин айткан. Тагыраагы, эгерде НАТО тараптан да кадам ташталса, Москва өз ыктыяры менен өзүнүн европалык бөлүгүнө 9М729 ракеталарын бурбай, топтобой турарын билдирген. Альянска Европадагы Aegis Ashore комплекстерин Мк-41 орнотуучу жабдуулары менен кошо текшерип алууну сунуштап, ага Калининград объектилериндеги 9М729 ракеталарын кошкон.

"Жок дегенде аракет кылып көрүш керек". СНВ-3 макулдашуусун узартуу боюнча пикир

Демилгеге биринчилерден болуп расмий Берлин жооп кайтарып, НАТОнун мурдагы позициясын бетке кармап, РСМД боюнча россиялык идея ишенимге татыктуу эмес деген пикирин айткан. Өз кезегинде Лондон аталган долбоорун ийгиликсиз болуп калышына кайрадан Россияны күнөөлөдү. Франция гана Россиядан сунушталган демилге боюнча кененирээк айтышын күтүп жаткандыгын билдирди.

Өлкөнүн ТИМ өкүлү "европалыктардын коопсуздугуна негиз салуучу элемент" болгон РМСД боюнча макулдашууну сактап калууга чечим табылбагандыгына өкүнгөндүгүн айтты.

37
Белгилер:
сунуш, келишим, Владимир Путин, АКШ, Европа, Россия
Тема боюнча
"Ачык каалганы каккылоо". Москва АКШны жаза таюудан сак болууга чакырды
Ооруканадагы койкалар. Архив

Бишкекте COVID жуктургандар кайсы ооруканага бара алат? Тизме

0
(жаңыланган 11:05 29.10.2020)
Кечээги күнгө салыштырмалуу ооруканалардагы орундар азайып баратат. Кээ бир стационарларда бейтаптар толуп калгандыктан, жата турган жер жок.

БИШКЕК, 29-окт. — Sputnik. Бишкек шаарындагы ооруканаларда коронавируска кабылгандарды жаткыруу үчүн 66 бош орун бар. Бул тууралуу Саламаттык сактоо министрлигинин маалымат кызматы кабарлады.

Маалымат 28-октябрь күнү саат 8:00гө карата берилди.

Коронавирус дагы 522 кишиден табылып, бир бейтап көз жумду

  • Кыргыз-түрк "Достук" ооруканасы — 2;
  • Улуттук фтизиатрия борбору — 8;
  • Улуттук хирургия борбору — 6;
  • Улуттук госпиталь — 0;
  • Улуттук кардиология жана терапия борбору — 18;
  • №1 шаардык клиникалык ооруканасы — 0;
  • Республикалык жугуштуу илдеттер ооруканасы — 2;
  • Темир жол ооруканасы — 0;
  • Эне жана баланы коргоо улуттук борбору — 10;
  • Улуттук онкология жана гематология ооруканасы — 3;
  • №2 клиникалык төрөт үйү — 17.

Кошумча маалыматты стационарлардын картасында көрсөтүлгөн номерлер аркылуу тактоого болот.

0
Белгилер:
бейтап, стационар, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Оштогу жаңы оорукана ноябрдан тарта COVID жуктургандарды дарылай баштайт. Сүрөт